catty1129's Profile

因為訂唔到附近間cafe walk in 又唔夠位，去第二到又唔夠時間，就是但入左呢間食。叫左個南瓜冬陰功海鮮焗飯，等左25分鐘，仲以為佢原個南瓜上所以咁耐，事實證明我太天真。終於上菜，只係一個兜裝住既焗飯。無所謂啦，外表既野…食落口，D汁根本無冬陰功味，無南瓜味。但最精彩都係D 所謂既魚塊。我一時衝動放左一舊入口，頂，咬唔開既???? 獲利回吐出黎，用刀切開黎見我啦，點知係咪包左塊膠黎炸!一切開，根本就係炸粉包空氣! 一滴魚都無喎! 68蚊喎! 炸瑞士山區空氣??? 成兜飯最入得口既，係個飯底，起碼係白飯!同行同事叫撈檬，落成半支sauce都話淡... 但口味呢D野各有所好啦，可能大家都想健康D呢...唯一值得提下既係個水吧，D 飲品名好有特色。但要入去堂食，又要加一，又要等，又難食，咁就絕對唔使再去啦。…Read More

openrice 訂檯, 11:30 食個brunch 再去文化中心睇show叫左egg benedictine其中一隻蛋有D 煮過龍, 蛋黃實左另一隻剛剛好流心個包唔係英式muffin而係豬仔包咁樣既包就咁試左啖汁好酸但正奇怪點解會咁既時候發現個包上面係有一D糖漬左既番茄個好酸既汁加埋呢D番茄粒真係好食到不得了brunch menu送飲品個latte 就hea左少少, 放一陣D 奶泡就消晒不過食brunch之意不在咖啡會再去食…Read More

同事搵既地方，方便同啲老細開完會就近搵地方食飯。打左幾次電話都無人聽，結果星期五走落去親身卜檯。之後問餐牌改booking 老細親自回覆，非常感謝。到事發當日（？），一行6人行上2樓，幾位大人話出面睇根本唔會諗到入黎。咁又係，出面睇明明係間bar ，得5-6個位，其實上去二樓有3張大檯，都坐到廿個人到架。貼心位：大人們因為要繼續傾野，一坐低我覺得音樂好大聲想叫人熄細聲啲，但都未叫人音樂已經細聲左。正！野食：大人們叫左意粉，牛扒，豬肋骨。湯好濃，麵包好香，薄薄一片但唔會又乾又硬，配balsamic +欖油好夾。大人甲話意粉好食，蝦睇落好新鮮。大人乙＋丙既牛扒都係叫左5成，好食又夠份量。豬肋骨口味問題，大人丁唔太愛。我自己叫意大利飯，唔覺漏或者滯，食齋啱晒。餐茶有試到橙冰茶，無特別feedback。齋啡我覺得幾好。另外叫左latte 好耐先上到，一飲完就俾大人催我賣單走人。總括，好坐，好食， lunch 價錢合理。本來好擔心，話晒生日正日要做野，朝早仲要唔多順利，好彩有個正lunch 扳回一城。下次會去試下晚餐！…Read More

同朋友&佢媽媽慶生, 見對面漢_美食要等位, 所以過黎呢間試下。其他野唔講... 重點: 佢地d野鹹到無朋友!大醬湯 (韓式味噌湯) -入唔到口, 夾硬叫白飯lo黎食, 但都係好難食。乜味都無, 得個鹹字。炒粉絲 - 又鹹又油。炸醬麵 - 成晚最食得既野。炆牛肋骨+年糕 - 都係o個個字: 鹹。燒雞肉, 餃子 - 正常, 但份量少。伴餐 - 4個人得3碟, 只得一round, 入面濕濕碎碎, 份量少。茶幾好飲。坐低一陣又叫我地轉檯, 都無問點解, 是但啦。小插曲, 隔離檯, 侍應落錯單仲要聲大夾惡, 所以我地叫野時講得好好好清楚.最後賣單6樣野, 2個白飯, $430.…Read More

鋪頭一班年輕人睇鋪, 都無乜野. 但牆到可唔可以唔好貼粗口. 你叫邊個X街隔渣都好, 都唔使寫咁大張紙貼出來.叫杯拿鐵. 又話有又話無. 算.問我熱定凍, 點知出黎杯野係暖的... 室溫既咖啡. 都算.但杯所謂既拿鐵只係一大杯牛奶加幾滴咖啡香精咁. 難飲到暈. 去隔離便利店買雀X咖啡都無咁嬲.唔知間鋪其他野好唔好飲. 但緊記, 千祈唔好買咖啡!…Read More

the coffee i had was good. good deal as well.but i went in here to hv free wifi. instead i was told that the 'free wifi' offered was actually not their own, but the free wifi from another cafe across the street.咁點解我唔一早去對面O個間呢？…Read More