or#Tm65162176's Profile

叫左個凍杏汁雙雄，即係紅豆芋圓。佃杏汁係成pet漿，真係一pet, 杰撻撻一pet. 問老闆係咁架？佢話係。芋圓唔夠發，有雪味，我真係從來冇食過咁難食嘅糖水，感覺就係全部嘢整咗出嚟擺咗好耐，完全唔覺得新鮮。其實佢開頭送錯咗一個椰汁雙紅過嚟，嗰個亦都係好難食，成碗都係淡奶，我話佢送錯咗先至換返啱個杏汁俾我，點知一樣咁難食，仲要$48。我食左幾啖真係食唔落去, 點解咁嘅質素都可以開舖頭，我真係成碗冇乜點食過，真係當做左善事算。…Read More

環境好好，坐得好舒服。但店員唔算好有禮貌。主要d嘢唔太好食。個雞蛋仔早餐，好少材料，同埋唔係咩新鮮食材。茄汁豆，太陽蛋，磨菇煙肉腸仔。平時去其他餐廳，食材就算簡單，但都食到新鮮嘅味道，呢度感覺就係食快餐，最大賣點只係叫做有個雞蛋仔，感覺特別的，但原全唔係去proper cafe 嘅質素。之後個手撕豬肉包，個包好濕，因為佢落左啲好似係紫色蘿蔔，好多水。手撕豬肉冇乜香味，同埋唔算多，感覺唔到咩口感。BEANS嘅手撕豬肉漢堡好味好多。價錢唔算貴，但唔值呢個錢。因為食材唔新鮮。…Read More

我地到左之後, 前面有四組人排隊。當其中兩組入坐之後，我們就繼續等。眼見有幾兩枱各兩坐位離開。但都沒有人帶我們入坐， 侍應們眼見這麼多人，都只是站著沒有任何反應。結果再等左15鐘之後，佢地先安排我地坐嗰張吉左15分鐘嘅枱。咁我唔明佢地點解個個企响度由d客等。我仲以為張枱係咪有咩特別用途，點知純係由d客等。排我前前後後的客都口up up話佢地太慢.…Read More

我大半年前食過一次，覺得餐牌裏便好多選擇，份量又足夠，性價比好高。點知琴日我再去食，成個餐牌轉晒，裏面選擇好少。百幾蚊嗌咗個卡邦尼意粉，點知得幾啖，我真係覺得細到離晒譜。我唔明白點解會有呢個改動，感覺價錢貴咗之餘，啲份量細得好緊要。我諗我去第二度食，起碼會飽.同埋可能佢唔想你飲清水，想你飲佢啲咖啡，佢用嚟在清水俾你嗰隻杯，又係細細隻，又係飲幾啖又要叫佢加水，其實可能真係生意難做，所以乜都要慳。不過都咁講，佢啲份量雖然細，但係啲嘢係好食嘅，不過以性價比來講，就唔值.…Read More

或者今日佢地失手，個法包偏燶，塊燒牛肉硬到我要放棄。我見到咁多好評所以過黎試下，但菜式款式少之外，用料其實好普通，我覺得個價錢真係唔值。亦唔太可以做到一間有質素嘅咖啡店水準。雖然侍應好nice.…Read More

我第一次跟朋友去呢間餐廳食lunch, 我見咁多人諗住質素都ok, 點知，中伏了。我叫左個豚肉生薑燒，個樣望落去都唔太吸引，咬落去仲驚，我第一次食豚肉生薑燒係可以難食。不論豚肉同洋蔥都一d味都冇，冇甜味冇咸味，得個鞋字。最重要係，我咬咬下突然覺得好硬，原來，佢塊塊豚肉都係有骨嘅，我真係真係第一次食生薑燒嘅豚肉有骨。又鞋又有骨，其實佢想我食咩呢。而個面豉湯，係同水無咩分別。最後，我只係食左半碗飯同幾塊豚肉跟洋蔥。其實，真係求其揾個人煮都應該好味過佢。而家要去買珍珠奶茶頂肚。…Read More