ally.man's Profile

之前食過晚餐，今日試吓飲茶，估唔到咁抵食，食物質素正常，唔算有太大驚喜，但呢個價錢，性價比絕對高。而且選擇亦都非常多，份量亦都好大份。唯一不足嘅地方係，無鳳爪排骨飯食。呢度地方好大，有好多張枱，所以比較容易搵位。鍾意食芫荽嘅人，可以試吓鯪魚球，我覺得好食。花生甜薄罉，小朋友最鍾意食。招牌海鮮腸粉，真係有多款海鮮，餡料都多。蝦餃，皮厚。小籠包，皮厚，唔推薦。煎釀虎皮尖椒，非常辣，鍾意食辣嘅人，唔好錯過，必食。…Read More

可能新開張的緣故，人很多，服務真的一般。本身安排坐入口位置，我已經說，可唔可以坐其他位置，服務員說，叫我重新的個籌號，不可以讓我等下一張枱。咁我就勉強坐低，我見附近，有桌子未有人坐，我亦未叫點心，要求再坐入少少，但服務員竟然話不可以調位，話我如果想調位，叫我出去重新輪候個座位。今時今日咁嘅服務態度，真係令人不滿。食物賣相靚，有好多新派嘅點心，出嚟嘅時候令人眼前一亮，不過味道算正常，未有太大驚喜。茶嘅選擇都多，其中人蔘烏龍，味道不錯。…Read More

環境舒適，冷氣充足，人不算多，最緊要係無限時。weekend lunch過嚟，唔洗等位，食brunch,有2 個course就$168，3個course就$188。當然食3 courses.Order完，先來法包。食咗一半先記得影相。外脆內軟，唔錯👍洋蔥湯，加$18 ，非常值得加錢叫，外層芝士香濃，加埋湯內有好多洋蔥湯，仲有麵包喺裏面，味道香濃，好夾。波菜沙律，驚喜係合桃有啲甜味，好味，波菜鮮嫰。豬腩肉配蘋果醬，都夾，但係呢款似中菜，不過不失。藍青口味道都好，但係配薯條，唔係好襯，如果可以配包就完美。甜品最後要咗法式焦糖燉蛋，焦糖味濃郁，好好味。我見隔籬枱嘅朱古力撻，好似都唔錯，下次可以試吓。唔使$200可以食到三道course嘅法國菜，我覺得係抵食。…Read More

歐式奢華設計，建議由酒店正門入。可以用餐前打下卡，以香檳及魚籽醬為賣點。我點左氣泡酒，還可以。麪包上來時微熱。前菜賣相吸引，帶子配魚子醬最夾，沙律芝士香濃，吞拿魚咸鮮味亦唔錯。呢個Dior egg賣相好靚，味道似流心蛋果凍。主菜加左錢食紅蝦意粉及牛扒，紅蝦意粉不建議加錢食，味道唔算鮮，唔特別香濃，牛扒就唔錯，牛味重，亦相當淋。意粉份量都好多👍全餐最好味係呢個tiramisu! 芝士味超級濃，配搭咖啡、朱古力味粉，好襯！呢個有得食，一定要試。呢個要加$38軟雪糕魚子醬比是日甜品tiramisu比下去，唔洗加錢試。結論係，食好嘢唔一定要加錢。餐廳嘅服務係非常好，值得讚。見我哋叫咗牛扒，主動加左杯紅酒，仲不停添。…Read More

嚟過好多次，逢星期六日，都特別多人，特別多行完山及踩單車嘅人士。唔洗加一，味道又唔錯，性價比高。最鍾意食佢嘅紅酒牛尾，屋企人就喜歡配意粉，我自己就鍾意配薯菜。牛尾煮得好淋及juicy,有好多件，平過自己買嚟煮。餐包外脆內軟，仲熱辣辣今日甘筍湯，唔係忌廉湯，感覺健康d，無咁肥…Read More

性價比相當高嘅漢煲包，漢堡包有四個sauces可以選擇，安格斯漢堡好juicy，唔鹹,生菜爽脆，麵包亦脆。呢排太熱氣，所以配沙律，無配薯條。另一個必食係三重芝士雞扒，雞扒亦多汁，芝士濃郁。…Read More

每個月至少食一次，食物質素每次都令人滿意。環境浪漫舒適，服務亦不錯。好多人慶祝生日或者結婚紀念日嘅好地方。當晚食飯，就有幾台人慶祝生日，不是播發生日歌。建議提早訂位，可以預先訂定Tiramisu，並寫上慶祝字句。食物質素一如以往好味，高質素，其中沾麵包嘅沙律醬，我哋一家人就好鍾意，麵包每次都要添多一次，主要係為個麵包醬。每次必食墨魚汁意大利粉，及忌廉青口。美中不足係限時，不過香港所有受歡迎嘅食肆都係咁。…Read More

午餐由$68至$128不等，加$10有一個湯，今日仲有$99新鮮藍青口，都好抵食。份量好多，餐牌裏面嘅薯條，可以轉做沙律、薯蓉或者意粉，可以食得更健康。食物有誠意製作。$98肉眼扒，我轉咗做沙律，本身牛扒已經配有其他蔬菜。朋友叫咗牛腱，配薯蓉，份量非常多。佢話肉眼好食啲。另一朋友食漢堡包，有牛味亦juicy，薯條份量好足夠，食唔曬。呢間餐廳都好受歡迎，滿座，都多人等位，如果想去食，其實可以預先訂位。我就自己唔鐘意杯咖啡，苦味較重。…Read More

每星期最少要到一次，呢度嘅溫泉蛋三文魚沙律，有微微嘅芥辣味道，甜甜酸酸，沙律唔單只係蔬菜，仲有水果，份量亦算多，如果主菜其中一樣變為沙律，就會更加理想。平日午餐加$18，可以有湯同埋沙律。冇限時，亦都唔會有搭枱，更加可以book位，座位亦舒服，好適合同埋朋友一齊慢慢傾，慢慢食。差唔多試晒全部主菜，推介辣汁蝦意粉、牛柳、煎魚。漢堡包就好一般。 主餐份量都好多。飲品唔使加錢，可以叫Latte 或者Mocha.…Read More

古堡歐洲設計，環境古典舒適，座位寬敞，浪漫場所。適合情侶及朋友相聚。更有代客泊車服務。午餐有400幾蚊同埋八百幾蚊嘅選擇，我哋選擇咗兩個四百幾蚊及一個八百幾蚊。我哋覺得四百幾蚊嘅選擇性價比更高。侍應態度極好，唔會要你一定要叫貴餐，仲會提醒你可以散叫，不過我哋為咗方便，就叫set。四百幾蚊嘅午餐，其實唔算貴，因為環境及服務超值，又食到好飽，侍應不斷問夠唔夠食，其實份量都好足夠好多。食物味道都好味，一定遠超「椰x閣」水準，但唔算有驚喜，算係高級餐廳水平啦。為咗環境及服務，都會再去嘅。…Read More