morningstar16's Profile

呢間係樓上店，無乜人，裝修風格都非常印度。唔鍾意晏晝食飯同人迫嘅話，嚟呢度就岩哂喇老板好好人又友善，難得灣仔呢度有性價比高嘅午餐，lunch set有湯有嘢飲，而且唔收加一。呢份牛油雞老板話有得揀唔辣，不過都有輕微辣hahaha。但印度菜嚟講算係bb辣，我本身唔太食辣但覺得還可以接受。Lunch set 量好大，有蕃茄湯，份牛油雞都有成五六舊雞，加埋大碗飯，唔洗食下午茶喇，直頭係飽到夜晚…Read More

我已嚟過好多次了，其實十年前已經嚟，嗰陣食私房菜，記憶中份量勁多，食到超級飽。十年後再去，感覺無太大改變，我昔日最愛嘅素肉松豆腐仍然喺度! 呢味菜撈飯真係一流。只要有技巧咁夾菜，60蚊左右可以食到一餐，加上飯，湯任拿，以素食嚟講，喺香港算係很不錯。老板Thomas幾好人，會照顧員工，所以餐廳氣氛都不錯。來嘅客人大多係staff多過學生，大家講嘢都唔大聲，可以靜靜地食嘢，係一種享受。而且窗外風景幾好，晚上hku嘅景色真係幾靚架。除咗自助餐外，仲有其他菜式，如車仔麵等等，好似係最近先有。我見到好多人有另外叫豆漿、果汁等等，好似幾好，搵日又試吓先！…Read More

原本想叫牛肉飯，落單時有個女人好惡咁話無飯，問佢幾時有唔答，但轉頭見有三碟飯分別去咗隔離兩張枱 @@...最後叫咗牛肉忌廉意粉，意粉唔知點解勁多黑椒 ，好辣之餘成件事完全唔match。份量都正常OK, 但又辣又咸，太重口味了。…Read More

食過好多間唔同cafe嘅all day breakfast，呢間用嘅食材感覺比較有特色😋 沙律同果醬酸酸甜甜好開胃，薯蓉肉丸配搭都幾特色，而且好飽肚。多士烤得好脆，同炒蛋一起吃，感覺幾豐富。咖啡特別配有一塊薑餅，感覺有心思。staff嘅服務都不錯😁…Read More

見sogo地庫開咗間鰻魚外賣店，馬上買嚟試吓。第一次係食鰻魚一口燒，一小份，幾啖就食哂 ，但有驚喜，食得出係日本正宗鰻魚，火候不錯，味道十分鮮美，已決定要encore這次買左鰻魚飯（竹）嚟試，店員很快就整好。外賣飯盒好精緻感覺有心思，馬上回室內開餐。外賣包除了有送餐具，仲有一包芥辣，一樽細鰻魚汁（！）其實本身個飯都夠味，送多支細鰻魚汁，感覺上係比較用心。仲有一包湯可以用熱水沖嚟飲鰻魚仍是十分鮮美，份量都ok,。價錢方面係148，以香港嘅鰻魚飯嚟講，價錢都算正常。如果飯粒再軟身啲，同埋可以少少蔬菜做配菜就更好了。btw個芥辣係我食過最辣嘅芥辣，食左一小啖已經要即刻飲嘢解辣 😅😅😅…Read More

已經係第N次嚟了，水準一直keep得好好，員工友善有禮，做嘢效率高～食物方面，魚生（特別是三文魚）新鮮 ，芥辣辣度都岩岩好，唔會太辣，有少少甜，魚生加豉油同芥辣食 ，十分鮮味。銀雪魚西京燒有驚喜，魚皮微脆十分香口 ，魚肉都算嫩滑。今次又叫咗炒雜菜同沙律，份量比想像中大，單係食完菜，湯同沙律已好飽 😁整體價錢都十分合理魚湯嘅味道十分濃郁同鮮美，只係略為咸咗啲，如果稍為無咁咸就更好了整體大部分食物質素都好，地點又方便，值得一去再去～…Read More

第二次嚟食，牛肉同米飯仍然都好好食 ，只係個牛肉餅明顯縮咗水 😥😥上個月第一次嚟嘅時候，牛肉餅係大舊啲，食完三舊肉加飯飽到一個點近八、九成飽，今次食完只係六七成飽～希望店方可以注意吓肉餅嘅份量同埋服務都有待加強，坐低之後等咗成半個鐘先上飯同湯，但明明裝飯同湯嘅煲就喺正職員後面 ，照計應該好快就上到。而當我問職員時 ，只答「同事會攞俾你」，但等咗一輪又係無人攞 😓😓希望未來服務（包括預約制度）方面都可以改善吓，都會繼續支持～…Read More

來咗呢度幾次，喺西營盤地鐵站出來，行一陣就到，位置都算方便～咖啡拉花靚，每次都有新圖案 用來打卡幾好；而dirty係用咗特別嘅杯，一啖可以同時飲到熱咖啡同凍嘅牛奶，口感豐富～Egg benedict 整得好有心思，附上比較特別嘅沙律醬，而且蛋嘅生熟度岩岩好，配上牛油果，煎腸 三文魚，味道好夾；本身我唔太喜歡食麵包，但都覺得個English muffin整得幾好食 ，加上沙律菜感覺幾清新。店員幾友善，整體感覺不錯，回頭率高。…Read More

睇到social media話呢間係日本東京過江龍，喺咖哩大獎賽攞過獎，決定來試吓😛地點都幾方便，在中環地鐵站附近，一出站過條馬路就係。店舖比較細 ，位不算多，未到7點時都有人排隊。每叫一個飯都有前菜同飲品送，我點了熱咖啡，都算幾好飲，店員服務都唔錯椰汁咖哩龍田揚炸雞飯，用嘅係黃薑飯，彈牙之餘別有一番風味～ 咖哩的確非常惹味，椰汁咖哩屬於少辣，不算咸，而且有些豬肉碎在內，口感豐富，炸雞雞肉都幾滑。唯一缺點係較貴，同埋份量如果可以多啲就更好。都會有下次 😋…Read More

來過這間小店兩次，坐得幾舒服，都唔會話有大冷氣長期吹住個頭。坐位算是闊落，夜晚靜靜地，用餐時間亦唔限時，感覺幾閒適。聽聞這家餐廳是由張家一家三口打理的，所以叫張三。老闆娘服務態度都不錯，誠懇有笑容唔會黑口黑面。今次點嘅係dinner set芝士番茄天使麵，跟沙律，一杯嘢飲同tiramisu。食物好快就整好，沙律感覺清新，不過不失；麵條散發炒香嘅香氣，軟硬度剛剛好，份量都幾大份，加上番茄十分開胃。熱飲要咗熱阿華田，沖得比好多茶餐廳好飲（誤） 👍 Tiramisu正常質素，餅底幾脆。食唔哂打包咗天使麵。全部總共一百四十幾蚊，唔收加一服務費，整體感覺都唔錯。…Read More

高街呢一頭嘅晚餐一向唔平，但呢間餐廳嘅性價比，實在令人喜出望外！份量方面，一個set dinner其實都夠兩個人食 （如果屬於細食嘅人）。水牛芝士好大份，口感好似雪糕咁，附有沙律，點橄欖油食好香，番茄也有兩種，味道是新鮮的。我向來不太喜歡食麵包，但呢間嘅麵包就做得軟綿綿，外脆內暖，十分好食，一連食哂三塊。牛扒出乎意料地大份 ！在香港食牛扒，有時幾百蚊都可能會中伏，但呢份就唔韌（我叫了五成熟），無乜渣，亦好有肉味。薯仔燶邊，有少少bbq嘅感覺。總共連服務費都係273，最後都係食唔哂，要打包走。臨近聖誕，周圍西餐廳有啲已開始起價，但呢間仍然未起價，而且仲好抵食，完全唔似呢個地段餐廳會有嘅價錢，而且service 都唔錯，令人驚喜。…Read More

堂食當日有88折，魚生飯一如既往地新鮮，仲有麵豉湯同糯米糍送。落柯打後好快就整好送上嚟，三文魚同池魚刺身都十分鮮甜，而且夠大件，我叫咗總共大概10件刺身，個飯埋單唔過130，非常抵食！…Read More

自從台灣回來後，我就開始在香港各處尋找好吃的台灣菜，回味台灣的經典菜餚。聽朋友提起灣仔這間新開的台灣菜餐廳，決定前來一試。晚上客人不多（不過侍應說中午基本上爆滿），菜餚上得很快，三杯雞是最先上的菜，也是這晚最令我驚喜的一道菜：由酒丶麻油和醬油製成的醬汁惹味香濃，咸中帶甜，甜中帶咸；洋葱、蒜頭和彩椒的香氣在高溫下悉數逼出，拌飯一流。 雞肉醃得入味，生熟度剛剛好，不會燒得太老，也不會太生，很容易就跟骨分離，也吃不到碎骨。廚師恰到好處地加上幾片羅勒作點綴 ，嚼來滿口生香，十分清新，雖然肉的份量頗多，但絲毫不覺重濁飽滯。蔬菜（包括菇類和彩椒等）的份量也很充足，這道菜至少二人份。侍應見我們吃得開懷，便推薦我們下次來吃左宗棠雞。下次定要帶友人來試吃。涼拌茄子也很快就上桌了，生熟蒜和薑蔥混在一起，吃起來有點兒辣，頗有特色。喜歡吃五辛的人（像我），應該也會喜歡吃這種醬料；茄子軟而不爛，吃起來還算爽口。如果醬汁可以多一點，拌起飯來就更加可口了。招牌紅燒牛肉麵，麵條幼身而軼腍，牛肉有濃厚的「牛味」，吃起來沒有肉渣，比台式餐廳茶木的牛肉更有誠意。份量頗為豐富，瘦小一點的女子吃完這碗牛肉麵，大概也飽了八成。建議湯底可以加一點番茄味，相信會更為濃郁惹味。最後一道菜是台式香腸炒高麗菜，鋪設十分有心思，椰菜是炒好後一層一層疊上去的， 表面上看不見香腸，其實藏在其中，少說也有十片，份量豐富。香腸是正宗的台式香腸，油光發亮，肥瘦適中，微甜。椰菜的調味較一般餐廳的炒菜清淡，相比起外邊常吃到的那些偏咸的炒菜，我比較喜歡這種清淡爽甜的蔬菜。油的份量適中 ，吃起來口感滑溜而不肥膩，如果鑊氣再強勁一點，就更加美味了。晚上不想喝奶茶，也不想喝冷飲，於是點了一杯蜂蜜紅茶。紅茶以普通黑色有耳水杯盛載，看起來很像香港的普通茶記飲料，但它的味道一點也不「茶記」，蜂蜜非常甘香清甜，令我的飽滿感彷彿也消去了一些。希望下次可以帶朋友來試試侍應推介的左宗棠雞。…Read More

這大約是我第十次來了，星記每次都沒有令我失望。侍應一如以往，很快便端來茶水和前菜：醃蘿蔔。醬汁酸甜惹味，蘿蔔微冷，切成很薄的六至七片，十分清新爽口，咬下去聽得見「嗦嗦」聲。這道菜，是我的其中一個最愛。拔絲生炒骨是我每次必點的一道菜，所謂拔絲，就是說紅醋醬汁濃稠得可以拉製成絲狀（像芝士）。酸甜的紅醋醬，伴上充滿鍋氣的洋蔥丶彩椒和鮮甜的菠蘿，實在醒胃。生炒骨的外皮頗脆，皮上一個個飽滿的「球」清晰可見。外皮並不厚，咬下去很快就品嚐到緊緻而有韌勁的豬肉，紅醋醬的味道雖然濃，但肉汁的鮮美仍清晰可嚐。這道菜，我每年都會吃兩至三次，水準頗為穩定。侍應端來薑蔥海蝦煲，一打開蓋，便送來蔥丶蒜在高溫的鍋子中散發的微焦香，還有「咋」丶「咋」聲的爆裂聲。蝦肉非常新鮮，肥厚而有彈性，伴上沾著豉油的長蔥和蒜頭，實在可以多扒一碗白飯。欖菜肉碎炒四季豆，也是我常叫的菜，愛其鍋氣十足，材料豐富，除了欖菜丶豬肉碎之外還有蝦乾（其實廚師每次都會下蝦乾，不知何故今次沒有，大概是忘記了，但依然好吃）。餸菜來得很快，不過根據以往經驗，加單就另計了，特別是人多的時候，多叫一個菜，很可能要等逾二十分鐘。吃完最後一道菜後，侍應很識做地送上糖上：紅豆沙。紅豆沙有很濃的陳皮味，吃起來滿口生香，甜度適中，不會覺得很甜膩。食物的性價比高，一般小菜大約一百元左右。星記在2017年獲米芝蓮車胎人美食推介，這樣的菜式，擔得起米芝蓮的名譽。…Read More

說起台灣餐廳，就令人聯想起一張方形木桌，一碗熱騰騰的牛肉麵，簡單而雅致，樸素而溫馨；下班後拖著疲憊的身軀進店，喝一口熱湯，點滴溫暖在心頭。「一葉」是由台灣人開設的小店，阿姨(侍應)友善殷勤，人情味濃厚，確是有點台灣的感覺。一踏進門口，就聽到似曾相識的典型台灣流行樂。牆上掛著一系列文藝風油畫，以氣氛來說，「台灣感」確是比茶木更濃厚。茶木的裝潢和氛圍，實在「香港」了一點。近日試了茶木的元貝蔥油撈麵，我決定試試一葉的雞扒蔥油撈麵，比較兩者差別。我點了menu上寫著"廚師推介"的雞扒蔥油撈麵。食物來得很快。蔥油的味道不強，吃著竟有點像營多撈麵的味道(？！) 相信喜歡營多的人會喜歡吃的lol。蔥油麵不算油膩 (茶木的比較油膩)，份量有點小，但雞扒的份量夠大。雞扒是炸的，肉有點雪藏的氣息，雞味不濃，但肉質還算嫩滑，佐甜酸醬吃也挺開胃的。我不吃炸物，將炸雞皮全放在一旁。但其實雞皮炸得很鬆脆，喜歡吃炸物的人定會喜歡（其實我也愛鬆化脆脆卜卜的炸雞皮融化在口中的感覺，可惜因健康原因已戒吃炸物）。原想多叫一份淨蔥油麵的，但侍應說要50元。雖然好吃，但50元這麼一小碗我決定...還是不了，下次再來吃豬扒或雞扒蔥油麵吧。菜甫煎蛋非常大份，只是不得不揶揄一句：廚師煮這道菜時，不知道是不是打翻了鹽瓶，我未食過這樣鹹的菜甫煎蛋......金黃豆腐來了，調味一般，蛋黃味也不明顯，還是在台灣吃的比較好吃。友人的牛肉麵也來了。牛肉軟腍，牛肉味濃厚。手作麵條柔軟而煙韌，口感比茶木的麵條更纏綿。湯底勝在夠香，嘗得出有蕃茄味，給人一種精心熬製的感覺。雖然稍咸，但勝過香港餐廳常見的速食味精湯底。食物比想像中大份，真的吃不完，於是付錢買了個外賣盒子。侍應不但形象有點似「阿媽」的感覺，行為也頗為「阿媽」，提醒我們不要將伴碟的菜葉放進去，以免葉子在盒內出水，弄濕炸物。晚餐來說，算是便宜了（人均100元左右)，而且蔥油撈麵和牛肉麵味道實在不錯。我一定會再Encore 的 。(畢竟地點也很方便，一出地鐵站，行一分鐘就到)。…Read More