wiinniecheng的個人專頁

見街坊群組推薦，又喺屋企附近，於是諗住星期日中午嚟試一試⋯點知真係大伏，唔單只係伏咁簡單，係超級伏！！罪狀一：價錢貴，冇服務之餘又要收+1服務費。喺土瓜灣呢啲民生小區，竟然收取好似西營盤堅尼地城中環咖啡廳嘅價錢。仲要由落單開始，已經唔會有人服務你，自行落單，自行出去俾錢，自行斟水，連斟水隻杯，都要自己問員工攞罪狀二：等嘢食時間好耐。由落單開始計，等咗起碼半個鐘先嚟第一杯嘢飲，等咗50分鐘先至有主食⋯大佬，慢活啫，使唔使慢到咁？罪狀三：四名員工，一個默默耕耘，其他好似發緊夢咁⋯見到得一個負責嘅嘢食，一個負責水吧，另外兩個員工純粹得閒收下錢，端吓嘢食，長期發緊夢咁⋯見到出邊好多人排隊，完全扮睇唔到，啲人冇位座，唔會安排入座 令我最嬲嘅係，佢竟然叫一個老人家坐吧枱⋯（但明明有空嘅位可以俾老人家舒舒服服咁坐） 最後，食物質素，一般，真係好一般…查看更多

同朋友相約慶生 揀左呢間fusion style嘅居酒屋明明預先book左位但一開始只有門口位冇冷氣有少少熱😅😅食到半路中途先有得坐返入去 Appetiser 揀左 scallop & seafood tartare scallop 正常發揮反而tartare有啲驚喜之後唔夠喉再叫多左個uni crispy nori海膽好fresh! 好食但小小貴男生唔夠飽再叫左個 wagyu box 類似韓式嘅炊飯都幾好食牛肉入口即溶 而且份量夠 Pork sando 好似係必叫都唔錯！甜品 skillet pan cake 埋單四個人食咗二千幾蚊雖然每人嗌咗一杯酒但係除返埋每人都要$500 有少少貴CP value 低…查看更多

見到香港喇沙關注組推介嘅食店結果非常有驚喜個喇沙湯底非常濃郁有一陣陣好特別的椰香味而且非常足料，有蝦、豬頸肉、魚蛋等等肉骨茶最有驚喜非常足料冬菇炆到好腍，好入味😋裏面仲有人蔘好滋補啊同場加映滋味小食拼盤新鮮即炸 好味道同埋脆卜卜嘅牛油咖央多士唔太甜 不錯嘅甜品選擇我哋兩個人食咗二百幾蚊但係非常之飽喺而家香港百物騰貴嘅環境底下算係幾抵食 CP低高雖然係一人小店等候時間可能會比較耐但老闆非常有禮貌仲好好人添 …查看更多

平時多人要排隊都已經要默默咁等待，晏咗去，都知道唔會有和牛漢堡食，但係今次竟然發生咗一啲好唔公平，令到我好嬲，氣憤難下嘅事情，都知我以後都唔會再去食呢間餐廳。首先，人齊先入座啊，但係我前邊嘅食客，聲稱佢朋友係只有兩個地鐵站嘅距離就會來泥到，但係我眼見15分鐘，佢朋友都未到，都照俾佢入去食，咁究竟人齊先入座呢個規則，係咪形同虛設呢？第二，後叫外賣，先上岸。本人係早過叫外賣嘅人來到，已經諗好哂食乜嘢，但係因為後來叫外賣嘅人選擇咗，俾埋錢，導致輪到本人嘅時候係冇得食。其實我就早過叫外賣嘅人去到，我亦都唔介意係我排隊嘅時候，比定錢先。既然佢俾咗錢就有得食，咁我可以一早比錢佢。其實一直都好鍾意呢間舖頭，覺得佢服務態度好好，但係今次真係令我超級無敵失望。現今我哋追求嘅都係公平公正，但係竟然喺呢啲舖頭度發生咗最唔公平嘅事情。…查看更多

週末入元朗，口淡淡，有啲想食餃子，於是就入咗維港灣餃子坊一試佢哋嘅餃子。元朗有好多黃色餃子店，但又真係未試過維港灣，今次一大班人食，叫咗唔同種類嘅餃子同小食🤩餃子可以選擇跟湯或者煎餃，跟湯我哋叫咗鹹蛋芥菜豬肉餃，好特別，出邊冇食過。平時我麻麻哋芥菜浸苦味，但係撈埋鹹蛋，味道出乎意料之外幾好味😋值得一試椒鹽豆腐皮薄，炸得啱啱好。炸素餃，點埋咖喱汁，幾特別，有啲似印度小食samosa🤣🤣最最最最最好味的邪惡流沙鹹蛋黃鮮蝦餃🥟真係超級出色，鹹蛋流沙配以鮮蝦豬肉，再加埋個炸皮，好邪惡，好好味。不過食一個就夠，因為真係好Heavy，所以都係分甘同味，一人一隻，比較好。煎餃叫咗芝士豬肉煎餃，韭菜餃，同埋大白菜餃。芝士豬肉餃我嫌佢啲芝士略羶🤔韭菜餃，同大白菜餃，就正正常常。除咗餃子之外，仲試咗佢哋啲炸物，前面嘅係炸南瓜薯餅，後邊嘅係炸號，兩種炸物都好好食，炸得啱啱好👍🏻👍🏻仲有佢哋嘅峴芥鯪魚球，都好好食。住元朗嘅你，如果經過嘅話，都可以一試佢哋嘅餃子。價錢相宜之餘，又好味，仲要服務好好。…查看更多

週日一行10人喺奧海城附近玩完，由於冇預訂任何餐廳嘅情況下，經過呢間酒樓，竟然有位，於是諗都冇諗就入咗去食，希望冇伏。10個人，叫咗九個餸，四個飯，本身以為份量咁少，會食唔飽，但竟然食得飽哂我地咁多人😀😀😀龍蝦伊面，份量俾我哋想像中少，其實伊面都唔係好貴姐，俾多啲面都唔得？芝麻西檸蝦球，檸檬味較重，酸酸甜甜咁，幾好食😋👍🏻南乳翠香雞，冇乜南乳味，但係幾香口，還可以。食到一半先記得影，雖然份量唔算多，每個餸都百零蚊左右，我地叫咗九樣嘢，除返埋每人都係百幾蚊，性價比都算高。但如果四至五個人嚟食，可能性價比就冇咁高啦。…查看更多

基於疫情關係，冇得去台灣大吃一番。唯有喺香港食住台灣野，止住癮先。出開尖沙咀，見到呢間台式食店好似係新開，於是去試吓。由於係下午茶時段，唔使等位，友人叫左牛肉麵，配珍珠奶茶，我就叫咗小食鹽酥雞，同埋牛肉捲餅。牛肉捲餅足料，幾好食。$48來講性價比幾高。至於鹽酥雞，份量也不少。幾正宗。都係$48。牛肉麵係成餐最難食的一味，味精湯，個面又太林，完全沒有台灣風味。越食就越掛住台灣嘅牛肉麵，幾時先可以去台灣呀？…查看更多

每次行過K11都好想試嘅一間日式居酒屋/串燒店。見到佢喺同日山同一集團，相信有一定保證🤔 結果大失所望，好彩今次有K11 $100 coupon，感覺上都冇咁唔抵。茶芥附送的小食～（值$20 㗎）馬蹄鮮魷燒肉棒，口感幾唔錯，配埋蛋汁，好味！燒牛脷幾好食，但$88就一啲都唔值鐵板日山和牛漢堡，完全食唔到係黃牛，份量勁細，成$98 ，一啲都唔抵唔值！ ！雞俾肉串燒四串，係燒得幾好味的，但朋友話有一串個味怪怪地，我就覺得還好啦呢個係我覺得全晚最抵食嘅一味，燒茄子，佢幫我起晒啲茄子肉出嚟，唔使我慢慢整，而只係價值$58 ，超值啊！ ！ ！總括而言，如果唔係有$100現金券，我係絕對唔會再去食，又貴又唔值又唔係特別好味，仲要收我食$20位茶芥，連加一，市面上有更加多嘅選擇囉。…查看更多

近來肺炎肆虐，人心惶惶，不免少了外出食飯。今天碰巧下班後要到花墟辦事，於是便在附近找間餐廳吃晚飯。走過瑪麗蓮，就被他的餐牌所吸引，由於與友人都是食肉獸，於是決定一試。因為是平日的關係，我倆幾乎包了整間餐廳，店員向我們介紹了T骨牛扒，二人餐包括沙律和餐湯。沙律和餐湯忘記拍照，但味道是不錯的，沙律的醬汁是芥末整成的，十分好味。等了20多分鐘，主菜終於出場了。😍照片可能反映不到，但是現場看份量是超！級！多！兩個人食完全夠飽。店員建議T骨牛扒三成熟，吃下去不會太多筋，食落有咬口之餘，又不會太硬或太難咬開，而且有肉味， 10分不錯。若是這樣的質素，在中環餐廳吃到的話，相信價錢是雙倍。🤣🤣店主仲勁有心整咗好多情人節啤啤熊公仔俾各位選購，希望當日生意興隆！🥰🐻🐻…查看更多

誤打誤撞試左呢間新開嘅壽司店，環境都唔錯，即日book都有位，去到等左一陣就入得！本身諗住試11 course omakase set（$380），點知被告知今日啲天婦羅唔靚，所以冇呢個set供應⋯其實天婦羅唔靚乜師父唔識搵其他野replace? 即係一樣材料冇，成個set就要取消⋯flexibility 都幾低⋯期望日後呢方面可以改善一下啦。友人話食壽司set，於是揀左13貫set（$350）蒸蛋，還好，如果唔落白果同熱啲就好。然後可能因為今日師父好忙嘅關係，等左半個鐘，終於上壽司啦！啲魚都幾新鮮，有我鐘意食既劍魚！👍🏻海膽鮮甜唔腥，三文魚子配埋柚子汁清新好味！仲有左口魚裙邊！肥美好味😋 最後可自選多一件壽司～仲有麵豉湯同甜品作結。臨走，仲有腐皮壽司小禮物。總括泥講野食係唔錯，可能太新，好多野都未夠純熟，未夠smooth~期望上咗軌道後會更好。…查看更多

第一次係香港食鐵板燒😋 與友人叫左個二人餐，再加左份sashimi同清酒前菜是沙律🥗和螺肉，味道不錯另加的sashimi：水八爪魚、油甘魚及左口魚。非常鮮甜好味！！好大隻鮑魚！和牛雪花分布平均👍🏻👍🏻白甘鯛非常新鮮好味！魚皮油炸處理，再蒸熟魚肉，配以枝豆薯仔調配的sauce，十分夾！帶子鮮甜，seaweed soup係可以飲埋👍🏻鮑魚新鮮有咬口！鵝肝多士！超級好味道！鵝肝油份滲透係多士上面，油而不膩！和牛係全晚高潮！medium rare，入口即溶，全部冇筋，非常好味道！最後有炒烏冬同炒菜～但已經太飽了買單2千幾蚊兩個人，食物質素好而服務又唔錯，性價比都算高！我見有幾百蚊午市商務套餐，下次可以試吓🤤🤤來食之前仲擔心油煙味，不過可能我地唔係坐正係個鐵板前面，所以都冇話好大陣味🧐…查看更多

IFC新開張的米芝蓮 一星拉麵店招牌湯底是以貝汁熬製而成，加上蜆、豚骨及魚介湯底製成。店內主打推介：貝汁鹽味拉麵及貝汁醬油拉麵。與友人各點了一款，我倆都認為鹽味是比較出色的。醬油拉麵加入了黑松露醬、牛肝菌粉及牛肝菌粉提鮮；依然味拉麵改配以白松露油、牛肝菌將、香草及煙肉碎。兩款拉麵上枱時都傳來陣陣的松露香味，加上低溫慢煮叉燒， 相當吸引。但是以小麥拉製成的麵條容易變軟，口感麻麻。百幾蚊的一碗拉麵，性價比不大。幸好在晚上九時多不用排隊就諗入座，否則要我排隊食呢個拉麵，就不太值得了。…查看更多

之前已經試過灣仔總店，不好吃之餘，性價比又低，現在又見它們在中環開了分店，於是就與同事去試試是否有進步。由於在SOHO地區，中午不算是太多人，排隊等候時間還好。與同事order了brunch board, 以為只是自己選擇brunch的食物，結果原來係佢地求其擺幾個餸同兩塊包比你自己整。我同我同事呆晒。就如圖所示，得幾碟野，同兩塊包。食物質素就認真麻麻，我諗中環金鐘灣仔隨便一間coffee shop都有呢種水平。重點係佢叫價唔低，埋單竟然要$315。除翻開每個人要成$160。仲要食完之後完全唔夠飽，講真$160係中環其實可以食得好好，食得好飽，亦都唔係呢種級數。可能係我見識少，胃口大。不過，食物質素麻麻、價錢貴、份量少，究竟呢個係一個咩概念。🤔🤔🤔…查看更多

有時lunch諗唔到食咩，就一定會嚟食豬扒米粉。這裏的豬扒不會太瘦又不會太肥，咬下去口感十足。亦不會煮得過瘦過乾，口感剛剛好。豬扒應該是先炸過然後再放湯，調味要做得剛好，不會很咸。我最愛加隻太陽蛋，太陽蛋煎得剛剛好，永遠都是半生熟！🤩🤩🤩唯獨就係啲阿姐一貫態度就好似澳牛啲阿叔一樣咁有香港特色🤣🤣🤣🤣如果在附近上班， lunch又諗唔到食啲咩，這裏不失為一個經濟實惠又好味嘅選擇👍🏻👍🏻…查看更多

昨天晚上突然間很想吃越南飽，看到這餐廳離屋企很近，於是九點多都要去吃🤣點越南飽是可以加錢轉套餐（+$68）套餐包括了木瓜沙律、忌廉龍蝦湯。兩者都不錯，龍蝦湯好好味！到了主角出場，我點的是慢煮五花腩麵包，非常好吃！五花腩經慢煮之後一點都不肥膩，咬下去十分鬆軟，其他麵包的配菜都配搭得十分好！one of the best one i have ever tried! 👍🏻👍🏻十分滿足的晚餐，totally satisfied my cravings，唯獨就是性價比低，這樣的晚餐都要$190😕但食材新鮮，可謂一分錢 一分貨…查看更多