TKK's Profile

約左老朋友食生日飯，一行4人，主角想試這間餐廳，便網上訂座了[餐廳都按所提及的意願安排窗邊位，景觀確很不錯點完嘢食和飲品，我想飲Thai Iced Lemon Tea,個Staff一臉茫然咁，唔解釋，話Iced Tea 都okay 。 點知半個鐘無影，經摧促後，黎左杯Hot Thai Milk Tea😅至於不可或缺的生日蛋糕，我們覺得近乎一個main course的價錢，就轉移左陣地同攪了。對organizer黎講，最尷尬莫過於侍應們，在半個鍾前便開始提醒我們最後下單，之後還三番次扮收拾，“示意”我們離開，而我們走時還見到4張空枱，也沒有人排隊入坐，為何不可以有彈性呢？只能感慨高租金，真的扼殺了許多優質餐廳營運空間。…Read More

約左沙田友食晚飯，見呢間餐廳好評店，環境不錯，又有網上訂位，就簡單揀左呢度同朋友們chill下。 有Set Dinner 但朋友們細食，就點左酥皮燉牛肉，松露天使麵和牛油果蟹肉沙律。 3樣都好味道，但個人覺得佢啲Drink特別出色。 我點左Lavendar Lemonade, 很清爽，邊飲邊聞住薰衣草乾花的香氣  成件事真係色香味俱全 超推！ 朋友點的Rose Latte 同 Latte 一樣好正，可惜我唔記得影相吖🫠 呢度環境真係好啱朋友聚會chill下講下，正常聲浪都唔會比隔離枱聽到，位置寬敞舒服。 所以主菜“中女們的傾偈”，很盡興！ …Read More

約左朋友仔兩點睇戲 ，朝早大家都要返教會，諗住喺返K11 Musea 食簡單啲。記得曾經在這餐廳有愉快生日，又有網上訂位，就決定再訪了！因為趕時間，就簡單叫左香酥鴨配松露炒飯 同 Burrata cheese無花果杏仁沙律，快閃吃！鴨肉無蘇味 炒飯乾身 如果鹹啲或濃味啲會更好！沙律所有材料都好新鮮呢～特別那個Burrata cheese的奶香配蔬菜好好味。個人最喜歡的還是他們各大系列的飲品(可惜忘了影drink list😅)，多得眼花繚亂，選擇困難，樣樣都想試。就點左lady 啲嘅玫瑰荔枝冰茶： 自然的荔枝味和玫瑰糖甜度配得恰到好處，必試!下次會再黎，坐耐啲食其他小食同試其他飲品。…Read More

黑松露漢堡配薯條 +Virgin Pineapple Mojito習慣性週末放假前我都鍾意食個開心lunch今日試呢間，我按預定取餐時間時去到，可惜未有得拎住，好在店員仍笑容可親地say sorry。出去行左個圈，10分鐘左右，就拎得。5分鐘返到公司，個包仍微暖，襯埋佢個醬又真係幾好食😋。雖然要加20蚊，杯mojito真心好好飲，加個菠蘿乾有加分喔。如果下次薯條嘅温度可以keep到温度，咁就perfect la!所以...會有下次😁 中環小店唔容易 加油！…Read More

初四相約家人相聚，未夠鐘，就如常找Coffee Shop 义電，剛好路過這有質感的意大利咖啡店，就即管一試。揀左好耐無飲過嘅Mocha, 喜歡它在新年添甜絲絲的味道。果然不負所望，微甜加上朱古力的順滑和咖啡的醇厚，90分。個人覺得味道比Covx還要好，只稍欠温度。他們的餅食都好像不錯，一定會再找機會一試。…Read More

上星期六約左人3：00喺附近，就早少少出門口，食埋嘢先集合食開識路，唔使等直入坐低睇下食乜好，醒胃又想滿足少少飯癮，就叫左咖哩雞扒飯。特飲要加9個大洋，又無傳統紅豆冰，就叫凍奶茶义電。10分鐘就飯到，靚姐仲温提我隻碟好很熱。個汁微辣，加埋焦香的芝士碎，清碟是常識吧！下午茶份量夠，味道有heart，$51抵唔抵，見仁見智P.S. 埋單時有約5-8人在等位…Read More

上星期五放工去整甲 完左都已經8點30分 即刻搵野去醫肚  諗起附近呢間好耐冇食嘅魚湯米線 入到去啲卡位裝修左 坐得鬆動左光猛左最開心喺大叫呀阿姐就已經可以落單嗌左魚腐 雲吞 南瓜 魚湯米線 (多湯) 🤫 碗米線上台都仲係熱辣辣 落雨既晚上飲一啖熱湯真係好幸福 😌 各樣配料都好新鮮 香濃魚湯加上南瓜嘅甜味 對我黎講就好完滿啦 湯痴嘅我當然飲到一滴不剩😋😋 ［真心唔覺有落味精喎］ 寫住食評 已經諗緊今個星期去翻兜補番我今次太夜食唔倒嘅魚咀同魚腩 嘻嘻～…Read More

疫情之前堂食過，質素很好。 Lunch time 唔太迫都幾Chill疫情後堂食格局有啲迫，先所以今日試外賣自取。就返時間落單，20分鐘就有得得拎，取餐不用排隊，整齊企理，味道維持一貫的好。惟少少失望今次食到漢堡扒內有筋，其他品質都100分架！下次試下雞堡先～…Read More

這店在這區算係中價午餐，公司三文治配薯條係我嘅至愛。鍾意三文治同薯條都係即叫即整，午餐都有送餐服務，上枱嘅食物都是它該有的温度。可惜佢哋搬去環球大厦啦～今日差點就miss左最後一次機會，之後我嘅lunch又少左一個好選擇。希望你哋新舖生意興隆。…Read More

逛完M+，趁晚飯的人潮，天氣涼涼地，想食久違的日本拉麵，見係米芝蓮推薦，就帶少少期望去試試。香港餐廳自動波是常識吧～就先安心，後找位置坐下。落單有靚仔哥哥招呼，點左心頭好沾麵和芝士餃子。特製沾麵：麵： 粗而有彈性，但個人覺得偏硬义燒：偏肥，無切段 (前食評都有切，是某程度表現對客人的細心)湯 (靈魂): 夠熱，可惜稀而不掛麵，咸味重盖過湯頭的味道 芝士餃子： 餃子好味道，但醬汁過咸廚師先生，可否減鹽讓食客不致浪費食物和你煮的一番心機？我想試米芝蓮真味可能要到其他分店了😅…Read More

12下旬一個天晴的日子，下午休假，想找一個店子吃東西打卡同relax~唔想太旺的店(深明好難滿足咁多要求😂)，就揀左去Life@KCC，好似有幾間唔錯的Cafe。覺得Good Day的環境開揚，人不太多，加上清新的裝潢正合我意，便坐下點餐了。平日有set lunch，愛吃粗薯條加松露醬，就保守一試傳統手打漢堡+奉送的凍檸蜜。先送來的: 清徹的矮圓玻璃杯襯着金黃色的蜂蜜水，再加上一片簡單的檸檬和兩顆冰粒，視覺上已很討喜。質量很好的花蜜味道，刺激味蕾，將食慾提升。擺盤精緻主菜漢堡來了~為減少罪惡感，先吃些菜沙律。少少甜黑醋汁提起沙律菜的清新，而沙律菜本身也沒有外面有時人會吃到的草青味和藥味。配菜都講究要讚!鍾意粗薯條的多脆內軟，Good Day以高分完成，dip佢哋特製的黑松露醬，正呀喂～到漢堡包，厚蕃茄+Juicy厚漢堡牛肉😍，深知無法單以手駕馭鯨吞😆，唯有用刀叉分成每小口，芝麻包身焗脆左，手打牛肉沒有油膩感，誠意之作。隨意能找到好店，疫情下苦悶的生活增添趣味。Have a good day@Good Day!P.S. 後來才發現這店原來是銅鑼灣搬來的名氣漢堡店，名不虛傳!…Read More

之前去開同位置的餐廳，靜靜的用餐，週日享受和閨蜜的悠閒下午。今天來到這店，發現已易手，既來到，環境尚算清靜，便坐下吃late lunch.其實整體食物味道也屬中等，可惜最後付款時的服務強差人異。Lunch Set 餐牌內的餐飲是分別列出的，原來只是一至五有免費餐飲，週六、日是沒有免費餐飲(只有半價)，需要額外另加$11~20!!還有什麼特飲要另加$$的。可惜沒有影低餐牌比大家了解有幾唔清唔楚，失策! 好心佢就不如直接有另一set weekend/holiday menu， 省卻誤會。可是這樣的樣價錢的午餐，區內應有更多好的選擇。結帳時，收銀的男服務生跟我們不斷說餐牌已寫得很清楚，態度惡劣，我們氣着完成付款，表明「無下次」。利申:很少寫食評，今次仲要係劣評!…Read More