夢想起行's Profile

咩時段去到都要攞飛等入坐，等左30分鐘，無計啦，附近日式cafe只有這一間。環境食物都好，小朋友瞓左終於可以坐下來休息下，食個下午茶。All day breakfast 有橙汁有咖啡，咖啡好香好滑，可惜好細杯，兩啖飲晒！食物好味嘅，可能人多食物製作比較慢，老公太口渴，將橙汁&咖啡都飲哂先有野食。之後就飲水。可以使用一田現金券消費，儲一田卡積分。…Read More

Lunch時間見到新開張，啱啱有位所以入去試下，地方唔大，枱數不多。伙計有善，不過入機未夠熟。食物好味份量夠，豬軟骨可以咬到，麵和湯底都唔錯。只係跟餐飲品差啲。…Read More

上個月探父母經過入去食下午茶，卡位算闊落，光線充足。我叫左份西多士配熱飲。西多士新鮮炸出來香噴噴，上枱時已經幫我加左牛油和糖醬上面，用厚多士炸出來，如果入面多少少花生醬會更好。好飽肚熱朱古力就....覺得淡左啲。…Read More

這家餐廳有一段時間沒有光顧（因為在家工作）今天早來馬上有位坐，發現餐牌換新了，但套餐內容和價錢不變，都是我喜歡吃的所以沒所謂啦～哈下午2點前結賬免加一，當然要早來啦～再晏少少，門口就排滿人，疫情期間都一樣無變...食物方面，保持水準，一樣抵食大件！支持！…Read More

難得去到九龍城，聽朋友介紹，買了一份有骨魚皮（$30）。由於此店不是堂食店，原本打算幫襯隔幾間舖既魚旦粉麵舖，可惜又排長龍，所以全部叫買外賣回家開心share。第一次食，感覺有魚骨的比一般無骨魚旦硬，有鮮魚味又好有口感，浸一下湯汁先食一流。小小淋，又趣趣地！另外買左一條新鮮魚旦，比阿媽炒餸用，好香魚味，食剩少少，第二日下午屋企煮麵食，不錯👍對面街舖荳品，就快光榮結業...希望剩下既老舖能不被時代取代😢保留下來。…Read More

經常來這家店吃，因為真心覺得好味！自己不是很吃辣，所以每次只點微辣或小辣。（只是每次來的辣度都很難準確，有時師傅會重手左...）我通常返工日子來吃午飯，$68選三款菜，包一杯飲品；星期六日另收加一。有四款干炒味道，個人最愛吃香辣味，因為麻辣有花椒，我不喜歡咬到它。試過很多材料，最愛點羊肉、牛肉和丸，蝦是連殼的吃的時候有點麻煩，有時會點一款蔬菜類來吃，平衡一下（哈）最不喜歡大腸，好像有點怪味。總括來說都很好，會再不時光顧這家飯店。…Read More

平常看門口總是排隊，這天午餐下雨，看到沒人排隊，馬上進去試一試。店舖不太，必須要搭抬坐，叫了一個藥膳雞湯米線$46，熱飲+$2，很快便上菜，很足料很香味道也剛好，雞肉不老，我連湯整碗喝光，身體感覺很溫暖。坐對面的女生像在附近工作，叫了一個椰子雞湯米線，一直不上菜，在玩手機，一聲不響的，到我吃完了，她看一看我，我最後忍不住問她怎麼你可以一直不聞不問在空等？這時她才發覺不對勁，才叫待應追單... 我走了，不知道她到還有多少時間吃午飯呢⋯⋯…Read More

在附近工作，每次來都叫燒餓午餐，因為皮香份量足夠。上次看到旁邊有人叫燒味以外的套餐，所以今次都要試下，想不到色香味都絕不輸給燒味。午餐選一小菜附餐湯&白飯。我們三人各點一款share食。每一款都好好味，咕嚕肉有一整片波蘿墊底，美觀，蝦仁炒蛋，蝦夠大隻，魚香茄子，喊度剛好。湯都好好味，係蓮藕湯，份量都好足，我地三個女生食唔哂！男生應該剛剛好。午餐時間多人排隊，我地一點到要等20分鐘，最好12點前就不用等，直接有位。…Read More

在附近上班，前週和同事一起來午飯，本身自己對生蠔一般，因知道有$10隻蠔，所以帶她來試試。我們叫了午餐和半打，先上生蠔，小小一隻，$10不能期望太多吧。味道OK:)午餐有餐湯、主菜、餐茶，最後還送我們甜品，食物味道幾好的，主菜的豬扒得厚肉，可能怕不熟，所以感覺是叮熟的，因為肉中間的溫度很高，第一口差點熨到舌頭👅，之後我把肉切開細件來散熱。餐茶同事叫了熱咖啡，像是即沖咖啡的味道⋯⋯要加$15才有即磨咖啡。服務是不錯的，很友善。…Read More

估唔到紅螞蟻會有間咁靚歐陸黑白裝修0既餐廳, 不過一打開餐牌見到有越南粉麵食, 感覺怪怪的...不過我就叫了一個焗豬扖飯$52, 餐到時買相很好, 熱騰騰的, 味道很好, 不過材料不多, 只有數件豬扖(豬扖好肥), 飯只有少量的旦碎, 開始還以為只是白飯噢!比起阿活豬扖飯, 就覺得阿活低好多, 論買相, 論價錢, 論份量, 都係阿活的好...甜品叫了梳乎里ginger食, 點知與我想像的差很遠, 賣相不好看, over break~ 不是入口溶的感覺, 好差...…Read More

味道一般, 唔係話特別好味! 但價錢合理!我同我阿媽某日得閒走去試下, 食左2個厚多士下午茶, 配熱&凍珍珠奶茶各1, 普普通通啦! 不過珍珠好似有點酸味~ 花生醬&奶醬厚多士味道ok! 但醬多點的話就會濃郁點同香點~總括$20個茶餐, 係咁上下啦!…Read More

前排得閒四處走走...由中環走到上環, 睇下有咩特別0既餐廳, 又平又正0既, 試下ma~終於吾打吾撞走到來這間"孖沙餐廳", 咁咪試下佢地0既下午茶, 叫了一個豬扖通粉+熱央$16, 比起市價算係低~豬扖通到啦! 不錯呀! 豬扖好有味! 又香喎! 仲要有成個碗咁大塊! 正喎! 下次等我試下個叉燒旦飯先, 見大家都話咁好味~~…Read More

今日特登去試下食這間出名的快餐廳, 因本人唔食牛, 無緣食最最出名的芝士漢寶包, 於是就叫了魚柳包+芝士$12, 仲以為係好似M記咁係方形炸魚塊, 點知原來係煎魚塊, 還有點沙律醬, 食落唔係好油, 即叫即造, 時間就要多等一會啦!可惜魚柳包無得跟餐, 唔係就仲低, 如果個包大件d, 就非常低啦! …Read More

上月同家人一齊去, 因為之前本想到隔離0既大家樂, 點知無位, 咁就試下這間lo!我地叫左一個豬肉石頭鍋飯餐$4x, 牛肋骨及雞肉鐵板餐$7x, 跟餐還送醃菜及柑桔茶. 價錢合理.我食的石頭鍋飯, 上時熱騰騰的, 好味道, 但頭菜的醃菜其後先上, 待應話"廚房做唔x"鐵皮燒賣相也不錯, 肉睇得出有醃過, 燒後香噴噴! 美味但杯茶就比鐵板燒0既油, 攪到整杯面都係油...…Read More

早排聖誕節同同事一齊去銅鑼灣買禮物, 帶我到沙嗲王食下午茶, 我第一次到沙嗲王食野, 估唔到咁好味~我們倆叫了一個蒜蓉包配咖喱醬同咖喱鷄米線茶餐, 蒜蓉包好香好趣, 再點一點咖喱醬真係正, 不過就覺得蒜蓉包太細塊, 咖喱味好好味, 但咖喱醬同咖喱鷄米線既咖喱汁一樣, 同出一醬!! 我地二人食哂, 汁都唔放過~服務員都可以接受, 檯面有個插咭座, 插咭座上有幾個按鈕比客人按需要按鈕(埋單、叫餐....有四五個掣)好得意, 我前所未見, 應該係我大鄉里!!…Read More