tobychingyee's Profile

2點幾同朋友黎食 Brunch好好彩竟然有位我哋叫咗 2 個 Brunch set前菜揀咗 Beef Tenderloin Tartare 配埋黑胡椒米餅一齊食Tartare味道啱啱好夾埋米香味嘅脆餅一齊食愈食愈想食呢個生蠔面青蘋果沙冰個人超鍾意呢個 Miki Taco 都係大愛下次會再叫塊紫菜做咗天婦羅，成個口感昇華咗本身自己勁鍾意炸饅頭所以呢個 餐包我係比滿分配一個清清哋嘅鮮奶泡沫醬唔會好似點煉奶咁甜同漏主食叫咗 Wagyu burger 同 K.F.C. (即係韓式年糕）Burger 無咩特別反而係中間無啦啦有兩條個樣醜醜哋嘅深色條狀野食左發現係炸紫薯黎仲幾好食而個年糕就無乜特別甜品方面一樣出色茅台 Tiramisu呢個勁好食個味無諗過甘夾而另外 whiskey 焦糖醬 嘅 banana yogurt 包包都一樣好好食！埋單大約每人$400覺得價錢好合理🫶🏻…Read More

我久唔久lunch time都過黎食pizza今次帶埋同事黎先發現原來佢哋係健康快餐黎但點健康唔太知我諗係原材料健康同新鮮🙈但主要黎食係因為個薯仔餅同佢地combo 好平 $64有 pizza、薯餅、沙律、雞翼加野飲同事叫咗 甜辣雞pizza c覺得幾重味，食多少少有啲咸我叫咗 margarita with blue cheese覺得都唔錯，不過都係食多兩件有啲咸但最鍾意都係個 potato fritters因為真係似新鮮材料做啲洋蔥唔係雪藏，見到仲有水份然後先留意到個盒寫住 100% prepared fresh daily 😂雖然啲野略咸左少少但呢個價錢咁多款野食我覺得已經好好…Read More

最近開始成日搵啲寵物友善嘅餐廳咁可能帶埋自己隻襟撈一齊去食飯好開心搵到又寵物友善又有pancake食嘅地方🥹✨🫶🏻仲諗住牛油果加咖啡會唔會好怪或者好膩點知又唔會三樣嘢加埋都幾夾然後試咗佢嘅煙三文魚牛油果滑蛋牛角包窩夫牛油果都好新鮮，又唔會太生牛角包窩夫好脆朋友叫咗卡邦尼貓耳朵我自己幾鍾意食佢呢一個貓耳朵煙煙韌韌咁然後每啖又會食到啲汁呢個幾好味士多啤梨牛角包窩夫呢個我覺得好好食牛角包窩夫keep住一樣咁脆加埋佢側邊嗰啲士多啤梨脆脆一齊食呢個我下次會想再食豆乳疏乎厘班戟豆乳味我覺得可以再重啲嗰班戟都鬆軟可能我多手加咗啲糖漿加埋糖漿一齊食就有啲太甜整體成餐飯都OK自己住元朗，如果近近地又想食班戟應該會再嚟…Read More

今日同事一行十人黎食lunch大家都第一次黎呢到環境幾得意明顯係佈置、餐具、菜名都有用心機打開menu發現原來lunch set係四送一太誇張了吧飲品特飲都係加$18其中叫左香蕉朱古力奶昔同牛油果沙冰香蕉朱古力奶昔比較淡20%朱古力味 40%蕉味 40%奶味同事話杯牛油果沙冰就好淡口比較奶，無乜牛油果香薯條無乜特別無特別脆食到中下部份嘅薯條無脆之餘仲直頭有啲un 我哋發現呢到嘅意粉都算唔錯啲汁較得幾好唔太濃又唔算太淡味道適中反而塊三文魚就一般呢個勁我地同枱叫左兩客兩客都係叫 medium 然後兩客都勁靭質感似食緊瘦叉燒咁失望去到牛油果螺絲粉始終都係粉類質素比較穩定汁做得okRisotto 都唔錯但無乜特別好驚喜叫做幾好總結：二刷率 40%…Read More

朋友突登入元朗搵我食飯然後我搵到呢間餐廳睇到menu嚇親因為好經濟實惠🥹百零蚊就有個吉烈牛加飯份量超多肉啱啱好烤兩烤外脆內軟食完足夠飽到上心口加上呢個價錢值得比五星朋友叫左鰻魚飯份量十足味道不過不失無咩特別但價錢一樣都係好合理小食見到有炸牛蒡咁特別就試下係幾有趣嘅但咸咗少少幾多幾條有啲膩而且熱氣感仲勁過個吉烈牛有啤酒就要有雞泡魚乾份量依然係巨味道就無咩太驚艷不過送酒黎講都好夠整體黎講真係好抵食味道唔錯可以二刷之選…Read More

搬左黎元朗半年人哋帶我黎我先知原來Yoho 有間咁好嘅餐廳我哋兩個人叫左一個晚市set 揀左龍蝦湯牛角包一切開啲龍蝦湯即刻流哂出黎湯味濃郁牛角包香酥唔錯主食要左威靈頓牛扒配鵝肝威靈頓酥皮軟硬適中入面牛扒都啱啱好整體都好好食飲品揀左 cocktail 係 Sangria另加一份慢煮雞胸牛油果忌廉意粉大愛🥹🩵雞胸啱啱好牛油果忌廉口感飽滿得黎唔膩最後甜品揀左真空慢煮焦糖燉蛋 配 白松露雪糕雖然唔太知點真空慢煮不過都幾好食底部仲有果醬可以令整個燉蛋無咁悶但係隔離嘅白松露雪糕就太刺激個味對我黎講太大衝擊未係好接受到🙈整體都覺得cp 值算高五百幾蚊已經好豐富同滿足好夠兩個人食絕對可以二刷🌞…Read More

最鍾意上海菜嘅我朋友見有新開嘅海景上海菜餐廳即刻book左嚟同我試下🌞餐廳好好咁安排咗海景位比我哋上網睇大家影嘅日光海景好似靚好多🥹同埋坐出面應該幾靚坐入面夜晚隻窗反哂光無乜Feel咁🥹花膠湯湯味濃郁，唔油👍🏻呢個豬好好食肥瘦適中肉淋入味酸甜度均勻失望小籠包頂皮有啲硬厚🥺包心鰻大腸包住鰻魚口感幾得意但偶然有一兩粒偏腥（可能我少食豬腸）但呢個菜送酒唔錯佢哋嘅 cocktail 有啲驚喜肉桂陳皮我會形容係比較易入口嘅old fashioned陳皮香味夠如果肉桂味重多少少就好加柚勁少女嘅一杯飲品一向鍾意Gin嘅我表示鍾意呢杯🩵綠豆沙個人麻麻地入面個蛋糕加綠豆沙蓉蛋白餅好味薏仁杏仁燕窩奶凍幾好整體成餐飯都ok 係小籠包有啲失望完…Read More

朋友生日話想食西餐所以揀黎呢到食意大利菜我哋都好好彩早一星期book都book到星期六晚市Mozzarella di bufala - $320我哋叫左水牛芝士開開胃先 口感Q彈得黎入口柔軟Polpo E Olive - $260個人必叫之選章魚唔會好 un 橄欖油易入口Mortadella Pizza - $110個人鍾意佢餅底口感外脆內鬆軟簡單配搭已經好好味Carbonara - $238經典菜式好鍾意佢個粗通粉啲汁掛住係通粉心入實每啖都食到足夠嘅醬汁Guancia Di Manzo - $398牛面脥肉質好淋好入味一份三個人分都有啲多Tiramisu- $108穩穩陣陣另外仲叫左個泡芺（無影相）泡芺個人覺得麻麻地都係Tiramisu 穩陣啲成餐飯最失望係佢哋嘅 cocktail我地叫左佢地嘅 signature Bluhouse Negroni - $130味道比較薄弱另外叫左杯 Amaretto Amore 比個一早飲左幾杯先黎嘅朋友諗住有 passion Fruit 易入口又醒神啲點知係最驚遇到嘅藥水味🥹呢杯真係搞唔掂整體我覺得都屬於幾好嘅餐廳滿意…Read More

超鍾意食上海菜所以今次試下海港城嘅个園竹語蔥油鮑片拌麵食落好香但都係膩咗少少好耐無食賽磅蟹入口好滑淡淡蟹味都唔錯我好鍾意嘅松子魚淋左汁依然好脆🩵見而家唔多地方有臭豆腐所以點黎試下好食但未夠臭😂呢個東坡肉好好味！夠淋夠香夠入味無諗過鐵板煎一煎脆個小籠包包底出黎效果係幾好食！生煎小籠包🩵蒜泥白肉不過不失整體成餐飯都幾唔錯除左食物質表好之外店員服務都非常好埋單好似都係千五蚊左右都算幾抵食下次都會想再黎🌞…Read More

咁啱晏就去開附近見佢咁靚就試下食一食見有Lunch set 試一下試左佢嘅招牌牛肉麵湯底隱約有啲蟲草花甜味屬於偏清淡口味佢仲附有一舊牛油可以按自己喜好加落去我個人唔偏好太油類所以淨係加左少少可能因為咁個湯唔太香而牛肉份量都好多而且好淋牛肉唔錯我揀左刀削麵麵質淋得黎都幾彈口但食完無乜留下咩特別印象無話好食唔好食最後追加左份芋圓有啲失望叫左粉粿底粉粿有啲似果凍都幾甜綠豆就幾好食最後因為太甜三個人食都食淨半碗同埋後尾睇番menu先知原來佢叫「伯爵茶凍芋圓」食完都唔知原來係伯爵茶😂因為一啲伯爵茶味都無食完總結係食物令人嘅回頭率偏低完…Read More

聽朋友介紹呢間餐廳背後有個好好嘅意念除左將加一服務費收益會用作捐贈天恩泰北孤兒仲為左鼓勵大家多啲帶長者出去食飯同歡聚帶同70歲以上長者長者即可享有免費火鍋所以就黎試下佢哋嘅火鍋放題當支持一下我同朋友就試左佢個C餐「日本極上A4和牛」餐湯底佢哋有成五款選擇我地揀左椰子雞拼酸菜魚椰子雞湯注明無味精仲有好多一絲絲椰肉好清甜小食拼盤夠豐富環境好乾淨，加分海鮮拼盤好豐富同新鮮好豐富😂和牛任食🥹整體黎講都好滿意第時有機會都想帶埋屋企人黎食 ：）…Read More

今日朋友話帶我豪食蠔然後帶左我去呢間餐廳仲點左個超豐富嘅Set係等緊餐到時我哋仲出左去出面好靚嘅走廊影相影完番入去個餐開始上緊見到個餐嘅排場真係多款到嚇親我🙈生蠔隻隻都飽滿鮮甜🩵好新鮮嘅鹿兒島A5黑毛和牛淨係賣相已經好靚輕輕灼一灼就食得肉味好香好鮮🩵另外個人特別鍾意呢個炭燒蟹膏和牛飯團飯團燒到脆卜卜再用香脆紫菜包住香濃蟹膏和鮮味和牛個人特別鍾意呢個飯團🩵整體成餐都好滿意仲有任飲啤酒/清酒絕對大滿足如果想同朋友摸下酒杯底呢㺯真係唔錯嘅選擇🩵…Read More

好耐無食粥底蒸氣海鮮鍋搵到呢間原本諗住地段好唔方便但原來係錦上路搭車去都比想像中方便 真係要唱番句： 屯馬～ 開通～ 真的很興奮～～～一去到見到好開揚嘅環境加上一個個好多海鮮嘅水缸餐廳外又感覺好多樹令我諗起係泰國食自助海鮮燒烤嘅地方即刻好似去左旅行咁 haha我同男朋友試左個 $268 嘅餐初初都驚唔夠食，但最後食到肚都飽到穿咁滯！店員帶位之後就帶左我地去揀海鮮（生蠔、肉蟹、龍蝦、飽魚）無諗過D海鮮真係幾新鮮隻隻都動力十足！！而且店員仲好好教我地點揀好食嘅海鮮仲可以比你慢慢揀唔洗怕「你個野壞左阿！」揀好左佢地就會即刻幫你拎D海鮮去洗乾淨同處理然後直接好快就送到你桌上 我地要做嘅，就係夾完番去等就得～（Sor，張相影得好唔清楚 XD）呢間店都好給心佢地幫你整緊海鮮時可以先食住溫泉蛋同飲湯先個日飲嘅係椰子湯，都幾湯，好好飲！溫泉蛋都有少少醬油調味，都唔HEA～一飲完湯，店員竟然好主動過黎幫我地開始蒸雞！係充滿戒心嘅社會生活底下感受到如止貼心嘅服務令我不禁有點驚訝，haha而且呢個雞都真係幾好食！件件都大大件仲要啖啖肉重點係蟲草花杞子蒸雞之餘仲加左紅棗淡淡紅棗甜香令雞食落唔會好膩口，好想一件接一件咁食～個人好鍾意呢碟雞！到打大佬～ 主打嘅海鮮喇呢個世界有個恆久不變嘅真理就係「海鮮新鮮就係王道！」呢到嘅海鮮真係食到佢地嘅新鮮因為全部都好鮮甜 仲要全部都洗得好乾淨！！！食海鮮最怕臭、唔新鮮同污糟～好彩呢到全部海鮮都做得好好～～好滿足～～～而且張枱仲擺左張溫馨提示教你每款食物蒸煮時間跟住佢黎蒸，真係樣樣都蒸得啱啱好！佢地仲有個自助調味料櫃可以比你DIY D調味料去蒸都幾好～～～（加完辣椒、蒜油同蔥，我先發覺自己好似當左係燒蠔咁整 XDD）蟶子超甜又多肉，好好食！！！跟住店員教路揀出黎嘅龍蝦真係好彈牙、好好味～～佢地仲有蔬菜任食牛咁嘅我表示：好開心阿！！食到最尾已經飽到八成仲諗住好似唔係好多野點知個量係咁飽！一路以黎蒸落嘅海鮮、雞、蔬菜嘅精華都跌哂落去唔洗講都知個粥咩料啦！就算好飽都忍唔住食左幾碗～正當諗住食飽可以收隊時原來仲有糖水係椰汁西米仲要有芋頭親愛的，你知道麻？椰汁西米要有芋頭先至係朋友！食埋個糖水之後真係完喇好滿足嘅一餐都係二百幾蚊本人覺得CP值真係高～另外一提呢到D店員服務非常好！由入場帶位、到教我地點揀靚海鮮、主動幫我地蒸野、又勤換裝骨嘅碗 仲要個個都好好禮貎，我覺得好值得讚下！聽講星期六仲會有 LIVE BAND下次要揀星期六黎食野我諗應該都會好好氣氛 …Read More