N Chen's Profile

莊士倫敦廣場市肆林立，好多人都會揀呢度開餐，今日遇上了垃圾中的極品。首先去櫃台報到是沒有次序，話打尖就打尖，入到去等左20分鐘都沒有湯底黎，黎到個湯底凍的，由頭再煲返熱，又浪費時間！叫左啲野食，黎啲唔黎啲，響鈴寫4，黎2條！我覺得餐廳好照顧我既胃，等我一次過唔好食咁多！一係唔係，一係黎左3碟響鈴！要讚！好有效率！全晚食得好飽，因為食公仔麵食飽，公仔麵外面任拎，最快最齊唔使等，公仔麵先生，多謝你！因為你我終於得到溫飽！外面攞菜個位好似搶購一空的超市，八號風球打到黎！總括呢餐都健康，食下菜食下麵，百幾蚊烚下烚下，滿足！…Read More

今日同老公晏晝去左源禾路運動場跑步做運動，運動完就去左禾輋商場搵食，老公提議食放題喎，唔食返多啲點會有下一次運動呢！我地去到都係6點，無人直入！餐廳有一半係坐室外，我地怕熱所以坐左入面，但都係咁熱，先叫左兩罐啤酒啤啤先！壽司我地食左少少，費時咁飽。火灸海鰻壽司無乜火灸感但鰻魚汁好好味，用海鰻唔錯，無骨又易咬，而且又係熟食。壽司上有dd蔥做裝飾，賣相顏色方便不錯。三文魚壽司係一片薄切的三文魚再配壽司飯，三文魚好滑，三文魚比壽司飯長dd，一啖就可以KO。日式炒豬頸肉味道好好，炒得好入味，用用洋蔥，紅椒黃椒一齊炒，另外豬頸肉切得夠細，令個汁浸晒入d肉度，yummy！南瓜，大蝦，蕃薯天婦羅炸得唔錯，上到菜都係熱既，唔好放左好耐先拎出黎，無奈粉太多，真係既主角太少，咬到好入先品嚐到主角，要努力改善！香草燒羊架既然係必食就要點兩客試試，雖然隻碟好油，但羊架好好食，羊肉夠晒膻，好香的羊味，先係羊肉醃得好，後期既燒都好考功夫，羊肉燒左咁耐都唔老，肉仍然咁嫩，唔會"孩"，咬多兩啖就會咬開羊肉，唔會韌到咬唔開，值得試！由於刺身我同老公只係食三文魚同甜蝦，所以只叫左兩款。三文魚刺身同壽司不一樣，刺身厚好多，紋理都十分清楚，咬落無壽司三文魚咁滑，但鮮味就多好多，而且有嚼勁，可以好好享受這片三文魚幾十秒。甜蝦瘦瘦地一隻，最好就係方便食，一咬頭同尾就甩，蝦肉鮮甜可口，由於蝦本身無味，點埋豉油Wasabi絕對係錦上添花！芝士焗一口咖哩雞既芝士味無乜，焗都唔係好feel到，但咖哩味濃，配上小小的炸雞件好好味！虎蝦串燒燒得好，咁岩呢隻虎蝦我仲食到蝦膏！全熟既蝦肉唔"孩"，比起刺身蝦當然有一段距離，但熟食也不錯！食返晒一日減既卡路里，老公！又要返去跑步啦！…Read More

今日老公話想食拉麵，於是就決定食呢拉麵台風。入到去舖位不算太大，可能太晏到既關係，老公想食沾麵，但買晒無得食。應該係女人見到骨膠原都會心郁郁，美顏丫嘛！嚟到見碗面，第一下感覺，“好多肉”！食落口都係“好多肉”，d肉唔算話唔好食，但係唔熱，所以有d白色脂肪食多少少覺得有d漏。同埋食到尾，根本都食唔晒d肉。而d麵好粗身，不是一般食開既麵質，我老公好欣賞呀！但我就覺得不是我杯茶，而且份量有點點多，一個女仔根本食唔晒！…Read More

今日同朋友去完深水埗黃金買電腦嘢，食完飯，當然少不了食甜品啦！朋友之前食過呢間“甜入心”話好好1味，於是乎我們就貢咗嚟喇！入到去見到好sweet既茶花，可以自助針嚟飲，啱晒行到口渴，食嘢前濕濕個口，真係好細心，好抵讚。我朋友叫咗個海底椰敦鮮奶，朋友話好重奶味，好滑、海底椰好爽口！啱晒大肚婆滋潤下咁喎！我自己呢~就叫咗“侯爵特濃72心太軟”，個名好長。我都唔明佢咩意思，不過，見到特濃兩隻字就唔駛諗，叫硬！嚟到我面前，好香濃既朱大古力味，佢仲好細心用隻杯裝住個心太軟。因為出面的通常就咁放係隻碟到，食時入面的朱古力流晒係隻碟到，食時都好輪盡下。呢個就唔同呢，有杯裝住，可以一滴都不漏咁食晒佢！講返個味到先，真係好濃既朱古力，入面流心做得好好，唔太稀又唔太傑。面頭個層好鬆脆，配埋雲呢拿雪糕嚟食，又凍又暖，好味到震！仲有份量唔好睇佢好似好細杯咁(可能我照得唔係太好掛)，但食落真係啱啱好，如果太大杯，一個人ko佢會好“流”，太細杯又唔夠喉。朋友話見到隔離枱叫咗黑松露撻好香，又想試下，所以我們都叫咗碟嚟食。嚟到枱，雖然唔係話有好香黑松露味，但就真係好香好香好香菇味，真係好香，個撻底又夠晒脆，一啖一口，好好味呀！呢個要勁推薦，必食！叫我一個人食晒4件都得呀！…Read More

天寒地冬，自己一個人，只諗起煲仔飯。新滙江既煲仔飯雖然唔係用炭煲，用gas爐，但都火喉十足。上到枱就聞到好香既白鱔味，因為太熱了，都要灘咗陣順手等下飯焦先食！白鱔煮得啱啱好，唔太老，仲好滑，但可惜的是鱔既分量少咗d，食到有少少唔夠喉。d飯唔會話係生(因為食過有間，煮唔透 ，仲有dd生米)。豉油咸甜適中，撈飯食簡直係無得彈。…Read More

晏就係元朗踏完單車，晒到個人都唔係好想食嘢，但唔食唔得喎又。於是乎食泰菜醒醒個胃先。去到門口都預咗好多人排，因為屯門區出名嘛，好在由不太想食，到有位入，終於見肚餓了。其實食泰菜我們來來去去都係點嗰好味，雖然無乜新意，但啱口胃咪得囉！生菜包，最愛佢係加咗d檸檬汁，酸酸地好醒胃，仲要酸得嚟又有d辣中和返。生菜加肉碎嚟食，可同減輕肥膩感。d生菜爽口同埋d半肥瘦既豬肉嚟食，好清新！必點菜式。生蝦，唔係次次會點，因為睇價錢做人，呢間生蝦唔算貴，$69有一碟，抵叫。金邊粉，炒得唔會一patpat，加埋d花生食，脆脆地好好味！冬陰公，正！酸酸辣辣，泰式香料又夠多，好入味，蝦又夠大隻，仲要碌埋殼好細心。正式泰國梳打，玻璃嗰支無味，酸靠膠杯入面既青檸同糖醬先有味。支梳打好夠氣，飲都最後都見到有好多泡！…Read More

與老公情人節本來諗住去食火車壽司，但實在太瘋癲，多人到呢~所以轉軚去咗隔離嗰間丼丼屋食日本嘢了結下心願。可能情人節關係都要等咗半個鍾左右。入到去我叫咗個泡菜牛肉飯，泡菜一d都唔正宗，可以用9唔搭8嚟形容，有d畫龍點晴既感覺。但d牛肉就好有牛味好爽口，與d醬汁好夾。老公叫咗咖啡豬扒蛋飯，雞蛋好滑，咖啡同雞蛋份量適中，啱啱好夠撈飯食。而塊豬扒，炸得好香脆、肉汁好juice，唔會太un口，真係比個讚呀！呢個薯餅芝士，加咗檸檬汁，芝士一d都唔膩，外皮脆卜卜，仲要附送沙律菜，減輕油膩感。真係好好既配合！…Read More

好耐無嚟蛇王娟了，所以今晚要嚟蛇一蛇。最愛食呢間，因為真係好足料，蛇肉、雞肉、木耳..........加埋薄脆一齊食，真係好鬼正！跟住呢碗蛇湯，可以添加的，今晚我自己都飲咗兩碗。熱辣辣好滋補，食完蛇羹同個湯成個人暖晒。生炒糯米飯，煙煙unun加埋d獵腸好香，簡直絕配。…Read More

係尖咀睇完戲，想食d嘢，但又唔想食太多，老公打電話問朋友有咩好提議，佢就提議咗佐敦泰城。一嚟到，乜都唔駛諗就叫了生菜包、冬陰功湯、海南雞飯。冬陰功湯酸酸辣辣，仲有好香香矛味，叫了一個細，兩個人都分到每人兩碗仔。我叫咗生菜包，酸酸少辣，佢d豬肉半肥瘦。晏就飽咗，夜晚想食d嘢，但又唔想食飯，呢個就啱啱好。生菜好新鮮，包住d肉食一d都唔想得滯。我老公叫咗海南雞飯(無影相，掛住食)，食咗一啖，都ok，好香雞油味。見佢舖內張紙寫初一加二，初二、初三加一，我們諗即係平時應該唔駛加一啦！呢間值得再嚟試下!…Read More

與朋友在旺角食完晏，想坐底飲杯熱既甜嘢，到嚟朗豪坊，見Haagen Dazs，唔駛等位，放是就入咗去了。一坐底，我就叫咗杯熱朱古力。杯飲品唔太甜，但有好香朱古力味，奶味不太重。但個cream好有d實不太軟身，食食下都覺得好“流”唔想食。加上杯朱古力唔太熱，整唔到個cream溶入本飲品內，呢到要扣分。如果杯飲品再熱d就好好多了！…Read More

年廿七，與好朋友一行三人食海鮮，好好獎勵下過往一年的辛勞。其實我一直都好想試下九重塔的，所以決定就嚟試下。我們今次叫咗首爾塔，而個湯底是韓式豬手湯登登登，九層塔，嚟到了，坐我對面的朋友都比個塔遮住咗喇!職員好細心地講解食法，當個溫度針去到85°C就可以叫職員幫手，拎起個蓋就食得了。見住個溫度針好快升到85°C喇，終於食得!第一層 : 蟶子、象拔蚌蟶子通常都係用蒜茸粉絲蒸的，第一次試唔用蒜茸，上面粒蕃茄仔酸酸地，意外地與蟶子好夾。而個象拔蚌好鮮甜美味，連埋d汁嚟飲，正!第二層 : 元貝大大隻既元貝，肉厚多膏。初初好白痴咁以為，紅色嗰舊係紅蘿蔔，望真d原來係膏嚟架!第三層 : 海蝦蝦頭多膏，一d都唔係雪藏蝦嚟，蝦肉清甜爽口，職員講蝦可以點淡豉油嚟食，但個人覺得唔點先食到蝦既鮮味。第四層 : 北寄貝、新鮮花尾龍躉爽口彈牙，北寄貝通常都係食刺身時先食，小女子孤陋，第一次見連殼的北寄貝。龍躉肉厚無骨，正!第五層 : 蝴蝶蚌、大花蛤大花蛤都係嗰句好鮮甜。職員好細心咁見到d蝴蝶蚌唔開，放是好細心拎咗去廚房到，同我們蒸返熟佢。過咗一陣佢就拎返d蝴蝶蚌比我們食了。不得不讚個配角木瓜，吸咗上面幾層既海鮮，佢好甜美呀！第六層 : 沙巴肉蟹、大蚌蟹好多膏，個蟹夾位好細心地夾開咗，放便我們食。第七層 : 鮑魚鮑魚大隻新鮮彈牙，但我覺得配角搶咗風頭。因為蘿蔔、蕃薯吸咗上幾層海鮮味，好甜又無渣。食完都忍唔住搶咗隔離嗰個少少嚟食。第八層 : 海螺枱上附有竹纖，放便食海螺用，好細心配料粟米、南瓜超甜，又一抵讚!第九層 : 韓式豬手湯豬手好林，好煙韌，好骨膠原。d湯吸收咗成晚海鮮的精華，鮮味無貧。食完成晚，飽到上心口。清蒸海鮮真係可能食到海鮮本身既鮮味，健康清新。真係一個好選擇!…Read More

下午四點幾，少少餓，但又唔想食咁多嘢，所以嚟咗食碗牛腩米。佢d牛腩好林好入味，唔痴牙。仲有d牛筋又係好林，咬兩下就融化了。加七蚊有碟生菜，爽口!唯一美中不足是，我朋友食完之後發現碗入面有張紙!呢到要扣分。…Read More

過完大海，香港凍凍地就紮食熱嘢。所以決定去吉野家食煱物。都係菜多，而粒獅子狗卷入面有芝士，食起上嚟小心燙嘴。兩人三碟牛，都係吉野家一般的肥牛，唔覺有咩特別食晒d菜，嚟個日式食法........如果加隻蛋仲正!其實，間舖位於旺區，但店面得兩個人，執得枱嚟又要幫人起火，都真係踢晒腳，眼見收銀的，無錢收都會幫手執下枱。所以去食的人都要有d耐性先得。…Read More

天氣凍凍地就想食熱嘢，昨日亞媽無煮飯，今日返工經過西鐡部鴻福堂，於是入咗去買”番茄濃湯雜菜螺絲粉”同埋”川貝枇杷葉鱷魚肉湯”返工公司，將個螺絲粉加熱水，再放入微波爐叮返熱，一路叮一路聞到好香既番茄味。食落螺絲粉唔太硬或太軟，雜菜又唔係普遍的青豆、粟米、蘿蔔，佢d雜菜係蘿蔔、西芹、洋蒽、番茄，非常好味。啱啱唔想食咁多肉既我!跟住叮埋包湯，好有亞媽煲老火湯既味道，飲完唔覺口湯，咁就肯定知無加味精啦!…Read More

係旺角行到有d攰，但又唔想食咁多嘢，經過呢間舖，見有墨西頭鬼炸鬼，未食過，決定入去試下。我們只叫咗Churros 2條新鮮炸起，熱辣辣，拎上手又唔太油、食落去香脆可口，有朱古力或焦糖漿簡，我們簡咗焦糖味嚟點。焦糖味有d稀，其實點嚟食都好易滴到件衫，要小心d食先得!…Read More