py1002's Profile

即叫即整，但好彩嘅話都會有機會有位坐，因為得一張枱4個位，仲要係好迫，或者可以坐門口，不過就會食晒塵😂因爲對住條馬路我試過外賣食同坐喺度食，咁即刻食係好食好多，上次外賣食，大約過咗10分鐘先食，入面塊包淋晒，完全係另一回事今次經過見有位就入去食，我叫咗個鰻魚滑蛋，啲蛋好滑，而且佢落紫菜都好多，入面仲有塊薄薄嘅方包同鰻魚，味道都好味嘅，最主要係啲滑蛋吸引，價錢$40，無記錯係最平嗰個嚟，個人嚟講價錢算高了點，不過可以一試…Read More

今次係第一次食，之前成日聽話好食，所以去試下。環境闊落，而且我去嗰日係閒日，唔係好多人！一開始就送咗個湯，幾好飲，又夠味，不過我覺得唔夠熱，總共叫咗8個餸，都唔知食咩好，睇下相，睇下啲推介嚟叫，整體味道都ok，而且大碟價錢抵。仲要有桂花膏送，又有免費泊車。服務員都幾細心，一見小朋友即刻拎BB椅，見到我地有咩風吹草動就即刻過嚟睇下我地想點，而且好有效率，執枱上菜都好快位置就比較偏，地圖都唔係咁易搵到，不過識得去廈村牌坊就去到，附近都有路牌指示，而且個門口好光好易認…Read More

今次朋友生日，一行四人首次去食，見openrice有優惠，評論唔差，而且枱與枱之間有板間開，感覺幾好，而且沒有限時，所以揀咗醉胡爐。可能閒日嘅關係，人唔算好多，因openrice優惠，可送湯底，我地揀咗龍蝦湯底，真係有驚喜，好香濃龍蝦味，飲完湯之後加番茄湯都係好濃郁服務可以，會留意主動加湯，得閒就幫忙執枱，而且態度殷勤其他火鍋食品新鮮，整體上都可以，我們還叫了雞軟骨，都係好香口惹味，但另一個串燒鱔，呢個無乜味，所以無再叫串燒…Read More

我記得我幾年前去食過，食完都覺得ok的，那時還不是任食的。今次有朋友叫，我記得印象不差，所以就去食了，去到見到係任食，都無所謂啦！諗住一心試下，橫掂之前都唔差。上樓上坐，環境比較黑，首先上了碟東菇鮑魚，之後再上咗個翅，但個成個都係軒嚟我係咁二係咗2條翅仔就無食，但侍應見到我地無食，個樣好奇怪咁。再上咗個刺身，個刺身正常。終於上雞煲，我地一行4人，其實平時4人基本都食一隻雞，佢個煲細唔緊要，連個量都細，每人幾舊無晒，我地問點解咁細，可唔可以俾多啲，侍應姐姐話你地仲要食其他嘢架嘛，就掉頭走了！但其實我想講，我一心係嚟食雞煲架，而且打邊爐係自己點，我地食幾多寫幾多，無關係。打邊爐材料無咩特別，不過任食嚟講，菜嘅種類算少，道地檸檬茶變咗碧泉檸檬茶，脆肉鯇唔脆⋯⋯而最令我唔滿意嘅地方，就係嗰度嘅侍應，叫佢幫我地幾個影張相，佢答我佢唔得閑幫我地影相，但見佢之後係企埋一邊吹水，同埋成個場得4台客，忙得咁緊要都可以講句轉頭先，成晚最好禮貌係個啤酒小姐，佢只係幫忙侍應工作，我們係沒有叫啤酒咁嘅服務態度，咁嘅質素，咁嘅價錢，唔會有下次…Read More

我之前都有食過呢間餐廳，不過都係食晚餐。今次就同一班朋友去食，因為有朋友生日，又見到OpenRice 有人提過一啲特別預訂嘅menu,所以打電話去問下，佢問我有幾多人，想食咩，預算多少，跟住就幫諗咗個menu,之後我見有人提過隻鵝肝釀雞，我就額外再加。頭盤～有紅蝦牛油果他他，釀蟹蓋，黑松露帶子材料勁新鮮，帶子生熟剛剛好，超鮮甜😋主菜～安格斯牛扒，羊鞍，海鮮飯，阿拉斯加皇帝蟹腳，西班牙海鮮飯⋯⋯（有啲唔記得😅），有一個好好好味嘅通粉，另外仲有鵝肝釀雞甜品～有心太軟同蘋果批廚師好好，仲整咗啲menu無嘅嘢請我地食，我地樣樣都覺得好好食，好欣賞，所以好飽都要食晒佢。蟹腳好厚肉，鮮嫩多汁。羊鞍半生熟，嫩滑唔太鮮。海鮮飯啲海鮮好新鮮，飯好惹味我自己最欣賞鵝肝釀雞，好香好滑個通粉都好有驚喜環境好舒服，我地成班人，個侍應好好，成日幫我地換碟，又好笑容，廚師最後走出嚟同我地傾咗一陣，講解咗啲菜色，睇得出廚師好俾心機同對煮食都好認真，因為佢講咗種香料用嚟煮海鮮飯，如果無嗰種香料佢係唔會煮呢個海鮮飯下次要再嚟試下佢其他嘢…Read More

之前聽人講喺日本食過好好食，排晒長龍，但自己又冇得去日本，想試好耐嘞，咁啱見到元朗有就諗住買個來試吓，不過可能期望越大，失望就越大。我去到嘅時候都已經係好夜，差不多半夜12點，但個包仍然有新鮮出爐，呢個係值得一讚。我買咗一個蜜瓜包配蜜瓜味雪糕，食落去個包好甜，但覺得只有甜味，包面嗰啲一格格食落好似曲奇餅咁脆脆地，個包嘅質感都算軟熟，但啲雪糕好硬，有蜜瓜味，但雪糕實在太硬，所以比較難咬。所以咬落去好難同個包一齊食。…Read More

經過個門口好吸引，放咗張長椅，感覺好休閑，入面座位不多，但都幾闊落，我同朋友一行5人，食下傾下幾個鐘，與朋友食飯嘅好地方👍🏻佢地款式不多，主要6個餐，但餐入面已經有齊前菜，湯，主菜，甜品，飲品，可以加錢轉其他嘢，我地有轉田螺同鵝肝，主菜有意大利飯，豬鞍，牛扒，羊，魚，而甜品本來係伯爵茶奶凍，我地轉咗個心太軟同炸雪糕。呢餐由頭到尾都好有驚喜，首先每道菜都好精美，而且味道好食，我地個個菜都覺得好食，尤其係個牛同豬鞍，個牛相比出面一定唔止呢個價錢，個豬鞍食落好香蜜糖味，肉質仲好正添。個心太軟同炸雪糕真係為呢餐寫上完美句號，個炸雪糕係喺雪糕外層包蛋糕再去炸，好特別，而個心太軟，我個人覺得好食過出面啲甜品店。我見佢地有台客人食緊啲餐牌無嘅嘢，好奇下都有問下，原來佢地仲可以預訂menu,由廚師設計，都幾特別，下次可以試下。服務方面，佢地都好友善，我地坐幾個鐘都無催我地走，之後仲走嚟傾咗幾句，睇下我地啱唔啱食…Read More

包店內選擇不多，只是有分大同細，包是用法包，而且會返焗的，所以食落包是熱及脆口的，本來預期入面的料會好多同爆晒出嚟，點知一拎上手，看似好似無咩材料咁，但食落材料配合個包是剛剛好的，材料好夠味！可惜供應座位有限及飲品選擇不多，座位是幾張摺椅，而且地方細，如果多人應該要企出門口等，位置不算方便。整體感覺還可。店內亦有少量其他醬料，蝦片，泰國公仔麵賣！家庭式作業，沒有特別服務要求，是自助形式。是現在少有的舊式店舖，！…Read More

已經去過這店很多次了，店內座位不多，大約20個座位左右，餐牌每次都會有素，有魚及肉可選擇！初次去到見到新開張，諗住一試，亦沒有太大期望！點知一嚟到真係呆咗，我點咗個意大利飯，佢個外表靚到以為自己去咗酒店，食落都非常好味，而且份量非常足夠，之後亦同朋友食過他們的羊架，牛扒等等，朋友亦都讚不絕口。廚師亦非常細心，我牛扒要5成熟，他很快記得了，我再點牛扒時，他反問我5成熟對嗎。服務真的給人好親和的感覺。雖然食過咁多次，但每次食唔同菜色都會有新驚喜，例如熱咖啡突然配多片自制曲奇，凍咖啡原來是用咖啡制的冰，心太軟個流心度及味度比甜品店更出色。一個大眾化價錢，可以食到這種質素，實在物超所值，支持小店，誠意出口，真心服務…Read More

去食嗰日遇著落雨，所以唔駛點等，好快入得。叫咗個沾麵、拉麵、炸雞塊、溏心蛋，湯底係用豬骨，魚介煲，所以要趁熱食，食到尾我已經覺得好腥，炸雞無咩特別，反而最好食係隻溏心蛋。…Read More