Nicnic2222's Profile

唔准唔熱食！呢度嘅米線由上台到食最後一啖，都係滾住食！♨️ 重點係個湯真係由頭濃郁到尾，熱辣辣到飲晒成碗都仲係燙口嘅！唔會俾個爐煮到乾水或者變味，真係完美鎖住湯底精華！今次試咗兩款招牌： 🍜 招牌花膠雞濃湯米線 真材實料！湯底超濃郁，每一啖都係膠質滿滿嘅花膠香，雞件嫩滑到唔使點咬，仲有超多花膠，女人見到一定會尖叫！💃🍜 胡椒豬肚雞濃湯米線 鍾意惹味必點！胡椒香氣夠晒驅寒，豬肚洗得乾淨又爽口，湯底飲到最後一啖都仲係熱辣辣，真心滿足！❤️唔好錯過小食！ 🌟 金磚豆腐 外脆內嫩，咬開真係滑到好似布甸咁！點埋甜辣醬簡直無得頂！🌟 椒鹽粟米 超驚喜！粟米超甜又多汁，椒鹽鹹香帶微辣，食到停唔到口！🌽📌 重點再講多次： 個爐真係唔係擺設！由頭滾到尾，湯唔會變鹹或煮乾，米線索盡湯汁依然彈牙，最後我連湯都清晒！碗底見證！💯…Read More

✨ 二人套餐 ── 鵝肝配安格斯封門柳（12安士）$498 +1 ✅ 2個酥皮湯 + 蜜糖雞翼 + 炒意粉 + 粗薯條🐮 牛扒真係超大塊！！超級厚 用鐵板上 超岩打卡 ！！！同男朋友兩個去食 又可以按照大家口味 熟度煎唔同時間 、五分熟粉嫩效果同7分熟同樣做到，超驚喜！ 肉質超軟，咬落好有口感，仲有超濃牛肉味！鍾意原始風味嘅你一定要試～ 🍫 鵝肝真心大推！！🌟 油香爆滿，入口即化～ 店員好貼心提我哋每面煎1分鐘就夠，切開微微粉嫩，配牛扒一齊食，簡直絕配！😍 🥣 酥皮湯熱辣辣，飲嘅時候要小心～🔥 酥皮脆卜卜，點湯食超正！ 🍗蜜糖雞翼外皮超脆、內裡非常juicy、好食！整體來講性價比極高，環境同服務都非常之好 ，店員超級細心、絕對會再encore！👏💯…Read More

灰黑主調既暗黑系空間，低調得黎不失高級感。板前座位近距離欣賞到師傅既手藝，每道菜式都超級精美，金粉+料理波波裝飾，儀式感滿分。🌙 Omakase Moon套餐 ($1580) 🍵 先付｜開胃前菜拼盤****合桃小女子** - 甜脆合桃配醃製小魚，鹹甜交織**廣島蠔時雨煮** - 肥嫩蠔肉用日式醬油燉煮，鮮味濃郁**麵豉萵筍** - 爽脆萵筍裹上甘甜味噌醬 🐟 刺身五品｜鮮味盛宴1. **小長井生蠔（長崎縣）** - 冰鎮後淋上檸檬汁，肉質爽脆帶礦物香氣 2. **真鯛魚海膽卷** - 呢個打卡一流！！真鯛薄片包住滿滿既馬糞海膽，加埋分子料理泡泡，超級靚！！！3. **三文魚籽海膽杯** - 北海道海膽+爆汁三文魚籽，海味鮮味雙重奏 4. **活章魚（配柚子胡椒）** - 口感非常有彈性，食到一半再落柚子胡椒調味非常提鮮 5. **煙燻獅魚** - 煙燻香氣撲鼻，魚肉油潤甘香 🍳 御料理｜熱食驚喜- **鮑魚大根** 鮑魚慢煮至軟嫩，底下大根吸飽鮑魚醬汁，鮮味炸裂🍣 壽司十貫｜鮮味盛宴1. 真鯛｜白身魚既淡雅開場 2. 伊佐木｜夏季白身魚之王，肉質緊實 3. 帆立貝｜厚切貝肉鮮甜度爆錶4. 間白｜魚皮炙燒後油脂香氣更加濃郁5. 白三文魚｜比普通三文魚更加細膩 6. 地蛤｜現開貝類的極致彈嫩 7. 金目鯛｜魚皮金黃酥脆，肉質粉嫩 8. 青魚｜醋漬後平衡油脂感 9. 中拖羅｜完美粉紅色，入口即化 10. 海膽手卷｜海膽鋪滿整卷，紫菜超級脆，仲加埋閃粉裝飾，打卡滿分💯🍲 吸物｜暖胃收尾** - 蜆肉味噌湯：用清酒蒸煮的蜆肉，湯頭鮮甜不膩 🍈 甘味｜完美句點- 時令水果 靜岡蜜瓜+葡萄，清甜多汁，超級Fresh 🌟由前菜到甜品都非常滿意。特別欣賞**海膽三食- 海膽卷 海膽杯 海膽手卷，大滿足！食材全部日本直送，呢個價位絕對物有所值！…Read More

今日約左Bestie 談心 決定揀一間浪漫餐廳 順便打個靚卡 最後揀左呢間海邊餐廳。間餐廳有室內同室外位置，坐出面係有暖爐服務🫣所以都唔怕會好凍，一入去有好靚既紅酒牆 可以打個卡，影返10幾20張靚相先☺️☺️☺️今次兩個人叫左個$988套餐💛前菜火龍果北海道帶子沙律非常Fresh既前菜，帶子超大粒，加埋好甜既火龍果，好開胃🤤💜餐湯黑松露野菌湯驚為天人，佢好夠熱加埋個湯餐湯黑松露野菌湯驚為天人，佢好夠熱加埋個湯好濃郁，超級重既黑松露味，出色😍💚Pasta芝士意大利雲吞配牛肝菌醬口感一流，唔會煮得太淋，一咬入面有濃郁芝士味，好食！💙主菜美國頂級肉眼扒5成熟既肉眼無令人失望，油脂豐富，肉質軟嫩，非常好食😋🧡甜品拿破崙蛋糕口感好鬆脆，加埋旁邊既芒果粒一齊食，超級好食🤤靚景美食 唔好錯過🤭…Read More

之前睇社交平台見到呢間餐廳嘅夢幻Cocktail，終於有機會試下、結果超級驚喜！首先間餐廳係30樓，有室內同露天位置，景觀超級開陽、見到180度維港景色，已經冇得輸啦😍再加上佢有好多夢幻嘅花花佈置，真係超級驚艷😇😍絕美夢幻Cocktail 🩵 ONE THOUSAND & ONE NIGHT $158~SAKE+PASSION FRUIT+EARLGREY！！！！！！！打卡必叫！！！！！神燈造型再加埋點火嘅效果、佢既夢幻程度、相信大家睇片就會明白 ，不解釋🥰而且佢個味道非常有層次，可能因為有百香果，口感甘甜，非常易入口，飲唔到濃酒嘅朋友絕對可以handle到☺️🩵 MOON & FLOWERS $158~SAKE+ROSE+ELDERFLOWER呢杯嘅造型都冇得輸，再加埋煙霧嘅效果，又係打卡一流，而呢杯既味道就比較重酒味💛APPETIZERS香煎日本刺身帶子伴三文魚籽 $138擺盤好靚、用左食用花同金箔做裝飾，帶子食落新鮮又大粒🩷MAIN澳洲M3和牛肉眼扒 $428 呢個望落都流口水🤤 油花分布平均、扒本身唔太厚、食落唔會好油膩、而佢本身既調味已經夠濃、另外仲有特調醬汁、配埋都好好食🧡RISOTTO波特貝勒蘑菇鮮嫩雞肉煮大利飯 $178呢個好驚喜、佢望落平平無奇、但食落非常creamy、Risotto 個口感軟硬適中、勁快就清哂成碟😋本身見星期六先有live Band，點知今次去星期四，都有表演，而且超好聽，氣氛又被拉滿喇🥰呢間餐廳佈置又靚，又有海景，又有live Band，又有美麗Cocktail，滿分💯…Read More

呢間元祖韓國燒肉，喺旺角屹立不倒，餐廳既設計同擺位同係韓國嘅氛圍係如出一轍，所以每次食都好似返返韓國咁😇而且成間舖頭都充滿咗塗鴉，超級適合打卡😌而入去坐低都會有一系列前菜，全部都好好食🥩和牛拼盤 $458擺盤非常有心思，用咗一個牛嘅木盤放置唔同嘅部位，真係打卡一流😍成個拼盤有九款唔同嘅部位，每一款嘅油脂分布同濃淡味道都有唔同。我自己最鍾意係日本A4背峰肉，油花分布平均之餘又唔會太油膩，好好食😊餐廳提供咗兩個醬料去配搭，但係其實單食已經係非常出色，或者用生菜包住嚟食，成個感覺會冇咁油膩🤤另外驚為天人既仲有係側邊默默守護既爐邊泡菜雞蛋，超級嫩滑，好食🤤🐓 人蔘雞湯 $108呢個熱辣辣，冬天暖胃必點，足料原隻雞，裏面包住糯米，口感好豐富，而且成個湯好濃郁，啖啖都係精華😌🐝蜂蜜原漿米酒 $88打卡必點2.0，杯裡面有原個蜂巢切落嚟嘅蜂蜜粒，配埋米酒，味道啱啱好，鍾意打卡又可以飲到酒嘅朋友記得要叫呀😊每次食完呢一間韓燒都非常之滿足，滿足到我打卡嘅慾望之餘，佢嘅嘢食全部都好好食，而且越夜越多人，多人起上嚟個氣氛更加好，令人滿足既一餐😌…Read More

🩵尖沙咀｜新鮮食材｜高質居酒屋🩵今次放工同同事食日本嘢，位於K11附近，好易搵，而餐廳佈置係好有日本居酒屋嘅feel，好Chill ，而且全晚都有Happy Hour，啤酒 高球酒 燒酌 梅酒 都有買一送一 ，今次飲左柚子檸檬酒，甜甜地，超岩我地女仔傾偈小酌下🥰依家樽裝酒精飲品仲有七折，超抵🥰💛池魚 $298當日推薦新鮮刺身，見住師傅切出嚟嘅過程已經非常治癒，擺盤非常精緻，食落去超級Fresh，而且魚油甘香細膩，入口質感好爽有咬口，好食😋💙生蠔 $98超級大隻，蠔身修長，食落層次豐富，蠔身爽滑彈牙，味道以海水味+鹹味為主。🧡寿司八貫＋小卷 $388三文魚/深海池魚/油甘魚/赤身/左口群邊/八爪魚/魷魚/赤蝦+自選小卷老闆娘教我哋用旁邊嘅薑點個豉油落個壽司度，份量更加容易控制，用咗呢個方法食落去嘅壽司更加好食😋而每一款壽司呢都超級新鮮，而佢本身嘅壽司飯已經做好咗調味，所以就咁食都非常出色😋🩶牛油果炸軟殼蟹卷 $138呢個超級推薦，軟殼蟹炸得超級鬆脆，加埋新鮮嘅牛油果，味道超級夾，一上就極速清哂😋…Read More

今日放假特登黎中環放空下,諗住去大館影聖誕樹嘅途中經過呢間氛圍滿滿嘅餐廳,於是就決定食個Lunch 先再去, 成間餐廳係白色同藍色為主調,超有希臘嘅感覺,仲好Chill 💙Lunch Set 都有好多選擇, 包左湯/沙律、主菜、飲品同甜品🤍Souvlaki with Chicken /Beef店員話呢個係最特別，所以就叫咗，串燒揀咗雞，佢望落去同食落去一樣都係咁Juicy ,而Pita Bread 係超有驚喜，因為佢嗰邊勁脆，配埋一個青瓜味幾重既醬一齊食，成件事好fresh好夾。而佢亦都有薯條伴碟，口感係偏向冧身嗰種，點佢個醬都好夾，好食😋💙甜品食完個主食已經超級飽，甜品係每一日都係唔同嘅，今次呢個就係一個蛋糕仔，佢望落去個樣都幾Normal，但估唔到食落有驚喜，超級綿蜜，中間仲有啲堅果同埋提子乾，口感更加豐富，加埋佢有啲蜜糖淋咗喺面，甜甜地，超級好味🤤…Read More

今次食呢間Omakase位於觀塘，聽到隔離熟客講原來係由細鋪搬大鋪，聽到佢哋好評不斷，食之前超級期待，結果係非常驚喜😍今次叫咗爍雨23道Omakase 、每一款都超級好食呀🤤爍雨 $1480 +1 💛前菜🔸腐皮根子🔸前菜拼盤河豚魚皮+海帶芽心+海藻毛豆💙季節刺身🔸魚子牛肉他他兩種食材夾埋一齊食口感好特別，再加埋側邊脆脆嘅皮，口感更加豐富🔸北海道蠔鮮甜肥美Creamy🔸劍魚 用左熟成既做法，再加Wasabi係面，好食🤤唔食得Wasabi嘅朋友記得叫佢擺少啲，如果唔係會比較辣🌶️🔸 鰤魚配蛋黃醬🔸 蘋果木煙燻大拖羅👍🏻👍🏻👍🏻👍🏻用蘋果木煙燻，個過程超級療癒，配上中拖羅、紫蘇葉、沙甸魚乾同紫菜、口感超級有層次，超級好食🤤🔸松葉蟹 一大口蟹肉既感覺，超級滿足🔸澳洲鮑魚 超級新鮮嘅鮑魚，仲有鮑魚乾醬可以撈飯💜熟食 🔸免治雞肉丸🔸油坊主配他他醬 🔸黑松露法式抄蛋👍🏻👍🏻🔸和牛卷🩷手握壽司🔸北海道帆立貝🔸黑鱸魚🔸北海道 銀鱈魚🔸左口魚👍🏻👍🏻👍🏻🔸瀨尿蝦🔸海膽飯👍🏻👍🏻👍🏻💚 鮮味魚湯🤤👍🏻👍🏻🧡甜品綿蜜玉子蛋糕+煙韌蕨餅+季節生果總括呢餐真係超級驚喜，每一道菜好好味之餘仲要超級精緻，超啱俾我打卡🤗師傅會根據當日嘅食材決定當日嘅Menu，所以超級新鮮，而且餐廳氛圍超好，用嚟慶祝生日節日都非常之適合!!!…Read More

朋友超級鍾意食日本放題，今次去呢一間正正係旺角地鐵站出面，超級方便，一上到去都已經有好多人等緊位，而時段係8:30後入座，所以價錢有抵左$268🤭一入到去環境都尚算寬敞，出面分咗熟食區、飲品區、甜品區、雪糕區、亦都有清酒區。而一如以往食放題一定係會食刺身先嘅🤭好多款刺身都叫咗而自己最鍾意食係三文魚同埋甜蝦，全部都非常之新鮮，好好食😋🍣壽司方面都有超級多款式，當中自己最欣賞最喜歡食嘅就係鹽燒左口魚邊壽司，有入口即溶嘅感覺，超級好食，食完要再encore😋🐮熟食方面要大贊佢嘅和風牛柳粒，超級好食，味道超級濃郁，熟到控制得非常之好，口感唔會話非常之韌，出色😋另外佢嘅鹽燒牛舌，鹽燒雞翼，鹽燒雞軟骨等等都係超級好食，一定要叫🤭🥩另外因為天氣凍嘅關係，好想食啲暖笠笠嘅嘢，所以就叫咗雪花牛鍋，呢個超級驚喜，佢個牛肉嘅熟度係非常好，再加埋濃郁嘅湯底，非常值得推介😋🍦甜品亦都有好多選擇，自己就主力係食雪糕，因為佢有超多款式，塞滿咗兩個大雪櫃、非常吸引😍最後最後要提嘅一定係佢嘅馬來西亞榴槤，呢個榴槤雪到凍凍地，味道係超級有榴槤味，外皮係脆嘅而內裏係非常軟，超級好食，亦都係必定encore嘅一個項目😋大家快啲book位去試吓啦☺️…Read More

今次嚟呢一間餐廳係慶祝朋友生日，餐廳色調以綠色同埋紅色為主，營造出一種復古嘅風情。隨便拎起個電話影，每個位都好靚🥰超級適合打卡同慶生🥳而且有室內同室內外嘅位置，對住中環街景同朋友飲返兩杯，超級有feel 🤭菜式方面，佢有超多選擇，每款都係好經典嘅西式菜，好多款都好吸引🤩而且每一日都會有指定半價款，再拉高左個CP值😎🦆法式鴨肝二重奏 原價$188 半價香煎鴨肝配蘋果醬及鴨肝焦糖燉蛋配多士鴨肝外皮煎得超級香，油脂爆發，配埋脆口多士同埋酸酸甜甜嘅蘋果醬一齊食，超級夾同解膩，出色😋而焦糖燉蛋焦糖面脆卜卜，燉蛋非常嫩滑，上面仲鋪咗一啲魚子醬，連埋一齊食鹹甜味道交錯，好食😍🐽 加拿大豬鞍扒配蘋果醬 $288豬鞍扒超級厚身，切開完全無難度，外皮煎得好香，口感軟嫩無筋，直接食都已經好好味。另外配埋燒汁同蘋果醬，別有一番風味，兩款醬都好好食😋🍝 黑松露野菌意大利粉配帕瑪森芝士脆片$158一夾起意粉，內眼可見意粉超級掛汁，食落就更加唔使講，超級香濃嘅黑松露味。最驚喜嘅係佢一塊塊嘅芝士脆片，就好似平時食焗豬扒飯面上面嗰一層芝士嘅味道，但佢係香脆版，連埋啲意粉一齊食，又驚喜😍🍟 炸薯條配黑松露蛋黃醬 $68依家仲做緊優惠二選一😍每日指定菜式半價優惠 或生日當月慶生訂座可獲贈招牌火焰雪山一份…Read More

係附近做完野閒逛發現咗呢一間韓國烤肉店，一聽老闆嘅口音，發現係韓國人黎，望落個餐牌啲價錢亦都非常合理，所以決定一試，結果CP值超高，無令人失望😍而一如以往，韓國餐廳呢都會有一系列嘅前菜供應，包括醃蘿蔔、蓮藕、泡菜、青辣椒等等。另外佢有一個韓式魚露同埋芝士擺咗喺火爐上面，係for之後用嚟點肉用既。當然都唔少得有一盤沙律、生菜、大蒜、大醬等等食材俾我哋包肉食，非常正宗嘅韓國烤肉，非常期待😍🐷豬三層肉100g $82 +豬梅肉 180g $118佢嘅豬肉肥瘦相間，質感好有彈性，烤完之後嘅比例適中，本身以為會好油，但係口感係恰到好處嘅，我自己就鍾意夾埋生菜大蒜同埋大醬一齊食，好食😋🥩牛肋肉100g $70口感一流、牛味亦非常之重，呢款可以點落個芝士度食，有另一番風味😌🍲肥牛麵豉湯 $60呢一個麵豉湯非常之足料，肥牛夠嫩，口感唔會太老，入邊嘅豆腐亦都非常之滑，再加翠玉瓜爽脆嘅口感，正😇🍳 韓式雞蛋羹 $35一上枱佢用一個蓋冚住，一打開熱辣辣，食落去口感非常之滑，超級好食，而且佢非常之平，所以必叫😋😋😋飲品方面叫咗甜米露同埋蜜瓜🍈梳打、兩樣都係係韓國經常飲既飲品、更加似身處韓國食燒肉🥰…Read More

呢間餐廳嘅佈置係以紅色日式裝修為主，而今次同朋友坐吧枱，店員見我哋兩個都着白色衫，居然拎咗條圍裙俾我哋，超級surprise+超好service，超級加分🥰Menu 上面有3款，三款既分別主要在於油花同肉味濃度，今次同朋友試咗以下兩款: 🥩特選肩胛壽喜燒套餐 180g $238每隻牛大概只係得3-5公斤，油脂甘甜，肉味濃郁😋🥩極上肉眼壽喜燒套餐 180g $288肋骨上方既肉，脂肪同油花超靚，口感柔軟細滑，肉汁香濃，配埋日本白米食，超正呀😋🍱而每個set都包左前菜、野菜盛合、十勝產A4和牛、蘭王蛋、再自選日本米飯或者讚岐鳥冬同甜品。呢一間壽喜燒係自助形式，每個位前方都會有教學圖，可以按照自己嘅喜好控制甜度熟度，呢個體驗意想不到咁好玩🤭兩款肉都超級好食，入口即溶，再撈埋佢嘅蛋汁一齊食，口感更加昇華😋，超級滿足呀！！！🥗野菜盛盒入面有娃娃菜、豆腐、香菇、腐皮、今次煮加左自家製昆布湯，全部都好好食😋而甜品就係綠茶蕨餅同埋黃豆蕨餅，兩款都超級煙靭，成set都配合得天衣無縫🤭💝依家仲做緊以下優惠😍🤭做齊以下步驟即可免費獲得生啤一杯（白/黑）或40g和牛赤身一客！1️⃣讚好或追蹤「Sukikansai壽喜•關西」FB/IG2️⃣拍攝食物照上傳至IG或 FB3️⃣於 Post / Story 內 Tag 壽喜•關西真係值得一試㗎，一定會encore 🥰…Read More

大家有冇好鍾意食雞翼嘅朋友呢？今次居然俾佢搵到一間以雞翼為主題嘅餐廳，佢既雞主打係歐盟認證走地雞，雞翼係無激素，不含任何抗生素，所以今次佢約我食放題，都食得放心😋🥰餐廳係位於中環嘅商業大廈上面，一上到去，發現超級多人喺門口等，好彩有book位啫，舖頭嘅環境好有設計感，其中一幅牆上面有好多懷舊嘅錄音帶，打卡真係一流😍而我同朋友今次就決定食90分鐘10款雞翼放題，包任飲汽水🥤星期一至星期四 $188 星期五至星期日 $20810款雞翼口味Buffalo |水牛城醬Cajun Spice | 紐奥良香粉Cali Style | 加州風情Carolina Reaper |死神醬 Espresso BBQ|咖啡燒烤醬Hoisin Glaze 中式海鮮醬Lemon Pepper |黑椒檸檬Mongolian BBQ |蒙古燒烤Ranch |田園風味Thai Sweet Chilli |泰式甜酸醬試咗咁多款雞翼款款都好好食，最鍾意係泰式燒烤味同埋蒙古燒烤味，同埋估唔到呢都幾飽喎🙈，鍾意食雞翼嘅朋友一定要去試下呀😋…Read More

最近天氣突然之間涼咗好多，即刻諗起雞煲，喺附近返工，所以就嚟呢一間試一試😇🐔豐鍋招牌麻辣雞煲Bb辣 半隻$178 平時食開嘅雞煲一上枱都要煮一陣先可以食，但當間舖頭好多人嘅時候，就變相冇人去照顧個雞煲，有試過一上枱就煲燶咗，而呢一間嘅雞煲一上枱，煲一兩分鐘就可以食㗎啦，成件事開心好多😍而且雞煲超級香濃，每一件雞都非常之入味，而BB辣辣度適中，令到個雞更加惹味，超級快就清晒半隻雞，超級好食😋😋😋推介打邊爐配料🐟順德撈魚皮 $63呢個炸魚皮嘅外貌非常特別，係一大塊，食落非常之脆口，一定要試🤭🔔自家炸響鈴$59 6件呢個響鈴炸得超級脆，碌1分鐘拎上嚟，時間啱啱好，脆口得來唔會太油，好食🤤🥩頂級安格斯牛 小 $198呢個牛嘅色澤非常之美麗，食落非常有牛味，好好食😍…Read More