9HeaDaiC's Profile

🐣 90分鐘雞翼放題套餐 (買券後$209)一入到去都見到裝修好有風格，成個牆都佈滿錄音帶📼 每一款味嘅雞翼都會4隻咁上，如果4個人嚟就可以試多啲口味，再揀自己鍾意嘅Encore👍🏻我冇特登記住邊隻雞翼打邊隻味，但無論無配醬嘅雞翼，定係配調味粉嘅雞翼，全部都係外脆內嫩滑，食落仲有啲肉汁🤤 我建議大家望住餐牌估下邊啲雞翼會有醬係面，邊啲雞翼係有粉，避免好似我咁叫嘅每一Round都好相似🤣唯一記得嘅雞翼係「醉雞味」😍 強烈建議大家食到中間悶悶地個陣叫，因為佢食落勁濕口，外表滑捋捋，食到DryDry地個陣勁驚喜！再配合佢麻麻辣辣嘅感覺（唔算好辣架咋！）正😋除咗雞翼外，仲有少少其他嘢食，我最鍾意薯條🍟同通心粉🧀 ，食落熱辣辣！同埋可以係食好多雞翼啲時候轉換一下感覺我哋呢個餐係汽水同埋象啤任飲，我覺得已經足夠👌🏻…Read More

🍝蟹籽蟹肉明太子忌廉意粉 ($108)嘢食整體都大碟，啲蟹籽多到成座山咁，食到最尾都有淨👍🏻每一條意粉都掛滿曬汁，食落好Creamy🧀雙重芝士浴浴單邊雞翼 ($62)要連埋表面個啲芝士一齊食先會食到啲芝士味，佢唔係灑滿晒芝士粉嘅嗰一種雞翼，所以如果就咁食嘅話就冇乜芝士味🤔 食落有少少辣，辣嘅程度同脆香雞翼差唔多🧇親愛的提拉米蘇牛角窩夫 ($88)佢個餅底係脆，唔係腍啤啤嗰種😋👍🏻🫖凍蘋果肉桂茶 ($48)飲落好Fresh，有啲甘香，有種小清新嘅感覺🍃 一壺大約可以斟到三杯佢嘅茶杯。本身以為佢係一杯透明得杯茶嘅飲品，點知出到嚟又幾搞笑，幾好玩🤣 …Read More

雖然K房入面嘅嘢食嘢飲單價都好貴，但唔洗唱K錢嚟講，計翻都好似賺咗嘅感覺🤣🍟 黑松露薯條 ($82)炸起送嚟熱辣辣，份量超多😋 但個黑松露醬稀到好似水咁😩，要點好多醬先入味🍰 自家日本東京No.1芝士蛋糕（件） ($68)口感都算Creamy，同出面嘅差不多，可能冇計細滑。呢件佢漏咗我哋單，等咗半個鐘up先食到🥲🍸 Lychee Martini ($129)🍸 Goodbye（忘情水） ($139)DaiC的話💭：1️⃣呢度其中一個優勢就係可以唱MC同埋YT🤣2️⃣個日掛住唱，都唔係好記得啲嘢食點喇😗3️⃣當日兩個人係Weekend happy hour 唱2.5h，總共食咗$418，如果有學生證仲可以免加一🍽️：Red MR📍：銅鑼灣謝斐道482號兆安廣場3樓…Read More

牛肉雪糕地獄拉麵($92)講到地獄咁樣，以為好辣，但完全唔辣，10小都冇❌湯底加咗雪糕，我食咗兩啖先，然後決定整融曬先食，但係個湯唔夠熱，所以要特登插個雪糕好耐先會融到落個湯度。食落有種好隱約嘅甜，但變到辣又唔係，甜又唔係咁，食落係唔難食嘅，但變相就冇曬特色。麵係幼麵，超細份，我食完係覺得自己只有一成飽，少到我會話如果我頭先冇用啲時間去等個雪糕融，應該我食曬成碗麵，個雪糕都未開始融。😓 肥牛啲份量係可接受嘅，都唔少👍🏻 但基於所有嘢都係普通。$92 呢碗拉麵完全唔值。…Read More

🥣 炸醬湯紅薯粉條配麻辣豬耳、豬頸肉 ($49)叫咗小辣，個湯底正常👌🏻 薯粉係攣攣薯粉😍豬頸肉軟硬適中，但係佢就唔係炸過嘅豬頸肉，冇咁惹味🐷 唔知有冇人都食得出，出面有啲豬頸肉係有豬臭味嘅，但呢間就冇👍🏻麻辣豬耳食落超級滑😋DaiC的話💭：1️⃣環境光猛，乾淨企理👍🏻 估唔到食薯粉嘅舖頭都會有置物籃預備俾客人🧺2️⃣當日我星期六中午去到，唔算多人，店員都好nice🍽️：新川美食📍：太子砵蘭街414號地舖…Read More

🍛 奶油咖哩雞套餐 ($68)奶油咖哩好香滑，食開辣嘅我覺得佢唔辣😌啲雞明顯有陣醃咗嘅香料味👍🏻 肉質偏柴，冇乜汁（不過滑嘅雞同佢呢種香料嘅感覺應該唔係好夾🤣）🫓 白飯轉蒜蓉烤餅 （+$15）個餅上枱熱辣辣，香噴噴😍 食落軟糯有口感，蒜味唔重，食耐咗都唔會覺得好鹹，但幾惹味同幾香口😋 雖然塊餅摸落油油地，但食個陣又唔覺好油餐跟飲品有好多選擇，我揀咗包裝無糖茶，所以唔細說DaiC的話💭：建議普通食量嘅人可以唔洗心急叫小食住，有次同🍄‍🟫一人食一個餐，加咗個炸乳酪波，飽到傻咗😂第一次試嘅可以一個加錢試下個烤餅，一個叫飯再Share🍚 我當日好肚餓，一啖咖哩一啖飯，暖笠笠食落去勁滿足勁舒服😍🍽️：Gali📍：觀塘駿業里6號富利工業大廈14樓B號舖…Read More

🥣 原味老火煲湯（碼另上） $280飲落超濃郁，飲得出佢好足料，其實幾好飲😋 但係佢一開始問我哋要唔要湯個時，我哋以為係普通例湯所以就話要，點知原來佢嘅收費係$280，大約裝到七碗滿嘅，所以建議大家可以喺開頭嘅時候問清楚價錢🥔黑椒蜜餞薯仔牛柳粒 $168牛柳粒好大粒，唔韌，食落唔錯👍🏻 但薯仔就好普通，好似蒸完就炒埋一碟，冇出面炸過好香口嘅感覺，呢碟比起出面嘅唔太甜，冇咁惹味🦐女人街粉絲蝦煲 $208蝦好新鮮，粉絲索曬啲味，好惹味，送飯一流💯🐷鐵板黑椒原隻豬手 $168店員會幫手切開做3大舊，我仲以為佢會切到細細舊，一口size😂 食嘅第一啖好滑，講完食埋淨低個啖又開始有啲韌🦑椒鹽脆鮮魷 $108食落幾香口，炸粉唔算好厚，但如果數量多啲就抵食啲🥚金銀蛋肉碎浸時蔬（娃娃菜） $88大路嘢👌🏻🐔秘製蔥油雞（半隻） $168超推薦！！💯 本身我冇特別鍾意食雞，但呢隻真係好滑好滑！同埋好香蔥油味🦪美國桶蠔（薑蔥焗） $228食落有啲酒味，一煲有7-8隻蠔，又係一半好滑，一半好韌🍚飯（一碗） $15🍺真露燒酒 $42氣泡酒甜甜地幾好飲，但食水有啲深DaiC的話💭：整體價錢貴過出面嘅大排檔，推薦蔥油雞同埋粉絲蝦煲👍🏻（小心叫錯另一個蝦+菜煲），其他就自己判斷Btw見到openrice話服務唔好，但我哋book 8:30pm時段，冇趕客情況出現，而且我哋8個人提早book，有自己一個小area去食。食蛋糕個陣啲姐姐都好有耐性幫忙上蛋糕、派碟同埋影相，整體而言個服務係不錯👌🏻🍽️：女人街食飯公司 (尖沙咀)📍：尖沙咀棉登徑8號凱譽大廈地庫A號舖…Read More

隱姑茶果 ($10/件)佢比傳統茶果店嘅款式多，本身想試蘿蔔蝦米，但係估唔到勁快賣曬！最後揀咗紅豆茶果同埋鹹茶果，皮薄餡靚，食落好煙靭👍🏻紅豆味就普通，感覺上啲餡比較少。鹹茶果就更香更有特色，滿滿花生碎🥜，間唔時有粒扁豆係入面。兩樣同時間食，相比之下，鹹茶果十分驚艷，食落超足料，滿足感大啲😋…Read More

🥚芝士煎雞蛋卷 ($98)好滑，好好食，溫度啱啱好🌡️ 啲芝士拉曬絲，配埋番茄醬，鹹鹹甜甜💯😋 厚切五花腩芝士泡菜拉麵 ($88)雖然餐牌上面佢有兩條辣椒🌶️ 但我本人食落係完全唔辣。麵就冇乜記憶點，但個五花腩好正😍 有三大塊，啖啖肉，肥瘦均勻，好香口，但一啲都唔油膩👍🏻😋 拉麵辣炒年糕 ($78)餐牌上面同樣都係有兩條辣椒🌶️ 但可能因為啲麵索曬汁嘅關係，食到後面都幾辣🥵 開頭食第一啖係超驚艷，但食到後尾真係太辣。年糕好煙靭👍🏻🫐 藍莓牛奶沙冰 ($45)雖然佢叫「沙冰」，但飲落好棉，好細滑🤤 飲落個感覺似飲緊yogurt ，唔酸👍🏻 但想知支籤係咪淨係裝飾？我以為佢會吉住粒藍莓🫐😂🍌 香蕉牛奶沙冰 ($45)🍄‍🟫話：「奶味比起藍莓個杯重，香蕉味唔算好出，整體平衡👍🏻」 但淨係鐘意單獨食蕉，唔鐘意蕉類食品嘅我就覺得啲蕉味好出！🤣DaiC的話💭：1️⃣係香港食過咁多間韓國嘢，我覺得呢間嘅份量係啱啱好，唔會太多👍🏻 而且每一樣單品嘅性價比都幾高2️⃣呢間係一間小店，得十個位，個日我去個陣時間尚早，唔洗等位，但之後都陸陸續續要等位了。3️⃣當日坐近窗邊嘅位，有兩至三隻蚊飛嚟飛去，比較影響食慾&心情4️⃣我哋叫咗兩杯沙冰，落單嘅時候佢都有話會等得耐啲。第一杯就好快到，但係第二杯就要食到一大半嘅時候先到，所以大家自己衡量一下叫唔叫沙冰🤔 5️⃣只收現金/八達通…Read More

😋大澳金門餅店 沙翁 ($15)我去個陣冇乜人流，等咗5分鐘內就有得食。咁啱去到我就賣曬，所以我有幸食到新鮮出爐嘅嗰一盤沙翁，熱辣辣，食落好香蛋味，好有空氣感👍🏻…Read More

本身就係諗住喺出邊食一兩串，但係店員好熱心同我哋講話可以入去坐，堂食同拎走嘅價都一樣👍🏻 所有嘢食都好香炭燒味，特別推介肥牛粒同埋野人腸。肥牛粒可以食得出佢唔係平時食串燒嘅嗰啲肉質，喺串燒界嚟講係幾重肉味，而且一啲都唔韌，無論係調味定係肉嘅生熟程度，所有嘢都係整得啱啱好😍 野人腸咬落爆曬汁，臨尾仲有個變變地嘅醬（類似沙律醬），好有變化🤤 仲叫咗芝士生蠔，熱辣辣，不過味道冇好出眾墨魚仔串都好味嘅不過呢間舖淨係開假期，所以唔好摸門釘！…Read More

大魚蛋($18/2粒)因為嗰日好肚餓，所以即使見到魚蛋看似係水魚價都好想食，但係食落真係幾OK！唔知係咪有超肚餓加乘，啲魚蛋好彈牙，雖然味道得辣同唔辣，但佢個辣味適中，啱啱好勾咗你個魂走🤣…Read More

係大澳入面，一支冰紅茶都要$15，而家$28起就有一樽嘢飲😱 會話呢一間啱晒有選擇困難症嘅你，因為可以試飲完先再決定買邊一樽👍🏻 店員都好熱情咁推介，話你知唔同飲品嘅特色，仲會根據你想飲嘅嘢推薦比你嘢飲又好睇，又好飲😋 只要每人最低消費一樽，就可以上去佢哋嘅觀景台度望吓，上面都有啲位可以坐嘅，啱曬行到攰，又想Chill下嘅你，當日去就冇人上去，所以就冇特別話有時限，但如果多人嘅話就要留意上去嘅限時喇。…Read More

$35一件蝦豬餅當日去到冇人等緊，即買即整，等大約5分鐘內就有得食聞同埋食落都好香，唔會好油膩，建議要加埋佢嘅辣醬，令成個蝦豬餅更加惹味好貼心有個兜，咁就唔會整到周圍都係👍🏻如果係兩個人嘅話，建議可以買一個share…Read More

一大班人出嚟聚會，最想就係可以有個地方吹水吹耐啲🗣️ 呢間無限時任食邊爐就啱晒啦！可以無限時食到凌晨一點🕐🤩🍲火鍋五部曲 ($359) 加一&部分湯底另計一坐低會比前菜，味道唔馬虎👌🏻 但建議考慮比兩set前菜，因為我哋坐喺房入面嘅圓枱，對面啲frd夾唔到嚟食，又唔係茶樓個啲轉轉枱，我哋要將盤嘢運嚟運去😂頭盤可以每個人都揀唔同款，大家再share嚟食，不過當日我哋大部份人都想食龍蝦，佛跳牆又賣晒，所以我哋全部都叫咗龍蝦🦞 佢有滿滿嘅芝士係面，但基於佢有好多菜喺底，就咁食個龍蝦個陣會有啲唔方便🤏🏻 啲菜會飛到周圍都係😂 所以建議食晒啲菜先再處理個龍蝦。龍蝦肉質結實，唔知係咪煮耐咗，一致認為食落有少少韌😮‍💨邊爐湯底我哋叫咗蟲草花椰子雞鍋🥥同埋四川麻辣鴨血鍋🌶️ 鴛鴦湯底唔使加錢，但事後先知原來椰子雞要加$98，餐牌冇寫低要加幾多錢，建議落單個陣問返店員。椰子雞湯湯底好足料，雞嘅份量真係好多🐥 而麻辣鍋我哋叫咗BB辣，但呢個辣度都唔細🥵 如果超級唔食得辣嘅朋友就應該食唔到啦，佢唔係十小辣嘅程度❌海鮮種類多，見到係乾淨新鮮👍🏻👍🏻 而啲丸都好彈牙😋 第一round嚟嘅牛係靚啲，份量都好多。跟住自己嗌嘅就有普通一般打邊爐嘅料，後面任食嘅肉就同平時出面食到嘅質素相若 （食到唔記得咗影😜）飲品有好多選擇，酒都免費，不過啲酒唔係我飲開個啲🤣 最正一定係有玻璃樽裝可樂😍掂曬✅最尾每人有一個Movenpick，當日有嘅味道就要問返店員了。Dai C的話💭：❣️少少改善建議：如果入邊可以有返個骨碟俾我哋食海鮮嘅時候用➕可以有一個隔油嘅網比我哋潷湯飲就會更好❣️Book房須知：6人起就可以包間房仔同frd係入面打邊爐😆 事先比$1000掟去book位，食完賣單就會自動幫你扣翻啲錢😙 但記得提早預訂同埋問清楚有冇房呀！❣️如果平時你哋打邊爐都係食到回本，會食盡每分每秒，又想有個私人空間圍內傾吓偈嘅話，呢間絕對啱晒你！但係如果你係比較細食嘅話，呢間嘅性價比就可能未必最高喇…Read More