石冷麵's Profile

秋刀魚刺身 好鐘意個爽脆口感，明明食落唔油，但有脂肪嘅彈性。味道非常香濃，係我食過最濃味嘅刺身。真鱈白子酸酸地又清甜嘅洋蔥汁，好昇華同突出到白子味道。雖有獨特香味，但只要調味不當，一定遮到，影響質素。整體口感好豐富，食得好滿足，明明只係前菜，都做到主菜質素。相信的店家用咗好多心機去搵時令食材，再試過唔同整法！宮崎縣氣仙沼生蠔 係唔係時令，中間芯位嘅口感係呃唔到，全隻都咁爽滑。酒盜芝士非常咸香濃味，但配上cream cheese又平衡得番。雖然兩樣都係濃味食品，但味道風格唔同，係會互相調補到。包上紫菜調和下，都會容易d入口。海膽半熟龍蝦 賣相已經令人流曬口水，超級多海膽同龍蝦肉，而且兩者口感唔同，係火灸過後嘅相中溫度下 ，係融合到嘅。龍蝦肉解嫰多汁，啖啖都咁滿足。之後龍蝦頭都用咗黎整粥同湯，龍蝦幾食，好開心！大分直送火灸平目魚邊 擺到成朶花咁靚，平時食嘅平目魚邊都係比較細同碎，呢度係一大條，由頭到尾，幼頭中粗。 無論係選材同刀工都不容忽視。可能係食材質素同厚度分別，口感有層次同豐富好多，第一次 完整品嚐到平目魚邊咁。葡萄豬串 係推介嘅一款，日式燒法，好香口，油脂香，肉質甜。大愛!日本雞肝串平時好鐘意係肝嘅口感同味道，雞肝明顯相對濃味，當時無襯熱即食，未能試得好真。芝士雞腿串雞腿啖啖肉，又滑又多汁!可惜無曬燒雞皮，邪惡唔到!😇 整體黎講都好好食，好多款。另外店員好親切，會主動介紹詳情，了解客人口味去推介，好欣 賞呢點!同埋老闆都好搞笑，當時入去時，有位師傅係門口默默望住外面，原來就係老細，佢可能諗緊仲有咩時令野訂俾大家品嚐，哈哈。…Read More

明明係泰國感覺，但店內非常整潔；明明咁多凍野冰鮮野游水蝦，但地下一樣乾爽。餐廳一開始會準備兩碟蝦、燒鱔畀你食。蝦比較細隻，但都幾有鮮味。自助區有唔同種類既食物(海鮮、肉、飲品、甜品、蔬果、熟食)，種類都幾多海鮮雖然係冰鮮，但都新鮮，款式仲好多(蠔、帶子、蜆、大眼雞、螺…)每人可以食2.5hrs，整體唔錯，可以再黎。最近仲做緊優惠，其實真係幾抵食咖！我自己最鍾意係蠔、魷魚、同菇類。蠔就係為有唔同自助調味料；可以自己配搭多款燒蠔。而且師傅都真係有不斷補給咖！魷魚就有分已調味嘅切件或者成件冰鮮；咁就可以食曬咁多個部位喇，我自己鐘意食魷魚鬚，鐘意佢夠彈牙呀。菇類就有雞脾茹，冬菇同金菇仲要係包住肥牛。野飲好多選擇，鐘意有好懷舊嘅忌廉溝鮮奶。有Feel！到走個陣睇住d員工戴曬手套清潔內外場，好安心。其實個廁所都幾靚幾有風格～…Read More

疫情下出外食飯真係要好注重衛生，進入之客人必須探熱，確保沒有發燒方可進入之外，呢間舖仲會做多少少，係要求穿著長袖的客人拉高衫袖睇下有無需要隔離的手帶，這樣就可以放心食，部份食物以自助型式，有凍蝦，蜆，沙律，及多款餐前冷盤及熟食炸物，刺生種類多，有十三款選擇，全部都新鮮，仲要厚切，帶子同赤貝都好鮮味，其他order的熟食都比一般放題多，味道亦唔錯，其中以蒲燒鰻魚，芝麻雞翼，安格斯牛仔骨，鹽燒牛舌，海膽手卷，都值得推介，兩個甜品櫃，總有一款啱你口味，啤酒有好多款揀，啤酒唔鍾意的話，仲有清酒，梅酒，唔少得最後Haagen-Dazs，MOVENPICK同Dreyers送你一杯貴價雪糕。4月份openrice訂座正價時段仲有九折優惠。…Read More

假期一般會約屋企人嘆下一盅兩件，但現在的疫情下，唯有兩口子自己搵食，經過呢間餐廳，門面好似頗貴咁，但睇睇門口餐牌，即時諗到唔諗就入座，約$60至$70就已經有一個午餐，包餐湯，餐包，主菜，再加飲品，真係一D都唔貴，呢個價錢居然有龍蝦湯選擇，味濃，蕃茄湯帶酸，好啱我個人口味，芝士焗肉醬意粉滿滿肉醬，Juicy，鹿兒島黑豚西冷配北海道檸檬海鹽烤雞配意粉，意粉份量多，黑豚西冷超驚喜，好厚身，肉嫩，味道剛剛好，不會過濃而蓋過肉味，雞皮隠隠有陣檸檬味，唔錯， 以呢個價錢，真係好抵食，想再抵D，而家有個驚喜快閃優惠，特別時段可以享8折，星期一至五早，午餐同下午茶仲免收加一服務費。…Read More

近年馬鞍山已經不再是美食沙漠，多了很多不同種類食肆，今日就試左呢間主打喇沙同海南雞的舖，枱與枱之間有很多的空間，在疫情之下，客人便可以放心。未落order服務員已送上兩碗雞湯，應該係送的。我自己叫MEE…喇沙，配料有成七種食材咁多，有大蝦，蜆肉，魷魚等等，全部都新鮮，喇沙味濃又香，特別之處，係用左米粉加油麵，令口感豐富了不少。朋友喜歡清淡少少，選擇了秘製特色牛骨湯河，四種配料全部牛類，湯底清得黎好香牛味，因為湯底係熬煮超過10小時。再加一個小食拼盤，一次過可以試到五款食物。疫情下。店舗外賣自取仲免收加一再打個八折，外賣飲品買一送一。唔想堂食，外賣都好抵。…Read More

跟好友約會食個飯，最重要係環境好，可以邊食邊傾下心事，近近地石門呢間西餐廳正正合適，舖面都算大，全場深淺兩款綠色座椅感覺好Fresh，環境舒服，服務員笑容好好，有禮，是日餐湯蕃茄忌廉湯配蒜蓉多士，稀結度適中，質感夠滑，德國腸拼盤配酸椰菜，有三款腸，味道口感各有不同，配沙律菜加酸椰菜味道好夾，紐西蘭肉眼扒，嫩口重牛味，保持到肉汁，軟殼蟹天婦羅乾蕃茄意粉，份量多，好啱我口味，意粉口感剛剛好，值得推介，甜品好多選擇，最後揀左意大利芝士餅，不太好甜品的我，都覺得好好味，不會太甜，菠蘿有機奇亞籽綠茶，有凍有暖選擇，夠味足料，家長唔怕小朋友唔啱食，餐廳好貼心地有三款兒童餐比大家選擇，我見服務員仲會拎部小型扭蛋機比小朋友扭，有得食有得玩，小朋友開心，家長就放心。…Read More

平時食牛肉麵多數就係得辣同唔辣揀，呢度好有心機，有幾款選擇，問番店員介紹，原來紅燒就係四川口味，味道較重，麻辣就會再香辣d，而清燉就會用雪梨蘋果做底，另外牛肉牛展甚至可以多款牛去俾大家揀麻辣牛肉麵，真係好香，辣度食落舒服唔搶味，牛肉炆得夠軟身，仲有羅白食清燉牛肉麵，湯底清甜，牛展有咬口，而且麵底扁身彈牙，好好嘅配搭鹽酥雞鹵肉飯鹽酥雞唔錯，鹵肉味道較重，用左唔小材料製作，有誠意嘅任食小食超多選擇，但每款口味都唔一樣，好新鮮台式飲品出名多款，呢度都跟足，口味多樣，亦真係有台式味道…Read More

香港租金昂貴令到樓上café越來越多，之前都試過好幾間，質素各異，有些環境好但食物唔好味，又或者各樣都好但價錢高，唔太適合一般年輕人，今日試左呢間各方面都唔錯的樓上café，裝修以紅白兩色為主，以各式各樣大家熟悉的公仔作擺設，仲有一個櫃放滿好多Board Game比客人玩，客人都以年輕人為多，但一D都唔覺嘈，想傾下計的客人都無問題，一位看似係老板娘的服務員好好人，比到客人親切的感覺，先黎個吉列海鮮拼盤，有炸魚柳、炸蝦、黃金蟹鉗、帶子、魷魚圏，份量都唔少，炸得好香脆，重要係唔會食到成口油，朋友係雞翼控，試左兩款唔同味道，雞翼大大隻，蒜香同蜜糖都夠入味，令佢非常滿足，主菜order左個黑松露海蝦帶子意大利飯，真係一D都唔吝嗇，基本上每啖飯都有黑松露，意大利飯煮得恰到好處，雖然已經好飽，但都忍唔住要將佢送哂入肚裡面，飲品方面有好多唔同的系列，仲有果茶、花茶、沙冰同多款特式飲品等等，總有一款啱口味，甜品都有三款餅選擇，不過要下次先可以再試了。…Read More

一間店舖怎樣設計裝修其實真係幾重要，於大圍就被呢間門外掛滿一個個紅紅燈籠的中菜館所吸引，好有中國風，店內感覺寧靜舒服，枱與枱之間有一定的距離，服務員亦親切有禮，不時向我們介紹菜式，一睇餐前小食就知呢間中菜館與別不同，甘草話梅涼瓜，桂花馬蹄，味道清新，厚切蜜餞叉嬈皇，應該有約1.5cm厚，肉軟，肥瘦適中，口感好好，豉油皇鮮鵝腸，感覺同平時食的鵝腸好唔同，好爽口，必試，脆皮炸鮮奶，好香奶味，又唔會太甜，啫啫唐生菜煲，轉左通菜，未行到埋枱已聞到好香的味道，令食慾大增，蔬菜新鮮嫩口，蜑家鴛鴦魷，乾魷香，鮮魷彈牙，芥蘭脆，蛋白薑米蒜香蟹飯，份量十足，再試埋個沙薑豬手同舟山海蜇，真係好滿足，整體黎講，真係一間好高質素的中菜館。…Read More

經常於石門搵食的我，最近發現了間西餐廳，店舖唔算大，但感覺好舒服，唔會有局促感，服務員有禮，面帶笑容，比到客人有親切感，一行兩人，先order個芝士薯條配黑松露沙律醬，份量十足，好抵食，芝士加上黑松露好配合，兩個主菜，炸德國咸豬手，配自家製酸椰菜絲及薯蓉，豬手皮香脆，椰菜絲爽，酸味亦剛剛好，薯蓉比一般西餐的薯蓉滑好多，係我試過最好食的薯蓉，烤美國頂級肉眼扒，表明12安士，大大件，叫左5成熟，唔會過火，肉軟多汁牛味足，配以薯菜，每份主菜只要加$12就可加配冰茶及餐湯，整體算是高質及抵食，以後石門搵食又多一個選擇了。…Read More

係Facebook見朋友post過幾次同一間店的食物相片，已經覺得吸引，心思思都想一試，咁啱今個月仔仔生日，就book呢間慶祝，環境唔錯，仲有多張戶外枱，先睇餐牌，服務員已經有禮地主動問我地要唔要先order生蠔，佢推介我地食每日精選，$9一隻來自南非，第一次穏陣d，所以先要半打，原本想要多4隻美國中碼生蠔試，服務員好好，話我地知今日美國蠔差少少，所以無試到，呢下對店加左分，亞仔本來話食一兩隻，結果半打落肚要再order多半打，就知質素如何啦，真心好抵食，一打都係$108，日本一口和牛粒，份量比想像多，牛油蒜蓉蜆肉意粉，乾身，每啖都夾雜淡淡牛油同蒜蓉味道，唔會太重味，剛剛好，美國特級安格斯西冷，仲有薯角同沙律菜伴碟，西冷大大件，重牛味，薯角比一般的更脆口，一讚，食飽飽見隔離枱d蠔好大隻，問服務員，原來係法國吉拉多，忍唔住再叫4隻試，真係大滿足，順帶一提，每日於指定時段只需$128 一位就可以任飲多款雞尾酒同指定紅，白酒，可惜我唔好酒，愛酒之人真係唔錯的選擇。…Read More

上次去台灣都無太多時間慢慢試台式食物，發現豉油街有間環境唔錯的台式料理，天氣又熱，即刻二話不說走入去坐低，店舖裝修以白色及簡約為主，好有清新寧靜的感覺，睇睇餐牌，可以選擇的食物同飲品都唔少，叫左個沙茶牛肉鍋，可自選辣度，鍋內除主菜牛肉，仲有14款配料，足料，麻辣臭豆腐，同港式炸的不同，另有一番味道，辣味恰到好處，唔會蓋過臭豆腐味，鹽酥雞扒，外皮酥脆，仍可保存雞扒肉汁，酥炸花枝墨魚丸，粒粒花枝有口感，金牌烤羊肉串同燒豬大腸，睇到師傅係好用心燒，香，脆，軟，惹味真係集於一身。飲品大大杯，可以慢慢飲。…Read More

約朋友食飯，大家要我決定位置同食乜，我公司係荃灣，我一定揀返荃灣區啦，日式放題當然亦係我喜歡的，多種類又要怕大食朋友食哂D野，大鴻輝唔只一間放題，位於10樓的滿屋無試過，所以揀左佢，一早訂定位，到步唔駛等，即時可入坐，門口那位短髮姐姐好有禮貌，面帶笑容，即時已經對店舖加分，店舖設有自助區，有海鮮Bar, 沙律、前菜Bar，中湯，糖水，比較特別就係其他放題少有的幾款熱葷，唔想食太多生冷食物的長者朋友就多了其他選擇，刺生種類多，三文魚厚切肥美，仲有帶子，赤貝，螺，鮑片，蝦等等，全部都新鮮好味，芝麻雞翼皮脆肉滑，仲有好味的羊鞍，串燒牛舌，串燒豬腩肉，雞軟骨，鍋物大大鍋又足料，除一般飲品，仲有Hoegaarden，10數款甜品，雪條任食，三款貴價雪糕每人可自選一杯，場內仲有棉花糖機同爆谷機，好受小朋友歡迎。…Read More

陪家人吃晚飯,我地訂左一間係尖沙咀既私房菜館,私房菜館一直是媽媽的至愛,因為私房菜的菜式都很特別,由廚師精心烹調,平常出面食係食唔到。呢間菜館要預早一星期訂位,在訂位的同時要簡好當日上既菜式。首先是前菜意大利雜莓果醋海鮮沙律,沙律很新鮮,配上獨特的雜莓果醋,帶點酸甜,海鮮有蝦,蟹,三文魚,海膽,味道鮮甜十足。再來的是黑松露野菌忌廉湯,忌廉比一般既忌廉湯濃,吃起上來有一粒粒的野菌,帶著黑松露的香。然後是鮮蝦冬蔭公燴海蝦意粉,海蝦有淡淡的海水味,味道十分鮮美,冬蔭公唔會好辣,意粉煙煙韌韌。…Read More

今晚要獨自晚餐，行下行下被呢間店名所吸引 ”火狐爐端燒”，店舖不算大但環境唔錯，感覺舒服，靜靜地一個人進餐都覺享受，先黎串牛舌，外脆內爽，雞軟骨黃金燒，真係燒到金金黃黃，味道恰到好處，豚大腸山葵燒，又係好脆口，完全無處理得唔好的大腸臭味，加上山葵醬，真係好配合，每食一件都有淡淡的山葵味，又唔會覺得辣，唔食辣都可以試，大啡菇芝士燒，啡菇燒完仍好Juicy，食完一隻都想再食，豆腐唐揚，外層炸得香脆，內層豆腐真係好滑好滑，正，蟹膏海鮮炒飯，材料十足，有原隻大蝦，帶子，魷魚等等，炒飯乾身一粒粒，加上蟹膏味道真係一流。…Read More