joanjoan's Profile

已經好耐冇寫食評, 今次差到冇朋友, 不得不寫...買團購票, 本來都冇咩期望。訂8-10點, 8點入去, 6-8點嗰輪D人都未走, 冇位坐, waitress話可以坐住張壞爐嘅吉枱先, 一陣畀個卡位我哋。再過一陣, 前嗰輪D客走得7788, 有個疑似老闆/經理嘅男人出嚟, 話D位編錯哂, 幾十個客人企响度等佢編位, 佢只係喺度騰來騰去, 最後D客都係自己搵位坐, 擾攘成20分鐘先坐定。點咗D嘢食, 好多都冇嚟, 特別係貴D成本嗰D, 一樣都冇嚟。 冇嘅嘢又唔同人講。只不過係汽水(百事、美蓮達)任飲最好。D刺身碎濕濕, 冇味, 又有根, 其他食材都唔靚, 小食未融冰, 玉子、粟米甜到好似浸過糖水。加埋個鐵板唔掂, 黏哂底, 個場又冇抽氣, 焗到呢.雖然係團購, 都唔駛畀呢D嘢畀人食架??我最佩服係幫佢哋做團購廣告個攝影師, 可以影到咁靚, 咁吸引。最後一句, 圖片只供參考。 …Read More

七喜開張第一日去食咗個魚片豬肝粥($26) + 熱架啡($6優惠價)。豬肝粥：個粥雖然粥底一般, 但係材料唔錯, 好新鮮, 可能第一日營業。魚片唔會腥, 豬肝煮得啱啱好, 好滑, 好爽, 正。架啡：好苦, 好難飲, 飲一啖已經唔想再飲。今日再去食個午市套餐($32), 午市套餐每十天轉餐牌, 每天5款, 揀咗個枝竹斑塊飯+例湯。枝竹斑塊飯：都可以, 有D鑊氣, 斑塊真係一般般, 飯量好多。合掌瓜湯：好味, 有D似住家湯, 唔覺有味精。裝修唔錯, 坐得舒服, 服務唔錯, 都會再去。…Read More

行到深水埗，唔知食乜好。見到劉森記貼咗咁多明星相，就入去試試出名嘅竹昇麵。叫咗個薑蔥黑柏葉撈麵，好快上枱。個麵底好爽口煙"un"，成碟麵都冇乜鹼水味，只係到碟底一啖食到有D鹼水味。D蔥有甜味，唔會有草青臭味，個撈汁校得好好味，個上湯都好甜好濃味，但柏葉就一般，冇乜特別。個辣椒油都唔錯，最好係佢哋有樽酸蘿蔔俾客人任食，價錢又唔貴，總體感覺好好。…Read More

當日味道有原味、石榴兩款，點咗個雙併細size，細szie杯$15/100g，店員話雙併會比較重少少。我冇落toppings，點知都要$21，話重少少原來重咁多。原味味道唔錯，好重奶味，石榴味都幾清新。不過，食落有雪粒，唔夠幼滑。未必會再幫襯。…Read More

突然想食撈丁，諗起以前經過陳記，見到個牌有芝士撈丁，就去試吓。$38一個吉列魚柳芝士撈丁、厚多士、一杯熱飲。原多士：一般，冇乜特別。吉列魚柳芝士撈丁：嘩！個芝士汁只係白汁加少少少少芝士，顏色比白汁黃少少，完全唔知原來食緊芝士汁。好彩件炸魚仲ok。個麵一睇就知唔係出前一丁，大光麵嚟。。。，麵身硬又冇味。架啡：一般般，起碼唔會苦澀。最離譜係D服務，個侍應黑口黑面，明明$38寫$40，問佢點解$40，佢一句解釋都冇，好悔氣好黑面咁改番$38，呢D服務態度好難要我再幫襯。食完先睇番陳記D食評，原來芝士撈丁真係唔掂，陳記都係專心做燒味算啦！…Read More

第二次嚟買，今次正價唔駛排隊。買咗個雜錦魚生餐盒，D飯仍然係散散哋，但係D魚生就幾新鮮、又彈牙，連D漬魚都感覺爽口，只係八爪魚層衣食到有渣。食完後覺得幾抵食，28蚊，平時食快餐店都唔止，好滿足。不過食完十幾分鐘後，覺得好口渴，壽司都落味精？？？…Read More

大約一年前食過覺得幾好，今日叫咗個套餐($26)：和風熱狗+榛子架啡，另加$7有個小沙律。和風熱狗：條腸冇以前咁好食，比較林身，麵包依舊好味，熱辣辣，配料(有木魚、紫菜、燒汁等)都唔錯。榛子架啡：麻麻，應該係即溶架啡。沙律：有驚喜，個醋汁好醒胃惹味，蔬菜都新鮮，但份量只有一細杯，如原價$12就唔抵食。佢哋service好，選擇多，飲品又有健康嘅栗米汁同本地鮮奶供應，不錯。…Read More

當日落緊毛毛雨，去到唔駛等位。菜乾豬骨粥3分鐘就到，豬膶燒鴨腸粉等咗10分鐘左右。菜乾豬骨粥 ($15)其實個粥底就麻麻，但係有好多菜乾，菜乾味好夠，好似飲緊菜乾豬骨湯，好味:)。D豬骨真係好骨，唔帶肉。豬膶燒鴨腸粉 ($19)腸粉都好軟滑，最驚喜係豬膶同燒鴨好夾味，豬膶好滑，燒鴨好香，好好味呀。…Read More

當日有兩款乳酪雪糕(士多啤梨&低脂)同埋好多款雪糕(如朱古力、阿華田、北海道牛乳、意大利芝士蛋糕)選擇。我唧咗士多啤梨乳酪雪糕、北海道牛乳雪糕、意大利芝士蛋糕雪糕三款，加咗椰果同爆珠。士多啤梨乳酪味：甜了丁點，還可接受。北海道牛乳味：太甜了，冇乜牛奶香味，唔夠滑，食到雪嘅感覺。意大利芝士蛋糕味：最初唧出來的未夠硬身，融融哋，味道有D咖啡味，但唔多覺意大利芝士蛋糕味。佢哋D雪糕唔算滑，不過勝在口味多，配料多，可以自己唧份量，價錢唔貴，又有得坐。…Read More

一直都想試佢哋嘅招牌車仔麵，叫咗個雞翼尖+雞腎+辣蘿蔔+油麵。雞翼尖：好入味，有5-6隻。雞腎：麻麻哋，切到好鬼薄。辣蘿蔔：好味，好入味，唔覺辣。湯底同麵底都唔錯，湯底夠濃又甜，D餸又足料。…Read More

午飯時間，店內客人唔多，JP的裝修同餐具比較"四正"，靜靜地坐得舒服。叫咗個午市套餐，有粥、小食、飮品。海皇艇仔粥好多料，碗粥有一半都係料，第一次食到艇仔粥有炸魚角，D粥加咗腐竹去煲，香滑D。腸粉過林了，唔夠爽滑。熱豆槳想叫熱架啡竟然冇，只有奶茶，結果叫咗熱豆槳，幾好，有豆味，攤凍咗上面結到層腐竹，OK！全店大堂只有兩位姐姐，連落單、傳菜、收銀，都幾忙，但服務態度好，值得一讚。…Read More

海蜇滷水豆腐外脆內滑，好好食。餐牌圖片有兩件豆腐，上枱時只有一件。我哋問經理點解，經理指住個餐牌下面一句：圖片只供參考。嘩！好取巧啫！！！羅漢上素溫室豆苗d豆苗好嫩口:)，有鮮味，冇乜渣，好味！其他菇類都OK好味。炒魚肚魚肚數量唔少，切得薄身，容易入味。整體味道唔錯。蒸海班條魚雖然好細條，但蒸得非常嫩滑，推介之品。腊味糯米飯好一般。酥皮咖哩牛腩落單時叫咗個:酥皮咖哩牛腩，竟然電腦飛冇咗，唔知點解手寫單俾人劃咗，又冇人同我哋講，真係離譜。整體食物質素OK，但碟碟都好似泡過油，雖然有鑊氣，味道亦校得好，但太油膩。…Read More

因為獎門人介紹，所以去試吓。星期六7點去到，先攞飛，等咗幾分鐘， 姐姐話如果坐入面，八點半前就要交枱，唔係就要坐出面，最後都揀坐入面。三個人寫咗4碟餸。鐵板黑椒豬手大大件，味道唔錯，夠入味，黑椒味啱啱好，肉質爽滑。雖然用鐵板上，但冇乜鐵板風味。南乳脆鱔炸得好脆，但又唔油膩，南乳醬唔會死咸，鱔肉夠彈牙。腊味煲仔飯上枱時，嘩！。。。好大煲呀。。。個煲！D飯其實只有1/4煲，加埋D蔥，勉強都有1/3煲。腊味唔多，D飯煮得同出面D唔同，粒粒都乾身，有飯焦，唔錯:)。琵琶豆腐呢碟等咗超過一個鐘先上，一D都好食，冇乜鯪魚肉，成件都林pat pat，冇黎味道，做唔到外脆內軟。本應前三碟都ok好味，但係俾最後呢碟拉低晒整體分數。…Read More

平時食佢D麵包就食得多，但係好少食佢哋D蛋糕，行過見佢哋嘅芒果芝士蛋糕有優惠，原價$20減到$17，所以買嚟試吓。賣相唔錯， 不過上面有塊芫茜葉有D怪。糕身比較乾，但係唔係好香，總體感覺唔夠香、滑。如果要食平D嘅芝士蛋糕，我寧可選擇McCafe嘅$22芝士蛋糕。…Read More

排隊買壽司買到嬲嬲地，又要買番坏嘢飲順吓氣。今次買香芋珍珠奶茶，都OK，但係香芋味唔係好重，奶茶味比香芋味重。比一般珍珠奶茶多一種口感，都幾得意。D小珍珠一樣咁QQ，好香黑糖味，GOOD！…Read More