為食總師令 - 施晨's Profile

今晚book咗枱同男朋友去尖沙咀厚福街食日本嘢，大約七點半已經接近滿座，可想而知呢間餐廳都好受歡迎。講吓我哋食咗啲咩先，一開始前菜，我哋叫咗個海葡萄蕃茄沙律，海葡萄喺出面比較少見，亦都好健康：跟住就點咗一盒日本活海膽，好新鮮呀跟住壽司環節，我哋叫咗一客10件，十上貫目：仲有吞拿魚牛油果手卷（左）同埋我嘅最愛：香蔥吞拿魚腩手卷（右）：呢間餐廳除咗有冷盤、壽司、刺身，仲會有熱食添，我哋就食辣酒煮廣島蠔，同埋炸豆腐：整體嚟講呢間日本餐廳，我個人認為佢嘅壽司同刺身比較出色，熱食方面就不過不失😃…Read More

黃埔好多特色小店，今晚我就同朋友試左呢間由韓國人家庭主理嘅餐廳，試下正宗但又有特色嘅韓國菜😋前菜係送嘅，仲可以refill 添架泡菜煎餅：泡菜在內，炸得好香口，但又唔會太油膩👍🏻炒粉絲，韓國菜必食，如果可以兜亂啲餸就仲正！陪隊煱，又係民間韓國菜之一，辣辣地好開胃炸雞，配沙律醬，香口，啖啖肉炒年糕，煙煙韌韌，每食一舊年糕都黏到厚厚嘅醬汁，仲有一隻半熟蛋係中間。店內唔算好大，但都好整潔。牆上掛有店主同食客嘅相片，人情味滿滿的。…Read More

去完東薈城outlet 行街之後，推介可以去附近一間好chill 嘅西餐廳，正值世界盃，仲可以飲住啤酒睇波添！呢間餐廳個名都幾有意思，叫做The Next Chapter。餐廳入面有梳化位，有Bar位，有圓枱，有方枱，都幾好坐，幾多選擇。牆上嘅畫作仲好靚添！Venetian Salad沙律好大份，用料好足，有燒牛肉，雞蛋，牛油果，蕃茄，唔同種類嘅沙律菜Australian rack of lamb 澳洲羊架，兩塊都煎得岩岩好，唔太生唔太熟，好香嘅羊肉味，伴碟嘅配料都好豐富，有薯蓉，蕃茄，羽衣甘藍，大啡菇，配合用紅酒煮過嘅sauce，令到羊架昇華不少Pesto tomato sauce chicken spaghetti 青醬雞肉意粉香噴噴嘅羅勒味，雞肉唔會靭，食落好開胃～飲品叫左兩杯 non-alcoholic 嘅左邊：No Hangover (成份有橙汁，蘋果汁，熱情果，檸檬，益力多，梳打）右邊：Sober up (成份有青瓜，芒果，青檸汁，蘋果汁，梳打）酸酸甜甜，兩杯都好飲呀～最後甜品時間，點左最經典嘅opera cake，頂層朱古力苦苦地，下層好似有啲咖啡味咁，好有層次呀！呢餐埋單大約$900 多啲，唔平但食物質素幾好，同埋環境都好chill 👍🏻…Read More

九丁目燒肉料理嘅門口實在太靚，忍唔到要係出面打左卡先入去🤣🤣因為有好多五光十色嘅燈籠，仲有大大條魚游係中間，望落好有日本居酒屋嘅感覺。入面裝修都係用木為主，都幾和風，而且牆上貼左好多日本poster，彷彿置身於日本咁🥰打頭陣我地點左特濃芝士醬配龍蝦尾，上碟用冰震住啲龍蝦尾，感覺會保鮮啲！放落爐上面自助燒，除左要燒熟龍蝦尾，芝士都要燒熔再點黎食，呢個芝士醬仲用左黎點之後叫嘅其他燒肉，呢個係一個明智嘅做法🤣大阪城拼盤又係可以打卡嘅，因為實在太靚，分左3層，每款都係鹽燒口味，分別有豚腩肉、牛胸腹、雞腿肉，可以試哂唔同類型嘅肉類，再跟左一碟生菜同韓式辣醬，燒熟啲肉就可以用生菜包住黎食，即刻冇咁油膩～封門柳10切，呢個同大阪城拼盤嘅牛相比，牛肉味會再濃旭啲！除左龍蝦尾，我地仲燒左銀鱈魚西京燒，甜甜地好好食！飲品就叫左兩杯，一杯係比較普通嘅蜜桃梳打，另一杯忌廉草莓🍓芝士奶蓋，好邪惡但都幾好飲，唔會有好假嘅士多啤梨味😊呢餐每人食左$400多啲，好飽好滿足👍🏻👍🏻…Read More

今晚過海搵龜蜜食好野，搵左一間係銅鑼灣嘅cafe，地點比較隱蔽，但呢一帶都好多出名嘅小店，吸引好多人黎打卡😙呢間叫做Sleepless嘅cafe，用貓頭鷹做icon非常貼近鋪頭名sleepless，象徵夜貓唔洗瞓😝門口好多植物，坐係門口玻璃位，望住街道食下野飲下酒傾下計都真係幾chill架本身想試avocado salad，但見店員好有誠意咁推介另一款招牌沙律，就決定轉軚試試先，好彩都不失我所望，店員建議將流心芝士，蕃茄同火箭菜一齊放入口，可以中和番火箭菜個陣味～最鍾意係個流心cheese 嘅口感同味道👍🏻柚子雞翼好香口脆卜卜，加埋啲柚子醬酸酸甜甜好開胃，而且隻隻雞翼都脹卜卜好多肉。藍青口配多士，青口份量比想像中多，食哂青口之後用多士點埋啲醬食，好鮮味～紅蝦龍蝦汁意粉，紅蝦真係好好味，好爽口彈牙！飲品方面，點左兩杯酒，一杯係「花Hana」，除左中間放左花做點綴外，杯邊仲加左海鹽，飲落會先有啲輕微鹹鹹地，幾有層次。另一杯係「柚Yuzu」，相比之下，柚子呢杯會易入口啲，同樣裝飾得幾有心思👍🏻甜品方面，我地兩個人share 呢個蘋果批，滿滿嘅蘋果肉，酸酸甜甜，上面仲有大大粒棉花糖，好好食👍🏻👍🏻…Read More

元朗燒蝦蝦位於元朗千色店附近，要行一層樓梯落去地庫先到。相比屯門店，元朗店座位鬆動啲，我地今次坐卡位，舒服好多👍🏻食物方面，招牌當然係可以即夾即燒嘅流水蝦，同樣都係要將夾起嘅生蝦放落冰水凍暈佢，跟住就可以放上去爐度燒喇！自助形式出去拎野食再燒，唔但止有源源不絕嘅海鮮，肉類，丸類，蔬菜都供應充足。仲可以自己調味，加海量嘅蒜蓉，即刻將味道昇華左好多🤪🤪唔知係咪元朗店限定，食到中途嘅時候，店員分派左每人半隻龍蝦，即刻燒黎食，都啖啖肉架！現場仲可以拎熟食同炸物，呢度竟然有鹽焗蟹，雖然唔算好大隻，但勝在款式特別，過下癮！除左有幾個大凍櫃嘅飲品外，仲有梅酒，清酒，啤酒，韓國酒，想飲熱野仲可以沖花茶添架！甜品有迷你撻，豆腐花，仲有雪糕雪條任食，試左黑糯米味，同埋芋頭味嘅雪條，鍾意食黑糯米個個，因為真係有粒粒黑糯米，好有咬口，好食！…Read More

因為係沙田附近工作，所以今日收工後就去左沙田新城市廣場新開嘅Butlery朝聖，我book左7點，可能因為時間仲早，所以未去到full，但去到8點左右，已經見全場坐滿了。呢間餐廳嘅裝修設計都好有特式，少有地用左橙色做主調，墨綠色做副色，配合歐陸式嘅地磚，真係好有古典味道。雞肉凱撒沙律，菜同蕃茄仔好新鮮，雞肉係輕輕煎過，所以好香口，再加埋半熟流心蛋，呢個前菜好清新呢！小食方面，見到佢有好多唔同味道嘅薯條，比較少見嘅係Avocado sour cream，牛油果味道唔算好突出。主菜就試左海膽帶子意粉，呢個堅正，海膽有海水味，帶子微微煎過，意粉都食到有濃濃嘅海鮮味，呢個下次一定會encore 😋😋😋飲品就試左比較經典嘅lemonade梳打，異常地有氣，飲完可以gur 一 gur。最後亦都係主打就係疏芙厘喇！呢度嘅甜品有好多味道選擇，我決定試下綠茶紅豆嘅疏芙厘，伴碟嘅仲有充滿日本風味嘅蕨餅，紅豆蓉，仲有士多啤梨。佢嘅綠茶醬好甘香，上面仲灑左玄米粒，成個甜品整得好靚，疏芙厘好軟熟，蛋味都濃。份量同價錢都成正比☺️…Read More

好開心終於食到人生第一次嘅Omakase（即係廚師發辦），今日同朋友黎到係尖東嘅「遖」，初初冇特別留意寫法，以為呢間餐廳叫「適」😹真係有啲唔好意思👉🏼👈🏼呢間餐廳係樓上鋪，大廈地下已經有大大個招牌好易揾到。一出Lift 只得呢個鋪位，餐廳外面裝修得好有心思，沿住一排石春路，抬頭就見到綠油油嘅餐廳名。一坐低店員會問你飲茶定水，枱面已經準備好信封比你放口罩，好體貼，望住師傅一邊為你準備食材，一邊同朋友係呢個咁寧靜嘅環境，聽住餐廳播緊嘅純音樂，冇壓力咁傾吓偈，真係好寫意！除左環境滿分外，都要講下啲食物嘅，佢呢度有3個價錢嘅lunch menu，我地選左中間$450個個，份量對女士黎講都好足夠！首先係前菜，賣相好精緻，呢度有蒟蒻冷麵，水雲啫喱，香魚一夜干，青瓜漬，蓮藕漬。跟住就有12件壽司，聽師傅講壽司飯係加左赤醋，所以會深色啲，今日食左好多未聽過嘅品種，魚生都好新鮮，好鍾意係金目雕，同埋最後嘅吞拿角手卷，滿滿嘅吞拿魚，最正係入面係冇飯架，仲加左好香口惹味嘅蒜片，食落脆卜卜，好正！呢12件壽司包括有：帶子、愛女魚、魷魚、右口魚、八爪魚、金目雕、深海池魚、赤身醬油漬（吞拿魚）、池魚、女美目、小肌、吞拿魚手卷。每食完一道壽司之後都建議可以食一食漬物清清味蕾，呢碟漬物有牛蒡，kiu 頭，蘿蔔，都好好味架！跟住就係蒪（音：純）菜魚湯第一次食蒪菜，原來係透明，有啲黏黏嘅質感架之後仲食左賴尿蝦茶蒸碗，茶蒸碗都成日食，但加左賴尿蝦嘅茶蒸碗都係第一次食，又幾好味，啖啖肉😋😋最後甜品時間，就係日本雪糕，呢度有兩隻味道選擇，分別係薑味，同埋芝麻。我就簡左薑味，入面真係食到有啲薑絲，而且薑味好濃，feel到喉嚨好溫暖😝😝冬天食一定仲正！呢度想特別讚一讚店員嘅服務態度，除左好主動加茶，幫手收碟，去toilet會幫手開門外，最估唔到係離開個陣會預先幫你禁定lift，hold住禁lift 等你入去，簡直有啲喜出望外嘅感覺，好似去左日本咁，服務態度值得嘉許🥳🥳…Read More

元朗西菁街除左有千色商場可以行街外，附近一帶仲食店林立，今晚行到攰就去左傳說中嘅爆辣冷麵買外賣返屋企食。我地8點左右黎到，見到前面已有3個人等緊，店內人手唔多，主力一位女士負責處理食物，後期有一位男士返到，主力負責落單對客。呢間小店係後巷度，都幾難搵，好彩有個燈牌先搵到～因為大部分都係冷盤，所以外賣都唔怕會凍左🤣蟹籽冷麵，頂層鋪滿蟹籽，冷麵底有得簡唔同辣度，甚至乎唔辣～爆辣炒飯，呢個無乜驚喜，可能因為外賣，啲飯痴住唔夠粒粒分明。蟹籽沙律，滿滿的青瓜絲，仲有帶子群邊，蟹籽，粟米，蟹柳，紫菜。如果帶子裙邊再多啲就仲正喇！賽磅蟹冷麵，冷麵底麵係類似嘅味道，但多左蟹肉，粟米，西蘭花～辣炒雞軟骨，蒜味好惹味，有咬口，唔錯！爆辣撈麵簡左腸仔同蟹柳配料，用膠袋裝住不黎食好方便，好有童年回憶。最後仲要左自家製嘅爆辣油生蒜，可以用黎煮唔同嘅菜色，例如蒜泥白肉，焗蠔等等。…Read More

元朗出名多小店，今晚去開YOHO行街，順便去附近嘅雞地一帶食野，搵到呢間睿日韓料理，估計係兩公婆自己打理，服務態度好好，有禮貌👍🏻👍🏻講番食物先，餐牌有分日本野同韓國野，為食嘅我當然每樣都試下😋😋😋首先，前菜沙律🥗點左三文魚牛油果沙律不得了，好新鮮，味道清新，份量亦好多，會再encore!!!壽司🍣點左最愛嘅帶子壽司，檸檬可隨意落，仲有三文魚腩，雙色花之戀（三文魚&油甘魚）好鮮味，好肥美😋😋😋海膽祭出場，都要試下正唔正嘅，點左呢個拖蘿蓉海膽手卷，海膽好鮮味丫～另外反卷就點左雙重芝士鰻魚卷，呢個鰻魚燒得乾左少少，同埋好多飯🤣🤣🤣食完好夠飽韓式方面，見到好多枱都點韓式炒粉絲，好大碟抵食，不過我地太飽了，所以就點左蟹籽流心芝士蛋卷，仔細睇下中間真係做到拉芝流心架！配合埋個沙律醬，呢個好惹味丫！最後飲品方面，叫左藍莓梳打，同埋荔枝梳打，賣相一流，我鍾意荔枝多啲，因為會清甜啲😋整體黎講，食物多選擇，日韓任選，環境唔會迫迫夾，仲有卡位，幾chill 嘅～…Read More

今日做左一日屯門牛，夜晚去左最近一間超人氣任食任玩嘅餐廳，限時2.5小時可以即釣新鮮蝦，即燒即食，仲有好多其他唔同嘅食物選擇，岩哂同一大班朋友gathering～呢度唔同時段有唔同收費：蝦嘅尺寸都幾大隻，要自己用夾夾上黎，再放落去冰水一陣，就可以放上去爐度燒喇！同場加映仲有好多唔同嘅海鮮，樣樣都好新鮮，而且唔會好限量，不停refill。燒原條馬友超正，外脆內嫩，肉汁豐富。可以去調味料區域拎牛油蒜蓉燒帆立貝，十分惹味：現場可以自己淥麵食，仲有好多熟食同炸物，可以每樣試少少～除左海鮮，仲有唔同款式嘅燒烤配料：任食甜品雪糕雪條，仲有好多飲品啤酒花茶任飲：試左呢枝韓國真露，士多啤梨味，都幾易入口。…Read More

旺角人多車多，想搵野食都好多選擇，原來係通菜街兩邊都有好多隱世美食，好似今日就去左粉紅水門雞，CP值高，抵食！室內裝修唔算好華麗，但都算有異國風情睇下餐牌，最貴都係$36，好抵食！粉紅水門雞飯，雞係滑嘅，份量唔算少，最驚喜係個飯，唔係普通油飯，好足料，好有香茅味架再黎一個正宗滷水豬手飯，啲肉煮得好淋架，仲有隻溏心蛋添！本身想叫馬拉盞炒芥蘭，可惜賣哂！唯有試下酸辣鳳爪，酸辣適中，好開胃！飲品就點左冷泡白桃烏龍茶～桃味都唔算好濃最後甜品就係芒果糯米飯～份量夠哂一人食，芒果有啲酸，但糯米飯都煮得好煙韌～…Read More

辛苦完一日嘅工作，絕對要慰勞下自己☺️☺️收工後黎到荃灣行下街，商場已經開始有聖誕燈飾喇！揾野食去到大壩街，成條街都好多選擇！今晚就入左黎呢間門面好日式木系嘅鮨一！見到好多人推介食千層海膽飯😍真係有好多好多海膽！坐係吧枱望住壽司師傅整，大匙大匙咁不落去！唔好停，繼續不呀喂😝😝啲海膽好鮮甜，入面仲有吞拿魚蓉呀！食到中間唔夠紫菜仲可以追加！日本真蠔$68@ 好大隻呀！不同款式嘅壽司同卷物，飯嘅份量細細舊，唔會飽到上心口，亦可以食到刺身嘅鮮味！最後黎啲熱食先，分別試左清酒煮蜆，啲湯落左七味粉，所以會有少少辣～明太子雞賢～～炸到脆卜卜！…Read More

為食總師令今日出發去到位於香港仔呢一間出名食生蠔🦪嘅西餐廳，叫做Osytime，餐廳係一樓，地方闊落，環境寧靜，而且食物性價比高，最平$10一隻生蠔，仲有好多石燒嘅選擇添😚大大個招牌好易揾！前菜沙律，餐湯，白飯全部自助任拎唔嬲，正！今日$10一隻嘅生蠔係黎自愛爾蘭，雖然唔係好大隻，勝在夠鮮味🤤石燒美國🇺🇸頂級牛肩胛肉眼，好厚呀！石燒澳洲穀飼西冷牛扒，好大塊呀！餐廳職員建議我地先燒一陣，再擺係另一隻碟上，以防燒燶，好細心呢！最後每人一杯餐茶，凍檸茶消下滯先！…Read More

旺角真係有好多美食嘅選擇，對於超級鍾意食雞翼嘅我，今日中午就去左Wingman 食雞翼👻呢度嘅裝修都幾modern，有啲霓虹燈打卡位，整體比較暗，似bar。大食嘅你可以選擇食雞翼buffet，唔同口味嘅雞翼都可以任點😋而諗任三五知己食下傾下計嘅，可以簡唔同嘅拼盤。我地兩個人都係點左一個拼盤，加一杯檸茶就好夠飽喇！不得不提杯檸茶比想像中大杯，好夠飲😃每人會有即棄手套可以用黎食雞翼😝我地點左Netflix & Chill 嘅拼盤，可以選3個味道，各6隻嘅雞翼，再選一個配菜。黑芝麻海鮮蜂蜜，一上枱以為叫左黑椒😝日本蜂蜜芥辣，唔算好攻鼻，可放心食：巴馬臣芝士蒜蓉，蒜蓉味好出：…Read More