laulkw's Profile

今次同屋企人去咗銅鑼灣 問月酒店入面嘅「大宅」食中菜，一入去就覺得好有格調！裝修係復古mix現代風，加咗啲簡約線條，坐得舒服之餘仲好適合打卡～ 最正係佢哋嘅上菜節奏，侍應會按住你進食速度上菜，食得好舒服！🍽️ 前菜：椒鹽溏心鮑魚角・脆銀魚乾・琥珀核桃一開場就畀個溏心鮑魚角驚艷到！外皮炸到酥脆，咬落去中間係流心鮑魚，椒鹽香得嚟唔會搶鮮味～ ✔️ 脆銀魚乾鹹香脆口✔️ 琥珀核桃甜而不膩🍲 花膠海參魚茸羹湯羹濃稠度啱啱好，飲到花膠同海參嘅膠質，仲有魚茸嘅鮮甜，暖胃又滋補，飲完成個人都潤晒🦀 蟹黃銀針燴玉帶賣相超靚！帶子厚身彈牙，仲要好鮮味！側邊有金黃蟹黃，而且好濃郁，仲有銀針粉吸盡鮮味！🍤 20年古月龍山花雕蛋蒸虎蝦球虎蝦球爽彈鮮甜，蛋非常滑，仲要落咗20年花雕酒，酒香濃郁。🍖 拔絲咕嚕肉咕嚕肉外脆內嫩，酸甜汁平衡得啱啱好，仲有新鮮菠蘿解膩 香煎一夜鮮馬友魚馬友魚煎到皮脆肉嫩，魚油香爆棚！「一夜鮮」係指風乾一晚，肉質更緊實，配埋旁邊嘅蔥油，味道昇華！🍜 蝦子花膠濃雞湯・拌菜苗・手工拉麵個湯濃稠！花膠厚身，雞湯熬到奶白色，蝦子灑面增添鹹香～手工拉麵彈牙，索晒湯精華！🍨 芋茸燉鮮奶芋茸綿密香甜，燉鮮奶滑溜如絲，兩者非常之夾，而且係香港人鍾意嘅唔太甜~…Read More

今次同friend去咗銅鑼灣樓上舖 十下火鍋，一入去就覺得好有feel！成間舖頭裝修到似80年代老香港，有霓虹燈牌、舊式餐廳卡位～🌶️ 麻辣鴨血一坐低就叫咗碟麻辣鴨血做前菜，鴨血滑嘟嘟，麻辣汁夠晒惹味，唔會太油。🍲 トト蜆鍋佢哋嘅招牌湯底！一上枱成鍋爆多蜆，目測都有成40幾隻，全部新鮮爆汁，湯底鮮甜到不得了，飲咗兩碗先捨得開始打邊爐～ 🥩美國肥牛（小）雖然叫細份但 份量超多！肥牛油脂分布靚，輕輕淥8秒就食得，肉味濃得嚟唔會韌，個個都搶住夾～ 🖤 黑百葉打邊爐必點！黑百葉清洗得好乾淨，淥10秒就食得，口感爽脆到不得了！🦐 十下三寶滑呢個超有特色、好特別，係其他鋪頭都冇試過呢個組合！✔️ 髮菜蠔豉牛肉滑- 好有新年feel，蠔豉香加牛肉好夾✔️ 鹹蛋黃墨魚滑- 鹹蛋黃流心超邪惡，墨魚滑彈牙 ✔️ 蝦籽蝦乾鮮蝦滑- 蝦味爆燈，仲食到粒粒蝦籽 🥬皇帝菜打邊爐點可以冇菜！皇帝菜新鮮翠綠，索晒蜆湯嘅精華，清甜得嚟解膩～ 十下火鍋湯底鮮、料靚、環境特別，坐得舒服之餘仲可以打卡，絕對係同朋友聚餐嘅好地方！服務員仲好貼心，會主動教點淥食材，加分！…Read More

前排同朋慶祝生日，去咗尖沙咀 鐵板燒海賀試佢哋嘅春日精選Menu！店內環境私密得嚟有格調，坐喺鐵板吧枱可以睇住師傅即場表演廚藝，每道菜都精緻又好食，由前菜到甜品節奏掌握得好好，環境同服務都一流，好啱慶祝特別日子！🍽️春日精選前菜兩點：汁煮響螺、飛魚子一開場就畀個汁煮響螺驚艷到！螺肉爽彈得嚟好入味，醬汁帶微微甜香，配埋飛魚子嘅鹹鮮爆珠口感，超級開胃！ 🦐甜蝦 櫻鯛薄切 初鰹配洋蔥酸汁甜蝦: 鮮甜creamy櫻鯛: 薄切帶淡淡魚香初鰹: 油脂適中🍲 蜆清湯湯頭清澈但鮮味爆燈！用新鮮蜆熬煮，飲落清甜冇腥味，飲完成個胃好舒服🥬 煮春野菜海鮮腐皮呢道好有和風感覺！腐皮吸滿高湯精華，入面包住海鮮同野菜，口感豐富🦪鐵板燒蟶子皇 配 文也汁重頭戲之一！蟶子皇超多肉，師傅鐵板燒到剛剛熟，肉質爽彈鮮甜，配埋自家調製嘅 文也汁似鰻，非常惹味，正！ 🐟 鐵板燒比目魚 配 蕃茄醬比目魚皮煎到金黃脆身，肉質嫩滑，配嘅蕃茄醬，酸甜清新，平衡返魚油香，好有驚喜！ 🥩 鐵板燒美國牛肉眼薄燒牛肉眼薄燒火候完美，外層微焦，內裡粉嫩多汁，內層包住一啲蔥，成件事香濃但唔膩！🍚 櫻花蝦炒飯櫻花蝦炒飯鑊氣十足！飯粒乾身分明，櫻花蝦鹹香脆口，仲加咗蛋絲同蔥花，簡單但超好食！…Read More

如果行開銅鑼灣又想食碗拉麵，呢間 麵屋日和 絕對值得試吓！佢哋隱藏喺小巷入面，鋪仔細細但拉麵有驚喜，而且小食都唔錯😋今次佢就試咗兩款拉麵同兩款小食！🍜 特盛淡麗醬油拉麵湯底係清澈醬油風，唔會太濃但鮮味十足，飲完唔會口渴。配料好豐富，有： ✔️ 腩肉叉燒 — 肉量超多，肥瘦適中，入口即化，炙燒過嘅邊位超香 ✔️ 溏心蛋 — 流心程度剛剛好，醃得入味 ✔️ 菠菜 & 味筍 — 爽脆清新，平衡返成碗麵嘅味道 麵條係中粗麵，掛湯能力強，正！ 🌶️ 特盛香辣醬油拉麵如果鍾意重口味，呢款香辣醬油會更過癮！辣度唔會太刺激，但香氣十足，湯底濃郁得嚟唔油膩，配料同淡麗版一樣咁豐富，特別係腩肉叉燒，浸喺辣湯入面更惹味！ 🥟炸雞皮餃子呢個係必點小食！外皮用雞皮代替餃子皮，炸到脆口，入面包住juicy肉餡，但係超好食！ 🍗 唐揚炸雞炸雞外脆內嫩，咬開仲有肉汁爆出，醃得入味，配拉麵都一流！…Read More

1️⃣ 8oz美國頂級西冷 🥩外層煎到微微焦香，切開見到粉嫩嘅肉心～牛味好濃郁，簡單加啲海鹽同黑椒已經足夠2️⃣ 火炙半熟三文魚伴紫蘇莎莎 🐟三文魚表面炙過，外脆內嫩，保持到半熟嘅完美狀態！紫蘇莎莎醬酸酸甜甜好開胃，同魚油嘅香氣好夾，食完成個口腔都好清新～3️⃣ 牛肝菌、露荀意大利飯 🍚一上枱就聞到勁香牛肝菌味！咬落去有口感得嚟又唔會太硬。牛肝菌嘅香味好出，個汁creamy得嚟完全唔膩4️⃣ 法式橙酒煮班戟 🥞每一啖都有淡淡酒香🍊。面頭嘅鮮橙肉同糖漿甜度剛好，唔會太甜膩🍹 紅柚四季春紅柚嘅酸甜同四季春茶好夾🍵，清新得嚟又解膩…Read More

呢間中菜廳走高檔路線，坐喺高層望住維港景食精緻中菜，真係好有氣派！試咗佢哋嘅「世味人生」menu，每道菜同次序都睇得出廚師好有心機。慢煮九層塔蟶子皇蟶子皇熟度啱啱好，肉質超鮮甜彈牙，九層塔嘅香氣完全滲入去，凍食都唔會腥，反而帶出層次感，好有驚喜！ 前菜三弄：櫻桃蘿蔔 • 三絲海蜇 • 風乾醬香鵝翼櫻桃蘿蔔醃得酸甜爽脆，三絲海蜇清新，最驚喜係風乾醬香鵝翼，入味得嚟唔會死鹹，拆咗做一絲絲食落好方便。金腿雪燕烏雞羹湯頭燉到超濃郁，烏雞鮮味十足，仲要落足雪燕同金華火腿，每一啖都係精華，係暖胃又滋補嘅養生感覺。脆皮海參 • 鵝掌海參外皮用台灣竹炭粉炸到脆卜卜，入面保持黏糯口感，配埋秘製微甜醬汁，好特別～鵝掌炆到一夾就散，膠質多到黏嘴唇，食完覺得自己皮膚即刻滑咗！ 珍寶珠 (士多啤梨味沙冰)其實係士多啤梨雪葩+桃膠，雪葩酸甜醒胃，底下桃膠滑嘟嘟，有清一清味蕾嘅效果。潮式老菜脯蒸鱈魚鱈魚肉質嫩滑到似豆腐，加埋潮州老菜脯嘅鹹香。菜脯嘅鹹味吊出魚鮮，仲有少少陳皮香，好有家鄉味道～ 胡椒香蔥生煎雞雞皮煎到金黃脆身，黑胡椒同香蔥嘅鑊氣十足，雞肉嫩滑多汁！花膠蝦湯稻庭麵蝦湯鮮甜，花膠滑溜，稻庭麵吸盡湯精華，口感彈牙，成個配搭好滿足，食完成個胃暖笠笠～ 雲石奶凍黑芝麻香味都幾濃，奶凍質地滑溜唔甜膩，面頭嘅雲石紋靚到唔捨得食!每道菜都睇得出心思，煮法創新，連平時嫌中菜油膩嘅朋友都食到lam lam脷！環境高貴得嚟唔拘束，坐喺窗邊仲可以望住維港夜景。…Read More

呢間喺佐敦嘅Ja Kitchen充滿現代感同埋時尚氛圍嘅日式fusion餐廳，食材嘅配搭幾創新，而且只要$590就食到佢哋嘅tasting menu!! 😍🍣1. 前菜: 鱈魚白子配蒓菜酸汁 - 鱈魚白子嘅細膩口感配上蒓菜嘅清新酸汁，味道層次豐富，開胃度十足，擺喺第一道菜非常適合。🥄✨2. 海產冷盤: 醉螺、大頭蝦 - 醉螺酒香濃郁，而大頭蝦則是爽口彈牙，仲有淡淡蟹膏！🦐🦑3. 季節海產: 蜆配酥脆蟹仔 - 一啖食落就充滿海鮮嘅鮮美，蜆肉鮮嫩，而酥脆蟹仔就脆卜卜，同蜆肉成為對比嘅口感。🐚🦀4. 煙燻牛舌山椒燒- 成個串燒用蘋果木煙燻過，獨特嘅果木香氣滲透入細嫩嘅肉質中，加埋大蔥，令整道菜的味道更加立體。🍢🔥5. 旬燒魚配酸菜汁 - 呢道菜特別嘅位係將肉同埋皮分開咗嚟整，魚肉烹調得啱啱好，非常嫩滑，外皮炸到金黃，配埋酸菜汁有d感覺好似係食緊啖啖肉嘅酸菜魚咁。🐟6. 蝦濃湯冬陰功煮北海道帶子 - 融合了泰式冬陰功嘅酸辣與蝦濃湯的鮮甜，再加上濺到熟到啱啱好嘅帶子北海道帶子，呢個配搭好特別。🍲🦐7. 牛肉壽喜燒- 呢個係關東壽喜燒，鍋內有唔同嘅配料，令到成個湯都好豐富！🥘🥢每個菜式都非常之有特色，感受到廚師係每到料理之間嘅鋪排都放咗心思，$590食到咁多心機嘢真係好值😆…Read More

NOX呢間酒吧，位置喺中環蘭桂坊，環境真係幾正！一入到去，燈光暗暗哋，感覺好舒服，啱晒同朋友傾計飲嘢。佢哋嘅Signature Cocktails真係有啲特色，我試咗「Make me Dirty」同埋「Spank Me Michther's」，兩款都幾好飲。「Make me Dirty」味道有啲複雜，帶少少果香，飲落好順口；「Spank Me Michther's」就比較濃郁，酒精味重啲，但唔會太嗆喉，啱晒鍾意濃味嘅人。另外，佢哋嘅小食都唔錯，我試咗Nachos，即炸嘅脆片配埋新鮮嘅牛油果醬，真係好正！Nachos炸得剛剛好，唔會太油，牛油果醬香滑得嚟又唔會太膩，係一個好好嘅配酒小食。整體嚟講，NOX嘅環境、飲品同埋小食都唔錯👍🏼，好啱同朋友坐低傾吓偈，係一個幾好嘅地方嚟放鬆吓！ …Read More

今次去咗大坑嗰間西餐廳食飯，真係一個好正嘅體驗！首先講吓佢哋嘅食物，每樣都做得好精緻，味道又好，環境亦都好有型，約朋友慶生一定冇失禮！Char-Grilled Octopus炭燒八爪魚。佢嘅八爪魚烤得啱啱好，外層微焦香脆，內裡卻保持咗肉質嘅彈牙和鮮味，搭配佢哋特製嘅醬汁，好適合做開胃菜。Bone Marrow & Beef Tartare，即係骨髓配生牛肉他他，呢個絕對係重口味愛好者嘅天堂。骨髓焗到出油，香濃滑溜，再加上面嘅少少芝士，配上新鮮嘅生牛肉碎，味道層次豐富，凍凍地他他，加暖笠笠嘅包，上面再加啲牛骨髓，好食都唔知點形容！Spanish Red Prawn Bucatini西班牙紅蝦意粉，‼️記得記得要將啲蝦膏撈埋啲意粉先食‼️你係會完全感受到嗰隻蝦有幾香，加埋意粉煮得啱啱好，又掛汁！每一啖都令人回味無窮。Apple Crumble，職員送到上枱嘅時候，仲係熱到出煙㗎!!! 蘋果餡甜而不膩，酥脆嘅外皮，再配返一啖雪糕，成件事好有層次，無論口感同溫度非常有對比。…Read More

之前星期日去咗中環嘅 Chaiwala 食佢哋嘅$368半自助式 Sunday brunch buffet，真係一個好正嘅選擇！呢間印度餐廳唔單止裝修靚，氣氛都好好。一入到餐廳，就可以喺Buffet Counter揀選各式各樣嘅印度街頭小食同新鮮沙律，每樣小食都充滿傳統印度嘅味道，好適合開胃。之後，每位客人都會得到一份Tandoori set，包括多款經典嘅燒烤肉類，味道香濃。仲有咖喱同Naan。餐廳提供多種咖喱選擇，每款咖喱都各有特色，配上蓬鬆可口嘅Naan或者飯。…Read More

呢次去咗長洲平記糯米糍呢間外賣店，專賣唔同口味嘅糯米糍，我試咗全部七款口味：芒果、榴槤、香蕉、士多啤梨、紫薯、Oreo曲奇同花生。每款味道都有佢獨特吸引之處，但講到最鍾意，我實要提芒果同花生味。芒果糯米糍真係超正！入面嘅芒果餡好新鮮，甜而不膩，每一啖都食到芒果嘅自然香甜同多汁。外皮包裹住咁濃郁嘅芒果餡，每啖都係享受。至於花生味糯米糍，呢個係另一個我嘅大愛。花生餡非常香濃，帶有自然嘅甜味同淡淡鹹香，食落去口感豐富，每一啖都有花生碎嘅脆感，真係令人停唔到口。對於花生愛好者嚟講，呢款糯米糍絕對係必試之選。其他口味都有佢哋各自嘅特色，榴槤濃郁、香蕉自然甜、士多啤梨清新甜美、紫薯獨特健康，而Oreo曲奇則係創意十足，融合咗西式口味入傳統糯米糍，好啱想嘗新嘢嘅食客。…Read More

今次去咗柴灣嘅佰天麻辣串外賣店食嘢，真係一個令人驚喜嘅發現。佢哋嘅泰式無骨雞腳超正！雞腳爽口入味，外層又帶點微辣微甜，真係停唔到口。至於麻辣燙，種類豐富得嚟份量都幾足。我哋揀咗豆串、海帶、娃娃菜、肥牛金針菇、牛栢葉、芝士腸同川粉。每樣食材都好足料。肥牛金針菇包得好實，完全冇散。豆串同海帶都好入味，娃娃菜保持咗脆口感，非常適合夾雜麻辣嘅湯底。湯底方面，辣而不燥，而且好香口，川粉滑溜溜嘅，吸滿咗湯汁，每一啖都滿足！…Read More

尚文潮菜館喺灣仔一帶新開嘅餐廳，專門提供潮州菜。去到舖頭一坐低，店員已經遞上功夫茶。今次食咗幾款菜式，最令我印象深刻嘅係碧綠川椒雞球。廚師揀選咗雞上髀肉來烹調，肉質稔滑得嚟又鮮嫩，加上用嘅川椒醬汁香味濃郁，食落真係過癮。至於招牌紅燒翅，用嘅係魚翅，烹製出嚟嘅味道好鮮美，潮州經典滋味全都喺度。再講下蝦米炒汕頭自菜，呢個菜簡直係清新爽口嘅代表，蝦米帶出嘅海鮮香氣同自菜嘅脆嫩完美匹配。鹵水墨魚片嘅口感腍滑，而鵝肝則係軟綿綿，入口即化。…Read More

呢間米線鋪真係帶我返去咗讀書時代嘅味道，每次都會食佢哋嘅酸辣湯底。酸辣感覺剛好，唔會太過，重點係佢唔會太鹹，飲完之後唔會口乾舌燥嘅。講到餸，我最推薦佢哋嘅腩肉、雞翼同埋豬紅，每款都係大份量，配佢哋個湯一齊食真係好開胃。至於小食部分，佢哋嘅招牌口水雞同涼拌皮蛋真係唔可以錯過。特別係佢哋自家嘅汁料，加咗洋蔥之後，味道更加豐富，口感層次分明，完全唔同於市面上其他地方嘅做法。每次去，我都一定會點，真係食唔厭！…Read More

一開頭俾呢間嘅牛油果料理吸引到，可惜計劃咗喺打風日去食，咁啱舖頭冇牛油果，但都發現原來有其他熟食都好出色！最推介就係超嫩入口即溶慢煮牛面肉。一入口，肉質嫩滑嘅，好香牛肉味，仲有濃郁嘅肉汁，真係融化喺口裏面，完全唔使咬，用舌頭輕輕一壓就散開喇，而且湯都好清甜，完全係食緊牛肉嘅鮮味。SIGNATURE FRIED CHICKEN。呢個炸雞做得外皮酥脆，但係雞肉仍然保持得好嫩滑，啖啖肉。QUESADILLA，選咗Chicken 。呢個 Quesadilla外層烤得剛好，唔會太硬，雞肉餡料亦調味得宜，係咁樣簡單嘅組合下都能夠表現出美妙嘅味道，加上啲芝士一流！OAXACA CHEESE FUNDIDO呢個芝士真係好正，融化嘅芝士綿滑有彈性，而且勁拉絲，配埋Chips真係好正！…Read More