Twinkle_Elly's Profile

我會形容這店為中環打工仔的輕奢侈午餐之選，坐得舒服，可以訂座，環境夠靜夠乾淨，繁忙時間唔需要排餐飽(午餐來講價位的確偏高)。雖然價錢貴少少，連埋加一每位大概200蚊，但食物質素對得住價錢的。-食過幾次，個人認為此店的烏冬好出色，質地好煙韌好彈牙，係好好食的烏冬，初次來食好推介叫烏冬類食品。皇牌就一定係蟹肉烏冬！而且店家配上的醋係正宗醋，味道夠酸後勁甘甜，感覺好似食大閘蟹，加醋食會昇華味道的層次。另外朋友叫左個大蝦海鮮湯泡飯，味道都好鮮甜好食，但個湯唔夠熱，如果滾到出煙仲正，米就好明顯係用日本米，粒粒肥嘟嘟，不過相比烏冬就冇咁出色喇。有興趣有budget的朋友可以來一試啊…Read More

星期日中午本想到旁店食日本菜排隊之際長輩突然見到此店門口的menu話想試下就順從老人家意思入黎試下掃完碼入去見到這個場景已經心知不妙(旁店排晒隊這裡拍晒蚊)店內環境舒適清靜應該可以坐好耐都唔需要交枱適合朋友久聚傾計叫了個二人套餐(3款小食+菜+2款主食+2杯飲品+2個甜品)。食評打到這裡突然想起我根本沒有吃過甜品呢....可能直接埋左單，店員亦唔發現甜品沒有上。 餐前沙律屬正常沙律。3款小食 (蔥抓餅+芝士丸+地瓜條)這個擺盤很難看 (好像是別人吃剩的放埋一碟)燙清菜也正常味道。清燉三寶麵，湯底是完全沒有味道的，五香味道過得去(但不好吃)。豬手麵，麵也是沒有味道的，豬手夠味道但很多毛。黑糖珍珠奶茶 (珍珠好硬沒有煙韌的口感)仙草茶正常。甜品沒有上，沒有吃過。我忘記了還有甜品，店員亦沒有提醒。總結是食物真係好普通，價錢又唔算平，這個水準對不起價錢，街邊小店都好食過佢！都唔明白點解咁多正評邊度黎???? 真心咩?????食完一肚火，要上黎出返篇食評道出真相。…Read More

事前經openrice app訂座request圓枱卡座main menu有88折(海鮮+廚師推介+set dinner除外)環境夠靜 坐得好舒服正常入座起計用餐時間90分鐘但由於閒日都冇客人等位所以坐耐啲--法式焗田螺($158/6隻)味道正常 同出面食的分別不大田螺下面有薯蓉 唔creamy同冇咩味呢個course一般般-美國肉眼扒 ($598/400g)perfectly 5成熟 廚師功力應該深厚岩岩好粉紅色冇血水 牛味重但肉質麻麻地可能呢塊扒唔夠靚-西班牙黑毛豬鞍扒($398/400g)呢個係最好食的一道侍應suggest 7成熟肉質好淋好juicy 味道very good-卡邦尼意粉($228)醬汁好濃好厚 味道又唔會好鹹都係同出面差不多 正常水準又唔係話煮得好好食-整體講除左豬鞍特別好食之外其他野就正常同其他食肆差不多不過價錢就相對貴啲我地4人(2男2女)食完都係得5-6成飽如果想食環境影相就好適合呢間我試左一次未必會再來第二次了…Read More

中環聚滿上班一族的商業區，買lunch最緊要快靚正。12:49分付款出單，企埋一邊等631的叫號等到叫64X，問一問會唔會漏左單，門口四眼呀姐應都唔應你，睬都唔睬你。-企埋一邊繼續等，631的叫號等到叫65X，再問可唔可以睇下呢個單係咪漏左，依然應都唔應你，睬都唔睬你。-631的叫號等到叫66X，我再問係咪漏左我張單，終於肯拎我張飛入舖頭睇，執餐姐姐即刻嗌入廚房出個海南雞先，我望實門口個呀姐再問一次咁係咪即係漏左我張單，呢個四眼呀姐大大聲喝一句「得啦！一陣比你啦！」-唔知係咪見你OL斯斯文文唔會同佢嘈，總之點都唔同你講一句sorry。最後1:24分先拎到個餐，買外賣等左接近40分鐘，一肚氣飽住返office，返到去飯都唔想食。-題外呢間舖頭逢星期三有八折是真的，不過加左價之後再打個八折比你，即係冇平過，但就吸引到更多人光顧。附上2張收據作比較 星期三同星期四買同一個飯，價錢係一樣的，打單打法唔同咁解。-是次經驗擺上黎比大家參考，各自判斷去唔去呢度買lunch了，食過中環的大排檔都幾有禮貌，至少唔駛受氣。--…Read More

一連五日假期陪長輩去飲茶等位期間已經有花生食門口知客因為安排入座有問題有食客同佢理論 最後經理出來致歉跟進到我們一行四人被安排入内冷氣好凍好凍 基本上主廳範圍內的圓枱全部風口位如要去請帶定外套坐低後有一個QR code手機落單可享全單減10蚊優惠食物即叫即蒸 我們一共叫左3轉點心普遍下單後20-30分鐘後就上枱這裡的叫法比較特別大部份以個/粒為單位叉燒包要1個或2個任君選擇呢個可以免去計人數既好處食物不過不失 即叫即蒸黎講上菜都較慢但樓面服務實在實在太差啦當日同2個樓面講野都唔應人特別係埋單收錢個位王姓女經理問佢收唔收銀聯paywave問左3次行埋黎打開張單幾錢又唔講望都冇望過我 掛住同同事講野講完大大聲喝我「收收收 淨係唔收AE」都唔知請佢返黎係服務客人定請佢返黎鬧客人試過一次唔會再有第二次的原因就係呢間分店啲staff全部唔係well-trained做野亂咁黎 冇服務可言我尖沙咀/青衣城分店全部食過呢間服務完全茶餐廳水準 係其他分店既半成都冇新開冇耐都咁差真係想知呢個班底可以捱幾耐埋單淨係比左呢張收據想影埋叫過咩食既單放上黎都冇…Read More

(評論食物前想先交代小故事比大家參考)重點係 無！冷！氣！莫講係入面食韓燒 食韓式滾住的湯品/辣野已經食到流晒汗 好似大排檔咁問侍應冷氣可否開大啲侍應表示商場進行優化工程冷氣系統會有啲問題 希望客人體諒但呢番說話絕對應該係客人拎籌既時候講聲講明入面冷氣有問題 等客人決定究竟仲等唔等 食唔食而唔係我排左40分鐘入去坐底先講又或者可加設風扇/座地冷風機比客人用餐炎炎夏日出面30度 呢個價位食個飯要食到成身都係汗究竟值唔值得呢?除左我地食到一頭汗聽到隔離枱既客人都討論緊冇冷氣早知唔等 早知唔入黎食等左咁耐入黎先知冇冷氣唔食又浪費左時間 適逢週末 去第二間又要排過彷如一個騙局咁------------------------------今日決定試下 等左40分鐘就有位其實餐廳門口等位已經無冷氣不過無諗過餐廳裡面都無冷氣行入去已經心知不妙 但等左咁耐唯有照食每枱都有既三碟前菜 食完可要求refill的(酸甜海帶/韓式泡菜/炸麵包粒)三款味道都不過不失 牛肉湯配飯 (HKD 82)牛肉調左味燒好先放入湯滾好濃的黑椒味 甜甜地 份量都算多海鮮辣豆腐湯烏冬 (HKD 82)有金菇 蜆 青口(2隻) 蝦(2隻) 蛋 豆腐青口同蜆好幾隻都冇開口蛋同豆腐都過熟唔夠滑 味道好一般 餐廳會另收加一服務費 味道普通 唔值呢個價錢要等位 無冷氣 唔會再食第二次了…Read More

事前用app訂座一到就有位可入坐落左單半個鐘 連湯底都未到 當時餐廳冇咩人 隔左陣職員禮貌地表示張單唔見左 follow緊冇咩客既情況下 海報咁大張既單都唔見左.......我同朋友已經面如死灰 拎定張100蚊紙等多5分鐘就走後尾終於搵返單 湯底連食物一次過上 但都係漏左樣野 催左單一次 同佢講仲有野未到職員問係咩食物 我地叫佢check單職員表示廚房只有大list 唔知我地仲爭咩.......話埋比佢聽爭左咩食物 等左15分鐘都係未有個湯滾下滾下 已經食到冇野好食又催第二次 又係等到訓著都冇再催第三次終於有啦.......呢間餐廳啲單亂過亂世佳人隔離枱都聽到上錯野/ 上漏野.......大家支持黃色Circle 但唔係下下打開門做生意 頂著個黃字就可以咁冇質素食物其實份量同價錢都唔太成正比不過係味道係Ok正常既…Read More

吃完晚餐在附近閒逛，看到這間餐廳想一試甜食，看到很多好評，試食完卻和預期有落差，暫時這個餐廳沒有負評呢，所以我也不忍心負評了。朱古力梳乎厘配朱古力雪糕($68)梳乎厘即叫即製，需等候二十分鐘，上枱後熱辣辣，味道不怎麼樣，就是朱古力味的梳乎厘，談不上很出色很好吃的味道。-招牌厚Pancake ($62)也是即叫即製，需等候二十分鐘，就是厚身的Ｍ記熱香餅，真的味道沒有差別，這樣的甜品... 不值$62元呢。-就是這樣，我個人認為自己中伏了，不過我下次會想試主食的意粉，可能會有驚喜，甜品真的不怎麼樣呀!!…Read More

我們點選了日本產黑和牛，因當晚是除夕晚，所以價錢為$329/人。上枱時會先提供牛舌及豚肉各一份，按照個人喜好可以跟職員要求refill。-一坐低上枱的牛已經唔靚了，脂肪分佈差，而且有筋，硬著頭皮把頭兩碟吃完，Refill的兩碟更差，也許當日來貨的牛肉品質不太好。(吃Hotpot放題也要碰運氣)-----這樣的品質我們2人最後只吃了3碟半牛，寧願食魚蛋及蔬菜，也不想再吃牛了。埋單$329x2+10%Service Charge=$723.8-只能說一句不值得。…Read More

星期五晚約7點左右，路過即興食串燒，當時用餐人數不多，但我見好多都留座，而我們有一個半小時的用餐時間，8:30交枱。座位蓋打開可把個人物品放入去，以免一身BBQ味。好快手就叫左以下的野食啦。--- **Encore左一次-**茄子超好味，Encore左一次-**這個反而一般，但味道都係不錯的-**Encore左一次，好軟身好好食--**好軟熟，不過肉質略嫌太乾-加埋兩支鳥龍茶，整體埋單大概$300蚊左右。每款食物都味道都不錯，什至出人意表地好食，價錢唔算太貴，絕對值得一試。…Read More

午市套餐($68元)選擇多(可選一個主食+三款小食)，隨餐附上一碗湯，每枱皆免費提供前菜及菊花茶(免+1)。-酸酸地很開胃的免費前菜，黑木耳很爽口，不錯。-跟餐每人都有一碗的湯(蠔仔海帶湯?)味道清新，都幾好飲，仲非常足料。-小吃方面，我們兩人共點六款:水晶豬蹄凍，家常炆筍乾，鹽焗豬肝，滷水嫰豆腐X2，蝦苗拌頭水紫菜。**特別推介** 豬蹄凍，少少辣很惹味，另外，滷水豆腐及紫菜味道都不錯啊。-主食方面，我們點了炒米粉和包菜飯，兩款都很好吃，不過包菜飯相對較油，米粉較清淡，邊樣更出色就因應個人口味，但兩款都值得一試。(餐廳內幾乎所有人叫米粉吃的，可能米粉是招牌菜式)-總結來說，午餐而言$68或許不算十分便宜，但食物質素/ 份量以及服務都對得起這個價錢，午市免收加一及免費茶水和前菜，CP值都算高啊！…Read More

事前已經打左電話Book左枱，所以一黎到就入座，不用等位。用餐前已經看過很多不錯的食評，因此來這裡一試***這裡不收切餅費，慶生一流***--椰青冰凍，成個好重手($42)-馬拉盞炒通菜，極度輕微的辣，味道不錯-冬蔭公海鮮湯(大)，很輕微的酸辣，有幾隻蝦係入面，幾足料架。不過二百幾蚊來說份量算少，，一行五人勉強剛好一人一碗。-青咖喱雞，裡面都有不少菜蔬，我們另外點了印度薄餅和蒜蓉包點咖喱汁吃。-半打泰式串燒(豬牛雞只可選兩款)，這個選擇比較不親民，叫半打肉類就不能選三款，逼你叫一打先可以試晒三款，我們叫了牛和雞，味道不錯。-香芒炒軟殼蟹，味道似咕嚕肉加芒果味，酸酸甜甜，頭一啖覺得味道奇怪，吃多兩啖就可接受了。--青擰泰式爐魚(烏頭)，味道偏酸辣充滿泰式風情，魚肉都嫰滑，不錯。-最後一行五人埋單一千左右，價錢都唔算太貴，雖然不算十分好吃，但所有菜式味道都不錯，未試過可以一試，試過一次會不會再來光顧就看個人口味啦。…Read More

一個人食個快Lunch，叫了墨魚卷蕃茄麵，有數款蕃茄湯底可以選擇，愛辣之人叫了麻辣蕃茄湯，感覺頗新奇，跟餐加了一支豆漿，都只是5蚊咋，又幾抵飲。麻辣蕃茄湯其實就是蕃茄湯加了一些辣椒醬，墨魚卷有四大條，好抵食。麵條是紅色的蕃茄麵，和一般麵條差不多，比較彈牙。墨魚卷口感欠佳，粉比例較多，只有很少量的墨魚肉。豆漿有黑白兩款，我點了白豆漿。埋單盛惠$52，價格中等。不過食完之後，一直好口渴丫，當天下午飲了很水，味精應該好重手。…Read More

星期五到香姐一試，事前已經看過數篇食評，所以加點了備受好評的臭豆腐 (但因太肚餓所以淨係影左碗米線) 臭豆腐味道中規中距，外皮比較硬同實。-- 菜單一張兩面 麻辣米線 (走芽菜走韮菜)+豬大腸+蘿蔔 **每碗米線最少點兩款餸**中辣 (個人感覺中辣大概相等於雲X香的小辣)-首先湯底有點像清湯加辣油的感覺，唔濃郁頗很清淡和雲X香及荃灣很有口碑的肥仔米線相比，是兩種風格，比較像是譚X米線，(其實我唔清楚可否開名比較)，湯底就好與否就看個人喜好了，我比較偏愛肥仔的湯底(濃郁刺激味蕾)。-另外如圖所見米線是粗身米線，一碗內我吃到了頗多好似未煮冧的硬米線，破壞了口感，沒有堅韌的感覺，米線本身來講我覺得老闆娘或星林居真的較好吃。-配餸方面，蘿蔔清甜好冧身，豬大腸亦洗得好乾淨，份量亦算多，幾好食。可以加$7有支裝可樂，夠氣夠凍，配米線一流，友人亦選擇加$10有一支豆漿，有黑白兩款任君選擇。-整體而言，湯底及米線較遜色，配餸的味道反而不錯，而且價錢都算不貴，聽講仲有好多招牌的小食，可以再來一試。…Read More

星期六約5點左右就肚餓，天氣漸涼想食辣因此一試老川皇，真的好吃啊！-因幸運地還未到晚飯時間，口水雞尚有套餐供應我們兩人叫了口水雞套餐 $48 (口水雞+白飯+飲品)干鍋肥腸 (散叫) $92辣子雞 (散叫) $96另加一碗白飯 (散叫) $10-口水雞是傳統的做法，所以是凍上的冷盤**小妹是川菜愛好者，吃過很多餐廳的口水雞會熱上****當然冷熱都好吃，不過傳統正宗的口水雞是冷盤來的**份量十足，背+胸+脾+翼各部位都有，一個人吃相當足夠辣度可因應個人喜好選擇大中小，我地試了小辣，辣得岩岩好，十分惹味。-這道干鍋肥腸，送飯配酒都一流師傳炒得好夠獲氣，再配上熱爐座熱上枱，可能怕豬腸冷卻後咬感變差，相對感覺會變肥膩，這個做法十分貼心，勁好食！-最高評分的辣子雞，工序繁多，上枱已經聞到味道夠麻夠辣夠熱，雞是連骨切碎再炸，炸完再配上大量辣椒及香料炒，都係勁好食！-吃飽飲醉埋單，300蚊都唔駛，叫3樣野，全部水準都很高，下次要再來試吃水煮魚啦…Read More