E.Kchannel's Profile

晚上7:30左右大概排左一個鐘多去食。建議多人又肚餓係附近食少少小食先再食拉麵。店員會派紙比每一個客人點餐，我同朋友個日就試左2款拉麵，3款小食。拉麵麵質好好，湯底好濃厚，我地叫店員攞左碗仔比我地，店員好好人，佢擦乾淨每一個碗先比我地。間店入面好多貓貓既元素，牆上面碗上面都有，中意貓貓既可以一試。我同朋友係為左支持偶像先去食既，但麵實在好好食，下次會再帶其他朋友再去一次。我覺得麵既價錢同小食價錢都合理既，係尖沙咀黎講差唔多既價位，所以經過既可以試下呀…Read More

同朋友生日去呢度慶祝生日，平時少食韓國嘢，呢間都吾錯，啲店員好多都係韓國人，要用英文交流，但都有一兩個識廣東話既人。我地叫左個大串燒，店員會幫我地合照，再幫我地燒好分埋碟，服務吾錯。…Read More

呢間餐廳真係非常好👍🏻服務好，野食好，環境又好。去食個日係我朋友既正日生日，我預先打左電話留左位，餐廳既位吾多，所以預先訂位會好啲佢地既食物好靚，又好好食，我地兩個人叫左軟殼蟹咸蛋蝴蝶粉，蝴蝶粉好重咸蛋味，係有一粒粒既咸蛋係度，軟殼蟹都好正蛋餅都好好食，佢同我食開既蛋餅好吾同，佢係脆既，入面有芝士好滿足。仲叫左鹽酥雞，炸得好脆好香，份量好足夠。仲叫左個好靚既生日蛋糕，係手工蛋糕。店員好好人，主動幫我地影相。…Read More

呢間下午茶幾好，環境幾靚。店員係外國人要講英文，下午茶既野食好好，都夠飽。望出去出面見到摩天輪同尖沙咀。要預早訂位，都好多人去食，天氣冇咁熱既話可以去外面坐，空氣會好清新。咸食最中意佢個煙三文魚三文治，另外佢仲有青瓜沙拉三文治，咖喱吞拿魚三文治，雞蛋沙拉三文治咁啦。甜食中意佢個草莓慕斯，佢個鬆餅都好好食，佢有兩種醬可以點，一個係鮮忌廉咁，一個係紅莓，個人中意忌廉多啲佢既野飲就比較普通。有茶同咖啡。…Read More

第一次去食呢種下午茶，覺得好吾錯。呢間舖頭裝修得好靚，環境又舒服岩曬同朋友，閨蜜一齊黎打卡。每人有10款可食，仲有杯野飲好夠食。大家可以拎埋自己中意既公仔去影下相，真係好靚，冷氣都好夠呢度都好方便，搭地鐵行吾係好耐就到了。平時好少食呢種下午茶既可以一試，係Open Rice booking仲有8折，勁抵。有機會會再去試下，帶埋屋企人去。一家大細都好岩去食。我覺得佢既下午茶咸食就一般，甜品都算幾吾錯，可以一試…Read More

茶木就食過好多次，今次加左一個好好食既手作麵同蛋糕就更吸引。手作麵係白汁既，味道好濃郁好入味，麵質都好好，比其他既台灣餐廳做得好，但價錢吾平。我叫左杯草莓既冰，支飲管係用草莓味既餅乾製成既，飲落係會重左草莓味，但飲既時候好吾方便，好易爛。放耐左少少就用吾到。但杯野係吾錯既，都值得一試鹽酥炸雞扒就難切一點，因為一整開，雞皮就好容易鬆開，原本想食鹽酥炸雞，但冇曬最後既重頭戲就係個蛋糕，出面係忌廉，中間有珍珠，上面有杯雪糕。但過左6點後就貴啲。最近茶木找了姜濤做代言人，我會成日去下食…Read More

呢度環境幾舒適，服務態度都良好，好食的，但是伴碟既菜則太生。餐廳同地鐵站都吾算遠，地鐵B1出口直行，都好方便，同朋友黎都幾好。菜色的數量都還可以，但可以再多啲得閒會再去下食架喇。我飲左杯椰汁冰，我覺得幾好飲，夏天好岩飲。我朋友飲左菠蘿冰，佢話偏甜有啲似糖水，入面有菠蘿粒。燒豬頸肉飯都吾錯，但個醬汁就麻麻地，炸蝦餅就夠熱同脆。我都食過吾少泰國野，呢間未係叫超好食，但價錢合理，味道ok，糧尾既話都可以係度食下既，…Read More

呢間泰國野好多人去食，我都食過幾次，我覺得食物味道都唔錯，但係價錢有點貴，分量我認為不太足夠。每次用餐完都會有一個甜品贈送，係一個粟米椰汁糕。員工態度唔錯，坐得幾舒服。平時都要訂定位，因為一到午飯時間就滿晒人，晚飯都係一樣。…Read More

呢間西餐好好食，又有好多間分店，晚市同午市係貴點，但一到下午茶時間就好抵食，牛扒好大塊，裏面有好多薯菜，仲包埋嘢飲都只係＄70左右，餐廳環境唔錯坐得幾舒服，員工態度都幾好。之前食過海鮮炒飯都好好食，所以我非常推薦呢間餐廳…Read More

我和朋友聚會選擇左係銅鑼灣這間泰國菜，店鋪十分舒服，有得坐室內同室外，我地叫左4-5樣野到，食物好快上到，但份量麻麻，食物味道幾好，喇沙米線吾會好辣，但米線量好少，串燒既醬好好味，有點似花生醬咁但點落好配合，炸蝦餅炸得好脆好好食，芒果糯米飯好好食，但份量好少，價錢有點貴，但我都推薦大家去食下，呢間店係銅鑼灣，係總統戲院上面，睇完戲又肚餓不妨考慮一下，呢度位置好方便。呢間店既員工態度好好，我地叫錯左另一道菜佢地都願意同我地換。…Read More

我係第一次食呢間上海菜，我睇過價錢算便宜所以就去試下，店鋪吾係好大間，細細地吾會好多人，所以幾靜下，環境坐得好舒服，我同屋企人叫左三道菜，三個都跟埋菜飯，平時有點上海菜店食菜飯要加錢，但呢間吾洗，個菜飯就咁食都好好食，餸菜都好好。我地仲叫左上海粗炒，D麵好好食，好彈牙，同汁配埋超好食，同埋叫左鍋貼和豆漿，豆漿每個菜飯餐加三蚊就有一杯。員工態度好好，有員工係泰國人，因為隔離有間泰國菜都係佢地的。我非常推薦呢間上海菜店。…Read More

Starbuck出左椰子草莓星冰樂，好重椰奶味，有士多啤梨係底，士多啤梨同椰奶好襯，令杯星冰樂冇咁甜，cream面有椰絲令杯飲品增加左口感，整體感覺吾錯。合和中心呢間starbuck係好好飲…Read More