為食二等兵的個人專頁

🦀 蟹宴主角精彩登場任食醬油蟹套餐提供雄蟹（$298）與雌蟹（$348）兩種選擇。首輪先奉上「完整雌蟹連殼」，金黃色的蟹膏澎湃誘人，入口鮮甜帶醬油香，完全沒有腥味。之後無限追加去殼雄蟹，肉質飽滿紮實。特別推薦將蟹膏與熱騰騰的麻油紫菜飯拌勻，每一口都讓人回味無窮！ 🍗 人氣小食全面攻略除了主角醬油蟹，其他任食項目同樣精彩！外脆內嫩的黃金炸雞，咬開瞬間肉汁四溢；煙韌惹味的年糕香腸串，重現地道韓式風味；甜辣開胃的烏冬魚糕湯，暖心又暖胃！ 🥤 汽水無限暢飲套餐包含多款罐裝汽水無限暢飲，吃著鮮美的醬油蟹，配上一口冰涼汽水，讓人瞬間暑氣全消，滿足感爆棚！ 📍 Bingo & Cook麼地道37-41號港匯廣場地下17-20 & 31-34號舖…查看更多

濠餐廳既自助餐今次安排左泳池邊既位置，安靜得黎好舒服野食方面有冷盤海鮮、刺身壽司、沙律、熟食燒物、火鍋米線、甜品雪糕今日屬於平日，海鮮有4款，分別係熟蝦、長腳蟹腳、蜆同青口。刺身方面有三文魚、吞拿魚、鯛魚。好多自助餐多數只包一杯餐飲，但黎度除左有餐茶果汁之外，仲有好多款包裝罐裝飲品任飲期間限定有火焰雪山蛋糕，係特定時間推出，餐廳會先調暗D燈，之後就會有職員敲鐘 (初初我仲以為有人生日，點知原來係推出火焰雪山蛋糕)，廚師即場點火燃燒整個火焰雪山蛋糕甜品選擇豐富，仲有雪糕tim…查看更多

BnR黎個餐廳名同文青簡約風既裝修，令我本以為係一間Café，點知發現原本係米線鋪，有D喜出望外。餐廳以濃雞湯、鮮魚湯和特色湯為主打。其中濃雞湯係藥膳雞湯，而特色湯就係冬陰公湯。而主食選擇有淮山麵、米線、泡飯同河粉。藥膳雞淮山麵當然要食主打既藥膳雞湯配推薦既淮山麵，淮山麵條配藥膳雞湯感覺健康又養生，海南雞嫩滑，而我最中意就係個湯底，湯底好香藥膳味，仲有杞子芫荽蔥帶出雞湯既鮮味，甘甘甜甜泡椒雞翼尖$42泡椒味雞翼尖微辣開胃，浸得入味令人食到停唔到口魚湯淨手工韮菜餃(8隻) $56濃濃的鮮魚湯夠晒鮮甜，韮菜餃皮簿而且好多餡，未食已經見到餡料勁飽滿😋整體食物質素：4 / 5💰性價比：4 / 5👍推薦指數：4 / 5…查看更多

諗起任食放題，一定會揀專食海鮮既蝦蝦燒，因為朋友一致認為甘樣先回到本，HAHA!! 蝦蝦燒既海鮮有大頭蝦、鮑魚、扇貝、帶子、生蠔、原條魚、魷魚、沙白等等，而且仲會不停Refill，剩食海鮮都可以食飽 荃灣分店每個座位都相連水缸，入面隻隻蝦都生生猛猛，亂甘跳，一唔小心就會夾到D水彈到周圍都係，生猛到甚至彈到隔離台，搞到勁唔好意思燒烤爐分成上下兩層，一次過可以擺好多唔同野食一齊燒，而且火喉都OK一定夠晒時間食😋整體食物質素：5 / 5💰性價比：5 / 5👍推薦指數：5 / 5…查看更多

荃灣大鴻輝中心抵食任食火鍋+點心放題，一個價錢食到飽而且唔限時，有個地方可以同朋友慢慢食吹下水火鍋有雞煲可以揀，湯底亦都有十幾款湯底。另外餐紙上多款火鍋配料，肥牛、滑牛、海蝦、鯇魚同各款手打丸，食材夠晒新鮮火鍋配料自助區，有唔同種類蔬菜、肉丸等。飲品款式亦好多，有任飲樽裝汽水、荼類、啤酒等點心即叫即蒸，熱辣辣，有燒賣、蝦餃、鳳爪、小籠包等等，比起火鍋我更中意佢地既點心。性價比：3 / 5推薦指數：3 / 5…查看更多

最近朋友介紹左一間串燒小店，雖然唔近地鐵站，但位置都容易搵，店鋪環境都坐得好舒適寫意，同朋友飲住啤酒傾下計，寧舍寫意黎間串燒款色勁多，價錢又唔貴，最平10蚊有交易，而且免加一，入座後仲送左一客漬蕃茄明太子燒飯團(左) $25 燒櫻花蝦飯團(右) $25飯團外塗滿醬油燒到脆香，櫻花蝦同明太子鹹鹹香香，外脆內暖焦糖菠蘿 $24焦糖菠蘿簡直係必食之選，菠蘿上面有一層薄薄既焦糖脆片，食落酸酸甜甜牛油燒冬菇(左) $12 燒紅腸(右) $10冬菇紅腸燒得表面乾身，入面岩岩好夠晒軟身有汁，平價之選😋整體食物質素：5/ 5👍推薦指數：5 / 5…查看更多

兩個半小時任食流水蝦，哈哈燒荃灣分店地方更多大更加闊落，每一張枱都可以坐喺蝦缸隔離，可以即時望到生生猛猛嘅大頭蝦喺當入面遊嚟游去， 因為太生猛既關係，夾下都好似遊戲甘，要好講技術眼明手快 仲有各式各樣既海鮮， 見到店員清洗得好乾淨，仲會不停refill， 有蟹、扇貝、鮑魚、魷魚、翡翠螺、生蠔等等 入座每人會有一串每次最期待既鱔串燒， 肉質嫩滑彈牙，外皮脆卜卜，勁好食 另外最值得欣賞既就係呢度店員收拾速度好快，海鮮殼蝦殼之類都唔會搞到成枱都係性價比：5 / 5推薦指數：5 / 5…查看更多

前排聽同事講去完蝦蝦燒，聽到我都心思思想試，所以就book左日期時間帶埋屋企人去又玩又食。我黎d怕悶既人，如果要我坐定定慢慢釣蝦黎燒，我諗我應該餓死自己算🤣但蝦蝦燒係用夾夾蝦，考既係眼明手快，隻隻蝦都好新鮮 每個座位旁邊都有好多蝦既魚缸，出面自助區都放滿好多唔同既海鮮，肉類，。海鮮區有魚、鮑魚、蜆、生蠔、魷魚筒、沙插同扇貝，職員仲會不停refill。入座每人會分配一串白鱔肉同貴妃蚌。整體海鮮都覺得新鮮鮮甜，種類選擇多.整體食物質素：4 / 5推薦指數：4 / 5.📍蝦蝦燒佐敦白加士街10-24號永富大廈1樓…查看更多

食過甘多間放題，樂天大喜屋算係款式選擇都比較多，而且座位坐得最舒服最闊落款式夠晒多元化，連飲品都有幾個雪櫃，又有清酒梅酒啤酒，點餐就掃qr code落單，環保得黎又可以一次過睇晒有咩野食同叫左咩食，唔洗怕同朋友double落左單食日式放題點可以唔食刺身呢，三文魚、榮螺、帶子、牡丹蝦等等水煮牛肉、清酒煮蜆用熱鑄鍋上熱辣辣依家放題仲有大大塊花膠同燴大蝦，食多幾份都值回票價整體食物質素：4 / 5推薦指數：4 / 5…查看更多

深水埗一向都集合左各國既抵食餐廳，最近開左間新既越南餐廳，連擺設同風格都好有味道越或豬頸肉 $58豬頸肉肥瘦岩岩好，好均勻，外層香肥，食落肉興嫩滑，配埋酸甜醬汁好開胃越式炸春卷(4件) $48越式春卷春卷皮好薄 炸得香脆 內餡料充實飽滿，有一啲蔬菜同肉末，幾香亦不會膩，貼些魚露更好味，配搭埋生菜包埋一齊食，感覺更健康順化炸蝦餅 $58蝦餅香脆得黎又無熱氣感，食落有蝦粒真材實料整體食物質素：4 / 5推薦指數：4 / 5…查看更多

好耐冇食車仔麵，樓下新開鋪頭就去試下。除左基本麵底，仲有韓國公仔麵，另外仲可揀菜底，車仔麵鋪比較少見。除左車仔麵，另外仲有唔少小食選擇，但車仔麵已經好多配料，所以今次就冇嗌，下次可以試吓。今次揀左烏冬底腩汁，配菜有雞翼，冬菇，豬軟骨，牛柏葉,魷魚。冬菇味濃，瑞士雞翼大隻好肉，牛柏葉同魷魚都好爽口彈牙。朋友揀左菜底辣汁，生菜吸晒湯底嘅辣汁，蘿蔔最緊要煮得夠淋，豬紅份量好多，另外仲有好難得一見既係有豬油渣。另外店員有主動拎菜脯。…查看更多

之前經過見到餐廳入面既裝飾同壁畫都好特別，所以印象心刻，今日突然間心血來潮想食韓國野，發現餐廳暫定堂食，但外賣有8折，所以就決定買返屋企慢慢嘆明太子蛋卷 $78用左大量雞蛋食落厚實但又不失柔軟嫩滑，加咗少少甘筍絲口感清新甜甜地，表面有蟹子同埋明太子，令到雞蛋更香更有口感，我好喜歡豆腐海鮮湯 $88豆腐好嫩滑，有蜆肉、青口、蝦等等，撈埋飯黎食味道不過不失，但重口味既我覺得可以再辣多少少先夠惹味牛肉炒粉絲炒粉絲食落唔油膩，仲有少少麻油香味甜甜地，食到停唔到口😋整體食物質素：5 / 5💰性價比：4 / 5👍推薦指數：4 / 5…查看更多

最近愛上左光顧一d平民小店，今日就帶左媽咪去一間小茶樓食一盅兩件，位於深水埗黎間黃金小館價錢好親民，而且見到食客同老顧客一直有交流，充滿人情味 月半彎筍鮮蝦餃 $34 (4粒)蝦餃大大粒，而且皮薄到晶瑩剔透，入面真材實料，大大隻鮮蝦肉質札實彈牙 春風得意腸 $38 👍必食推介黎個簡直係我最愛，唔係度度都有得食，而且價錢係我食過最抵食，簡直係性價比最高既item，必食推介。腸粉最外邊係嫩滑腸粉，包住香脆油炸鬼，最入面係鮮蝦同面層鋪上蟹籽，3層既配搭層次感十足 另外仲食左花釀魚肚、蟲草花棉花雞、懷舊四寶雞札，蒲江春鮮竹牛肉球同XO醬鮮蝦菜苗餃，所有都係中上既品質，雞肉嫩滑無雪味，蝦餡札實彈牙，魚肚大大塊，好食小店…查看更多

最近成日OT攰到成日無咩胃口食野，係lunch time發現公司附近餐廳出左個一人前盆菜，決定要食豪d去獎勵下自己 一人盆菜跟一個發熱包，只要打開盒放入發熱包，加入室溫水，等10~15分鐘就食得，夠晒方面 熱辣辣既盆菜，加入濃郁既湯頭，清清甜甜。盆菜有十款餸，鮑汁炆花膠、日本帆立貝、秘坊辣魷魚、秘製吉品鮑魚、原隻大蝦碌、秘坊蔔白、芋絲、生菜、A4黑毛和牛同牛腩，好食唔油膩，一個人食都夠晒飽 #一人前盆菜 #迷你盆菜 #盆菜 #車仔麵…查看更多

新創發滷味專門店雖然係瀝源邨街市入面，外貌平平無其甘但滷味確實好好味，價錢明碼實價。今日行過好想食，決定斬料加餸 潮州沙薑走地雞雞肉咸咸地有雞鮮甜味，雞皮薄唔肥唔油膩 滷水雞腎、紅腸、豆腐、蛋滷水汁好香有微微藥材香唔死咸，雞腎夠爽口，紅腸、豆腐、蛋夠晒入味 秘製菜脯、酸菜最後不得不提既就係佢地既菜脯同酸菜，第一次食簡直有驚喜，可以講話係驚為天人，菜脯爽脆帶甜，酸菜鹹鹹酸酸好開胃，作為開胃菜或者配啤酒一流 😋整體食物質素：4 / 5💰性價比：4.5 / 5👍推薦指數：4 / 5…查看更多