foodisland's Profile

由港島區特登過海嚟九龍城試吓金寶菜館，佢哋有越南菜同埋泰國菜，兩間舖頭係隔, 所以去任何一邊都可以食到泰國菜同越南菜。我屋企人就叫咗泰國菜，海南雞飯，豬頸肉飯, 我就叫咗個越式生牛肉湯河，同埋泰式炒通菜。泰國菜方面水準OK，不過不失，千祈唔好期望過高。佢嗰個海南雞飯，雖然係油飯，但是味道一般。最差係生牛肉湯河，直程係茶餐廳版本嘅生牛肉湯河。湯底差，生牛肉係好似雪藏咗好耐，擺到喺湯裏面半個鐘都未熟，慘不忍睹。真係冇諗過一間越南餐館可以做出咁差嘅牛肉湯河。奉勸大家千其不要叫生牛肉湯河。要食好嘅越南菜泰國菜，港島區可能好啲。…Read More

吉列豬扒係好食，但係呢個價錢服務真係好差，職員動作緩慢，清枱緩慢，客人走了但係帶位入座都要等10分鐘。來食飯最少排隊一個鐘, 加上呢個價錢，唔係好值。佢應該可以俾人留低電話，等人行街再返嚟，唔使白白企喺度個幾鐘等。最嚴重就係啲食客食完都唔走，坐喺度傾偈，職員又懶得理。反而以前銅鑼灣世貿嗰間服務好啲，反枱又快啲，可惜銅鑼灣嗰間已經冇開，所以要搵另外一間食炸豬扒，呢間真係唔可以再嚟………………………….…Read More

平時經常行過，一直想試，今日我哋一家三口嚟試吓。味道真係超級一般，價錢又唔平，又重要係自助。啲面嘅湯好油。下次唔會再來。佢哋可以喺銅鑼灣開店真係奇蹟。呢個價錢喺銅鑼灣有大把嘢好食。…Read More