or#Tm65368706's Profile

第一次來禪這日本餐廳，因為見門口餐牌下午茶幾抵，長者還有8 折👏當天叫了吉列大蝦咖喱濃湯烏冬，賣相很不錯，有三隻蝦十分脆，烏冬份量足，忌廉混咖喱濃湯味道很獨特。餐茶有很多選擇，超個20 款。我叫了一杯mocha 咖啡味道也不錯員工服務態度也很好，值得推介這餐廳$68的下午茶在新城市廣場確實難搵長者價折扣後是$61，性價比高👍（唯一扣分之處就是枱與枱之間空間較密）…Read More

一向想試永年的車仔麵，但由於新城市廣場食肆太多選擇，所以始終冇試過。終於今日踏出第一步，試一試他們的三餸車仔麵。一入口，魷魚過腍又冇味，紅腸沒有煎過，有啲雪味，墨魚丸叫做中規中矩，最失敗是南乳雞翼，由於追加只需$18 似好抵，但雞翼很細隻（沒有影相）完全冇南乳味又乾。服務方面有待改善, 由於落單有問題向姐姐舉手幾次,雖然她點頭應了，但卻沒有過來幫忙。要重複舉手幾次先解決到。所以短期內沒有意欲再幫襯。…Read More

下午茶叫了雞扒湯檬和追加兩隻雞亦，結果雞扒和雞亦都很差，雞扒煎得不夠香，但雞亦卻炸得過時，十分嚡。這兩種甚普通食物都做得不好，所以不用再試其他食物。再者，有位似是㕑房工作的叔叔，他的制服十分污糟（有很多餸汁漬）但他企在餐廳近客人位置不知做什麼，令客人望到感覺不太好。食物水準不似預期，不會再光顧。…Read More

🎉年初一到山頂Wildfire 晚餐，由於一早訂座，所以預留了一張窗邊二人枱給我們，可以飽覽維港兩岸夜景，簡直是無敵靚景👏👍點了兩份晚餐，有沙律，餐湯，主菜及甜品😋我揀了香芒大蝦🍤沙律，龍蝦🦞尾海鮮意大利飯，周打海鮮湯，甜品🍮是提拉米蘇老公就揀了西冷牛扒🥩七成熟，他說下次應該要五成熟會好啲，他揀的甜品是蘋果金寶配雪糕🍦每份晚餐價錢是$368，每樣食物都十分不錯，在這遊客區來講，性價比相當高。😀加上賓至如歸的服務態度，實在十分值得推介😋…Read More

今晚想外賣乳豬回家加餸，剛經過這間江記燒鵝冰室，看見掛起的燒味賣相不俗，於是行入去買半斤乳豬（$130 半斤），師傅切了乳豬，我就行去收銀付錢，點知呀姐話要加一，即$145 ，因為當日是初三，新春期間要加一。（我覺得起碼要之前向客人說一聲啦）當時感到十分不滿，但已經斬了便算，返到屋企越諗越不值，外賣都要加一是什麼道理？完全沒有服務可言況且把關的呀姐服務又不太好，乳豬質素十分差，肉很瘦皮不脆，不會再幫襯☹️…Read More

今日星期六特登去這間美心皇宮，因為他們是週末或日才有百花炸蟹鉗，這是第一次食，之前平日去吃唔到。果然味道不錯，$56 三件尚算合理。煎釀三寶熱辣辣，其中四件用蝦膠釀，兩件用魚肉個汁做得不錯不會太油膩👍環境寬敞坐得很舒服，值得推介😁…Read More

周六到西貢洪記晚餐，叫了一個二人餐，價錢是$538 （要再加兩人茶錢共$40）揀了上湯龍蝦，豉椒炒蟶子，蒜蓉粉絲蒸扇貝和加$100轉蒸龍躉仔味道方面，覺得龍蝦不夠新鮮，最差係扇貝食落有沙和十分嚡😢其餘果兩味都算合格，可能下次會試一試其他餐廳作比較😀再者，發現隻碗仔和匙羹有啡色漬，洗得不夠乾淨。…Read More

今日星期六酒樓11:00 開門，但我10:55 到已經排長龍大概70 至80 人，多數是遊客，可能很多網上推介卦😆食物質數比一般美心集團酒樓高一些，款式很多，但價錢略貴（小點$43，頂點$65）坐落問樓面呀姐拿張濕紙巾抹手，她說沒有，稍後有個經理經過我再問他拿張濕紙巾，他說等一陣給我，但最後都沒有，實在太過份。連這樣小小服務都不能提供。😡另外有些不滿就是雖然點心是推車仔出嚟，但大部分客人都十分心急，等唔到車仔推到來便一窩蜂湧出去圍住點心車，十足食buffet 自己出去拿食物，令其他客人不能享受車仔推到自己身邊，破壞歎茶的原意😋希望酒樓勸喻客人安心坐下等點心車過嚟吧😋…Read More

經常幫襯沙田茶木，覺得不錯，但今晚叫了一個養顏花膠濃湯雞，個名聽落很不錯，但一試已經知道中伏🥲 啲湯同啲雞都係淡而無味，更談不上是濃湯，花膠得一塊，品質亦是不太好。$129 一個咁嘅質數的湯，實在令人太失望😮‍💨😡…Read More

平時多數去稻成食晚飯，主餐牌的價錢都偏貴🤣今日偶然去食lunch , 竟然有意外驚喜，因為有午餐，而且價錢十分經濟，一個主食（有多種選擇如嫩雞煨麵，酸菜魚湯米線）加一個小食（有細份的小籠包或鎮江肴肉或雞絲粉皮等等）價錢$88 至$108試過嫩雞煨麵和酸菜魚湯麵發覺味道很好，尤其是雞絲粉皮，個花生醬教得好正魚片十分新鮮，冇骨又滑👍最後值得一讚是服務態度，上至穿黑色套裝的女經理和企門口位的哥哥服務都很熱誠，簡直係賓至如歸👏食得好享受，位置又闊落😃值得推介👍😍…Read More

今日星期六兩點左右到達，店內滿客要等位，看見有幾張四人枱，都可以讓兩個客人坐（不用搭台）由於我兩人比較多隨身物品，於是取了B 飛（3 至四人）等了20 分鐘左右便叫我票號，並安排坐於一張四人卡位，但當坐低一陣，有個呀姐知道我兩位，便十分不禮貌要我出去再等過，說因為繁忙時間，但為什麼其他客又可以二人坐四人枱呢？真的十分不公平這位員工應該提升服務態度和彈性處理座位安排越想越嬲😡十分不愉快的經歷🙁以後不會再光顧這店😡…Read More

今天第一次幫襯這餐廳，在外邊等位時（大概下午一點左右）由於我對座位較有要求，又見到部份顧客似要搭枱，即兩張二人枱拍得十分貼，於是問門口帶位女職員，她解釋答不會搭枱，會將兩張二人枱拉開（我兩位用餐）但到招呼我入座時，竟然和隔離二人枱貼得很埋，中間條gap 只是一吋左右，坐得十分不自在，比茶餐廳更差。認為門口派位姐姐之前解釋有偏差，服務未達標👎食物方面，不過不失，點了文華海南雞飯和肉骨茶，可能坐得很迫，所以影響食慾🥲應該不會再幫襯…Read More

今天用飲食券到度小月外賣，由於券是最後一天否則就到期，預咗食物供應很緊張和要排長龍，所以先打電話到店舖問相關食物和用券等問題4:50到達店鋪，有位着白色衫男職員在收銀機旁，我好清楚向他説想買外賣，但他說要5:30先可落單，於是我在一旁行行企企等足接近45分鐘，但其實到5:20換了一位女職員，已經開始幫其他客人落單（而且在5:00左右已經看見有客人取外賣）所以覺得這位男職員服務上很有問題，令到客人苦等落單最後買了$300外賣，居然要收加一，請問外賣提供什麼服務給我，況且係這樣差的服務(為何我先前打電話詢問時沒告訴客人要收加一呢，莫非存心等客人落單時焗住收？）是次買了三杯雞，鳳梨炸蝦球，鹽酥雞質素只是一般般絕不會再幫襯這店舖，因為待客之道很有問題🥲…Read More

第一次在洪記飲茶，竟然有意外驚喜😋蝦餃和炸明蝦角都很大件和十分多蝦肉，蝦角很脆。$39 一碟豉椒鮮魷河十分好味又超值（2:30 後就冇）魷魚又多和「林」鳳爪排骨飯的飯很爽😀唯一不方便就是要自己出去取點心，吾係好慣，因為一般酒樓都是由侍應送來。埋單$167 食到很飽👍Remarks : 週末點心價錢小：$23 中：26 大：28 特：$30 頂：33閒日平$2 一蝶…Read More

難得在假日找到一間坐得舒服的小店，叫了單骨雞翼和凍檸水，雞亦炸得鬆脆入味，價錢合理，最值得一讚是女侍應的服務態度，十分殷勤同貼心（比在一般大酒樓嘅侍應經常對顧客不瞅不睬的態度真是天淵之別）真是值得推介…Read More