szecccm's Profile

星期六夜晚去食都幾多人排隊，大約等左二十分鐘，入面位置較擠迫，坐得比較密。首先，當然要試下$78嘅特鉗魚，我地揀左小麻辣味，佢係先用紙包住先，過左一陣再放係鍋上，聞到好勁嘅麻辣香味，有洋蔥，莞茜，大蔥等配菜，條魚都大條又入味，而且比較少骨，啱哂我地食，抵食！另外，我地叫左紅油豬耳，份量都多，個汁辣辣地又酸酸地，好開胃，可惜豬耳有d好硬，唔夠爽口，不過不失。另外，我地仲叫左薯粉、娃娃菜、金針菇、鮮魷魚、響鈴。薯粉唔夠味，鎖不住個湯汁，而且麵質較硬，同平時打邊爐食開嘅薯粉唔同，略為失望。至於金針菇、娃娃菜同響鈴就不過不失，份量正常。鮮魷魚，味道好淡，一般。整體來說，價錢便宜，人均消費一百蚊左右，辣烤魚可以一試，但其他配菜一般。…Read More

週末夜晚經過見到$40一份意粉，比個價錢吸引左，咁抵食就決定試下佢。我叫左一杯雪梨汁，卡邦尼意粉，一份自選沙律，炸魷魚鬚。雪梨汁係鮮榨架，飲落無額外再落糖漿，清清地，唔會好甜卡邦尼意粉就大大碟，有煙肉、磨菇、芝士，洋蔥，足抖，但味道有小小淡，不過以$40 呢個價錢黎講係非常之抵食，唔錯另外，仲叫左自選沙律，有縲絲粉、蛋、生菜、牛油果、粟米、青瓜，配上芝麻醬，又係大大碟，份量多，夠fresh，健康減肥之選，好抵食啊，如果唔夠芝麻醬，可以再加添架！炸魷魚鬚，份量相對較小，新鮮炸熱辣辣，好香口，唔錯叫左咁多樣野，兩個人食，每人平均消費都係大約$80，食物味道唔錯，性價比高，經濟實惠，支持小店…Read More

星期六夜晚8點幾去，已經好多人排隊，等左大約30分鐘入坐。我同朋友揀左濃厚豚骨沾麵，魚介豚骨沾麵，雞軟骨棒。濃厚豚骨沾麵個湯好濃豚骨味，個湯唔會太過咸。反而魚介豚骨沾麵個湯較咸，但配上沾麵就剛剛好。兩碗麵嘅配料都差唔多，有半隻流心蛋，三塊豚肉，二至三塊筍，而魚介豚骨個碗仲有個青檸。麵質方面，我地揀左普通，口感啱啱好，另外，豚肉就非常有驚喜，肉質唔會過肥或過瘦，有小小肥膏，但肥膏入口即溶，加上豚肉有小小燒過，有小小煙燻味，好香口，非常推介！另外，雞軟骨棒都好食，一份有兩串，有蔥，沙律醬，小小燒汁係面，味道好夾，值得一試。呢間餐廳人均消費一百元內，性價比高，非常推介…Read More

平日夜晚來食，餐廳內都坐滿了人，餐廳唔算好大但有台灣小店感覺。食物選擇都多，可惜夜晚無肉鬆蛋餅，好想再食。我叫左4樣野食，首先要推介阿元魯肉飯，細細粒魯肉好入味，又唔會有好多肥膏，魯肉汁份量剛剛好，仲有菜，魯水蛋，甜酸蘿蔔，味道好豐富，必食沙茶魷魚焿麵，魷魚爽口，但整個麵味道較淡，個湯比較澀，有小小失望。本來係點左甘梅地瓜條，但係地瓜條賣哂，所以轉左地瓜球，有芋頭球同地瓜球，外脆內軟又夠味，再加上甘梅粉，係絕配，值得一試。芋泥蛋黃卷，個皮好脆，入面成個都係芋泥包住小小蛋黃，好香口，好好食，但食完一個都有d濟，最好就share食啦。…Read More

平日夜晚約8點去食晚餐，唔洗等位，地方靚，舒服。因為唔係好肚餓，我只點左兩樣野食。首先，點左檳城炒貴刁，好香口，有小小辣好惹味，仲配左好爽口嘅大芽菜，韮菜，蛋，蝦，臘腸。麵質小小厚又彈牙，好好食啊另外，仲點左我期待已久嘅榴槤布丁（D24），望落一個普通布丁，但食落有驚喜，有非常香濃榴槤味，好足料，軟綿綿，有入口即溶嘅感覺，又有d似榴槤慕絲。鐘意食榴槤嘅朋友一定要試呢個。仲有呢間餐廳職員服務好好下次會再來試其他菜式…Read More

每次想食韓國炸雞都會揀呢間，呢間炸雞其實係似烤雞，雞皮唔係完全炸個種，係似烤加燒再加上醬汁。今次同朋友兩個人食，叫左韓式雞蛋卷，一份雙併烤雞，一杯apple cider，已經好飽了。果味蒜香蒜香烤雞加黑椒烤雞果味蒜香帶有小小蜜糖味，甜甜地又有蒜香味，非常香口，係我最鐘意食嘅味，皮脆而雞肉嫩滑。而黑椒味就有小小辣，都係好香口，再配上甜酸蘿蔔，好開胃，推介韓式雞蛋卷就好足料又大大份，有黃瓜，紅蘿蔔，餐肉等等，個口感好豐富，都係必試。最後仲叫左杯apple cider, 又係大大杯，兩個人share都無問題啊，酒精味不濃，配烤雞食一流…Read More

如果想同朋友食下野，飲下野，傾下計，呢間好適合，環境舒服，又唔會好嘈，但平日夜晚去都會full, 最好就book定位先食物方面，主食選擇唔多，但西班牙Tapas同野飲都有幾多選擇。Tapas都係細細碟，好適合輕食，又可以試多幾款。食西班牙菜又點少得呢碟，西班牙黑毛豬二十四個月（$88）。薄切慢煮八爪魚（$78）八爪魚每塊好薄，好易咬唔會好韌，酸酸地好開胃，推介鮮蟹肉扁意粉（$168）蟹肉份量都幾多，唔會食到好流，不過不失西班牙薯仔蛋餅（$78）外層係薄薄地既蛋皮，配上沙律醬，入面有流心蛋醬加薯仔，好好食，有驚喜，推介。炸薯條配蒜茸蛋黃醬熱辣辣炸薯條，不過不失，但個蒜茸蛋黃醬味道濃，鐘意食蒜既可以一試。…Read More

平日收工大約8點左右都多人排隊，等了大約40分鐘先有位。環境舒服，適合同朋友傾下計食下野。我地叫左香菇水餃麵，水餃有四粒仲有兩粒大冬菇。冬菇入味再配埋莞茜，好香。另外，仲叫左香煎沙朗肉燥飯，肉燥好食，唔會有太多肥豬肉，豬扒有三塊唔係好大塊，但煎得香口，再加埋滷水蛋青瓜等配菜一齊食好味。最後，當然唔少得要食草莓香草蜜糖磚塊。份量大，足足有三層，如果少人食的話，主食唔洗點咁多，留返個肚食呢個。有一球草莓雪糕仲有好多細細粒綿花糖。雪糕下面有好多粒已經切成正方小粒既蜜糖吐司，方便食，而且好脆好香口，值得一試。…Read More

平時見好多人排隊，想試好耐啦，假日三點幾去到排大約20分鐘，環境都舒服，幾適合食個甜品，嘆個下午茶同朋友傾下計。推介黑松露軟殻蟹意粉黑松露好香，意粉口感唔會太淋或太硬，剛剛好，仲有個軟殻蟹好脆好香口，唯一係個份量可能會唔夠男仔食，但好好食，必試。另外，我仲叫左兩個甜品。伯爵茶流心吐司係竹炭吐司，幾特別又鬆脆，一切開入面有伯爵茶漿流出來，再配雪糕食好夾，唔會好甜，唔鐘意食太甜嘅朋友都可以一試。香草綠茶梳乎厘好香好濃蛋味，好鬆軟，但食落唔會好似得食空氣個種口感，亦都唔會好甜，有淡淡既綠茶味，下次黎都會再食。…Read More

星期日晚8點幾鐘去到，等左大約20分鐘就入得啦，食物有好多選擇，我同朋友叫左兩樣野食，服務唔錯，野食都好快上到，雖然多人食，但都安排到坐卡位。柚子蜜糖雞翼炒年糕（$88）有驚喜，年糕係幼身個隻，小小辣，蜜糖雞翼好好食，仲有柚子味，食落約夾，仲要大大碟，值得一試。我地仲叫左個泡菜鰻魚伴飯（$98），都係大份抵食，鰻魚都大條好味，有粟米紫菜等等既伴菜，如果再多小小泡菜就更加好啦，都值得一試。下次再黎食要留肚試多d…Read More