kiu_0610's Profile

今次要講嘅係四川麵食唔知有冇人同我一樣好鍾意食四川嗰種酸酸辣辣嘅味道呢？呢間喺旺角嘅四川小吃簡直係一試難忘💕我最鍾意嘅就係佢嘅涼皮❤️店員啊姨會即場喺客人面前往涼皮加入唔同嘅調料左撈右撈 一碗透心涼又開胃嘅涼皮就此誕生😍😍由於係即場撈嘅關係啊姨可以根據客人嘅要求客製化口味就例如我嘅「多酸少辣」💕大家有興趣嘅話 推薦去試下~…Read More

話說好耐冇去過台灣旅行✈️超級掛住台灣嘅美食🇹🇼今日就去咗食嚟咗香港已經好一段時間嘅燈籠滷味話明食燈籠滷味梗係叫返一碗招牌滷味先啦叫滷味嘅方法好似食緊車仔麵咁🍜有張紙仔剔哂自己想食嘅餸 之後等上菜就可以唔知係咪因為期望太高食落嘅感覺係不過不失 無令人為之驚艷嘅感覺🤔反而佢嘅鵝油香蔥雞肉滷肉飯就令人眼前一亮🤩雞肉肥美嫩滑😍配上香氣誘人嘅香蔥鵝油🐥加埋份量適中嘅滷肉飯非常推薦大家下次去試下👍🏻另一款推介嘅芋泥肉鬆蔥抓蛋餅同樣令人回味無窮😋芋泥香滑得來帶點甜味肉鬆則有淡淡鹹香蔥抓餅外脆內Q🫔三者混合 無論口感或味道都非常豐富複雜得嚟又非常平衡🥰…Read More

一入到去舖頭，就俾佢簡約北歐風嘅裝潢吸引住。好光猛，而且四圍都係當代藝術嘅畫作，打卡一流。舖嘅外圍係一個小市集咁樣嘅store，主打同Woman Boss呢個brand夾嘅健康產品，而餐廳area就喺入面，位唔算多，但勝在夠寬敞！我地一行兩人，叫咗一個湯、兩個意粉、一個Egg Benedict、兩杯嘢飲同一件Cake。講講個湯先，佢係Creamy Broccoli & Spinach Soup，即係西蘭花菠菜忌廉湯。湯如其名，個湯非常creamy，每一啖都有濃厚嘅忌廉、西蘭花、菠菜味，好有層次感！但又唔會覺得太咸。而且好足料，啖啖都有蔬菜嘅蓉食到，罪惡感都大大減輕，高度推薦！之後嚟嘅就係粟米濃醬班尼迪酸種麵包，酸種麵包比起普通麵包就係個酸味重啲，但配合返合粟米醬同半熟嘅蛋，味道就中和得啱啱好。加埋中間嘅大啡菇，成個感覺好rich。因為份量唔算大，所以都幾開胃。到到Pasta，第一個上嘅係Zucchini Cheese Pasta自家製瑞可達芝士配意式青瓜麵。老實講我期待嘅係之後嗰個意粉，呢個初初真係叫嚟想頂下肚。點知我有比佢驚艷到！首先我冇諗過呢一個vegan pasta可以係辣嘅，打破咗我對素菜比較悶嘅印象。佢嘅辣度亦喚醒咗青瓜麵嘅清新，令到個青瓜麵唔會變成太多草青味。芝士亦夠creamy，食落你會覺得惹味得嚟飽足感都好夠。呢個麵我會俾好高分。之後就到Langostinos Linguine in Chilli tomato sauce 香辣蕃茄阿根廷紅蝦扁意大利麵。冇錯又係辣嘅，不過可能因為紅蝦味道霸道過青瓜嘅關係，佢辣度冇青瓜麵咁辣。紅蝦食落去好有鮮味，可能因為食材夠新鮮，佢冇俾辣味蓋過鮮味。扁意粉都夠彈牙。不過唔知係味上面個青瓜麵太驚艷，呢個意粉反而冇令我太喜出望外。可能係因為佢冇咁creamy，所以個辣味比較同其他味道冇咁harmonised。可能個蕃茄醬再濃啲creamy啲會更加和諧。不過我都好欣賞呢道菜用咗好多椒去煮，令到個口感更加豐富同提到蝦嘅鮮。 飲品方面，Cold Brew (Bolivia)同Iced Matcha Latte係我地嘅選擇。Cold Brew咖啡豆可以揀Kenya 或 Bolivia。我就揀咗Bolivia，呢杯cold brew飲落好smooth，亦都有玻利維亞豆嘅清甜。另一杯係Iced Matcha Latte，同其他舖頭唔同，佢嘅Matcha Latte唔會太甜，飲到抹茶應有嘅甘味，不過份量就唔算太大杯，唔多夠飲。最後就到甜品，我哋叫咗個香濃朱古力蛋糕，顧名思義佢真係幾香濃，感覺有啲似食緊Brownie，雖然冇濕潤嘅口感 感覺偏乾，但食落一啲都唔會太膩。而蛋糕配以非常輕盈、滑得嚟又帶點nuts香味嘅cream ，完美解決咗蛋糕偏乾嘅問題。總括嚟講，呢個地方唔止可以令你輕鬆打到卡，佢食物（尤其意粉）嘅水準都對得住個價錢有餘。值得一試！…Read More

自從喺朋友介紹吓試咗呢間章魚燒🐙我就成日都對佢念念不忘😍有別於一般超級多粉 兩片椰菜同好細粒嘅章魚😩 呢間係超 級 足 料 ❗️❗️ 入面有彈牙原隻小章魚🐙熱辣辣之餘口感非常好唔會有一patpat嘅感覺而且佢有非常多味道選擇🤩仲可以雙拼 啱晒我哋呢啲選擇困難又心思思想食其他口味嘅人而我每次必叫嘅就係明太子口味❤️店家一啲都唔小氣 每次都揤勁多醬食到我超級滿足！另外黑松露 同激蔥都好好食㗎大家有機會一定要試吓！…Read More

呢排芫荽大熱😂😂身為香港芫荽黨黨員梗係要周圍搜羅芫荽嘢食啦☘️成日都聽人講烏蠅館好好食夜晚食火鍋 晏晝食冒菜今日lunch專登去咗試下係咪真係咁好食😋晏晝都幾多人排隊好彩我一個人好快就有得坐低😛湯底都幾多選擇鍾意重口味又唔食得辣嘅我 就叫左藤椒湯底雖然係即叫即做 但係等咗唔係好耐就已經上菜非常之令人驚喜嘅係只係俾多$1嗌多芫荽就獲得 滿 滿 芫荽！☘️☘️☘️我今次叫咗 鴨血、新鮮淮山、薯仔片、萵筍、墨丸、腩肉，配粉絲雖然都好多餸 但係餐廳一啲都冇偷工減料👍🏻每款都非常足料個湯底越食越好味 麻得嚟唔會好辛苦配埋芫荽簡直昇華到另一個層次😍飲品我就叫咗杯凍嘅桂花蜂蜜🌼清清甜甜平衡返碗麵嘅重口味整體嚟講碗麵好食得嚟都幾抵幾飽肚有機會會再嚟食其他味道嘅湯底/$50 單人A餐六個餸 + $5主食 + $1芫荽$18 桂花蜂蜜…Read More

繽紛火龍果奶蓋茶 (HK$38)有別於坊間嘅奶蓋 Nuttea嘅奶蓋無牛奶無奶精🍼而係用杏仁,核桃,夏威夷果仁,榛果同腰果整嘅腰果奶整口感又厚又滑又唔膩😍而且榛子味勁香 好似咸咸地嘅金莎🙊配埋用新鮮紅色火龍果打嘅水果茶🥤味道非常清爽 又唔太甜😋飲完一大杯一啲罪惡感都無😆…Read More

呢排凍冰冰❄️成日都想飲返碗熱辣辣嘅湯🍲唔講唔知原來尖沙咀有一間食燉湯好出名嘅鋪頭今次我試咗胡椒豬肚燉湯 另外加配迷你涼瓜菜脯煎蛋飯🍳上菜速度都幾快果然迷你飯真係好迷你賣相非常精緻 味道都唔錯 唔會太油同太鹹😛時間啱啱好食完之後個湯都上咗非常大兜非常足料😍有胡椒嘅味道得嚟又唔會太辣啲豬骨燉到好淋豬肚又非常有咬口飲完湯 食埋湯渣就超級飽😋同埋食完之後都唔覺得特別口渴所以我諗應該都冇咩味精~同事飲嗰個杏汁燉豬肺都好香下次再嗌呢個試吓先！…Read More