daydaylaudayday's Profile

做完野，一家大細行完商場再醫五臟廟，行過見到呢間裝橫簡約日式餐廳，仲有榻榻米坐吓。豪華原條鰻魚茶漬飯可以揀鰹魚湯/蝦湯，鰻魚肉厚味濃，每啖都感受到飯、魚、湯嘅香氣完美混合和牛壽喜燒一鍋入面半肉半菜，肉軟菜淋索晒湯汁，餸飯一流，呢度可以添飯所以咁就ko咗兩碗飯。期間限定和牛茶漬飯呢個都係和牛，不過就多左份焦香，可以就咁食一半先，淨低再茶漬，一飯兩吃白玉紅豆抹茶蕨餅太太非常喜歡的一個甜點，配上楓糖漿甜入心。而呢個就係女兒至愛，自選芭菲，將所有鍾意嘅元素放晒一齊，無得輸，食到舐舐脷。咁就過左簡單幸福嘅一晚…Read More

落左成日雨，到下午終於停左，入左林村行下呼吸一下雨後清新空氣，行到尾可以見到呢間餐廳，環境舒適有格調。餐前品可以選擇沙律或者忌廉湯兩款沙律各有特式，喜歡清爽開胃可選意式雜菜沙律，喜歡芝士香濃厚重感可以試呢度嘅凱撒沙律。除左跟餐嘅忌廉湯，推薦試埋酥皮龍蝦湯，一打開個酥皮就聞到陣香氣，完全無腥味，佢個湯入面應該放左碎芝士，所以湯身會比較濃稠，令到酥皮好易掛滿龍蝦湯，好正。德國咸豬手配蜜糖芥末籽汁，嚟到已經碎上，唔使再自己慢慢切到好遴迍（論盡）咁。豬手塊皮好脆好脆口，配個蜜糖汁咸咸甜甜都唔錯黃金軟殼蟹尖通粉，軟殼蟹好大隻，個炸漿好薄，做到又香口肉又嫩，通粉被咸蛋黃包裹著，每一啖都好豐富。香煎魚柳配蜜糖柚子汁，相比另外兩個主菜，呢個會比較清啲，醬汁做得幾好，淡淡柚子香唔會搶哂魚味。最後甜品心太軟同焦糖燉蛋收尾兩款個人推介焦糖燉蛋，小朋友就鍾意心太軟。完滿的一餐，身心靈滿足的一日…Read More

琴日去左元朗安寧路食乜興，個辣醬非常出色，湯底同餸都屬中上。食過好味車仔麵，今日又想食車仔麵。轉返嚟講呢間，因為間唔中都經開呢頭，嗰陣有留意開左新野，因為舖面好細4個人難等位次次都無食，今日經過就外賣算啦，買完發覺呢間都算貴，42蚊2餸（普通魚旦蘿白嗰d）基本湯底免費，老檀酸菜就+$3。諗住夏天開胃少少就㨂油面酸菜湯底加豬軟骨同腩肉（特別餸每款+$2）。成碗2餸加埋$1外賣=$50。打開見到油面變粗面，油淋淋咁。粗面林晒漿糊咁，酸菜唔係湯底囉，就咁一份酸菜放面，腩肉無味硬身痴牙，豬軟骨唯一係正常嘅。食完先見到呢間原來係直升機，有人話佢小食好食，咁佢叫面小館正常都食面為主小食為次，碗面搞到咁我都無機會再試小食啦。對比乜興$52叫左3餸，我就連湯都飲埋。所以有對比就。。。…Read More

流心芝心豬扒漢堡成日經過都太早未開，今日終於夾到時間食到，雖然等得耐，但絕對值得。新鮮即炸拎到手記住一定唔好即時放落口，非常非常熱，厚切豬扒中間入滿芝士，豬扒彈牙有肉味，芝士一咬流晒出嚟。…Read More

好耐都無得去日本，唯有去食和牛燒肉止癢啦。b-mix位置非常適合揸車，對開有錶位，落車行兩步就到。好掛住日本食過嘅和牛燒肉，嚟到當然要點啦，本身2人份$988，套餐會有7折。內容包括沙律一大碗紫菜丼飯兩碗三款刺身三款時令海鮮（當日係魷魚，帶子，鯖魚）一盒蒜蓉菇和牛有5款，個人推薦食序肉眼>牛粒>腹心肉>牛小排/肉眼背峰開頭可以食左肉味重嘅先，最後先食最尾兩款比較重油脂，正所謂好野留最後，嗰種入口即溶滿口油香，令人回味。餐牌上其它食物都有85折，試下燒鮑魚，中火燒落少少豉油大約10零分鐘就得，肉好彈牙唔會韌。整體來說，2個人平均4百左右就可以食到水準以上嘅套餐，第日想燒烤的話值得再食過。…Read More

今朝捐完血，午餐去domon食牛牛補鐵。極上牛小排壽喜鍋牛肉嫩口肉味濃郁，淥耐左都唔會柴，其他蔬菜浸到入晒味，食晒所有野最後落埋隻蛋整流心。黑松露牛拖羅卷呢個見到幾有層次所以試下，一入口食到牛肉先，肉質實淨有咬口，之後松露味會同牛味融埋一體，少少可惜係壽司個飯係黏口扣分，應該係為左唔想米粒散開掛。另外雞泡魚乾係我去居酒屋必食,因為買過幾款現成返去燒都唔同出面食咁。我朋友叫左特盛牛肉鰻魚飯，我試左一啖，個鰻魚厚身得嚟又無細骨醬汁好味，喜歡濃味的話呢個值得一試。…Read More

去左將軍澳跨灣大橋行下，入夜有少少雨凍凍地，所以搵左呢間湯米食鍋物暖下。餐廳喺平台上面，環境清幽濶落好坐，中間擺左幾款醬，沙茶，豆瓣，蒜蓉，辣椒粉。睇完落單叫左酸菜魚鍋，如果驚唔夠可以另加餸，見d小食好吸引，所以今次唔加餸叫多幾個小食試試。鹽酥雞扒皮脆肉嫩味道適中唔太咸炸花枝丸好好食，唔會全部漿，有一片片花枝喺入面幾彈牙臭豆腐必點，炸得啱啱好，而且無萬年油嗰d食到口乾又有陣油益味咁炸金菇一樣好味，無試過的話值得一食，炸完菇味幾濃下拍青瓜相比炸物就比較失色，無乜酸又無辣滿杯熱情果都好飲，酸酸地又香個魚鍋整體唔錯加十幾蚊有埋肉燥飯，比個參考2個人食咁叫已經好飽。總括今餐係唔錯，經過可以試下…Read More

慈山寺 book左差不多成年終於去到，今日天氣好好可以更加感受諸位菩薩之氣。呢個地方我覺得點都要去一次感受下平靜、放慢、自醒。參觀完去食個齋，揀左北角呢間素食園坊，一行4人叫左一個什菌炒河，呢個幾好食入面有幾款菌走完油都回河粉炒，d菌酥脆入味加埋河粉一軟一硬幾好食。另外薑粒欖菜炒飯呢個出面少見所以試一試，都有驚喜欖菜咸咸地配薑粒dd辣成年事都幾夾。仲有黑松露海鮮焗飯，松露幾香，不過佢太過於杰身賣相差dd。見幾枱都有飲湯，試左椰子猴頭菇，一嚟到就聞到好香。整體唔錯，有機會會再試其他菜式…Read More

買完早餐過嚟望望，比佢個蝴蝶酥吸引到，味道唔錯但偏淋身唔係一咬碎到成地都係果種。而黃梅蛋糕細個成日食，都走唔甩帶埋佢走，呢兩款好在都唔會死甜，應該係改良左想吸引多d年輕一輩支持下。其他曲奇之類的下次再試試…Read More

朝早經過第二街嗰邊，見到呢間好有歷史既鋪頭，十點去到已經坐滿人，唔想等咁耐唯有外賣返去慢慢食啦，因為佢無鳳爪排骨飯，只有分開叫啦，鳳爪有驚喜佢唔係炸到皮鬆晒嗰隻好似食空氣咁，而係有肉地飽滿有咬口，排骨入味件數都多，個飯唔會水汪汪。蝦餃燒賣鮮竹卷中規中矩，牛肉球幾好但係一籠得2件就差d…Read More

下晝去大埔虛做野，有dd時間食個快飯，之前去開對面民華，今次就試試海達，望下餐牌一眼見到牛腩炸醬撈面，另一半叫左排骨飯加牛肉球。五分鐘唔夠就到左，佢地既牛腩唔係全瘦肉果款，而係有1/3脂肪連住，所以淋個湯入去就好有油香唔會乾乾的。份量都算大男士都夠食…Read More

平日晚餐時間唔使等位，入門左手邊點餐右邊自助水吧，點完餐後搵位坐定定等無線牌響機就攞得。呢度岩晒一家大細，三兩個傾下計睇下書玩夾公仔都唔錯。我叫左原隻軟殼蟹炸魚漢堡配薯條，10吋巴馬火腿pizza，粉紅西柚梳打。炸魚漢堡仲長過我手掌，入面有白醬同生菜平衡返炸魚既油膩，原隻軟殼蟹非常香口，薯條都唔錯唔會硬掘掘。而pizza採用薄脆底，就算得2個人share 食都唔驚會濟住濟住。粉紅西柚梳打唔止樣靚，飲落酸酸地好開胃。總括今餐幾好唔錯，之後會再去試埋其他菜式，而環境舒適加左唔少分，因為工廈關係地方大唔使坐到迫一迫。…Read More