FIONA YIU's Profile

三人行book左兩個甜品，一去到就由肥妹職員接待，話你哋訂嗰個係素食cake,加唔加錢轉番普通cake底，我就係想整vegan cake既，一聽到唔加就西口西面，跟住知道係第一次幫襯，仲再黑啲，機關槍式講解，快到聽唔切。設備一般般，碗又唔乾淨又濕。食譜分量唔準，cream跟本唔夠用，蛋糕放涼時間又唔夠，好彩有整過蛋糕，醒水塞入雪櫃雪凍，如果跟食譜做，cream實出水。整既期間，有幾位話叫職員check, 完全唔helpful, 唔想做，或串我哋搞過龍唔識整Website 話明可以自帶水果，點知肥妹職員突然話我哋唔可以自帶水果，要買佢哋裝飾（其實我都買左任用裝備），後尾問fb 都話可以自帶水果，即刻又俾職員亂話一餐。我哋買左生日牌，佢哋職員俾左兩塊我個仔，咁我哋都唔知架，肥妹職員又走黎話你哋買左一塊喳喎。我哋問左雪糕暫存要俾$50按金，咁我哋係counter 已俾。肥妹職員又出現話我哋，放蛋糕要俾錢架喎，又係錢，但重點係我哋已俾，你既態度可唔可以好少少。總之一肚氣！…Read More

服務奇差，侍應完全唔想招呼你咁。刀削麵質地好奇怪，唔好食，叫左口水雞，雞肉冇肉味既，口水汁都係一般味道，咸味加少少辣，勉強叫放到入口，但唔會想再食。雲吞皮又淋又散。…Read More

餃子皮同餃子餡肉都好削，吾實凈。餡料嘅配搭都有啲奇怪，其中一款係韭菜配蛋，一咬落去嗰個餃係散既。蟹肉餃同埋海膽餃味道偏奇怪無肉味。餃子包法好行貨，感覺好似用機包。係超市買急凍餃子都好食過呢間舖頭麵食亦非常細碗，食唔飽…Read More

呢間店既羊肉麵由舊舖幫親到宜家，一路都覺得好好食，雖然佢加價加得都唔少。因為冇再係觀塘返工，無食一輪，今晚同老公仔仔再去，叫左野食，我仔就話天花板線有老鼠呀（佢唔識驚），有兩隻，後尾我都見到有鼠踪影，我老公背住坐見唔到，話照食啦。埋單同收銀細細聲講，佢答我地係咩，我未見過。以後唔會再幫親…Read More

吾知係咪午市特價，個湯比較稀，完全吾掛麵，叉燒都好鞋口無咩味，一般港式日本拉麵水準。午市得幾枱客，都要等十幾分鐘先黎拉麵，小食仲要差吾多食完麵先上到。侍應態度麻麻，無乜禮貌咁…Read More

食物質素好一般，all day breakfast吾係好熱，薯仔生生地。$98 吾包飲品Pasta of the day, 又鞋，又乾，無乜味。食左大半個鐘，舖頭入邊傳出異味幾次，吾知係咪餐廳廁所傳出黎以食物質素，半自助服務，性價比好低…Read More

所謂手工魚麵，一d都吾彈牙，似魚肉壓到好實煮起切粗條咁，無魚味無乜味，硬實實既一碗"麵"，有兩款餸就50蚊。魚餃同魚卷又係無味得個實字，又無鮮味無魚味。俾門口d訪問呃左了…Read More