or#tm68351254's Profile

📍地點距離地鐵站3分鐘，不過不失📍室內環境幾大，樓底高，每枱都闊落，加埋落地玻璃，夠哂空間感📍服務算殷勤，換碟、加水、一道道菜上都算attentive。但其中一位待者，硬是急急上菜、收碟…感覺是趕收工。明嘅…理解嘅…大家都是打工仔，可能無OT $ ，咁當然想早收，但星期五晚飯，食飯、吹水到11點半走算正路吧？📍食物整體表現，唔算合格。食物，食得出雪藏貨，唔緊要，但雪藏貨質素都有高低，蒜油蝦、煎魚就徹底出賣了食材本身的低。牛扒、牛骨髓還好，不是靚貨就當然的了，但至少不像海鮮易出醜。📍食材唔好，個廚廚藝都補救唔到，調味普通，賣相直情…無賣相可言。薯條、薯角仲要炸、焗到乾乾地。I am sorry about the boss. 📍朋友叫Prosecco，serve 時杯酒冇晒氣，向待應反映，起初待應都堅持左一陣杯酒無問題（一陣啦），後來拎走左，唔知老闆/ GM 就開支新嘅酒，甘service 都算唔錯。📍訂枱時有講餐飯是朋友生日、餐廳都好識做係甜品到寫哂祝福語，又播生日歌，算細心。📍CP 值唔高是重點，3個女仔$2,400，人均 $800…er…又真係唔少餐廳可以做得好食啲，大家都一致無下次。…Read More

鍾情平民美食可一戰食物貨真價實，陵魚球甘香、魚肉實淨😋；鳳爪、豬大腸，軟腍得來keep到口感😋，味道不錯；蝦籽面，中規中矩，可能係我本身不愛幼面。雖然位處舊區，但舖頭乾淨企理、地點易搵，美中不足有烏蠅keep 住係我張枱飛，有些少煩擾；另外，待應姐姐個個都有禮貌（仲教我搭巴士）。雖然做遊客生意，但無厄遊客錢，值得鼓勵！附近屬民居，見店外對面有小食車仔、又有舊建築物，都幾有澳門風情，有時間可以可以走走📸…Read More

工作路過銅鑼灣食lunch，諗住上open rice 專登搵間好餐廳，咁嘅得分，諗住唔錯，點知大失所望。過左最peak 嘅lunch time，摸到上門得2枱客，裝修無保養，日光日白厄唔到人。都唔緊要，心諗啲野可能好好食，打算比個機會open rice評分。Order 左吉列牛定食 （$148+10%），5分鐘極快上菜，個心都涼左一半🙄塊吉列牛，吉列無吉列（唔脆，明顯已炸定）；無牛味，但都無雪味；味噌湯，偏淡，但可接受；伴菜有芝麻醬豆腐+芝麻醬蕃茄+芝麻醬椰菜。唯二可讚係白飯幾大碗（仲加左飯素），同埋配牛有3小碟醬汁：wasabi mayonnaise, 淡豉油（好似係，因為真係好淡）, 黑松露醬…只能講，唔難食，但食物、餐廳都「唔精神」，愈食愈頹，$160一定有更多更好選擇（樓下轉角pici 都同樣$160/lunch set），平貴都大把選擇。…Read More