underline的個人專頁

星期六午餐時間去，得三四枱人我哋六個人，但係就要我地逼埋一邊（佢有個位係大枱，拍埋一張細枱，但其實細枱唔夠leg room）食物一般，屬於香港地好容易食到嘅韓式食物味道。叫左石頭鍋飯、人參雞、烤豬肉果啲又係果啲未食完就趕住收碟果種服務（大家喺香港咁耐，應該明白係咩感覺）個男人好串有個食客入嚟，問啲食物快唔快到，因為趕時間佢答你喺外面都企左幾個字啦食客坐在唔夠30秒佢問：叫咩？又話趕時間咁都得！係咪我自己要求高？…查看更多

湊小朋友壓力大，就算自己攰，都要招呼粒豆丁，仲要分神照顧另一伴的情緒，救命！諗住食啲好嘢，又去唔到遠，唯有打D2 place主意。呢間又係未去過，星期六七點幾，無訂位竟然有位，神奇！點了乳豬同broken egg，乳豬幾大份，皮脆肉多，脂肪都唔少，加埋薯仔中和下個肥膩感覺；broken egg只係小食，撈下蛋、肉、同薯脆，少少辣，幾開胃。平時唔飲酒嘅我點了estrella，甜甜地，合口味；老婆就反而鍾意mahou draught，苦啲。地方算係ok，咁多枱都唔覺逼，擺枱真係有啲學問。服務唔錯，有笑容，手腳快。埋單600蚊，叫做物有所值。…查看更多

湊仔其實無乜娛樂，唯有有時寫下食評，打發時間。我是第二次來，其實貪呢度地方闊落，豆丁坐得開心，唔似億利其他餐廳逼gip。無book位，七點的餐空空蕩蕩，settle好就點菜。唔知點解上次散叫，今次就選擇set dinner。一個墨汁海鮮意大利飯，一個蝦餅漢堡。我覺得意大利飯好好吃，不過我唔食青口，所以留俾太座KO佢。我個蝦堡就ok，反而啲伴碟薯條好脆好香口，又多，個漢堡餐食到我飽哂飲品點了杯朱古力，幾濃郁幾甜，啱我。太太想飲cappuccino，但竟然無！唯有飲薑啤，夏天飲汽水都olay嘅。地方大，仲可以俾豆丁行幾步。服務也不錯。但可能接左外賣到會單，上菜有啲賣。…查看更多

作為街坊，又係開左幾年都無去過。難得賣甩粒豆丁，就二人世界叉叉電。訂左枱，準時去到，等左一分鐘。一直以為間餐廳就門口所見咁大，原來裡面別有洞天，幾大。裝潢都好有和風，坐得舒適。食物見圖。較出色係串燒同牛烏冬，本身不好秋葵，但夾在豬肉中，平衡了肉味：烏冬湯甜，牛肉不痴牙；蛋卷也很不錯，口感同甜味十足服務員充足。不過唔知點解會請唔識講廣東話的外國人做waiter，又唔係西餐...總結，一分錢一分貨，貴啲係好食啲。提醒大家，唔想坐bar枱，記得訂枱…查看更多

因為太座安排兩日一夜汀九酒店短trip，作為旅行鍛練，所以晚飯就去左深井。我未食過，但時常聽到深井xx燒鵝毁譽參半，加上自己其實鍾意叉燒燒肉多啲，所以我是帶著懷疑坐下。點了兩餸，燒鵝例牌、芝士生蝦伊麵。燒鵝真係幾好食，（中間幾件）肉多皮脆，當然因爲係例牌，件數有限，不過我兩人都不是大胃，足夠。芝士蝦伊麵份量十足，蝦多芝味濃，但唔知點解太滯。環境就麻麻地，雖然對這類老店無期望，但地面清潔欠佳，勁殘的bb櫈，都需要點勇氣。服務就ok，會主動吹兩句水。埋單300，公道。…查看更多

不是難得的小店，而是難得去小店拖住麻煩豆丁，原本想在奧海城吃晚飯，但商場一期裡遊人如鯽，根本沒有位置，在行往二期時，太座說要到博文街吃。我是不太願意，要知道帶著bb車，上落滙豐大廈和在小店坐是多麼不方便，不過為免家變，唯命是從也。店子好小，不過客人更少。坐在近窗位置，沒有bb椅，抱著掙扎的豆丁，快速品嚐西班牙菜，無錯，係西班牙菜。呢間德國菜同對面西班牙餐廳應該是同一個老闆，所以可以照點對面餐牌。結果點左西班牙海鮮飯、炸魷魚、同埋一杯薄荷朱古力沙冰。炒飯係兩人份，海鮮料算充足，蝦、蜆、青口、魚，飯都幾乾身；炸魷魚都幾多件，不過唔算特別，始終炸嘢味道都差唔多；最正係沙冰，在炎夏，喝一口冰凍沙冰，朱古力味濃，薄荷味出，都係一種享受！地方甚細，一班人就難搵位。服務一般，人手相對客量算充足。最後食左350，就快快帶住豆丁回家。有機會再試德國菜！…查看更多

閒日夜晚，三口子去D2 place食街頭小吃當晚餐，吃了一兩檔，已嚷著要關門，只好到holly brown吃甜品填肚。作為街坊，還是第一次光顧。起初以為跟其他舖一樣，進去才知這是「餐廳」格局，有人serve。但閒日八點幾，全場只有五六枱客，真係好少人。雖然主打主食，但一心食甜品，見到同其他店的甜點不同，是有點失望。Anyway，點了個brownie同nicola toast，前者看似無特別，實際那脆皮有點驚喜，後者賣相幾得，雖然只係綿花糖加多士。總結來說，味道還是不錯。服務一般啦，客咁少，好難話無人招呼。環境亦是無甚特別，勝在地方夠大。價錢我又唔覺特別貴，食左約140。雖然有師兄話工廠區唔應該貴，但觀乎D2一二期、和對面億利的食肆，比他貴的多的是，客人還絡繹不絕，就知這裡尚算合理。…查看更多

自從多咗粒豆丁，揀餐廳第一要求係坐得舒服，所以嗰啲街邊小店完全唔會考慮，選擇真係少咗好多。今次揀咗呢間米奇老尾餐廳，都係諗住坐得舒適，又有得泊車。不過，係上一次另外一間酒店食過自助餐，都怕怕地佢嘅水準。滿肚疑惑之下，食咗一個午餐。星期六嘅中午，人實在係少，所以坐得非常之舒適，服務員同客嘅比例十分之高，呢個一讚。食物種類都算多，標準嘅刺身，已經唔需要擔心，仲有蟹鉗蟹腳，呢樣野我最鍾意。其他熱食，款式都幾多，味道又唔錯。甜品其實都幾吸引，款式亦都多，仲有個軟雪糕自製甜筒，可以玩下，啱啲年輕人囉。服務員表現親切，輪住嚟同我個豆丁玩，個豆丁又唔係好怕人，笑口細細。其實最緊要佢開心，做老豆有乜所謂。買單633，算係咁啦。外邊尖沙咀啲酒店，應該仲貴。都係果句，笑住咁走，我已經冇要求啦。…查看更多

提早一點食，為兩個母親慶祝雖然熱情稍退，訂枱不用幾個月前，但如果walk in，都要排一陣早左少少去到，門口靚女話搭枱得唔得，老婆視察覺得ok，即入主題餐廳，環境是老夫子的漫畫，門口卡位架車最正。最用心是餐牌，每道菜的名字是漫畫中故事標題。其實除左個湯，每道菜都水準以上，呢樣對我來說很驚喜，因為佢賣主題已經夠賺，食物都煮得好食，十分有誠意。服務也不錯，仲有聊下個仔笑，算係咁。賣單700，三個大人滿載而歸。…查看更多

星期日來到黃金海岸食下野行下，見呢間外觀OK就入去啦。時間約點幾，可能地方大，唔使等位。點了兩個午餐，一個係火腿pizza，一個係蜆肉意粉，包湯和飲品。意粉同pizza味道唔差，Pizza係餅乾底，加埋湯和餐包係夠飽有餘。Waiter有種新手的感覺，我懷疑係學生兼職。我接受到佢地生硬，起碼佢地返工已經係對社會有付出。唯一問題出現在賣單。我們點了兩個餐，佢話收$205，我俾左$220。給了錢後，愈想愈不對勁。每個大約八十元，計埋加一應該唔夠二百。佢找錢時，我收返15蚊，再看看張單，裡面多左個蒜蓉包（無叫過無食過），價值30蚊。於是問佢係咪收多左，佢之後check check，俾個張新單170幾蚊，然後拎返十幾蚊俾我。我心諗，點會係十幾蚊？你收多我33蚊(連加一)，應該俾返33蚊俾我。個侍應再拎返去收銀，個收銀似乎唔多同意，於是我出去同個收銀傾，無謂難為個侍應。點知個收銀仲大大聲話，頭先咪找左15蚊俾你law！嘩！我覺得佢D數學真係好差，收多人33蚊，退返33蚊俾人咁簡單都計唔掂。講左兩句，個收銀先死死氣俾返33蚊我。簡單講，收多錢已經係差，退錢仲要咁樣聲氣，我真係唔推介呢間餐廳。若閣下要去，奉勸一句：記得check單。…查看更多

今日聖誕節,諗住去睇驚天奪寶2。之前有D時間，咪諗住食埋嘢。成個商場最平係呢間，諗都無諗就鍾左個頭入去。點知一入去就大鑊！食物份量細唔在講，甜酸魚柳得六七件，細細件，牛展豆腐D牛展超薄，比得上杜雷絲，豆腐咁平都係一樽咁大把。呢D小菜加菜飯每位十蚊，咁要了兩碗菜飯，點知菜飯的份量係比我用緊隻mouse大小小，普通人絕對唔夠食。講埋服務，有個男侍應永遠手放背後周圍望，唔做野，其他都ok勤力啦，不過唔好諗住佢地會聽你講去追單。老土係要人叫先會拎水俾人，不過最別緻係我隔離枱有兩個客，問侍應要兩杯茶，點知個侍應喃喃自語咁話我地無茶，就拎左本menu俾客人叫佢點特式茶，搞到個客要死死氣叫佢拎兩杯唔使錢的水......醒小小得唔得？唉，其實埋單每位六十蚊，若在其他地區，已經係餐廳的入門級數，但當然在呢個商場黎計唔算貴，不過再睇埋食物同服務，真係超唔得。隔離印尼野巴東我以前食過兩次，貴多三四十，但係味道就叫人回味啦。如果要我給這餐廳一個罷吃的期限，我會係一萬年！…查看更多

朝早十一點半來到，差不多是第一個客人，平時真得太多人等，今次終於不用等。其實在好久好久前吃過銅鑼灣店，仲見到黃夏蕙姨姨-_-!　味道已忘記了。今次這麼早來到，很多食物也很新鮮，令人難忘。板前蝦比起甜蝦要好，芝士飛魚子也很好味......比起元氣，我較喜歡這裡，因為壽司款色較多，起碼有點新鮮感。食得唔係太多，兩人埋單大約百六！…查看更多

星期日，訂了，早到了，不過，其實大把位。平台位雖加了塊膠，但原來不是包哂，我坐的位置很大風，有點冷。點了的食物是蟹肉天使麵Angel Hair和串燒牛肉Beef Kebab，另加兩杯飲品Strawberry Delight & Bay Cooler。蟹肉天使麵很好吃，那些忌廉汁也是剛好，不膩。串燒牛肉來遲了點，而且第一件食正牛筋，救命，不過愈吃愈好，也是不錯。喜歡飲品Strawberry Delight的甜，畢竟這些飲料理應甜一點。服務，以人多搭夠。不過，佢呢D兩人，其實唔多夠大，而且若可為有帶袋的顧客，拉張椅子來放東西，其實可以更好。價錢當然不便宜，不過一早預左。生日快樂！…查看更多

銅鑼灣時代附近又有大量空位，入去前都俾左少少勇氣。兩個人叫左個海南雞飯，同埋咖喱魚飯。無骨的海南雞幾好味，不過我其實好驚，因為總覺得去骨時，總是給師父落手落腳，唔多衛生；咖喱就偏咸左少少。總括來說都是不錯的選擇，主要係價錢同唔使等。服務幾好，可能因為無乜客，職員都無野好做。…查看更多

很久沒有寫食評......差點連用戶名也忘了。女友聽同事講得多，便提議在這裡食一餐晚飯。之前略看一下食評，都是食物一般，服務麻麻。其實我最怕服務差，唔鍾意貼錢買難受，還好今晚沒有遇到不禮貌對待。也不知甚麼是馳名，點了個二人餐A。有小籠包，灼蝦仁，齋菜，兩碗粉絲豆腐湯，豬肉，還有兩碗糖水。粉量適中偏少，味道就部份出色。喜歡小籠包及蝦仁，那兩舊豬肉就唔多掂。價錢以質數來說，是偏貴了點，因為好多上海店都做到呢個水準，以前食過既滬江大飯店比這裡好。服務就百仲之間，都係好好好一般，木口木面。環境？可以掛，因為自己那張是摺，其實感覺差一點。…查看更多