lanuitting's Profile

弟婦請食飯，話想去逸東軒。仲要話訂左好耐先有位。$880一位，我想講飽到爭d行唔郁！首先片皮鴨！ 好食！皮肉係分得好好！(爭d打錯骨肉分離)開胃小食!酸酸甜甜聖子! 好大隻而且蒸得岩岩好!片皮鴨2食，涼瓜炒，我好鍾意呀！芝士焗龍蝦唔記得咩黎炒菜弟婦話就算飽到嘔，都一定要食俾壺茶我先，好飽呀！我唔知呢個價錢算唔算貴。我只可以話值! 可以既話，我都想再去食，但前題唔好難book位先!不論食物，環境，服務全部都一流！…Read More

如果食拿破侖，除左Sugar Brother，我再諗唔到另一間。向講味道之前，做型係佢地最大賣點！點解咁講？有別於一般唔係圓形就方形。那怕K形佢地都有呀！你冇睇錯，係K形都得！點解咁講？因為佢地係可以訂做字形，圖案，就連中文字都得！我已經幫襯過好多次！亦都因為咁，成為好多人既打卡焦點！然後，味道……掂呀！最怕食到勁甜既野，但佢地真係岩岩好！而且食拿破侖最怕係切果下！一係就扁曬，一係就碎曬，裂開果d……但佢真係冇咁既情況！仲要勁靚！！又睇得又食得！有圖有真相！仲有其他相既……但夠啦下嘛？夠曬靚啦！…Read More

男友好鍾意食肉，咁岩醒起好耐冇食燒肉，就去左牛角喇！永遠都要排隊，今次我醒喇，用手機禁攞位先！會員既關係，唔想諗食咩，直接叫左個會員餐，方便又簡單！本人就不太食肉既，但男友就話d肉質素好好喎！我都有食少少既，但窮人唔識食貴野咁。但就算係咁，連我都覺得唔錯喎！仲叫男友燒多1，2件俾我d野好唔好食，其實真係要睇新唔新鮮。呢樣牛角就真係有保証！字係寫唔出，直接俾相你地睇下。但最後最後，真係唔好叫牛角飯！(最尾果張) 其實，同甜豉油撈飯冇咩分別!!…Read More

加太賀，昔日風光，今天沒落，不無原因。因為男友未黎過，所以帶佢試下。加太賀做得最出色既，應該係佢出面果條街，思鄉病發可以緬懷一下。但認真講既，食物質素真係……:(:(:(可能有比較就有傷害，以呢個價錢(埋單1千)。其實好多日本餐廳既質素都好過佢。會入去食只係因為出面打完卡，冇理由唔幫襯架但真係冇下次! 衰d咩？叫左細刺身船 (好似6百幾，唔記得)。刺身得2種味，一種係雪味，另一種係冇味! 我分唔到食左d咩落肚。仲有個煎餅既物體，成舊都係粉。真心唔知自己食左咩。叫左個串燒，咬落去，係硬既。牙痕咬既話會幾好。2杯飲品，勁甜……糖尿都似。相睇落唔錯，就好似有d KOL咁。照騙大家三思呀！…Read More

每次去到銅鑼灣，如果想食西餐，都會諗起Around Wellington。我同男友叫左2個sets，我就叫左意粉，男友叫左牛扒。相有說明既，可以參考下。其實，每次去最令我期待係窩夫！一定要留肚食!!我食完佢地個窩夫返唔到轉頭，每次食其他地方既窩夫，都只會令我更加掛住呢度既出品！總括黎講，其實大部份食物都好有水準既！但唔知點解每次去都好少人，我覺得好可惜囉！:(呢間餐廳，其實按質素黎講，真係唔算貴。((當然平少少既話會好d))…Read More

作為一個孝順女，一直都好想帶父母食好野。但今次，就只有前世情人“爸爸”有份，事關媽咪唔食生野。冇理由廚師問你有咩唔食，你走去答人“唔食生野”下嘛？$1780一位，講真，值既！爸爸初時睇到個價錢，嚇到想走……但當一件又一件既壽司，刺身送到佢手上。佢最後講左句，終於知點解收呢個價！喂呀！只可以放12張相點夠呀？我至少仲有一半既相未放出黎囉！係呀！冇睇錯呀！我地叫左2位$1780果個set。接近廿件！然後爸爸見到隔離枱有酒飲，心郁郁咁好似想知係咩味 當然要成全佢啦～然後，最開心既係，隔離枱見到爸爸好開心，竟然請我地飲左幾杯……不得了！咁又呃左幾杯酒如果做promo，仲可以第二位半價tim！唔係仲要諗嘛？…Read More

出到旺角，第一眼俾個大招牌吸引就上左黎。入到黎，其實我覺得間舖頭好靚，佢好似我去鹿兒島既居酒屋場咁。滿足一下我既思鄉病。本身一行2人，大家都唔太肚餓，但又想揾少少野咬下，周圍望既時候，見到居酒屋就膽粗粗衝上黎。佢有好似助酒小食，岩曬我同朋友可以傾下偈，又唔駛食好多……(唔……係呀！以下既相已經係食少左架喇)(驚半夜肚餓，補個麵先)點解話喜出望外呢！因為d野食係好食呀！我一心諗住hea食冇咩要求，但每食一樣既時候，都係得既！反而，佢會令我覺得下次出旺角可以再黎試埋其他囉！…Read More

任食打邊爐周圍都有，但無限時既呢？我就真係唔知多唔多，不過高質既無限時，我就一定會揀斗滾！首先上個雞煲，任食既！不過，好戲其實在後頭，如果鍾意食牛既人，奉勸各位雞煲上半隻好喇！食完個雞煲，再黎海鮮拼盤！不得了，真係好食既冇吹水，非打手！不過，呢個就唔係任食既，同埋店員會好熱心提你，要盡快食，熱辣辣架！凍左就唔好食架喇！我真係第一次用燉湯打邊爐店員會建議先飲湯，覺得夠喇～先再去打邊爐。我見到煲湯果下真係嚇親 ，勁大煲囉！真係好飲唔係講黎！不過呢個湯要加錢既，+48蚊！放心，係全單+48蚊。唔係每位人頭加既！所以我覺得抵到爛！登登登櫈！重點黎喇！任食牛頸脊！我本身對肉其實就冇咩要求既，但呢碟牛，我輸喇！佢好食，真係好食！連我都忍唔住要encore…信我！堅得！當然，仲有好多配料都係任食任飲既，飲品都係大路野我就冇影喇！但佢有自家五花茶，不過想飲就要快手，我想再拎既時候已經冇曬，所以冇影相為証最後，但有個椰汁雪燕既甜品。係呀！都係任食架！但我唔得喇……真係好飽……大家記得要book位呀！佢無限時，好易爆場。無謂白行啦～…Read More

銅鑼灣有好多Cafe既選擇。但講質素既話，牧羊少年一定係其中一間高質既Cafe。每次黎到都有好多野想食，但2個人，我覺得我地都算大食架喇！首先，講下環境先，我唔知有冇記錯以前牧羊好似有漂書？！但我就冇搞過，有興趣既可以去問下店員既。重點緊係食身物啦！西蘭花真係煮得岩岩好，唔會太硬，亦唔會太淋。而且個汁幾好味，搞到我每食一舊都要拎棵花佢碌完又再碌呢碟蝦，真係爆quota都要食每次黎都必點既牛柳，細細粒一啖食岩岩好，岩曬我呢d鍾意扮斯文人，又唔駛我切。而且，佢真係岩岩好，口感一流雞翼，呢個其實我就一般般，唔係話唔好食，只係如果唔係個醬既話，就變得好一般囉！至於個pizza, 我地叫左個冬蔭功味。唔……我地2個都覺得，試過就算了。係聞到個香味，但食唔出冬蔭功味。有d失望既Drinks我覺得唔錯，但唔會話好有驚喜果種…又唔想夜媽媽飲咖啡，又想扮下健康，係唯一既選擇。其實，so far我個人係幾鍾意牧羊既……至少冇伏過我先…Read More

心血來潮，好想食餐好少少既餐廳！突然間諗起Around Wellington, 就直接衝上去……第一次去試呢間餐廳，入到去第一個感覺係，好細間呀！但舒服既，不過枱面就細左d……尤其我呢d眼闊肚窄，又食得慢既人，爭d冇位擺食物叫左2個 4 Course Dinner Set沙律＆是日湯(當日係南瓜)黑安格斯肉眼扒 蟹肉蟹籽蓋飯配甲羅燒 Drink Sunshine (右) Drink Strawberry Rose 重點黎喇！重要野要講3次！自家即製窩夫配雪糕 媽咪！勁好食！！自家即製窩夫配雪糕 媽咪！勁好食！！自家即製窩夫配雪糕 媽咪！勁好食！！不枉我飽到就嘔都要食！打完呢篇野……我又想再去食喇！…Read More

因為假日太多人，專登選擇平日入西貢享受一下慢活流可能時間太早，朝早9點半都未到…好多店舖都未開，路過呢間門口既時候，尤如見到救星。(因為當日好大雨呀!)我地2個人，想揾開可以hea下，傾下偈既cafe。一見到佢門口環境唔錯，即刻問開左門未，服務生態度十分良好。叫左2個breakfast set，一個bagel set，另一個就All day breakfast。價錢印象6X同8X?!真係唔記得，因為當時記得係唔貴，上枱既時候仲覺得抵既(相比起其他又貴又唔好食)仲買左好多小襟章(用左捐錢的，每10蚊至20蚊)佢既格調，令我都好想有一間屬於自己既cafe呀！…Read More

北角酒樓荒係疫情之下，北角由勁多酒樓變成冇咩酒樓如果想食熱辣辣既點心，聯邦宴可以話係沙漠中的一點綠老實講，你話好好食咩？一定唔會囉！但點都叫好過功X點心既！不過，等位真係等到企係度…朝早9點等到9點45分先有位…冇計啦！冇咩選擇嘛！味道： （3/5）效率： （3/5）環境： （3/5）服務：（4/5）價錢：（4/5）整體黎講，不過不失咁……就咁既……呢度加埋10樣野食，埋單280蚊。我其實唔係好知叫平定貴因為，其實味道一般般……但我男友話平……咁……就平囉！哈哈………Read More

一講起打邊爐，我已經唔駛諗，一定首選616。如果鍾意食牛既朋友，616有好多出面揾唔到既牛部位，任你揀！（當然啦！要早少少，因為好快沽清）我同男朋友，2個人食到飽一飽，埋單都唔駛700蚊，仲要呢個質素，我完全諗唔明，點解仲會有人去任食？！佢每碟既價錢都係講緊48-68咁上下，份量岩岩好，仲可以叫到唔同既部位，岩曬我呢d咩都想試下既為食鬼！抵食程度但講環境呢！好明顯唔係食裝潢既，完全係憑實力取勝！最好早少少訂位！成日都爆囉！…Read More

男朋友講左幾日想打邊爐。咁我就決定去完離島玩完之後，直接衝黎中環“火鍋撚”。本身訂左晚上7點半，但我地早到左，搏下7點有冇得入啦！好彩姐仲有好多位！可能地點唔算近地鐵站，加上星期日既關係？！食物新鮮，而且都上得快既（唔駛煮緊係啦！哈哈）如果指定湯底，仲可以任加鴨血豆腐！我地2個人，埋單1千蚊。以呢個質素黎講，其實唔算貴！ 好過去任食都6百幾7百蚊啦！不過，我就冇試到d丸，始終2個人好難點好多野食。不得不讚d服務，基本上你一叫“唔該”，已經即刻有人理你！…Read More