YIN0909's Profile

旺角行完街亞女話想試老夫子, 上到餐廳門口見到幾個陪伴我們兩代童年成長的漫畫朋友, 相機即時不停拍照 , 等幾分鐘便有位, 餐廳內四周都是老夫子系列漫畫人物, 好鮮明奪目。餐牌是老夫子頭像 , 食品名全部加上成語幾有趣，大部份食物跟一般茶餐廳類同但價錢方面稍貴, 而且不包餐飲, 可以說是食環境裝修 ~~肉醬闊條千層麵 $88 另加一~~ 肉醬多闊條麵只有兩層, 味道 ok焗豬扒飯 $88 另加一~~ 不論賣相味道, 都感覺得好像在食緊貴價 "大字派" 快餐店烤美國豬扒 $148 另加一~~ 最貴又最差的一碟，原本是鐵板因本人怕鐵板油膩改碟上。 先看賣相豬扒不是烤的, 只是普通煎豬扒飯, 已經打個折扣, 心想又來一碟貴價快餐店產品 因改碟上故醬汁沒有淋在肉面, 而本人又不喜沾汁是怕醬汁蓋過了肉質鮮味，但結果因為沒沾醬汁而後悔, 因為豬扒有雪肉味, 肉質亦好 "鞋" 總結來說如果只為懷念童年集體回憶而不介意食物價錢質素的，此處確是有份親切感 但論食物價錢味道比較 , 以我們來說不會再有下次幫襯了…Read More

經朋友介紹覺得好有趣 , 於是找個 hello kitty 迷一齊去試 , 當天星期二閒日好少人, 早上 11 時多到達即有位 , 一直坐到 2 時結單都未見爆滿情況 ( 朋友星期六晚餐都等了一段時間才有位 ) 一進酒樓 kitty 迷朋友即興奮無比, 由佈置餐具至食品幾乎全部都是 kitty 樣子 , 認真貼合主題 先來點幾款點心, 當然全揀選 kitty 樣的點心，本人不是 kitty 迷但面對這麼可愛的點心, 真舍不得食 個人意見 : 菜苗餃 ~~ 足料最好味蝦餃，馬拉糕，糯米飯 ~~ 味道都 ok 流沙飽一 D 都唔流沙 , 味道亦一般 -~~ 失望叉燒酥最差 , 食完都唔知有什麼饀料, 而且未夠鬆化有 "漿" 口感覺另外價錢方面, 老實說其實都幾貴, 以我們點的點心由 48 元至 68 都有, 比一般酒樓貴兩至三倍，㕑房炒粉麵飯價錢比較上合理一些，只能說一試無防 …Read More

團購見到 $178/位有十道菜，四人同行更有十一道菜，好超值即時落單買四張，因要遷就家人星期六食怕 full已經提早兩星期訂枱，點知覆回星期六要等足成個月後才有位，仲係優惠卷最後到期日 　嘩～～如果遲多幾天才 book 位，咁咪無得食～～ 假期分兩場，我們被編第二場，八時半左右到達，餐廳位置在鯉魚門海鮮街口好易找，但餐廳唔大，一眼看入去地下層幾張細枱 (可能部份位置用作廚房), 樓上閣樓唔知有幾大, 我們被編坐門口外加枱, 幸好當天不算凍  海鮮餐最重要食材新鮮 , 煮出海鮮之鮮味 , 綜合當天餐單 ,菜名是十分吸引 , 但奉上枱來的卻另一回事叫人失望 , 最過份是漏單 白紙黑字注明四人惠顧有十一道菜 , 但當天點算只十碟 , 追問欠菜幾時到 , 對方覆回已上齊啦 , 無漏啦 , 你們食左唔記得呀~~ 原本想追究到底 , 但老公說算數 , 已經十時多而且回家路又遠 , 再等佢出餸都唔知幾點, 加上食過的幾碟都好一般有點失望 , 心想唔食亦不是什麼損失 , 自己又唔記得 copy 多一份優惠券餐單去對 , 餐廳漏了什麼真的說唔出 , 唯有掃興的離開 .回到家立即開電腦翻查 , 真的未齊漏了一道 “糯米飯” 未上 , 難怪我們幾個都唔飽啦 (1) 蒜蓉粉絲蒸扇貝 ** ok 正常(2) 清蒸新鮮大鮑魚 ** ok 正常(3) 椒鹽瀨尿蝦 ***ok 正常(4) 花雕蛋白蒸肉蟹 ***蟹 size 好細 , 肉質淋淋地 , 蛋白夠酒味(5) 波士頓龍蝦配伊麵底 **龍蝦ok , 但伊麵唔掂 , 又乾又硬又無汁 (6) 豉油皇中蝦 ***豉油皇炒得好野味 , 可惜蝦身比較細且唔新鮮(7) 辣酒煮東風螺 **全餐最差呢個 , 辣味中帶好濃烈疑似梳打粉                          味道 , 入口"搶喉" , size又超勁細粒 (8) 生猛青班一條 **中規中矩 , 算ok(9) 秘製海鮮湯 **可謂足料海鮮湯, 除了幾條浮面青菜, 就只撈到                       好多魚”骨” 和蜆”殼” , 另外胡椒味好重 (10) 郊外油菜(11) 生炒糯米飯 **呢樣漏單無得食 , 不能置評…Read More

今年亞女生日剛好在星期日 , 不用太急趕時間 , 一於暫時離開市區, 悠閒清淨下心寧 , 享受一下家庭樂, 十一時許到達山頂, 餐廳自助餐剛開始不久, 一踏入餐廳門口, 已被甜品吧深深吸引,排放精緻美觀奪目的小型蛋糕 , 甜品, 像有磁石魔力吸住你的視線, 好自然停下，先來個"眼睛享受" 訂位時要求座窗邊附近, 廣闊視線下,看到太平山下維港美麗景色, 加上餐廳寬敞舒適 , 給人輕鬆開朗感覺 , 食慾大增  一坐下侍應即時推介我們點餐酒, 原來自助餐包紅酒, 白酒, 香檳任飲   除了兩父子滴酒不沾, 我們當然要試試啦  循視食物吧種類不算太多, 以海鮮最吸引 , 數款生蠔輪流上場 ,雖然品種不同, 但全部都鮮味十足 , 蠔味     分別有比較淡口和濃郁, 同行有兩個蠔迷 , 當然口下不留情,      單單他兩人已經食超過六打, 認真回本   本人不是蠔迷 , 只淺嚐三幾隻 , 但至愛的火腿凍肉, 幾款都相     當不錯 encore 了幾次.熱食方面 :  海鮮湯絕對不能錯過, 難得的一次由我們一致通過好味    熱盤上有一種 "綠色" 雞肉球" , 看顏色怪怪的一點都不吸引，　　膽粗粗取一件試試，又幾好味喎　 　　　俗語說　"人不可以貌相" 未想到連食物都不能單憑外表而定  醬燒骨和肉腸都ｏｋ  肉車檔由專人侍候切肉，唔知是西冷還是肋骨，好唔掂 　　廚師好重手切大大件再淋上醬汁給客人，但坐回枱後看清楚：　　太肥太生又 UG，一邊食一邊滲血水，怕怕 　 　仲有炒飯，茄汁意粉和長通粉等，不用怕食唔飽。甜品吧經過精心排放，相當美觀吸引，全部細細件可以多嚐幾款，但除兩三款比較特出外，其餘的水準好一般　 其中一款杯裝　Tiramisu 幾好味，但杯面舖滿朱古力粉，兩父女都不慎先後被朱古力粉 "濁親"咳到面紅， 大家嚐此時請多留心      …Read More

一年一度中秋節 , 當然要好好慶祝一下 原本想食海鮮 , 但回想去年中秋揸車入西貢時車龍之恐怖 , 即時打消念頭  見天氣好有涼風, 是最佳的 BBQ 季節 , 腦海中浮現出一個渡假式的浪漫花園 , 泳池邊燒烤的美境 , 立即致電黃金海岸酒店 指明要花園泳池旁邊位置 , 一於來個高級 BBQ   當天公司收早 , 怕塞車故提早入酒店對面的停車場先安置好 ”二奶” ,( 酒店有免費代客泊車, 但老公不喜外人動佢個二奶, 所以自找錶位 )先落海灘漫步看日落 , 海灘上人不多疏疏落落的 , 陣陣海風吹來 , 伴隨柔和的海浪聲 , 舒服極了 ~~~ 晚霞余暉靜靜的消失後 , 回到熱鬧的酒店開始我們的中秋大餐 , 嘻…嘻….自助餐剛開始 , 各式各樣食物排放整齊美觀 , 巡視一圈 , 花多眼混亂 , 眼睛享受完, 又到個胃勁催促 , 差點流出口水來呢 ~~ 甜品賣相實在太吸引 , 來個反傳統先食甜品 , 款式多不太甜 good … 火腿凍肉係至愛當然不會錯過 , 其中兩款較突出 encore 了幾次 .  相比甜品和燒烤 , 幾款大路海鮮較失色  翡翠螺 和 蜆都有沙 , 長腳蟹欠鮮味 , 蝦不新鮮 黑松露忌廉湯一定要試 , 又香又滑又好味 , “超想” encore 但      怕漲住個胃 , 無空間容納其他美食  黑魚子雲吞 見賣相好普通細細粒的雲吞 , 不知什麼餡 , 試過後回味不已燒蜜汁雞翼 ( 肉嫩好味 )  燒大蝦 ( 蝦夠新鮮加少許鹽 好正 ),燒牛扒 ( 有肉味但不會 ug )   燒羊架 ( 怕蘇無試 )帶子 ( size 夠大 賣相都幾好 , 但欠了海鮮之鮮味 ) 燒乳豬 熱騰騰即燒即食, 皮脆好味 , 但第二次取的比較肥 , 油感過重較漏  燒生果都有多款 : 燒香蕉 皮雖然黑 , 但經燒過蕉肉更香更滑 燒火龍果 燒熱後味道怪怪地 , 都是平常雪凍好食D 燒菠蘿 分別取幾次都好甜好多汁 一流good 燒粟米一般唔夠甜每位限量半隻焗芒果龍蝦 以為限量便是主題推介 , 怎知道竟是全晚最差之作 ,我們三份的蝦肉都不新鮮有 “梅” 的感覺 , 見附近幾枱都有人余下未食過  熱薰方面有幾款 , 但單單食花園範圍內的美食和甜品 , 個胃已經投降叫停 , 故熱盆熟食全部未試過 >.< 只影相作留念 , 期待下次有機會再試啦 …Read More

光陰真似箭, 好快又老一年 >.<   按例都要食餐好的, Gatway 呢間新開餐廳見open rice 好多人讚好, 再加上公司同事食過勁讚, 所以抱好高期望到此食自助餐,總結來說都ok的, 品種多, 樣樣都有D , 但"精"的不多  商場好大, 泊好車後上商場找了一段時間 , 最後都要經保安員指引才找到. 餐廳裝飾高雅寬敞 , 每張餐枱之間好大空間給客人舒適感 , 我們枱在玻璃窗邊, 原本應是好事, 但對面大厦的名店巨型大螢光幕跳動着該品牌的不同商品賣廣告 , 光污染下有點頭暈目眩 , 唯有不看街首攻生蠔 , 師父好熟練的即開, 如果客人沒有指定, 師父會每款都各開一隻給你, 上碟時亦會面帶笑容的告訴客人三款不同生蠔之名稱( 聽同事說中午自助餐只得一款供應 )  我們中有兩位蠔迷意見如下:Tasmania  較瘦削 size 細少少, 但好咸頂唔順  Zealand 肉質肥美 , 味道正常不過咸 , 但蠔味欠少少.Coffin Bay 稍稍過咸了少許, 但蠔味最足 , 最後幾轉只攻此蠔刺身 ( 三文魚, 立魚, 吞拿魚, 希靈魚, 北寄貝) 全都好新鮮反而由侍應送上來每位指定一客的雜錦刺身便麻麻地海鮮質素參差 , 同一款長腳蟹有些鮮味清淡,但有些過咸完全無鮮味  , 龍蝦幾次都OK ( 不過有時要等侍應補充 )青口多沙 火腿凍肉 OK 但款式不多, 且要分別在生蠔吧的兩旁取不集中 人參炖烏雞湯 --- 湯味鮮甜 (不覺味精)  連喝兩盅   洋蔥湯 --- 唔多掂    好像雞精+洋蔥絲熱葷唔多吸引 , 個人無試過 , 亞女試過幾款都話普通  鐵板燒有大蝦, 燒雞肶 , 仲一隻(唔記得是豬肶還是羊肶)原本普通的燒大蝦 , 但一加上少許鹽 (餐枱上有供應) 有畫龍點睛之效, encore 左十多隻     男孩子比較食得,  order 了炒意粉, 湯河, 我當然抽少少水試下啦, 河粉夠幼滑, 意粉帶濃濃芝士味好香   最後當然要食埋甜品少算完滿啦, 雪糕用 Movenpick 品牌 , 有幾款味道選擇 , 我們一致認同朱古力最好味 即焗心太軟都不能錯過, 每次一出爐, 轉眼間便已清枱 ,後來知道可以要求餐廳用心太軟加字作生日蛋糕送上來, 不用排隊就有得食 侍應送蛋糕來時, 友善的說句生日快樂 , 仲好主動提出幫我們全家影相留念, 服務一流    …Read More

一田百貨附近的紅螞蟻 , 都數不出去過幾多次, 因為就算要等位都不用太長時間 , 可能跟上餐快有關 , 每次一落完單, 好快就會陸續上菜, 一直都保持了此快捷的水準, 值得一讚最近又去一田 , 逛完商場, 到晚飯時間 , 又餓又倦之際, 對腳好似有自動導航咁 , 自自然然的又行到紅螞蟻門外, 十多人在門外等位 , 但一如以往好快的可以入座, 加埋亞女三個人, 又是例牌動作 , 點一份二人餐 , 雖然主餐經常轉 , 但每次我們都可以滿足的離開 , 不過今天差了一點, 所以借少少地方反映一下, 希望餐廳可以keep 回以往水準, 不要使我們再失望多一次.....餐廳定期更換優惠套餐內容 , 食客不會沉悶   煙三文魚火龍果沙律 煙三文魚帶少少咸, 火龍果的清甜, 新鮮的菜, 絕佳的配搭, 一定不要忘記加沙律醋 , 又另有一番滋味 , GOOD ....( 早幾年食此二人餐時有兩份沙律的, 但後來轉了只得一客)  風乾腸黑松露什菌雞肉飯賣相並不吸引 , 但味道卻幾好, 飯夠香軟 , 略帶少少黑松露味更香, 風乾腸個樣好似炸過的臘腸, 但食落又似自助餐的火腿可惜只有四小片, 未夠喉  燒豬仔骨唔掂~~ 好似食緊 '乾身廋叉燒' 又硬又鞋又無味, 跟意粉屋的水準差好遠 . 日式軟骨餃子唔夠熱, 料少, 淡口  甜品 ( 每款另加 $20 ) 除了煙三文魚火龍果沙律外, 以往例牌必食的甜品, 今次最令我們失望>.<,  今次加 order 兩款甜品都太甜, 相比以往的失色好多. 花生榛子雪芭唔夠凍有溶的感覺 , 亦沒有花生榛子香味 , 好像雲呢拿多D   心太軟個蛋糕外皮好削好黏口 …Read More

結婚不久搬入屯門住, 已經見證呢間店出世 , 成長, 二十多年來, 在屯市中心區搬過幾次,最初因食物味道好, 價錢公道, 自然受歡迎 , 興盛時期小巴黎 , 取no.籌後沒一頭半個鐘,你不用想有位入坐,連荃灣都有分店 . 後來可能東南亞食品店普及 , 食家選擇多, 加上小巴黎食物質素明顯差左, 環境方面亦不太舒適 , ,所以在時代廣場分店開始 , 已經好少幫襯,只是試過兩三次因為屯市多間食店都要等位, 心急的我們便轉去小巴黎 (不用等位)最近到屯市逛完街 , 晚飯時間一到又是頭痛問題 , 兩間想食的店都要等, 於是亞仔又想起小巴黎 , 一查之下原本又搬了, 到新店再試試.同樣都是不用等位, 但一入門口已經"中頭獎" 路中間又放了一隻水桶, 原本冷氣機滴水....坐下點餐後好快就有得食 , 剛剛放下碗粉,嘩~又有滴水加料看看天花板, 多個位置都有水珠累積緊就快滴下來, 都唔知轉去邊張枱好 ~~~~唯有盡快食完走啦.亞仔獨沽一味--- 香茅豬扒飯走蔥, 份量足夠大碟, 我試少少覺得亞大廚可能重手了一點, 有陣陣鬆肉粉味, 食完都要飲多兩杯水烤牛肉粉絲--- 以往到此店必食的生牛肉因為怕唔新鮮, 所以轉烤牛肉.湯底和粉絲都ok, 但牛肉只得好碎好少的幾粒仔, 真係好"經貴"牛肉炒河 --- 河粉算滑, 味道一般, 牛肉好ug 炒通菜--- 以前腐乳醬通菜 , 每枱客人都會叫, 但現在明顯差左好多, 無味道 , 連鹽味都沒有 , 好例牌的一碟炒油菜.…Read More

團購網見此餐廳新開, 土耳其餐好有特式又未試過, 問心說正常自己一定唔敢到, 因為不懂點餐 , 見特惠價兩位午餐都是98 元(包加一) 好抵, 於是即買二人餐去試下.  買團購時注明不用訂坐, 但一出 LIFT 已見十多人迫在門外等位 >.< ,等了五張枱才到我們 , 前面的客人有兩個要搭枱呢 . 餐廳約有十多廿張枱 , 每張枱之間都不會迫, 裝飾柔和 ,坐得舒服 ,侍應只得三個好忙不停團團轉 , 但態度OK  等約20 分鐘左右才有枱 , 坐下出示團購紙, 好快的便陸續上菜, 主餐可以在餐牌內指定兩頁任選, 餐湯, 沙律等是指定不用選 .餐湯   扁豆湯 :  賣相OK , 味道濃郁特別 , 帶少許辣 , 少許酸, 略咸       雜菜沙律 :  真正淨菜, 個人認為欠了沙律醋 , 而且生洋蔥過多     燒雞肉飯 :  不是平常屋企食的白飯, 選用有味飯但都ok香軟, 雞肉比較乾身和淡口, 差點想問侍應攞豉油加味 , 另外仲好油膩好漏,我們每人分食半碟都是勉強才可以食完  雜錦烤肉卷 :   餐牌其實有分淨雞肉, 淨羊肉卷, 但可能我們多心, 想一次過試晒 , 於是選雜錦樣樣都有 , 就因為貪心咁就出事啦...... 個肉卷其實好足料好豐富 , 但D 羊肉真的好so 好so... 我自己一向對羊不抗拒但亦不是太喜好, 試二三口後真的頂唔順投降, 亞女食食下都話唔掂 , 用叉將半肉挑了出來 , 才可以食完佢果半件肉卷 . 餐飲 :  原本除了汽水還有幾款選擇 , 但我們不好汽水, 另方面為免再出現我們唔習慣的土耳其特式飲品 , 故兩個都是order 礦泉水比較穩陣 .…Read More

屯門人氣新地標 v city 開幕 , 當然要找機會去逛逛啦, 剛好亞仔放假,便去逛完商場再食飯, 當天星期四不是假期 , 但好旺好多人, 如果是星期六/ 日, 真不敢想像會迫到什麼樣......二樓食店街行個圈, 大部份店門外都站滿等位的人, 不敢相信閒日都可以咁旺 , 行近越悅, 門外沒人等位, 心想會否唔多得, 才沒有人等位 , 但見店鋪裝飾好清雅有舒服感覺 , 加上心急唔想加入等位大隊, 所以抱住一試心態入去試試 , 結果都幾滿意  四人餐 $298 都幾抵食 , 單叫個拚拼盤已經要九十多元 , 仲有四碗/碟粉或飯, 又有菜和飲品, 不用多想就落單.越式拼盤 : 有幾款小食, 份量都足 , 味道ok , 但蝦片不脆要扣一點分 每碟飯都可選兩款餸配搭 , 但供選擇的餸不多 , 部份跟拼盤重覆了 >.<紅米飯原本以為會硬和鞋口 , 但食落不感覺硬都ok 河粉都幾滑 , 金邊粉普通有少少鞋口, 生牛肉尚算新鮮有牛味, 牛腩片未夠淋,湯底ok幾好 …Read More

家人生日, 早兩星期入open rice 找自助餐, 見十大人氣中有柏景, 又有七五折優惠券 , 好似好抵食, 記得兩三年前食過 , 當時雖然款式不太多 , 但鐵板炒雪糕, 蛋糕甜品都好ok, 仲有一個生日蛋糕送( 印象好深刻是我們當時坐在甜品吧隔離 , 所謂"近水樓台先得食"有一款蛋糕因為好好味, 我們幾個encore 下幾乎食左大半個蛋糕 ) 六時半準備到達, 餐廳安排我們坐在熱薰吧枱附近 , 取食物好方便 .繞場一周後, 除了近入口的雪糕吧好吸引外, 其餘 海鮮, 刺身, 熱薰 , 甜品等都唔多選擇 , 有點失望 先攻 海鮮 和 凍肉   行近海鮮區, 嘩 .... 1 2 3 4 5 6 一眼見晒六款 , 全部大路貨色兩款蝦都唔掂 , 無味又唔夠新鮮, 長腳蟹和翡翠螺都有D鮮味算ok青口有沙凍肉都是有幾款 , 煙三文魚唔夠味, 但巴馬火腿又過咸 , 原本凍肉是我的至愛都沒有 encore , 唉 ~~~ 刺身只有三文魚,  螺肉 , 蟹棒 , 另一款好似是劍魚 , 每次每款只提供三片 , 要多行幾轉 >.< 壽司都只是幾款選擇唔多熱薰 --- 大約十款左右牛尾唔夠淋 辣椒蟹有蟹鮮味, 但過辣 蟹肉薯餅(只出過一次)津白粉絲一般貨色  賽螃蟹幾好, 但多食會漏  比目魚 ok蔥油霸黃雞見個樣好"鞋"無試  鴨胸一向不喜故無試小型漢堡包 ( 有雞肉, 牛肉, 豬肉三款漢堡 ) 試過牛肉漢堡都ok香蝦肉腸炒飯(個名好好聽, 但似加左葡汁的楊州炒飯 )干燒伊麵  西冷牛扒 -- 薄切不太ug又不會太生幾好  燒豬肋骨 -- 略"鞋"  唔夠味 , 又唔熱  ( 意粉屋好食得多 )  燒蝦 -- 已經燒起好耐 , 凍晒, 又無味 燒牛脷 --- 亞女一向喜牛脷 , 但佢話呢件太厚 , 肉邊硬 唔得   瑤柱炖湯" 好清好淡"  似滾湯多過似炖湯 , 反而花生雞腳湯比較正常  日式火鍋 --- 全賴有呢個火鍋區才食得飽 , 有多款配料 / 菜任選,牛肉另外用上湯浸熟, 好好味但牛過熟有少少ug , 好彩是薄切  甜品 -- 原本最大期望的 , 最後失望仲大 , 款式唔多, 亞女話只得芒果布丁 , 朱古力梳乎喱 芝士餅 和 藍莓蛋糕是OK的, 其他大部份都唔多好食   ( 甜品唔甜但都不要咁酸啦, 真係好難頂 )  甜品失望 , 唯有改攻雪糕 哈..哈... 有 Dreyer's 又有 Movenpick兩大牌子 , 又有雪米糍 , 仲有多款味道選擇 , 值得一讚 ^.^ 當晚未滿坐, 眼看估計約六七成客左右 , 人少不用爭 , 另外因為食物選擇不多, 未夠九點, 各食物吧已經開始冷清清的 "無嘜人幫襯"…Read More

之前在悕慎分店試過 , 因某種個人原因關係 , 對那杯喬麥茶有一份特別之親切感 , 十分懷念那種香味, 那種屬於我倆的溫馨感覺  自從知道德福有分店後, 一直都想找個機會去試試 , 回味一下, 7月15日因有事到九龍灣, 故特意相約家人到此食晚餐 , 六時多剛好開始放工的時間 , 不用等已經即時有位, 但聽到侍應特意通知用餐限時 1.5 小時, 不能慢慢享受即時打個折扣 落ORDER紙後好快已經陸續上餐,  四式拼盤 --- 多款冷熱小食中任選四款, 各有特式, 但醉雞最好味 , 肉質嫩滑帶少少酒香味, 亞女食到唔停口 , 仲要求 encore .....(^.^)糖醋骨都好入味 , 肴肉一向都是我喜愛的 , 正 ~~  生煎包  **必食之選皮夠薄 , 微脆但不硬, 肉餡多汁但不會感覺"漏" , 雖是油煎但不覺油膩真是一流 , 坊間好多地方都有生煎包供應 , 但甚少食到此高質素美點  鍋貼 + 小籠包小籠包其實都幾OK 皮薄但不易穿, 肉汁多, 但因有生煎包珠玉在前, 對比之下就總覺欠少少, 可能是那種微脆的香口感鍋貼比較遜色 , 食時有粉黏口感 , 而且比較油膩  大白菜肉絲炒年糕用料都足, 但味道稍咸了一點點, 要多飲水 ( 幸好是至愛的喬麥茶 , 飲多幾杯都無問題 ^.^)四式甜品拼盤任選四款甜品 , 不但賣相美觀, 各有特式 : 紅棗糕最好味 , 香滑甜度週中 桂花糕只在糕中央加些少桂花糖, 入口就沒有桂花香味 杏汁布丁都ok 但較偏甜, 芒果布丁大路貨色沒特別  好佩服餐廳創此拼盤主意, 大家都希望多作嘗試 , 但每一款都 order一碟的話, 不但浪費 , 荷包負擔都增大, 但此拚盤可供食客一次過淺嘗幾款不同的小食/ 甜品, 所謂少食多滋味 , 大家一齊分享 , 值得一讚. 就是呢杯喬麥茶, 茶清澈 , 入口香香的喬麥味道回味不已, 總叫人對它念念不忘 , 侍應又好勤加茶, 不知不覺間都算不出飲了幾多杯 .四人order 加埋茶水加一共 $524 其實不算抵食  但好味就已經夠了 ^.^  …Read More

剛好在QE 探病落佐敦, 時已七時多已是晚飯時間 , 經過齋鋪門口, 好多年前光顧過幾次, 印象中都OK, 而且見店內都已有約七八成枱有客, 應該唔差啦, 一於入去回顧一下 看看餐牌, 不知是否要迎合大眾追上潮流, 還是適者生存唔到你唔去跟 ... 連這麼一間老牌齋鋪, 餐牌上都是一大堆肉類/海鮮類的名稱 , 入齋鋪食肉 (雖然只是個名) 感覺都唔多好 >.< 落單不久 , 好快的開始上餸 ............ 蜜瓜炸鮮奶 $59.00   皮鬆脆 , 內餡的蜜瓜 和 鮮奶味都亙相配合得剛剛好, 不過始終都是甜的奶類, 第一件好味, 第二件後便開始覺得漏 , 收手了   粟米粥 $38.00  粥底夠綿 , 料足, 一窩分出來有六小碗半, 份量十足抵食   甜酸糖醋魚 $58.00  整體賣相都不俗, 但似"鱔" 多過似魚 , 用紫菜包住腐皮炸完, 再加上糖醋獻汁,  但味道太酸頂唔順, 問侍應取來一小碗暖水, "要過一過河" 減低酸味才可食 .   紅燒豆腐煲 豆腐夠滑, 加上草菇 , 冬菇 , 秀珍菇 , 腐皮等一齊炆 , 比較清淡, 但個人認為全晚最好此煲 , 而且份量十足好大煲一窩粥 + 一碟齋 + 三款餸 , 再計埋加一茶芥共 HK$350 …Read More

6月28日亞仔踏入真正成年的大日子 ,  原本亞仔指定要食日式放題, 想訂中環一間稍貴的放題 , 但 FULL 無位 , 唯有等下次機會.無得食放題, 最唔開心的自然係亞仔啦, 大家左想右想 , 上網看資料想找間好的餐廳食晚飯, 有人提議去又一城 , 突然想起早兩年朋友在 Amaroni's 的生日飯局好有氣氛 , 仲有生日蛋糕送, 決定就再試試 , 因當天海洋公園玩得比較晚, 到達又一城已九時多 , 等十多分鐘便有枱 , 入坐前靜靜雞通知侍應亞仔生日, 侍應即時入記錄留起蛋糕 ,   準備給亞仔一個驚喜 坐下點餐不久 , 侍應好快的送上食物來, 先來一籃麵包 , 不同款式口感 , 脆脆片形的如果沾上黑醋來食更好味, 有些軟軟的好香, 因大家都十分餓 , 一下子便KO了全籃麵包  主菜開始陸續上來, SIZE 份量都好足薯蓉萍果伴黑毛豬 --- 豬肉鬆化但有口感, 薯蓉好香, 亞女話唔夠喉 吞拿魚沙律 ---- 家人都不喜沙律 , 一向都是我的專利 (^.^)                    帶少少酸味沙律醋混和一起食, 好開胃意式海鮮炒飯 --- 足料好味又香 , 飯綿但不黏 , 獻汁不會多到漏, 超正 芝士雞肉焗長通粉 ---  單看個賣相已經好OK , 面層芝士稍稍金黃 , 但通粉                               不會因焗過而乾硬, 加上什茹和雞肉 , 口感豐富    辣肉腸火腿PIZZA ---- 份量好大, 材料都好足, 但太咸了, 頂唔順 大家食飽飽後 , 便請侍應上甜品, 好快的清理枱面, 取來乾淨餐貝, 甜品上來後, 接住有幾位侍應取來一碟插上蠟燭的蛋糕 , 放在亞仔面前, 幾位侍應點著蠟燭後又一齊唱起 happy birthday 生日歌, 這突然的一刻, 亞仔露出少有的燦爛笑容 , 開心極了..........  ( 他說這是第一次有陌生人跟他說生日快樂 , 好開心 )不過呢件肉桂味蛋糕味道就麻麻地了 ---( 肉桂味太重, 又太甜 )  …Read More

見是新開, 又有少少名牌效應故去試一試, 真的好失望 , 以後都不用再幫襯了 首先要自己找位, 個場唔大, 得十多廿張枱 . 見有兩張四人枱 (其實d四人枱是可以分開成為兩張二人枱 ) 都各坐了兩個人 , 其中一枱的客都是剛剛坐下未點餐, 我們三個人當然不會分開坐啦, 又唔好意思叫人家搬枱 , 此情況外間的餐廳好多時侍應會請兩位新到客人幫手轉枱 . 但此間的侍應沒有, 只問過我們是三位, 看一下個場就叫我們等一陣 等到有位, 又要自己去收銀處買飛 , 取個牌回來放枱面, 就會有專人送來食物 .個餐牌上好少選擇 , 價錢都偏高 (以快餐店來比較) 一杯汽水都要十多元 ...想要杯清水都要自己去裝 , 收咁GA價錢比D咁GA服務 ... 差亞女點了半隻燒春雞 , 肉質好鞋無味, D伴碟薯蓉最差, 亞女話未試咁難食 份量好少, 雞肉好似白烚咁 , 老公一向細食, 好多時只食半碟就話飽, 呢碟飯雖然無味, 但佢都可以食得干干淨淨 味道OK , 但所謂海鮮就得魚和幾粒好細的蝦, 都是份量好少.芝士焗西蘭花 $39 ----  只得幾件 , D菜好似未熟咁硬好蜜糖雞翼 $39 ---- 全晚最OK的一碟, 但SIZE好細, 要成十蚊一隻呀烤蠔 $29 兩隻---- 賣相都OK , 但一上枱未食都嗅到好腥 , 只有亞女有膽試 , 唔新鮮…Read More