goodgoodeat2017's Profile

觀塘重建咗咁耐都好少喺呢度食晚飯，一路都唔知原來凱匯樓下嗰個裕民坊商場有西餐食，以為全部都係日本嘢同中菜同女朋友行過，咁啱想食西餐又見到呢間，於是乎就入咗去試吓今日早咗食，所以仲未坐滿，侍應好好態度帶我哋去窗口位，見到出邊靚景，餐廳入邊環境都舒服坐低見到有set dinner食，仲有二人餐，不過二人餐冇我哋想食嘅嘢，所以我哋兩個都決定食set dinnerOrder完，首先上個南瓜湯，本身唔係咁鍾意飲湯但都覺得好好飲。佢唔係嗰啲好濃味嘅湯，食到南瓜蓉，個人覺得幾好如果太濃味嘅話會影響到一陣食主菜嘅味道。飲品叫咗蜂蜜柚子茶同檸檬茶跟住到主菜我叫嘅係澳洲肉眼扒，好有肉味，我叫五成熟火候控制得幾好，加埋秘製黑椒汁我覺得好夾。另外仲叫咗西班牙海鮮飯，成個飯好有鮮味，證明佢啲用料全部好新鮮，絕對唔係是但搵啲平嘅海鮮掉落去煮，個飯嘅火候亦都控制得唔錯埋單四百幾蚊，個人嚟講覺得西餐差唔多，唔使次次嚟到呢個商場都係食日本嘢或者中餐，多個選擇都幾好。…Read More

週末同女朋友銅鑼灣行街，見肚餓天氣熱又唔想食飯，咁啱見到呢間餃子專門店，之前已經聽人講過一路都想試，見下午茶時段唔使排隊就入去試一試入去就見到天下第一餃五隻字，咁有信心？環境都幾舒服，一坐低侍應好有禮貌就遞上一味前菜，醃蘿蔔見佢呢度主打係松茸餃子，於是叫佢招牌嘅兩款餃子，有湯或者煎可以揀，同女朋友兩款都選擇咗煎唔係講笑，好正！每隻餃子都好足料，豬肉同松茸塞到爆曬，大滿足。想啖啖肉嘅可以叫至尊松茸豬肉餃，希望有埋松露嘅香味嘅話可以叫龍鳳松茸豬肉餃，同女朋友兩個人食咗24隻叫咗個大嘅size, 冇諗過咁足料飽到上心口。如果覺得啖啖肉太過膩，可以加埋佢前菜醃蘿蔔食，味道好夾，互相平衡個油膩感。既然有天下第一餃之稱，點可以唔試埋佢其他餃子，於是另外叫咗一個細份嘅雲耳椰菜豬肉餃，今次就試吓湯餃。呢個真係好有驚喜，你話招牌餃做得好食就理所當然，冇諗過普普通通叫個豬肉餃都超級正，我覺得直頭同佢招牌嘅松茸餃有得比，個人嚟講好鍾意，而且價錢上亦相對抵食，即使唔係佢嘅招牌亦都好足料，雲耳夾雜着豬肉好爽口。除咗餃子仲叫咗一份四川涼麵，以一間餃子舖頭嚟講絕對唔失禮嘢飲叫咗蜂蜜檸檬薏米水同埋山楂雪梨水，天口㷫消暑解熱，又可以平衡油膩感。食吓叫吓呢餐lunch用咗$400, 有松茸嘅餃子嚟講其實又唔算話好貴，而且重點係好食得嚟仲好飽，喺唔想食粉麵飯嘅情況下，係一個幾好嘅選擇。…Read More

KFC有飯嘅餐真係可以話係窮人嘅福音$30唔使可以食到一碗飯喺而家香港呢個咁繁華嘅都市我諗都好難見到白汁雞皇飯大大碗熱辣辣真係好抵食或者有啲人唔係咁鍾意佢哋啲飯但我就覺得呢一個白汁雞皇飯真係成個KFC入邊最好食嘅嘢，沒有之一…Read More

冇諗過而家仲會有呢啲咁平嘅下午茶可以食而且講緊個味道仲要幾好雖然本身間嘢好似係食日本嘢咁但喺正樓下諗唔到食乜嘅時候都未嘗唔係一個好嘅選擇重點係$30唔使就可以食到一個下午茶講唔上好飽但都啱啱好味道亦都幾好唔錯嘅選擇…Read More

呢間KFC最特別嘅地方我覺得係可以望住成個觀塘市中心食好少KFC會有咁嘅景觀另外佢哋新出嘅白汁雞皇飯餐真係好抵以前只有蘑菇辣雞飯，一路都好好奇點解佢唔出白汁雞皇飯版本而家基本上返工lunch必食，又平又飽又好食…Read More

其實不嬲都覺得雲桂香啲米線好食過譚仔配料夠多，夠晒惹味腩肉係必叫，真心推介另外佢個酸辣湯底比起譚仔多好多肉碎配菜食起上嚟冇咁單調不過雲桂香缺點就係啲服務態度麻麻但出奇地旺角呢間服務係10分好好有禮貌絕對係我去過咁多間最好嘅一間…Read More

見會員就嚟完又好耐冇食於是放假同女朋友食味道其實一路以嚟都覺得幾好食不過唔知呢間點解啲牛扒每次叫都出事叫五成熟佢嚟咗個全熟意粉就見到個忌廉蝦意粉芝士味好濃好出好食…Read More

第一次嚟呢間酒吧未入去已經感受到嗰個氣氛有幾咁澎湃基本上喺樓下一層已經聽到有好多人喺度大聲唱歌唔好以為係對面有間Red Mr所以有呢啲歌聲因為呢間酒吧入得去嘅每位客人，都係好鍾意唱歌叫啤酒嚟講唔算抵聽講叫紅白酒就最抵買三送一最正係有波枱可以篤波而且唔使另外收費呢個驚喜位真係抵讚不過由於每位客人都鍾意唱歌嘅關係所以點一首歌平均都要等成10首先可以唱加埋啲員工有時無啦啦又會攞咗支咪自己喺度唱變相唱歌嘅輪候時間就等好耐其他嘢就不過不失…Read More

去得太子飲嘢都冇諗過會有一間好似參加歌唱比賽嘅酒吧，成個環境完全唔似喺太子同三五知己一齊一齊飲酒成個氛圍都好正最特別係酒吧嘅正中間有個舞台擺咗兩支米喺度可以俾人點歌上去唱歌但上得台嘅唱歌都有返咁上下真係勇氣少啲都唔係好敢上去幾好嘅體驗…Read More

有朋友移民咗外地難得返嚟香港梗係要帶佢食返一啲充滿香港風味特色嘅食物啦香港最有特色嘅嘢係乜嘢梗係大排檔啦要數最好食嘅我一定係首選呢間 - 愛文生都唔係第一次嚟食，但每次食都仲係覺得好正好有驚喜三個人叫咗四碟餸豉椒炒蟶子避風塘茄子椒鹽鮮魷同埋招牌黑椒薯仔牛柳粒全部都好好食不過當日真係好多人排隊等咗差唔多半個鐘但好惹味，每次想食大排檔都一定會去食！唯一改善地方就係三個人佢比張二人枱我唔好話擺餸根本就連坐都有啲辛苦去到最後係要我出聲佢先換返張三至四人枱俾我服務就一般啦都係唔係好理人可能好多遊客幫襯根本唔優做掛…Read More

之前食過都想講一路都覺得呢間餐廳其實幾抵食食過唔少中菜館，一係就價錢太貴，一係就味道麻麻樂天皇朝可以話係我試過性價比最高嘅其中一間，而且佢哋嘅小籠包係少數我覺得皮薄餡靚多汁嘅，出邊坊間好多都做到皮好厚肉好少冇汁。其他點心都做得幾好食，個撈麵直頭好食到相都唔記得影就食咗一大半另外有樣嘢好值得讚，呢間嘅所有侍應都好有禮貌，服務態度好好，特別係驚小籠包凍咗會影響味道，都會同客人講返趁熱食，服務好有驚喜。基本上如果揀食點心又想有啲小菜食吓，樂天皇朝我頭三嘅選擇…Read More

同女友行開tst肚餓，見到裝修唔錯，入嚟試下，價錢偏貴就預咗始終座落喺旅遊區，但嘢食都唔該畀番少少質素呀， 叫咗個豉油皇蔥油雞扒飯啲薑蓉完全冇味，成個飯淡到女友叫咗個雞扒米粉 ，又係好似白烚咁樣成間餐廳啲嘢食好似煮熟完就算冇作任何調味不知所謂全部員工好似行都行唔喐咁，落單又好似撞籠，態度又差， 有個阿嬸員工喺側邊大大聲高談闊論緊啲客，冇錢唔好入嚟食，哇，真係惡慣㗎喎成班老弱殘兵就唔好學人做生意你sell懷舊啫但係使唔使連員工都懷舊埋呀喺老人院招聘員工嫁？冇效率態度差嘢食又差除咗環境冇樣掂但係我入嚟食嘢唔係入嚟睇嘢呀我要睇嘢我唔好去博物館？畀你不知所謂嘅餐廳，矇下遊客就得，試一次都覺得浪費， 有得比0分我一定畀0分…Read More

聖誕節同女友黎赤柱行下影下相，晚上諗住食埋先走人，於是openrice睇下有冇邊間推介，見到呢間食評唔差，於是就試下。一入去見唔到有waiter，諗住可能忙行開左，等多兩等，終於見到人係廚房行出黎，點知佢好似完全見我唔到咁，我已經企係正中間，要去到過左幾10秒佢先好似見到我存在，問我幾位（果到真係好細，無可能見我唔到）。一坐低比左張紙我，上面寫住xmas大餐，然後話今日除左呢張紙，就淨係得牆上既野食ok都冇問題，反正都揀到野食過得去，唔覺太好食，只係未去到好難食，個是日例湯幾有蝦味，幾好飲pizza都好重海鮮味，但餅底好乾好硬但成餐飯我覺得最有問題係2位員工，由我入去企係正中間佢要用幾10秒先發現我企左係到已經知道。員工1：有小小上年紀，手腳慢員工2：好似是但係街到搵個人黎做臨記咁，完全唔清楚餐廳運作，問親佢野都係叫人問另一位以下幾點係我成程飯見到既問題。1. 個lobby係經常性冇人，因為2位員工（一開頭仲要得一位）係經常入廚房拎野，一拎就唔見成分鐘，想問野拎野經常搵唔到人。2. 食食下開始多人，見到有新客人黎，又係由得人地係門口等左勁耐，要個客走到埋黎先去問幾位。3. 之後又有第2台客黎到，佢地book左枱結果係要企係門口等好耐，我既感覺係餐廳完全冇一早留定枱比人，安排好差，有人黎就由佢地入黎坐，完全冇諗之後有冇人book到枱，搞到book左都係要等位4. 成程飯我覺得2位waiter每次只可以focus係一台客到，超過一個人問野佢地都好似handle唔到咁，大佬呀做waiter就係要眼看四方，隨時有多過一台客問你野，你答唔到人野至少都講聲唔好意思請等等，而唔係完全唔理其他人舉手5. 我一路食一路心諗咁既服務遲早出事，結果說時遲那時快，就係我食完之際已經見到有人入黎投訴我所見到既成件事應該係：呢個女客人話佢一早book左台，亦都問清楚25號係咪可以散叫返平時既食物，唔係得聖誕大餐既野食，而餐廳係電話到應承左話有，點知黎到得返牆上既野食，同埋張紙仔既聖誕大餐揀，於是個客咪黎質問佢地員工2例牌彈個波比員工1，但員工1似乎都唔係好記得，所以ee哦哦講左2句就冇理到個客，由得個客企係到罵，甚至個客話要去消委會到投訴佢地都唔理，跟住員工2終於答左句“你應該今日再打黎問呀嘛“，老實講，d咁既回答同態度比著係我真係會即場hi佢auntie，果位客人算好態度下次請我都唔會再食…Read More