Winnie the Poon's Profile

早前在facebook大神的力量下相認了兩位20多年無見面的同學，大家都已有家室，一於提早慶祝聖誕。三人都住在不地上區域，最好地點選擇當然是尖沙咀，星期六在旺區食飯，那有邊間不限時？!我一聽到限時就頭痛， 二十幾年冇見，90分鐘限時，點傾到計呀! 我諗不如食鐵板燒，煮得黎都要兩個鐘啦!用openrice 搜尋， 打「鐵板」就好容易出到「鐵板超」。7:30去到已經座無虛席,好彩有訂到位, 仲一早 訂定想食乜嘢食物， 所以一坐低就唔需要再order, 淨係掛住同兩個廿年冇見嘅朋友傾計， 鐵板師傅就慢慢煮畀我哋食， 我哋食得慢佢就煮得慢,非常細心。食物水準，唔需要多講，一個字:正。傾下食下，不知不覺就11點，老闆完全無趕我地走，無限時的晚餐真係食得暢快，又可以滿足晒「食得滋味、飲得盡慶、傾得流利」的三位人妻要求!…Read More

最初以為新蒲崗應該沒什麼好野食，但是同事極力推介，就試一試一行九人，6點3到達，門外已有其他人等候，好彩有訂位。我們要求座房仔，店員表示最好下次訂位時講明，會較容易安排(大家一家要記得這點)，今次都安排到。開始叫野食，大家好似癲左，樣樣都叫幾份，廚師好醒目，將野食分兩碟上，以免我們要將碟傳來傳去，真細心野食一到，嘩!份量超夠，刺身新鮮，天婦羅鐵板均熱騰騰，仲有特色創意壽司都好好味，我個人最愛吃芝士年糕、燒粟米、牛舌等等，真是食到都唔記得影相。驚喜的是飲品，綠茶係維他鮮綠茶(好似價值$6.5)，飲品質素噤好，食物都唔需要講。會再去食過!!!!…Read More

去到時要等位，都等左10分鐘才有位，叫了普通牛腩麵、清湯牛腩及豬油渣麵。我自己覺得清湯牛腩就太多根，個人較喜歡普通牛腩，但麵就煮得太耐，唔夠爽。另外，豬油渣麵就幾有驚喜，都幾好食!價錢方面，清湯牛腩真的超級貴，$60得一小碗，最平就是豬油渣麵，只是$15四個人埋單都要過佰元，我地只是食下午茶，好貴。…Read More

豆腐花真的好滑、好滑。食左好像無食過，所以一碗唔係好夠，想食多碗，好彩超平，每碗都係$5。好抵食下次再去大埔時一定要再食!!!…Read More

我一向唔多鍾意食中餐，覺得好油及太濃味，而環境永遠好嘈。今次男友想改變我的想法，就帶我食這間中菜。入到去，登記的小姐非常有禮貌，之後上二樓，地方唔算太大，但裝修新，感覺很舒服及乾淨。當我正睇緊叫邊款特價小菜時，男友二話不說叫了鮑魚海參龍蝦套餐。有蟹黃魚翅羹、炆鮑魚海參，夠入味但唔梅，幾好味。仲有粉絲蒸半邊龍蝦，唔知點解我食的半邊肉梅梅地，同經理講即刻換過，好細心。我最鍾意就係木耳上湯菜，清清地中和番。最後甜點是杏汁燕窩，真係食到一條條燕窩，甜度適宜，非常欣賞。已經好飽，但男友再叫多兩個壽包，我擔心好大個，好彩似平時酒樓食的蓮蓉包size，但包面好鬆軟。這一餐食得好休閒，逐樣菜上，唔似平日一大堆在枱面，而且環境唔嘈可以傾計，真是令我對中菜館改觀不少。下次有機會再去試特價小菜，男友話以前冇特價小菜，可能金融海嘯至有，但見隔離枱的小菜都幾靚，應該ok，可以試下!!…Read More

星期期在沙田食LUNCH是很難搵位，特想起可以試一試酒店內的餐廳，去到就選了這間睇名都覺得係食意大利菜。11時半到，我係第三枱客，地方幾舒服。有三類價錢的SET LUNCH，最貴都唔過$200，都幾合理。我同朋友都選了$168的SET LUNCH，我食鱸魚，朋友食羊腿。點菜後，侍應即呈上麵包籃，內有芝麻包及脆條，食完後仲問我們要唔要加添，真是細心。之後上前菜，巴馬HAM哈密瓜伴菜沙律，都幾好食，夠新鮮。湯就普通d。上主菜了，爐魚的汁幾好味，用番茄，有鮮味之餘條魚唔"sen"，我証試朋友的羊，其實一d都唔似羊，有些似牛，但唔硬，d汁就無特別。但整體上碟的裝飾是見廚師心思。不過煮法一d都唔覺係意大利菜。最驚喜的當然是甜品，諗住set lunch最多俾球雪糕或一件餅仔，但一來是一杯有4粒的朱古力巴芙，令我超級開心。最後當然有餐茶。整體來說，食物水準不錯，有些驚喜，招呼好，有禮。價錢合理，埋單時以為連加一應該要約$350，但俾錢時收唔過$29x，唔知係唔係有折，仲有免費泊車，算ok。最失望相信是酒店內的廁所，衛生差，地濕及滿地廁紙，酒店一定要改善管理。…Read More

其實朋友成日話輝哥火鍋好好食，但擔心好貴，所以一直無去，但今次好想食打邊爐，貴都去喇!兩個人去食，叫了肥牛、四寶丸及鮮原隻帶子(由店員推介)、黑柏葉併鵝腸、菜，湯底為紫菜湯。我個人就最鍾意肥牛、蝦丸、牛丸及湯底，肥牛超鬆軟。我朋友就話墨魚丸最好食。原隻帶子一定要切片，我地要左原隻，熟後變得好硬，$38一隻，浪費了。用東亞信用卡有88折，記得要自己開聲問，店員不會主動問你有冇卡。兩個人食有折都要$600，貴係貴少少，但都可以試一次，但我朋友話個價錢俾以前平左，以前兩個人食好似要成千落樓。…Read More

約左4位朋友7點半，好彩有book位，去到時門口已排了超過10人的隊，真是唔book位，唔好去，有排等。我見有噤多人等，以為d食物好掂，但食過後感覺可以，但未去到必食，我相信係價錢在又一城來講比較平，使百多元可以食到排類，算幾抵!我地叫了一客雞沙拉、天使麵、羊架、肉眼、鱸魚糙米飯、lemon cake、banana chocolate cake及chocolate cake。放心！你一定叫得番我叫的食物，因為每種食材得一種煮法或配料，等唔知點選的人方便些，但事實係少野選，好快就落到order。雖然cafe的擺脫似乎以情侶客為對象，但環境太open而變得好嘈，我唔建議情侶去，反而一班女仔去，傾大聲左都唔覺。不過，枱面較細，不可一次過放多碟食物，及坐得比較迫。另外，侍應就唔夠醒目，雖然係食西餐，但一班人通常都會share，侍應次次放低碟食物就算，唔識俾公筷。我地一路食到10點先走，用enjoy card簽賬仲有9折，好抵一句講晒：如果想用少少錢食到似高級餐廳菜，可以一試，真是超級抵!!!!…Read More

近期好忙，現在才得閒推介食過的餐廳。我和朋友二人約於7點半去到，無book位，所以侍應要我們於9點前還枱，當然無理會。如果你是駕車人士就覺得超級方便，餐廳對出成條街都是錶位(可泊兩小時)，我一去到就有車位，真是十分好彩餐廳地方雖然不太，但裝飾佈置是用心的。侍應招呼好，有禮貌，樂意回答我的提問及介紹菜式。我點了一客漢堡包、自選配料天使麪及牛柳。漢堡包的漢堡肉非常有肉汁，芝士很香，而且其他配料(例如：芝士、生菜及酸菜等)的份量都很適中，使食的感覺很好，d配料唔會跌到周圍都係。這漢堡是比我食過多間連鎖漢堡包店的漢堡包好食，再加上配的薯條超新鮮，大大條，脆卜卜，食完後已很飽，所有連天使麪都吃不下，請侍應幫忙取消，估計都無可能，但經理好好幫手取消，我們改叫心太軟(加$20)。我朋友仔表示牛柳就太普通，可以話唔好食。心太軟就幾有水準，可能食完漢堡包的我心情大好，覺得好食。…Read More