天生喜歡滾的個人專頁

四餸一湯（大路野) 兩支啤酒夠膽索價$1880(4個人)埋單嗰陣時就咁拎一張手寫單過來寫上銀碼就算了，完全沒有得翻查賬單咁嘅價錢老實說可以很多選擇至少不用準時90分鐘便趕你走，嘈到完全傾唔到計，根本係貼錢買難受公道說出品是可以的，但整體環境服務及收費真的讓人反感…查看更多

幫襯過兩次，唔會有第三次，第一次，平日，就只有一個男的看鋪出品，我點了燒賣等小食，佢就硬銷人食佢個所謂得意之作碗仔翅，價錢貴，細碗，但味道確實唔差但賣到$28真係有啲那個，第二次幫襯，周日，見到個紋身女的(後來得知是傳說中的事頭婆) 在主理出品，嘩，真係聞名不如見面，我大概逗留了三十分鐘，已見識了她的待客之道，漏單，出品極慢，極度hard sell, 串客，鬧客，極大口氣，連我幾年冇出po都忍唔住要為佢再次執筆，當日有家人很斯文的，想外賣個碗仔翅加其他小食，嘩，大鑊了，被那個情緒事頭婆噴了近10分鐘，大概話人唔環保點解唔喺度食埋先走各樣那樣這般，果家人嚟幫襯無啦啦被佢噴到一面屁，場面極度尷尬，期間夠膽死有人催單，唉咁梗係又比事頭婆插啦，總之出佢口的冇一句令人舒服，句句唔係單打就直接串/插你，言詞間又踩盡全港小食店，堪稱佢出品既碗仔翅係最好食。。。。唉。。呢個人，講野時面部表情極度浮誇，作風十分嘩眾取寵，又完全不會尊重別人，還有，不知那裡來的自信，豬扒包定價$38, 憑什麼？埋單又要客人自己計數， 果日得果幾個客就冧晒檔，客都未詐形佢就先發制人，哈，真係希望佢生意興隆…查看更多

喺深鼠寶發現呢間叫'混亂'既日本拉麵店，由㗎仔主理，裝修粗獷，好有自我風格，碗麵真係幾亂，店內播著強勁日本pop music, 希望客人不其然跟著強勁節拍食得快啲，但可惜出品有啲耐，由等位到走頭攪咗成個鐘，收費有少少搏大霧，深鼠租金港島收費，但份量重手，加幾倍大蒜野菜等不收費，讚，仍然不知道什麼是背脂先生，但整體現都合格，喜歡吃粗麵可試，豬背脂肥而不膩，比起一般日式叉燒好吃…查看更多

***請問我要修改邊部份呀? 以下事件百份百真人真事, 我後來睇番其他喊面食評原來其他人都有同樣情況, 為什麼要河蟹我呢!?, 你不批, 我還有其他渠道宣揚, 只不過對貴網站的黑作業箱手法很失望***果日與太太兩人去到該店試下, 點咗三個一般大小食肆都按例牌菜級別收費的菜式, 啫啫雞煲, 炒硯, 蘭花炒斑塊 (斑塊唔夠熟, 腥 要翻煮) 食完埋單 , 嚟料, 三個小菜兩碗飯, $4xx!!, 即問落單伙記咩事, 佢好淡定 : 啫啫雞煲$98 (份量少仲要貴過大酒家), 炒硯$70 (算,冇意見), 登登登登, 蘭花炒斑塊$248 !!! , 我即時問點解既, 呢啲菜式酒樓都係$78 -98, 好少過百架喎, 伙記 : 我地用老虎斑, $2x 兩, 用咗八兩, 加埋煮功差唔多啦（佢真係當我入咗西貢,流浮山食海鮮,買海鮮加煮功） 我: 吓!? 你落單唔講既!? 伙記: 同你講咗不過你講緊電話冇理我 (根本冇問過, 我太太都話佢落單完全冇提及過, 如果有根本唔會點, 太貴) 我開始黑面加上火( 好憎人當我老襯) : 哦, 你知我講緊電話呀嘛!? 你知我冇答你呀嘛!? 咁你做乜幫我揸主意用老虎斑呀? 邊個話食八兩呀!? 六兩唔得呀!? 一斤唔得呀!? 你唔用老鼠斑!? 千幾蚊條呀!? 用老鼠斑呀嘛冇里大志!! 呃果二百幾!! 跟住擾嚷咗一陣, 我話四百幾一定唔會俾你, 你叫你老細夠膽過嚟同我講丫, 跟住佢老細過嚟 : 我地一向咁做架喎　我:你慳啲啦　跟住知衰事敗龜縮, 老闆: 唉我收你平啲啦(跟住即轉身閃人）跟住個伙記過嚟: 老闆話收你＄368喎... 我: 我而家放低三百, 唔滿意就報警 伙記:爭六十八喎... 我: 咁我罰你幫我俾, 因為你夾埋你老闆呃人, 跟住我就放低三百行出門口, 佢地冇人敢阻我 <完> 　簡直不知所謂…查看更多

成日行過見到呢間野,尋晚終於同老婆試下 :- 未夠8點已經坐低,講咗值得讚既地方先, 蝦同鮑魚真係燒得好好, 保留到海鮮應有既水份 仲有每位客人跟一個汁(泰式辣汁&日式燒汁) 都幾好,其他串燒店好少咁做其餘果啲野(牛仔骨/雞心/雞軟骨/洋蔥/泡菜讓雞翼/菠蘿/仲有唔記得咩)都不過不失.要彈既地方:- - 出品超級耐,食足兩個半鍾,就算即叫即燒都唔可以接受,耐到我都唔記得啲野未出晒我就叫埋彈,跟住店員提醒仲有兩樣野未出我先坐番低,耐到真係唔記得叫咗咩- 做串燒竟然冇做牛脷 , R 晒頭.....- 韮菜勁多油+多渣, 菜心燒到生骨,完全唔掂,其他店係一路燒一路掃上汁水以保持蔬菜應有水份,但佢地真係就咁乾燒....好野!!- 多春魚...wu~~~ 乾到苦!! 連魚春都燒到乾晒其實出品既野好難每次保持最好狀態,本來都可以再試下睇下下次會唔會好啲....但佢地既出品時間耐得離奇,當晚人客不太多,真係唔明點解咁耐,拎個頭過去望下佢地攪乜,原來做緊外賣客,外賣客是優先的,所以如果當晚外賣客再多啲既話,我諗等到你傻(果晚我都親耳聽到兩台客催單)至於服務, 呢個係我唔會再黎既原因,有位戴眼鏡類似孕婦既店員(or老闆娘) 全程木口木面,完全冇表情,講野得一個tone,有段好爆既小插曲, 去片:-果度冇酒牌,我去對面士多買(果果都係咁做),飲完第一支買第二支果時我老婆話想飲鮮窄橙汁,咁我順手買埋啦,返入去既時候,果位戴眼鏡類似孕婦既店員話: 呢度除咗酒精類以外飲品唔可以喺度飲!我: 係呀?唔好意思呀,我諗住見你呢度冇我先買者咋,原來唔得架....店: 係呀,唔得架!我: 咁而家點啊,我都買咗啦喎...店: 一係我幫你雪住佢走果時攞番,一係而家行出門口飲完先入黎,一係而家嗱嗱林飲晒佢唔好要我難做我: 唔駛攪到咁呀嘛,最多我俾番錢當我幫趁咗你地飲咗罐汽水之類啦...店: 唔係錢唔錢問題! 果果客係咁我咪好唔掂?我: okok,我而家飲,我而家飲 (咁緊係冇理佢慢慢飲啦)我心諗,妳都九唔搭八,我就係見到隔離枱都有買鮮窄果汁入黎我先去買,當時我冇駁佢,因為枱客仲响度,同埋可能果枱客都有俾佢插完,所以費事拉埋人地落水,仲有,唔係錢問題係咩問題,你打哋開門口做生意唔係為錢為咩?我又唔覺你對做飲食業有咩熱誠喎...出品又慢又參差,對客又冇禮貌又冷冰冰,件事我都有唔啱,我冇問清楚,但係好小事姐,出黎食飯最緊要happy,個客都提出俾錢解決件事,話晒我第一次幫趁,你都想個客返轉頭,佢仲喺度懶有原則,喺其他客面前頂撞個客,講埋啲野仲要好有懲罰囉,小學生呀而家!?行出門口飲!! 九唔搭八,完全唔識做生意,自己冇酒牌飲品選擇又少,但又眼紅人地士多賺咗啲酒水錢, 其講好多雙贏方法可以解決酒水問題,不過費事教精佢,講完! 冇下次!…查看更多

幫趁咗呢間火鍋店差不多十年, 一直想出下食評,不過次次都唔記得,尋晚自己話要記住影相,又唔記得(年紀大冇記性), ok, 唔講癈話, 冇相精簡食評去片:-尋晚同工作拍檔普通飯聚,一行三人7點半到,頗多人,大部份table已訂 但我下晝已訂,冇問題準時入座,坐樓下, 今次唔想諗野, 由老伙計發板(人稍法國佬,梳all back頭,矮矮的個人幾攪野)唔知咩湯底. 有蘿蔔,枝足,豆pop 咁上下, 自己加咗碟蕃茄, 又ok喎- 半斤海蝦,隻隻5,6寸長,鮮甜爽脆到不得了- 大大隻花蟹(三個人勉強食得晒,真係好大隻,不過得一隻'鋼',但事前講明, 所以會較平) 超實肉,wow~~ 甜甜甜- 大手切牛,唔知咩部位,有牛味,入口幾鬆化,本人俾85分 - 白菜仔,新鮮乾淨 四五支大啤, 痛快,全程食精品,捧住個肚走,張單又點先? 放心,呢度一定唔會坤你, HKD807, 第二度未必得,有人覺得服務衛生爭D,我都認同,但呢間店好有佢自己好獨特既性格,食物夠地道,氣氛熱熱鬧鬧,有一定死硬派FANS (店主'祖哥'透露四月份會拉閘全鋪大裝,相信環境/衛生會有一定改善)…查看更多