木公's Profile

忙左成個上午，旺角買完野，要搵好西醫醫肚 搜尋到呢間都幾親民 但評語一般，唔理lu，最重要舒適座位，實在好倦。而呢間餐廳主打烏冬 一入座比杯水 座位都寬落，唔會迫～ shopping 完大包小包～ 朋友最後刺身丼，自己就想食烏冬～ 包一罐汽水飲品。食完唔會好口乾 但再濃味少少就超正！食完個餐都好飽，下次至試到小食～ 服務員有禮 主動問要唔要加水～整體不錯，下次黎晚餐，原來全日都免加一…Read More

服務員招呼很好，落單快，送豆漿～可能叫套餐，上菜超快～但食物就對比之前較為遜色了，同事都大感失望。 松子魚上台賣相不錯，一食….即試到無汁位置會食到腥腥地 同幾個月前食差得遠；黃金蝦球….較厚粉，食兩口都飽飽濟濟，蝦肉略為乾身；孜然排骨好香口野味，一上台即食（不錯），遲十幾分鐘後食既，會覺得超乾…似有骨肉干，咬都好難撕開乾巴巴既肉。（同事最後都放棄肉乾沒吃）其他食物都不過不失～ 無驚無喜～但今次真係較為失望～…Read More

放低小朋友上堂～ 阿囡話要食拉麵！呢頭石門人流多，開唔少食店。 搵搵下～ 係港鐵站出口附近見到間唔顯眼，食拉麵既，門口望到餐牌都幾吸引 入到去都幾光猛，簡單裝修，有卡位，有吧位~ 剛好入去就有卡位枱，職員示意可以入座，座位闊落。 門口旁大大個直立餐牌，星期一至五有丼飯套餐 (送紙包飲品) 餐廳賣點係拉麵，一於試下~  下次至試丼飯~ 心大心細，點左個人氣”味玉博多豚肉湯拉麵” – 選麵質-適中、湯底-中 、辛口 加埋 流心旦 仲可以加$30 – 飲品 & 小食一款~! 個人食後覺得幾好食，辛口只係輕微辣度，整體算好食。 (蔥粒……切得較為大粒，賣相打左折扣）…Read More

探完長輩係呢頭附近搵食，印象上次麻麻地，都隔左甘耐再試下。 （貪邊食邊睇奧運賽事）整體不過不失，服務唔錯，落單快～味道算好食，湯都幾足料！兩人食到好飽～ 最後送甜品紅豆糕差左少少，唔駛錢都唔預好食得去邊。可以有下次 …Read More

住大圍區甘耐都未食過，朋友仔係附近上班，約黎食個Lunch 仲吹下水～（佢話座位舒適）一入到去唔光猛，係酒吧裝修～ 感覺良好，唔嘈食物都好好食，勝價比高！ 會再次幫襯 支持小店…Read More

又經開石門，呢間唔多顯眼既舖位～ 係二期右邊外圍邊邊位，真係唔細心睇都無留意。一入座….好多位，只見得十位客人到，職員示意門口冷氣壞左，入面位較涼啲。 個人比較鍾意食湯餃多啲，見到餐牌上都唔少選擇，湯底健康。餐廳係掃QR code落單最終叫左經典款「蒜香菠菜豬肉餃」八只+米線 （羅白湯底）～ 同囝囝兩人分享。差不多等左15分鐘….大大碗送上～即飲頭啖湯都感覺幾好，似屋企煲開既味（即係無落味精），只係唔夠鮮。囝囝發現米線有一兩條生生地未夠熟果種，仲話無乜味。主角菠菜餃子 一夾就好易爛開（餡料散開）但食落味道不錯的，應該煮多左十幾秒～ 餃子皮林得滯所至。整體碗湯餃米線係合格～ 但唔會食完想再食～同埋台面無辣醬/調味料。（食完至醒起）埋單時見隔離台叫煎餃 賣相幾吸引比多次機會再來一次！…Read More

見星期四係唔駛返學～ 又要清下大假！約埋幾個幼稚園家長出來傾計，小朋友就任玩餐廳設施～ （利申：家長們都大贊抵玩）座位都舒適，家長們告知賣點勝在任玩～ 但其實吸引小朋友玩既都係得波波池、木粒池……玩足四粒鐘都唔願走。用餐方面….食物真係超級普通，唔稱得上好好食，入得口果隻，同價錢唔成正比，只要按人頭點一個餐就得啦。 （普通到忘記影底）無約人黎就真係悶，食物唔吸引。 清潔人手不足，可能當日太多客～ （如客人多，就限時交枱。）…Read More

同小朋友去海濱公園玩完～ 餓餓地就係觀塘搵下地方嘆吓下午茶！被店名吸引左～ 可能係過左午市時間，唔駛等就有台啦～ 原來入面有室外座位（可帶寵物用餐），仔仔開心到坐唔定，拿拿聲叫杯芭菲比佢～ 開心到呢 兩個大人就叫露啤+燒雞～ 爽丫！堅似露營 （實在太耐無露營）手機無電只影到少少相～ 失策左！放暑假再帶齊小朋友來嘆下 …Read More

幾年前食過一次聖誕主題自助餐，見有七折，好似幾抵食，長者又有平，五歲小朋友不收費。所謂冇期望就唔會失望～市道差左，食材都差左～長蟹腳 ：重雪味、無乜蟹味，偏鹹生蠔：七成都係事前開殻了（減省人手、輪候時間）甜品：種類多，味道一般；有Movenpick同埋水果熟食： 賣相一般，不太吸引。整體對得起個價！ 無驚喜！…Read More

無意中發現呢間有我最鐘意食黑麥包，有大size ，又有細size。 每星期最少買兩次，小朋友都好鐘意個黑糖包～ 做下午茶首選，感覺好健康！ 仲要黃昏時間$30 紅點全配三款包～ 仲有布丁包隔夜都好食！ 家庭包來說好食過東乜堂～ …Read More

一次難忘......永不再光顧! 話說上星期日想同男友阿麻出街食飯(三人)開心一下,起身都中午一點零,諗黎諗去葵芳無咩好食,就帶去試下呢間。行埋門口個知客唔見人，四圍望下入面啦，就見到個知客同緊較近門口的第一張台客人寫單，我等...左5分幾鐘都有(阿麻係老遠都慢行到過來)。望住個知客落單(無部長理我,店內有兩個的)，個知客望左一眼我就算，落完單慢慢行埋門口問我幾位(佢望到有個老人家)，俾左一張"近"門口既大台我地三人，坐底左有個侍應拎三份餐牌黎就走，望左兩望，再問係咪未有下午茶? 個部長(面黑黑咁)就答:呢家入坐仲係午餐,未到下午茶時段WO。好啦...只好叫餐牌有既野，又唔係俾唔起(單叫一碗粉都係$4X ) 之後分左兩次落單，叫左兩個SET LUNCH、一碗咩咩金邊粉、一份墨魚餅、一份唔知咩卷(合共$201 恆生卡免加一) 果三碗面黎得慢，又多味精，份量參差，食物黎重複左兩次，飲品太甜(糖多)，仲寫住招牌湯粉，食落味道麻麻，有碗要落酸汁伴食，要問到至有人拎枝酸汁黎，唔問就乾哽了。返到家飲左兩大杯水~ 唉......大家出街食飯前, 上一上OPEN RICE先好去未食過既餐廳。…Read More