hungrygameshk's Profile

今日下午在新都會工作後，有空行過見到Shake Shack，原來新都會都開左呀🤩看到有新產品，白松露漢堡包，仲叫多左一個芝士薯條。真係好好味 好滿足。白松露既味道好濃郁，而且個包好鬆軟，加埋塊芝士我真係大啖大啖咁食😚我下午茶時間去唔多人 仲有戶外位坐下。店經理好好人，會經常去唔同既枱同客人傾計，照顧到唔同客人既需要。我地有同店經理傾下計，佢話新界呢邊既人對shake shack呢個品牌唔太認識，都唔知係食咩既，我覺得太可惜了，香港除左有McDonald 仲有其他好好食既漢堡包，希望大家都一齊explore好味既漢堡包🤘🏼👍🏼 下次要試埋佢個Guava Lemonade，見到有好多客心都有叫🤩🤤…Read More

屋企人話想食點心，我又想打邊爐，於是就黎左呢間任食火鍋同點心的餐廳試下，$158/位都幾抵。▪️我地揀左中辣的雞煲，之後再加湯打邊爐，CP值高。雞煲醬夠惹味，雞肉都幾入味，肉質幾滑。-仲有點左好多碟本地滑牛，牛味都幾濃。豬肉片同樣點得好多，肉質新鮮同薄，入口軟嫩。▪️點菜紙上嘅有十二款火鍋配料，仲有自助區食物，有丸類、炸響鈴、各款蔬菜、公仔麵等。仲有其他煮好的熟食，有豬腳薑、避風塘魷魚、咖哩魚蛋等。▪️點心都有成十幾款咖，味道都接近酒樓出爐嘅質素。蝦餃蒸煮時間控制得好好，皮唔錯太硬太淋，帶煙韌，蝦肉彈牙又爽口。燒賣大大粒，口感都幾紮實，咬落帶嚼勁。▪️打完邊爐仲可以食甜品！除咗有奶凍+中式糕點，仲有不同口味雪糕！我拎左雲呢嗱味黎試試，都幾香滑。▪️仲有幾個雪櫃，有玻璃樽維他奶、多款可樂汽水同埋冰凍啤酒，都係任飲咖。…Read More

收工同同事食海鮮，於是揀咗呢間位於旺區嘅蒸氣鍋餐廳。我地揀咗$268/位的海鮮蒸氣鍋套餐👌🏻包括8款海鮮+無味精燉湯+任食安格斯肥牛+八寶蒸飯！非常豐富呢！海鮮源自唔同產地，夠哂講究又當造。~6小時燉原盅絕無味精燉湯~非常大盅又材料豐富，包括蟲草花/瑤柱仔/瘦肉/龍眼肉/雞腳等，味道燉得好突出，清甜無味精！夠哂養生！~蘇格蘭蟶子皇~味道鮮美，蒸完仲好飽滿，有濃濃海水味~紐西蘭鮮大帶子~口感肉厚又爽滑，味道鮮甜，唔點醬食更能嚐到原鮮味~愛爾蘭大刀貝~嫩滑又鮮甜，洗得乾淨，一粒沙都沒有呢。~韓國大鮑魚~口感鮮甜又彈牙！大大隻啖啖肉！同樣洗得乾淨~深海龍躉件~口感肥美又鮮嫩，啖啖魚肉兼無骨，啱哂我呢d懶人食~生猛大海蝦~好彈牙👌🏻又夠大隻~鮮甜貝殼類+青島大花蛤~富鹹鮮海水味，不用點醬料也很夠味。肉質鮮甜又洗得乾淨~蒸蔬菜~蔬菜很新鮮，有粟米/冬瓜/芋頭等，店員幫我地蒸完海鮮又蒸蔬菜，控制時間都很好，蔬菜蒸得清甜～無限量任食安格斯肥牛～同事瘋狂吃過不停！牛肉味道香濃，油脂分佈平均～八寶飯～大胃王同事非常期待八寶飯！可以自選八個配料去蒸，我們點了沙嗲豬頸肉+醬油漬牛脷+銀魚仔+冬菇粒+蝦醬豬腩肉+土魷絲+牛粒+萵筍，這個配搭非常match ！蒸完上枱香氣四溢，每顆飯粒粒分明，沒有結塊火喉控制得很好，飯粒晶瑩剔透，充滿各種配料的香氣，加少少豉油撈埋一齊食，色香味俱全！▪️點心食完正餐，意猶未盡，我地仲點咗一籠點心作飯後甜品！一籠有7件點心，有紫薯包、馬拉糕、奶黃包、白糖糕、千層糕等等，每件都有酒樓質素，味道正宗！同事一見到紫薯包就大讚外形好可愛，咬落去有滿滿紫薯餡，係其他中式酒樓非常少見。我自己最中意奶黃包，咬落去流心奶黃流出黎，非常治癒。埋單每人都係300幾元左右，食到多款不同食物，CP值高，一定會再回訪。…Read More

北角呢間cafe都幾出名，身為啡迷的我就去試下！-Flat white 比一般cafe大杯，奶同咖啡比例剛好，唔會milky，咖啡好香好nutty，價錢都唔算貴~-Charcoal latte拉花好靚！好igable!睇得出花左好多心思拉，拉得好完美又細緻，竹炭味同咖啡味都balance，必點！-呢度風格都幾日系文青，打卡之餘又有靚啡飲！…Read More

近排去左北角嗰頭搵朋友，當然要試下新上榜米芝連嘅福園湯圓！我點左雜錦湯圓，一共有五粒，有兩款味～呢度嘅湯圓大大粒，皮唔會太厚，口感又夠煙韌！芝麻味好濃郁又夠香，有流心效果！貨真價實皮薄餡靚。花生味都不錯，咬落有細碎花生蓉，花生味香。用黎煲湯圓嘅薑水唔會太甜，忍唔住飲多幾啖。即場仲有生湯圓賣，見到好多人黎買生湯圓，對於住港島嘅朋友夠哂方便，可以買湯圓返屋企煮。…Read More

大家有無去過屯門碼頭幻愛橋？去之前，建議大家去附近兆禧食坊買甜品食，食完再行下碼頭！-鮮芒芋圓系列有鮮芒、椰汁西米、爆爆珠、小丸子同四色芋圓！鮮芒好鮮甜又多汁，而且又大件。四色芋圓好煙韌，煮得啱啱好，味道分別係地瓜味、紫薯味、芋頭味同抹茶味，抹茶味比較少有，味道都幾特別👍🏻加埋甜度剛好嘅椰汁西米，彈Q嘅小丸子，夾埋口感爆脆嘅爆爆珠，非常之match!-芒果糯米糍身為芒果控嘅我，仲有點埋呢個！好大件，糯米皮唔會太厚，入面包住一大件芒果，好juicy！香甜軟糯~唔洗入長洲都食到高質芒果糯米糍。-喳咋中式傳統甜品，同樣煮得出色！有多款豆類，非常足料，味道唔會太甜，可以健脾祛濕。加上湯圓，口感層次豐富。…Read More

非常唔扺食！$500一位，海鮮得半隻龍蝦，兩件魚同幾粒貝類，質素都無乜驚喜，唔算好高質，其他都係肉同蔬菜，仲要份量唔多。同樣價錢可以係尖沙咀呀九龍城嗰d蒸海鮮店食更多海鮮，呢度仲要好唔就腳，店員控制時間又不太好，有overcook 情況。非常唔建議去呢度食。…Read More

好耐無食西餐，朋友介紹去呢間位於23樓嘅餐廳試下，好幸運坐到窗口位，望出去嘅高空城景，好有情調！首先會有兩塊熱烘烘嘅麵包，外脆內軟。▪️Black Truffle Mushroom Soup呢個好高質！黑松露味非常濃郁，而且仲食到粒粒狀磨菇。▪️牛油果沙律牛油果熟度剛好，仲有蘋果同蕃茄，份量好多，夠哂開胃。▪️Prime Angus Sirloin(美國特級安格斯熟成西冷扒）叫咗medium rare，牛味濃郁香口，肉質嫩口又多肉汁，熟度剛好。薯蓉都好creamy細滑。▪️Lobster Tail Linguini龍蝦汁好香濃，每條意粉都好掛汁。原條去殼龍蝦尾，肉厚又長身，啖啖肉！夠哂彈牙，而且肉質新鮮。▪️Bellevue Sweet Surprise真係好surprise!一見到就心心眼😍少女心爆發！粉紅色嘅朱古力味波波入面究竟係咩呢？叫得surprise ，正因為店員都唔知入面係乜，每個都唔同咖，好得意🥰店員用火槍燒溶外面嘅朱古力，原來入面係雪糕！冰火交融嘅口感好豐富。另外仲有唔同mini蛋糕，包括濃郁嘅Brownie、甜度剛好嘅Marble cake等，一道甜品有多款味道，真心有驚喜！-飲品篇▪️Sunshine Surprise橙汁同檸檬汁遇上益力多，酸酸甜甜好解渴！▪️La Spinetta Moscato d’Asti (白酒)店員推介，好易入口，嗌女生飲👍🏻-環境浪漫有情調，又有高空夜景，食物高質，而且係每道菜上，令我地可以慢慢品嘗每道菜，高質fine dining呢！店員都好nice，下次慶生or週年紀念再黎就最啱啦🥳…Read More

星期五收工，就同朋友去中環chill一chill！Happy Friday!我哋揀咗呢間又有得食晚餐又有得飲酒嘅餐廳～呢度最正係，以$150可以喺一個鐘內Free flow 飲House wine+Prosecco！有紅酒、白酒、啤酒同sparkling 等多款酒選擇，淨係飲三杯都回本了~星期五黎飲真係啱晒☺️而且以$150 Free flow house wine+ Prosecco或者買一杯正價飲品，食物仲可以有半價呢！（甜品/飲品除外)~真心抵食呢！所以我地都叫咗三款食物醫醫肚。-▪️雜錦拼盤👉🏻雞翼炸得幾juicy鎖汁～👉🏻薯皮每件薯皮用半個薯仔整，total 3件，炸得好香！另外用咗芝士黎焗，口感豐富~👉🏻洋蔥圈炸粉唔會好厚，炸到金黃色，點埋個sauce勁夾。▪️美國牛肩扒配燒汁及薯條我哋點咗七成熟，熟度剛好。肉質唔錯帶嚼勁，牛味香濃，配埋燒汁好match又惹味。薯條份量都多而且粗身，外脆內軟！▪️香煎鵝肝帶子意粉配忌廉汁帶子夠大粒，食落都好新鮮，熟度剛好，鵝肝面煎得脆香，內裏甘香軟滑。意粉幾creamy，軟硬度適中，唔錯呢。-甜品篇▪️意式雪糕我哋點咗Holly brown 其中非常出名嘅Gelato，會有兩球雪糕擺係窩夫餅上，我哋揀咗開心果同冧酒提子。開心果個味好特別，唔係其他餐廳食到，開心果味香濃又整體唔會好甜。冧酒提子酒香味都ok，味道濃厚。▪️Cappuccino Cake 唔會太甜，Cappuccino味都幾香濃，食落都幾creamy ，不錯呢！-飲品篇▪️Sparkling Lychee▪️Sparkling Passion Fruit 兩杯都幾開胃解渴，唔會太甜，果香味都幾突出。…Read More

好耐無去過山頂，於是就喺平日拎咗日假去山頂行吓🤩一去到山頂就揀咗呢間有得望海景嘅日式餐廳！入面牆身掛住日式懷舊風嘅裝飾，有黑膠唱片同舊廣告牌，播住日本經典歌，嗰刻當自己暫時去咗日本旅行！去食午市，有多款唔同定食揀，價錢都唔貴呢～Pork Curry($109)豬扒都幾大塊，炸得幾香脆，而且粉都唔會太厚，日式咖喱味香濃得黎唔會太辣，惹味到好快清哂👍🏻定食仲有送麵豉湯。-香蔥吞拿魚腩卷($118)呑拿魚腩幾新鮮，色澤唔錯，而且口感軟滑😌-叉燒拉麵（$98)湯底濃郁，拉麵麵質都幾彈牙掛汁，叉燒份量都ok多，而且入味！仲有豆腐送呢～-一路望住維港靚景，一路食日本菜，真係perfect match!!餐廳隔離仲有個日式小商店，掛住日本嘅吃貨食飽仲可以去行下呢！…Read More

約咗朋友喺旺角食飯，食飯之前就嚟咗呢間茶飲店。一般茶飲店飲品都好高糖分，但係呢間走杯主打健康嘅飲品，所用嘅糖都係天然蔗糖，而且主要都係低糖。店舖都主張環保，建議大家帶自己嘅外賣杯，如果要用外賣紙杯就再+$2，$2會捐去慈善機構，既環保又有社會責任。-我揀咗呢杯黑白之戀歌 • 紅烏龍，係全港獨有嘅黑芝麻奶蓋，真心有驚喜！上層用咗特濃黑芝麻而製成嘅奶蓋，帶有鹹香，而且唔會好易溶。中層用咗來自台灣谷鹿嘅紅烏龍，茶味香濃！底層係健康燕麥奶，三層口感非常豐富，而且唔會太膩，亦可以嗌少冰少甜！-其實仲好多款飲品又健康又igable，而且口味同配搭比較特別，比起其他台式茶飲店更有特色。下次會再黎試其他口味！（如果想影打卡相，記得嗌堂食～就會用透明杯上）…Read More

Bookmark咗呢間隠世小店好耐，如果唔係荃灣友，應該會比較難搵。今日終於去試下，呢度最出名係Bagel~▪️慢煮牛Bagel ($65)呢個好出色！Bagel烘得外脆，咬落好煙靭，面頭嘅罌粟籽更豐富咗口感，入面用咗cream cheese、車打芝士同沙律菜，帶點咸香又唔會太搶牛肉味。慢煮牛肉都好好食，少少juicy同無筋，厚度剛好，唔會太韌同難咬。▪️Latte ($35)Latte都比我預期中好飲，拉花好細緻好靚，咖啡味濃，奶味份量剛好，唔會搶咗啡味，價錢合理~下次會試埋甜品😋…Read More

去愉景新城攰攰地又有點口渴，就去咗茶古道買飲品。見到即泡萃茶有點興趣，叫咗杯烏龍綠茶（$31），雖然有點貴，但一聞到佢的茶味，就覺得值回票價。見到係即場用機切碎茶葉沖泡，並非茶包沖泡。未飲前，就咁聞起黎已經feel到好濃香！飲落茶味好香濃，茶味回甘。建議要嗌無糖，先會試到真茶味～…Read More

近期很少光顧連鎖咖啡店，反而喜歡尋找不同小店式的咖啡店，因為每間味道不一，每次飲都會有驚喜。今次去了屯門的白羊咖啡，裝修是簡約風，咖啡價錢更平民化，中杯的latte也是$2x一杯起，但咖啡水準也聽說不錯。點了一杯400mL的熱green tea latte($23)，抹茶味道也頗濃，與牛奶比例balance，不會太搶各自的味。沖調溫度也剛好呢！下次會來試試其他口味的latte!…Read More

收工去咗屯門市廣場，發現呢間平時唔平的鮨千壽，依家做梗期間限定外賣優惠，幾款食物都幾抵食！我叫咗一個北海丼（$138），無收加一。入面幾款唔同刺身，包括三文魚、海膽、帶子、蟹肉同一個多肉的蟹鉗，全部刺身都幾新鮮，而且份量不少，第一次見現實份量比menu圖中的還要多😋-三文魚脂肪均勻，幾鮮甜。呢個價錢食到幾啖海膽真係值回票價，海膽都係偏鮮甜。仲有份量幾多的大大粒魚籽👍🏻每粒咬落爆開都有鹹甜交織嘅魚卵汁。而且仲有送麵豉湯，成個餐性價比高！…Read More