小鹿食先's Profile

第一次唔洗比錢都食得飽食飽嘅菜色叫: 一肚氣💨基本上好食先會寫下食評既然有特別體驗梗係要送多個劣評比泰潮🫡個日起身已經好想食泰國野係openrice睇到泰潮評語麻麻主要都係針對店員態度私心真係好想好想好想食泰國野本住食到泰菜乜都得嘅心態泊好車就同屋企人直接行去攞位~星期日大概3點半到門口個場唔大一眼睇到好多侍應企係度而半開放式食店亦見到只有一半入座率我地4個人男侍應都表示要等一陣😯(依位係其他食評都出現過嘅肥肥地男侍應👨🏼‍🦲)等一張岩岩有食客用完餐嘅枱執好就可以入座依啲餐廳嘅安排我地又冇乜所謂👌🏼👌🏼反正執枱又唔會用上好多時間就係等入座其間(前後都係5-7分鐘)相信香港人都已經習慣左入餐廳前用安心出行每個步驟都好熟悉為左加快大家入座速度我地幾個都scan好晒針卡等侍應帶位講完咁多廢話終於要入戲玉🤡一位比較細粒短髮嘅女侍應嗌四位我同另一位屋企人即刻回應係度有2個屋企人去左toilet未返👩🏼‍🦲女侍應: 4位？我: 係呀👩🏼‍🦲: do左安心出行未我: do晒喇~然後女侍應完全冇回應望實我我又望住佢望住我唔出聲夠竟係懷疑我冇scan針卡扮有scan?定質疑我地點解速度可以咁快?(直到我寫依篇食評我都冇答案…永遠嘅謎😮‍💨)同場位屋企人鬼鬼馬馬同👩🏼‍🦲講:你又知得我未scan嘅~之後就係佢面前scan左針卡而👩🏼‍🦲係繼續望實我只好形容佢用令人不安嘅眼神由望住升級做睥住我👀之後就點我入去張枱好想即刻睇menu order但一直都冇比餐牌隨之而來嘅係位後生小小嘅男侍應問:想確定下係4位？我答完係就發現…👩🏼‍🦲視線從未離開過我手指指咁同肥肥地男侍應👨🏼‍🦲講野相信都係講緊我😪當我完全唔知發生咩事比人睥開始都冇左”好想食泰菜”嘅心情既然👩🏼‍🦲一直睥住我我好小學雞不甘示弱望實佢👩🏼‍🦲講完之後一邊睥我一邊行左幾步然後大！大！力！拍左枱4下！再繼續睥我真係令我無明火起🤯唯一可以做就係起身離開餐廳我走個陣就同企係門口肥肥地男侍應👨🏼‍🦲講左聲: 唔好意思 我地唔食首先我都唔明我有咁嘅體驗仲要講唔好意思其次我講緊到講完句說話肥肥地男侍應👨🏼‍🦲都冇望過我完全唔諗住回應我有時食評寫店員態度好壞可以好主觀兼運氣但依間聲稱係”米之蓮餐廳”嘅泰潮完全活演各個話店員態度差嘅評語💢中間兩張4人枱一直都冇人坐兩邊角甩頭其實都有2-4人嘅空枱可能想視覺效果好啲就安排我地坐近鏡頭左下張枱大家見到有條拉帶嘅位置係商場戲院入口位好多人出出入人不過基於我冇真正坐係度感受個人流就唔評論座位好與壞…Read More

尖東不乏唔同國家嘅西式餐廳最適合放工過黎chill下~行到hotel icon附近見到iberians好有氣氛得黎又比較寧靜適合同朋友坐低傾計同時枱與枱之間唔會好近食客們都有足夠嘅私人空間第一次幫襯都搵店員做介紹推薦因為選擇實在太多🤩水牛芝士沙律 $88先黎個前菜沙律🥗所有蔬菜好新鮮水牛芝士味道比一般芝士味淡清新最適合同蕃茄橄欖油一齊食加泰隆尼亞番茄麵包 $68店員推薦嘅一個餐前地道小食上枱見到幾條乾真真麵包以為比店員老點同朋友先試下齋食個包係幾脆同埋有小小咸咸地再配埋個有蕃茄同蒜粒嘅sauce口感即刻又唔同左蒜香橄欖油大蝦 $58最深刻嘅一個小食自己勁中意食蒜😆大蝦用左好多蒜去烹調食落非常香口同時亦有一陣陣橄欖油好香嘅味道一邊食一邊滲入口腔😌Sangria red $89果味好香易入口同時酒精唔會太勁好配合西班牙菜嘅味道🍸蟹肉蟹膏寬條麵 $268成個寬條麵都比滿滿嘅蟹肉同蟹膏包圍住中間亦有一隻流心蛋🍳撈埋一齊真係啖啖口感豐富味道唔會偏咸或偏淡燉自家煙燻安格斯小牛扒 $188味道偏濃嘅主菜每舊小牛扒都好實肉但唔會靭醬汁非常入味👍🏼…Read More

大角咀除左埃華街有野食原來仲有隱世漢堡包店🤨連鎖式都食到厭當然要試下唔同嘅小店~漢堡選擇唔算好多但都夠cover唔同人嘅口味~除左漢堡仲有小食同甜品🍮第一次黎都係食返最基本嘅漢堡套餐簡樸裝修風格雖然座位係面對牆但完全唔會有壓迫感坐得幾舒服蜜糖芥末醬堡 $78(套餐)第一下已經比賣相吸引個包同一般漢堡包面唔一樣😯食開嘅偏軟身依個包內外都煎過小量調味同脆脆地~平時食漢堡包餐一定係跟薯條估唔到有生果option!食得太heavy有生果中和返口感~而牛肉係自己手打所以稍微有小小唔夠實淨但勝在加埋蜜糖芥末好少見嘅配搭加埋嘅味道有新鮮感同夾！芝士和牛堡 $68 (套餐)第一次幫襯一定要試下最basic嘅配搭成個漢堡包都好似個emoji咁🍔樣靚味道亦好標準👍🏼特別依個肉係和牛味道更加升華~~跟餐配上粗薯條🍟好食過連鎖快餐店嘅有口感好多！如果和牛堡價錢同普通牛肉堡唔係差好多計埋味道芝士和牛堡仲抵食！…Read More

一向開係大型超級市場嘅都係一啲連鎖式食店~Lunch time經過天魔以前完全冇聽過依個名但就有好多人幫襯於是走去八卦😂睇完menu就見到主要係食西式為主主菜同小食都有~佢地主打意粉、漢堡包同埋小食好似雞翼、brownie等等同朋友決定要試試佢！至尊漢堡🍔第一眼望落外表唔討好不過到品嚐就唔同嘅感覺😲塊漢堡好厚實中間呈現嫩粉紅煮得岩岩好配上芝士、蕃茄、生菜等等配料加埋口感豐富食落唔係乾真真~炸雞翼有別平時嘅炸雞翼佢地炸出黎似有層脆膜包住咬落似薯片嘅脆卜卜原本以為面頭嘅sauce係燒烤醬但食左甜甜地先知係甜醬😆估唔到同雞翼又夾喎千層麵望落細細地最岩下午茶過下口癮~每層麵都充滿大量肉醬同芝士側邊配埋薯蓉味道非常標準咁好食😍勁想再encore!!店員好nice又talkative~好肯同顧客溝通了解食客喜好👍🏼除左有提供一般茶餐廳飲品佢地咖啡都好出色☕️為左迎接冬天亦準備推出暖笠笠熱飲今次亦比我地試飲😝睇黎想引誘我地再去幫襯😆…Read More

同朋友話試依間餐廳應該講左幾年😂終於係大家都放假嘅時候的起心肝去食!為左唔撞放工嘅人潮5點尾6點就去到餐廳可以任坐~但都未諗好食咩就有好多人入座😱menu選擇好多入到黎一定要order韓式雞！餐牌開頭6-7page都係唔同款嘅韓國雞炸雞、烤雞、焗雞等等…到中間嘅部分係小食section最後就係各種係韓國餐廳唔陌生嘅菜式🍲淨係炒年糕都好多款揀可惜今次得兩個人唔可以叫太多野食☹️飲品就分左非酒精類同酒精類食炸雞少不了叫返杯啤酒但友人今日揸車就冇辦法飲返杯🥴Yuja Yogurt Smoothie $58自己本身好中意乳酪產品🥛冇得飲酒就試下依個smoothie飲落口有陣陣嘅柚子味乳酪雖然已經打左入碎冰但味道完全冇變得好淡😯值得再試埋其他味！蜂蜜牛油香蒜焗烤雞 $188每件雞都舖滿蜂蜜牛油肉質唔會乾真真👍🏼咬落口會有陣陣嘅蒜味介意有陣蒜香味係口腔嘅人就唔好食🤭平時食雞好少連皮食不過佢甜甜地又有啲脆卜卜😝照燒汁焗魷魚 $158無諗過小食會咁大份😶兩個人食真係有啲多每個魷魚圈都好厚肉魷魚味道偏濃味啲~而伴碟嘅沙律可以中和返☺️…Read More

之前有幫襯過鰂魚涌nuttea一直對堅果奶蓋念念不忘🥰公司附近原來都開左唔係開係大街有小小難搵朋友聽到我係咁讚好飲又話要試下堅果奶係點🤣堅果奶含有唔同嘅維他命同埋不飽和脂肪酸可以對抗壞膽固醇最岩為食又想健身嘅女士~除咗固定menu有40+選擇仲有節日限定嘅菠蘿飲品~~名符其實總有一款啱你口味😝有選擇困難症嘅朋友第一次黎即刻推薦飲最受歡迎嘅奶蓋茶！自己就試冬天冇得飲嘅選擇😝伯爵朱古力堅果奶蓋茶 $47幫襯過都知依杯係佢地最signature嘅奶蓋茶😍每日限量之餘亦係最多人揀嘅野飲朋友第一次試就大叫好飲🤩無諗過堅果打出黎嘅奶蓋都咁滑又挺身好濃濃嘅朱古力味佢話下次要求加多份奶蓋😂茶底就係伯爵茶一路飲都有陣淡淡嘅伯爵香走出黎連埋堅果奶蓋一齊飲唔會互相”搶風頭”👍🏼 芒芒堅果奶蓋茶 $43上次去鰂魚涌幫襯係冬天所以就冇得飲芒果飲品~今次見到即刻試試佢🤪普通版堅果奶蓋加小小芒果肉飲之前筆一啖食好似食雪糕咁🍨真係好滑~茶底好清新亦唔會好甜☺️飲完唔會有罪惡感🤣…Read More

金舌頭同事話依度嘅豬扒好好食但成日都排唔到隊星期六下午去到居然冇乜人排隊即刻走入去試試佢全港得3間舖有兩間都係港島區新界嘅朋友唔想過海可以去長沙灣店😃未去過但門口好易搵~店內裝修簡單舒服望真啲牆上嘅畫都係行懷舊風自己tick嘅點餐紙除左有主餐之外仲有不同嘅小食~我地兩個人order左兩份餐再share一個小食再加配左支裝豆漿🥛我地都叫左最出名嘅主角~炸豬扒真係好大塊好似order一個餸咁味道濃得黎唔會好咸炸皮同豬扒冇分離亦好脆！全塊豬扒啖啖肉飯同米線都差啲食唔落😆蔥油豬扒飯 $64依個係餐廳人氣推介👍🏼細個好渴望蔥油撈飯依碗人氣推介一定滿足到我😂溫馨提示~食豬扒可能已經飽左一半白飯亦係好多唔想浪費就叫少飯🍚秘製豬扒配胡椒豬骨湯米線 $64叫米線豬扒會另上唔會比湯浸住~而湯底稍微有啲淡🤭胡椒豬骨味唔夠出可能預客人連埋豬扒一齊食味道就岩岩好~~肉燥凍豆腐 $22平時食開皮蛋或者麻醬豆腐今次加肉燥亦好夾肉燥汁味道偏重😲連埋小量蔥花芝麻一齊食整體味道唔會咁濃烈平衡得好好~…Read More

成日話港島好多好野食又經濟實惠新界牛專登去天后探險🤭無乜黎過依頭關係路經見到有得食酸菜魚就幫襯左🤣唔好以為食川菜中式野就會好傳統門面裝修非常有現代感~每項主食都可以配白飯、薯粉或米線全部都係$50有交易唔夠食仲可以用$22加個小食~等取餐嘅時候都有唔少岩岩放工嘅食客黎加餸多數都係淨買豬手或者口水雞舖頭入面冇堂食位置如果想即刻熱辣辣咁享用就要上二樓好似food court咁樣搵位空間位置都好大但相對枱比較少👀想坐低食就要早啲搵位~我地兩個人每人叫左一份主餐同小食share酸菜魚片配白飯 $50唔知點解酸菜魚一定要跟白飯先好食😂真要投訴下點解每塊魚片都好大搞到太重好難夾起魚片好滑又無骨大朋友小朋友都安心食~除左魚之外入面最多就係酸菜味道超級濃~水煮牛肉配薯粉 $50一打開蓋就一陣麻辣香衝出黎未食已經口水都流晒🤤牛肉片多又唔韌薯粉配水煮牛肉湯底夾到不得了最中意食吸晒湯嘅薯粉!唔食辣嘅朋友唔洗太擔心湯底食落麻痺多過辣😝成都口水雞 (套餐價+$22)川菜點少得口水雞雞肉好嫩滑加埋獨有嘅醬汁除左好味都冇其他形容🤩難怪咁多客齋買一盒當晚餐亞婆糖心皮蛋 (套餐價+$22)好想讚下每片豆腐都好工整😆👍🏼雖然係小店presentation都唔馬虎平時好少食冷盤小食睇落普通嘅肉鬆豆腐加埋皮蛋都唔錯下午茶齋買一盒唔過份~…Read More

每次去太安樓都話要試李家上星期放大假終於有時間試試~入到去舖頭好細等外賣嘅人都企左三份一間舖依個時候店主叫我地上樓上坐原來一樓先係堂食area充滿住霓虹燈裝飾再加埋強勁節拍嘅kpop好有韓國feel!除左regular menu仲有午餐精選~價錢都好reasonable不過最深刻居然有蟲蟲食🤭落單後先上開胃小食每枱都會有沙律同酸蘿蔔午餐精選只需加$7就有飲品我地叫左蘋果同西柚梳打水冷麵 $78夏日熱辣辣一定要食返碗水冷麵食兩啖即刻降溫🌬蕎麥麵份量好大又彈牙兩個人一齊食先岩岩好食晒~泡菜 $18朋友係泡菜迷😆食完伴碟嘅泡菜唔夠喉額外再encore大大碟泡菜蜂蜜蒜蓉炸雞(半隻) $128今日嘅主角好出色~好彩只係order左半隻無骨雞每件雞件冇呃人全部都係肉好大件炸皮又薄又脆~蜂蜜同蒜蓉嘅balance做得好好唔會過甜或者食完成口蒜味😋炸魷魚鬚拼辣年糕 $158今次就真係比餐廳呃左…又話係小食上到枱完全覺得會食唔晒😂首先會有一鍋辣年糕個鍋好似冇底咁食極都仲有年糕同魚糕🤣依個偏辣小小~不過自己就係中意又辣又甜個個感覺食韓國菜唔可以缺少嘅辣年糕！炸魷魚鬚真係嚇親我地3大隻原隻炸🦑第一次見依種presentation絕對係一大打卡位📷略嫌調味比較淡可以咸返小小~又或者可以點辣年糕個醬都好夾！…Read More

日日返工冇假放同朋友慶祝生日嘅機會都冇時間😶專登搵間評價唔錯嘅西餐補祝~餐廳採用半開放式設計樓底高坐得舒服無乜壓迫感~餐廳由前菜、主菜、甜品到飲品都有好多選擇揀左好耐都諗唔到食咩決定問下侍應意見佢地真係好有耐性態度好好問左幾條關於我地口味嘅問題就成功make到order🤣我地order左沙律、意粉同一份牛扒落單後先上一小份麵包小食前菜先黎一個沙律🥗藜麥牛油果沙律 $78裡面主要有牛油果、蕃茄、火箭菜同青瓜再混入藜麥同honey balsamic vinaigrette~材料除左新鮮好似我依啲唔好沙律嘅人dressing有小小甜甜地更易入口😃唔會淨係得醋酸味墨魚汁鮮帶子海蝦扁意粉 $188扁意粉除左滿佈黑色嘅墨魚汁仲有好強嘅蒜香味真正嘅色香味俱全🤩帶子同埋海蝦大大隻煎得好香調味亦唔錯🦐👍🏼碳燒穀飼澳洲肉眼牛扒伴薯菜8oz $248今次order左medium rare向來3成熟煎起上黎都有啲難道上碟切開覺得稍微熟過3成🤔肉眼都好有肉汁係入面~味道岩岩好唔會過份seasoned 想食濃味小小可以加埋個gravy汁side order揀左焗薯加埋好夾嘅sour cream口感一流~原本諗住order佢地嘅cake補祝但食完正餐已經滿足左個胃9成決定飲杯野round up今餐~Iced peach tea $38茶味偏重兼桃味濃郁Chocolate Affocato $48有鋪咖啡癮嘅朋友完全唔怕飲完訓唔到上枱嘅presentation好有心思朋友除左中意個味道雪糕凍加熱咖啡感覺都好特別同時亦係味蕾甜苦大戰！…Read More

又黎到星期五嘅晚上~放工又係同朋友食返餐好嘅時候☺️由士丹利街街頭行到盡頭終於行到餐廳門口餐廳位於內街小巷裏面🏘平日未必會經過見到設計係好簡單泰國平民飯堂樣唔知係咪樓底偏矮顯得餐廳好細但其實可以容納差不多30人枱與枱之間都唔會好迫好近到睇menu嘅時候選擇困難症又發作😆3個人決定乜都order一餐！泰式奶茶 $22又一間飲到正宗泰茶嘅餐廳相比港式奶茶奶味同甜味都勁啲依樣亦都係我中意飲泰茶嘅原因😍紅豆冰 $28最怕冰融溝淡成杯野飲好彩成杯紅豆冰味道好濃~唔會飲到冰水味🍹泰式肉碎生菜包 $58肉碎…超！野！味！同時亦超辣😂只能食到10小嘅我一邊講好味 一邊辣到嗌救命~生菜新鮮冇爛葉做開胃菜一流!海南雞飯配油飯 $62無骨嘅海南雞每舊肉都幾嫩滑皮同肉中間唔會夾住啲油啫喱食落口唔會油淋淋🤭配上有飯香嘅油飯一流~泰式黃咖哩(豬肉) $55豬肉片又多又大稍微有啲鞋咖哩汁小小小小辣易入口🤣配菜亦都唔好忽視特別係索晒咖哩汁嘅薯仔粒另外order左泰式黃金烙餅 $30就好似印度薄餅咁撈埋啲汁一齊食(舔舔脷~😋泰式炸蝦餅 $60每舊都大大件蝦肉炸完仲好彈牙~中間唔會有空氣啖啖都係肉相當出色💯冬陰功海鮮湯 $88充滿泰國風味嘅冬陰功稍微有小小辣裏面有豐富嘅海鮮配料~多到好似一個餸而一餐泰菜冇冬陰功湯總係好似差咁啲!食完即刻想走返轉曼谷😩…Read More

返左成日工當然要食番餐好~元朗住嘅朋友又話要帶我食好野平日夜晚餐廳都六七成滿半開放式設計環境舒服開揚~背景大投射幕播歌 氣氛好好😆同朋友傾住計好chill好舒服每次食泰國野都有選擇困難泰式小食、炒粉麵、海鮮乜都有得兩個胃樣樣都想order🤣佢地上菜速度好快 食物portion又大馬拉盞炒通菜 $78炒得好香好惹味 絕對有落足馬拉盞👍🏼仲有小小辣係泰國食大排檔感覺返晒黎！沙嗲串燒6串 (豬、牛、雞) $108串燒肉好大舊啖啖肉😋肥瘦適中均勻 唔似出面果啲好乾身又瘦😅餐廳pre set左豬牛雞各兩串食客亦可以自由配搭肉嘅選擇冬蔭公湯(細) $108我地2個人嗌左細份食埋其他野都勉強飲得晒😝入面有蝦同菇唔算好辣都好夠味~佢地用黑色pot上冬陰公湯有別一般泰菜店爐加火咁上依啲唔起眼位餐廳都有花心思👍🏼泰式炒金邊粉 $128個賣相好靚炒蛋鋪面有幾隻蝦係上面做裝飾好得意入面金邊粉夠濕潤好夠鑊氣！最初未切開錯覺以為好細份點知差啲食唔晒🤭店員推薦嘅椰青 $45100分~椰子水好夠甜入面仲啖啖肉🤩正！…Read More

疫情下生活節奏都打亂晒減少左約朋友出街😣今晚難得約到朋友一齊食飯就揀左間比較cozy嘅餐廳☺️餐廳位於大廈2樓上到門口見到裝飾設計都好有格調✨外藉店員好親切問我地有冇訂位原來平日都好多booking入到去見到都有7成入座率下次黎一定記得要book枱！坐低好快有店員比menu我地~咁岩撞正happy hour未叫野食先叫野飲😆drink menu各式各樣嘅酒都有🍷🍹🍸🍺亦有提供非酒精飲品~Restaurant & bar又點少得shisha!可惜第二日要返工唯有等下次🥴最後揀左Pina colada同Somersby放工輕鬆飲返杯🍻Hawaiian 10” $120芝士份量超多！岩岩上枱熱辣辣仲可以拉絲🧀Topping放得好平均唯一挑剔位係餅底有啲厚Lemon Pepper Calamari $120一上枱就比個份量嚇親炸粉同魷魚唔會分離薄薄嘅炸粉帶點檸檬味🍋新鮮炸起特別彈牙~Butter Chicken $130+ Cheese Naan $40係香港好少見有butter chicken依度甜得黎唔會好漏~雞肉好入味😋叫印度咖哩一定要配埋naan!naan嘅選擇多Orignal、butter、garlic等等Cheese naan芝士味唔會過重就咁食有淡淡嘅芝士味~點埋咖哩一樣咁夾🤩…Read More

講起去深水埗開餐一係就食牛肉麵又或者近年新開嘅cafe無諗過想食西餐都有唔錯嘅選擇🤩估唔到依度會有裝修咁型格嘅餐廳~疫情底下枱與枱之間唔會好close加上店內設計簡單坐得好舒服😌餐廳提供lunch set同steak set最大分別就係steak set嘅飲品同薯條都可以無限order!!而lunch set選擇多😯沙律、飯、意粉甚至漢堡包都有~低溫慢煮咖哩安格斯牛筋腩飯 $70未送到上枱已經聞到好香濃嘅咖哩味牛筋腩份量又多又大件食落唔知點解似豬肉🤣咖哩微微辣我唔食得辣都接受到！美國西冷牛扒200g $160牛扒揀左三成熟切開西冷顏色粉嫩岩岩好原汁原味食入口會有陣爐火烤嘅味道🔥另外仲有個黑椒蘑菇汁同西冷都好夾！Steak set嘅薯條可以任食~每兜份量都好多唔覺唔覺會食多左🤭食落好有薯仔味唔似連鎖快餐店口感似麵粉上碟熱辣辣好新鮮~…Read More

厚福街係尖沙咀出晒名嘅食街各式各樣餐廳都搵到~行完一圈都係返番去街頭嘅臺坊除左價錢吸引😏最緊要係有我最中意嘅珍珠奶茶🤣臺坊細細間舖大概只可以容納十二個顧客平日嘅下晝堂食客人一個接一個而外賣單亦不斷有蒜汁雞絲冷麵$54不論雞絲定麵嘅份量都超多！每件雞肉都超大件細食嘅女仔一定要帶多個男朋友肚分享😆而蒜汁遍佈麵同餸絕對唔會乾真真~自己好中意食蒜對於個汁嘅味道超滿意😼炸茄子肉燥飯$54啖啖肉燥撈飯一流！超有台灣嘅味道🤩炸茄子嘅炸粉好薄就算啲茄子炸過都唔會好老煮過龍中意食茄子嘅朋友唔可以錯過~黑糖仙草凍(左) 珍珠奶茶(右)跟餐叫飲品只需要加$6/$10先講左邊嘅仙草凍雖然個底係花奶但完全唔會蓋過黑糖嘅味道😯最classic嘅珍珠奶茶茶味重同唔會好甜珍珠軟硬度適中~又係非常出色👍🏼整體黎講估唔到係尖沙咀最平$48+$6就食到地道台灣餐連飲品🤤下次一定要再幫襯試埋佢地嘅小食！…Read More