ahhaah's Profile

以前同朋友食過一次覺得味道唔錯今日行過諗住再食一次點知食到一肚氣一入去嘅時候啲店員係望住你入去但零反應最後係要廚房出聲佢地先話比我哋知坐邊到叫野食嘅時候本身都正正常常 點知落單4杯飲品入面3杯都落錯單明明叫刀削麵就上菜飯仲要態度好差咁話自己無錯原來係因為鋪面啲人全部都係大陸人除咗門口果位之外個個都唔識講廣東話隔離枱話要牛展 佢就落牛肉😮‍💨可唔可以學一學廣東話先出嚟做樓面呀？另外都明鋪頭細 但佢哋啲人係會出聲叫客「不要亂動」完全係一次極唔pleasant嘅晚餐經驗一定唔會再嚟…Read More

去過旺角果間urban覺得好好 所以見觀塘都有就嚟試點知呢間令我好失望佢係好多貓 但同時都好多小朋友小朋友用逗貓棒打貓追貓甚至一腳踩落貓貓條尾 啲員工見到都唔阻止…野食方面叫咗個$108嘅墨魚汁海鮮意大利飯一嚟到見到得一隻蝦同一隻青口真係打個突成個飯最多仲有一兩條幼身到我都唔肯定係咪魷魚嘅嘢無乜墨魚汁味 偏甜 仲要調味唔太平均 成粒黑胡椒係到…啲水仲要係有層油之類嘅物體浮面呢個價錢比呢個質素嘅野食 只可以講好無誠意唔明點解仲可以咁多正評一定無下次 …Read More

因為疫情嘅關係而家浦和做埋外賣自取雖然款式唔算好多但係有牛有豬有魚又有刺身揀仲要有五折優惠 其實真係幾唔錯第一次試左三文魚親子定食係好食嘅！啲魚子好新鮮又大大粒第二次試咗鹽燒鯖魚定食就正正常常不過重點係佢跟餐個湯真係好！鹹！個湯都有啲海帶呀 魚肉絲呀咁嘅但鹹到我除咗覺得鹹之外都無乜其他評論😂😂希望佢個湯可以唔好再咁鹹 咁就perfect啦…Read More

晚餐時份係佐敦搵野食見到呢間menu好似唔錯於是入左去同朋友兩個人叫左個細嘅「土豆豬骨煲」加兩個飯佢一黎就上小菜 有泡菜 芽菜 薯仔絲等等 份量仲要唔少 味道又好食 即刻好期待個煲點知之後就出事了等佢個煲足足等左45分鐘…一開頭等左4個字 見隔離枱野食都黎齊 於是追左一次個煲 個staff答我地未有未有 好啦咁繼續等但最後已經等左40分鐘都未有 開始覺得唔對路 就問佢係咪煮緊 已經等左8個字 心諗如果未煮不如我地轉其它野食點知個staff係到笑笑口同另一個staff講「40 minutes wo cooking cooking lah」已經肚餓又等到開始唔耐煩嘅我聽到呢個語氣真係不滿左 好啦最後過幾分鐘個煲終於到豬骨份量唔少 好似有5-6舊每舊都有肉食嘅 但味道就真係一般 豬骨完全無湯嘅味最shock嘅係成個煲嘅「土豆」竟然係得兩舊！仲要係兩舊都好細舊！真係呆左埋單個煲係$258 仲有收服務費唔可以話好貴 但好抵食又稱唔上 不過計埋服務同等嘅時間的話就真係不了…Read More