buddy123's Profile

今晚同朋友仔嚟到呢間位於元朗仁樂坊的“鮨文”食廚師發辦，餐廳位於市中心，地點十分方便。黑松露茶碗蒸滑滑的蒸蛋配上香口的黑松露、鮮菌和瑤柱，材料十足。配上木魚高湯，味道更上一層樓。面層鋪上一點金箔更顯高貴。白子口感幼滑，配上香蔥、辣椒蘿蔔和酸汁，味道一流。油甘魚 油甘魚口感十分好，面層配上一點柚子將鮮味提升。BB吞拿魚 鮮甜新鮮，包香脆紫菜食超正！鱆紅魚 用炭火燒過更香口，配上胡椒和抽子，魚香加點胡椒辣同柚子清新，味道唔錯。剝皮魚 魚肉的面層撒滿蔥粒和紫蘇花，十分香口。魚肉的裏邊還有混有魚肝醬，入口更加鮮甜。北海道毛蟹 毛蟹肉混入鮮蟹膏，味鮮甜又有蟹膏香味，好有口感。鮟鱇魚肝 魚肝入口幼滑，配上酸蘿蔔，更能加強魚肝的香味。喜之次 口感香滑，入口即溶，雖然食落口好多魚油，但是一點都唔油膩。北寄貝 經過火炙的北寄貝，十分香口，味道鮮甜。塩燒拖羅 甘香豐腴，豐富的魚油配上wasabi味道唔錯。太刀魚 魚香味滿瀉，口感香滑。海膽杯 滿滿的馬糞海膽杯，分量十足，有點食不完的感覺。馬糞海膽入口細膩又帶點甘甜味道。魚湯 魚湯味道濃郁，入口鮮甜，相信一定是熬了很多小時。福岡蜜瓜蜜瓜鮮甜，噴上香純的威士忌更加帶出蜜瓜的鮮味，都幾特別。…Read More

兩口子在屯門 V city行完街又到咗食飯時間，經過《但馬屋》看佢有“日本産黒毛和牛及北海道夢之大地豚放題套餐”(成人$309/位)，用日本黑毛和牛打邊爐相當吸引，決定一試。一人一鍋獨立湯底，既衛生又絕對照顧到每位食客嘅口味，絕對值得一讚！我揀嘅藥膳麻辣鍋，香、麻、鮮、辣，入面仲加有六款藥材，驅寒又好味。另一半嘅美肌窩，充滿雞湯鮮味，又有滿滿骨膠原，另一半大愛。揀好湯底，侍應隨即送上日本黑毛和牛片，色澤鮮紅，雪花分佈相當均勻，口感嫩滑，有牛味得嚟唔會羶，相當優質！北海道夢之大地豚，夠曬新鮮，鮮味得嚟帶有豚肉嘅甜味，亦都十分好食。自助區有數十款唔同嘅配料，丸類、豆製品、蔬菜、菇類，夠曬多選擇。蔬菜類仲有貴價嘅羽衣金蘭同冰菜，新鮮優質。除咗一般罐裝飲品，仲有三款滋潤果汁，怕打邊爐熱氣飲返杯就最適合。最後當然要食埋香滑嘅Haagen Dazs雪糕，見到我最鍾意嘅比利時朱古力口味，食返三五球是常識吧！…Read More

朋友介紹荃灣兆和街嘅Vision 8 食物唔錯，今日同另一半經過附近就順道試下。法國生蠔 ($55/隻，買二送一)：Krystale 水晶 - 有蠔味得嚟爽甜好食；Lambert 林寶 - 蠔味濃得嚟帶有海水味及礦物味，亦是十分爽甜，兩款蠔都新鮮好食。香煎蟹餅伴沙律配油醋汁 ($148) - 蟹餅表面煎得香脆鬆化，裏面係一絲絲蟹肉絲，真材實料，鮮甜味美！西班牙風乾火腿薄餅 ($138) - 餐廳自家製嘅餅底薄身中帶點酥脆，上面舖滿西班牙風乾火腿，火腿鹹香又不失鮮味，配上香味獨特嘅芝蔴菜，烤鮮紐西蘭羊仔T骨扒 ($198) - 羊扒表面烤得微微香脆，咬落肉質爽嫩，羊味香而不羶，配上滋味芝士焗薯，出色之作！呢餐每樣食物都相當有水準，朋友果然無介紹錯！…Read More

今晚同朋友仔嚟到呢間位於北角丹拿道嘅《本色鍋品料理》打邊爐鋪頭的門面裝修好有台式火鍋店風味一坐低先嚟知支可樂潤下喉先可樂 $18餐廳提供唔同嘅火鍋湯底，各有特色。我們點了 一品酸菜魚鍋 $288湯底一上枱已經非常吸睛，原條桂花魚可以話份量十足，非常抵食。湯底材料豐富，包括有紅椒粒、芫荽、芹菜、鹹酸菜、大豆芽等等……。未打邊爐之前當然要先嚟一碗靚湯底品嚐一下，入口鮮味，味道濃郁，好香鹹酸菜味，非常醒胃。魚肉夠新鮮，口感鮮甜又嫩滑。美國牛頸脊 $208牛頸脊好有咬口，牛味濃郁，脂肪分配平均，食落一啲都唔韌。花鵰雞子 $78雞子賣相豐富，大大粒，面頭鋪上新鮮杞子，浸滿花雕酒，非常補身。雞子口感幼嫩，又好香花鵰酒味，唔錯。萵筍 $28 萵筍夠新鮮又幼嫩，大約淥一分鐘就食得。…Read More

餐廳位於元朗攸南街9號，裝修走中國風格，既典雅又古色古香。一親香澤·芫茜山湯鍋 ($148) - 翠綠的芫茜外飄出一圈白煙，賣相漂亮，除咗大量芫茜，湯底內有紅蘿蔔、豆腐、鮮淮山等材料，味道鮮甜又充滿芫茜香味。酒香陳年花雕浸牛展 ($118) - 牛展新鮮色澤鮮紅，上枱時淋上陳年花雕淋，碗內乾冰噴出白煙，極為吸睛。牛展牛味濃郁，略帶咬口又有淡淡酒香，相當不俗。陳年花雕雞子 ($78) - 雞子大大粒，十分新鮮，加了花雕後帶有酒香，味道及口感俱佳。羊肉片($58) - 有羊味又唔會過羶。炸芋頭 ($38) - 芋頭夠香夠粉，而且外面炸得香身，芋頭控必試。即炸響鈴 ($58) - 熱辣辣十分酥脆，即食或打邊爐都好食。大滾友雜菜拼盤 ($68) - 有豆苗、粟米、油麥菜、生菜、娃娃菜、藕片、番茄、萵荀……等等，選擇豐富、新鮮優質。餐廳食物新鮮味美，環境舒適，絕對是打邊爐的好選擇！…Read More

餐廳位於元朗又新街，裝修一邊係酒吧及廚房，另一邊係一整列座位，佈置既有風格又有時尚，用餐感覺自在舒服。橙漬鮮吞拿魚鮮果藜麥沙律 ($138) - 相當大份，絕對夠2-3人食用。橙漬吞拿魚表面有稍加火炙，鮮嫩中帶有火炙香味，加上大量三色藜麥、香橙、哈蜜瓜、青蘋果、沙律菜……等，清新健康味美。西班牙黑毛豬火腿番茄比薩 ($138) - 薄身嘅比薩餅底圍邊烤得香脆，比薩表面鋪滿番茄及巴馬臣芝士、莫薩里拉芝士，加上帶點鹹香得嚟仍保持到肉汁嘅西班牙火腿及爽口白菌，味道豐富融和好食！炭烤龍蝦海鮮汁意大利飯 ($228) - 一上枱已經香氣撲鼻，龍蝦鮮甜爽口彈牙，刻意保留點咬口嘅意大利飯索滿龍蝦鮮味，絕對係鮮味飽肚之選！友里香蕉船 ($68) - 以新鮮香蕉加上朱古力、士多啤梨及開心果雪糕，再加上幾款新鮮生果，賣相及味道俱佳。Red Sangria ($70/HH) - 有酒味得嚟甜甜地，易入口又好飲。Bloody Berries ($54/HH) - 酸酸甜甜有氣解渴。呢餐嘅食材、擺盤、味道都相當有水準，價錢亦十分實惠，我哋會再返嚟幫襯。…Read More

約朋友食飯，朋友話想試《稻八》嘅冬陰功毛蟹湯底火鍋，所以就嚟咗大埔直街這間分店。120分鐘日式火鍋炸物放題一共有六款選擇，我哋揀咗每位$208嘅“米國特上牛肉”。冬陰功毛蟹湯底 - 冬陰功湯底夠曬香，酸度適中，湯底入面加有紅辣椒，辣味會越食越明顯，仲有原隻毛蟹，相當吸引！“米國特上牛肉”有五款任食肉類：美國特穀飼牛 - 有牛味得嚟又唔會過羶手切牛 - 牛味濃郁帶有牛肉鮮甜味美國豚肉/羊肉片/雞件 - 幾款都十分新鮮有光澤，優質好食火鍋自助區配料有相當多選擇，香腸、午餐肉、丸類、蔬菜、菇類、豆製品、粉麵……各適其適，而且樣樣新鮮優質。炸物以自助形式提供，食材亦都有好多選擇。放題當然唔少得任飲嘅飲品同雪糕啦。每位加$30可以任飲啤酒、清酒同梅酒，就更加適合我同朋友。埋單後，餐廳仲送每人一杯Movenpick / Dreyer's / Haagen-Dazs雪糕，呢餐真係食得相當滿足！…Read More

每個月都要食餐好嘅嚟獎勵一下自己，今晚揀咗銅鑼灣百樂廣場內的Chez Bistro。這裡裝修簡潔而別具格調，締造出一個舒適怡人的用膳環境，我有感覺今晚可以在此好好享受一頓晚膳。4 -course Dinner Set$390。頭盤我挑的是沙律，當中有黑無花果、燒虎蝦、BB菠菜、藜麥配果醋汁，食材非常新鮮，口感清新又健康。橙黃色的茴香番茄魚湯，口感香甜綿密，意想不到的好味道。自家製的小法包，外脆，內裡煙韌有咬勁，不俗。主菜是炭燒澳洲和牛肉眼扒M7配牛肉濃汁（加$80），我要五成熟，先切開一看，大廚掌控火候技術不錯，没有過生或過熟的情況出現。讚！肉質軟熟，入口不韌，再加上濃郁的肉汁，滋味豐富，出色。甜品就挑了紅桑莓拿破崙蛋糕，酥餅極為酥脆，甜甜酸酸的紅桑莓，鮮味可口，甜而不腻。最後來一杯簡簡單單的熱檸水，感覺圓滿。在燭光掩映下，享受一頓優質晚餐，誠然人生又一樂事。…Read More

今晚同朋友仔嚟到呢間位於尖沙咀海運大廈三樓嘅《度小月》食晚飯。門口裝修十分優雅，好有台式風味。適逢餐廳2週年有大抽獎，堂食滿$380即有一次抽獎機會，我們今晚幾位朋友仔，又點止幫襯$380，所以我們今晚一定有得抽獎，一於就碰碰運氣。香檳巨峰乳酸配椰果 $38味道不太甜，又酸酸地，幾好飲，再加上清爽的椰果，口感一流。鳳梨乳酸配椰果 $38味道清新，入口清甜。香根皮蛋 $48皮蛋好新鮮，沾滿自家制的醬汁，配搭一流。古早味滷豆腐 $20好香滷水味，豆腐又夠滑。鳳梨蝦球 $118皮脆，蝦球十分新鮮，沾了少少的醬汁脆得嚟又易入口，唔會太熱氣。鳳梨值得一讚，十分新鮮，肉質清甜。三杯雞煲 $98一上枱已經聞到香噴噴又熱辣辣嘅味道，配料又相當豐富，包括有青椒、紅椒、九層塔、洋蔥等等。未食之前先用匙羹攪勻一下，等醬汁和配料粘滿雞件，雞肉味道濃郁，食落十分香口，非常惹味。肉燥時菜 $78重口味的肉燥配上新鮮嘅蔬菜，味道一流。今晚食到飽飽地，再食埋呢一碗《擔仔米粉》就差唔多。擔仔米粉 $28米粉好幼細，口感唔錯。米粉底部鋪滿新鮮嘅芽菜，所以湯底有好香嘅芽菜味，再加上香口的燥肉，味道更佳。…Read More

在尖沙咀行完街又到食飯時候，今次揀了這間位於iSQUARE 3/F的《金牌小龍》。萵筍絲 ($34) - 加有少許酸醋作調味，味道酸酸地，口感十分爽脆。蒜泥白肉 ($52) - 採用肥瘦相間的五花腩，白肉切得薄身均勻，有豬肉的鮮味，配上微辣蒜泥汁，令人忍不住食完一片接一片！金牌小籠包 ($42) - 薄薄的小籠包皮包住鮮美的豬肉餡及滿滿的肉湯，鮮味滿瀉。韭黃鍋貼 ($42) - 鍋貼皮薄身煙韌底部煎得香脆，韭黃豬肉餡又鮮又惹味，配點醋來食，既好食又不油膩。台灣紅燒牛肉麵 ($58) - 牛腱炆得軟腍入味，肉湯牛味濃郁，粗身麵條滑溜彈牙，水準之作。排骨湯麵 ($52) - 排骨炸得表面酥脆，裡面仍保持到肉汁及肉鮮味，麵條比牛肉麵的幼身，口感同樣滑溜彈牙。酥炸黃花魚 ($62) - 黃花魚外面炸得酥脆，魚肉鮮嫩香滑，配上酸酸甜甜嘅沙律醬，滋味倍增。凍豆漿 ($15) - 豆味濃郁，味道香甜，口感順滑。…Read More

朋友食完牛陣嘅“澳洲產上級穀飼牛”火鍋話相當唔錯，呢日同喺形點II 行完街，順道嚟 2/F呢間《牛陣》試下。揀咗個同穀飼牛相當夾嘅冬蔭公湯底。侍應先送上一個泰國蔬菜盤，入面包括大蝦、魷魚、泰國矮瓜、青檸、泰式子彈椒及幾款蔬菜。先用牛脂肪將大蝦及魷魚煎香，加入子彈椒同加有多種香料嘅冬陰功湯底。湯底鮮甜酸辣，味道香濃惹味，配牛肉仲有提鮮效果。侍應再送上多種任食肉類及海鮮盤：澳洲產上級穀飼牛 - 色澤鮮紅、油花分佈平均、口感爽滑、牛味濃郁，當然要encore多幾盤啦！豬肉片 - 優質爽口肉味濃。牛舌 - 薄薄的牛舌片，牛味相當香濃，爽口得嚟帶點咬口。海鮮方面，任食嘅蠔、魷魚及帶子都相當優質。自助區包括腸類、丸類蔬菜、瓜類、豆製品、雞肉、魚肉、粉麵……選擇豐富。即製嘅蝦片及薯格，香脆可口。多款罐裝飲品任飲，其中包括象啤及罐裝Asahi。🍺🍺🍺最後食埋我最鍾意嘅Haagen-Dazs雪糕，呢餐真係好食又滿足。埋單嗰陣餐廳除咗送上小小嘅抹電話貼紙外，仲有得抽獎。頭獎係雙人來回曼谷商務艙機票連五星級酒店四日三夜，真係隨時有機會免費飛泰國再食過。…Read More

元朗一向好多食肆，今日就揀咗呢間位鳳琴街嘅《升哥點心》試下。蟲草花棉花雞 ($28) - 鷄肉嫩滑有雞味，魚肚厚身軟滑，索咗雞肉嘅鮮味後更加好味。薑蔥牛柏葉 ($24) - 份量都幾足，而且牛柏葉煮得入味、爽口彈牙又唔會韌，相當不俗！升哥蝦餃皇 ($30) - 蝦餃包得脹卜卜，薄薄嘅餃皮呈半透明，口感煙韌中帶點黏口。入面嘅餡料以大粒鮮蝦肉為主，爽口彈牙，味道鮮美。原隻鮮蝦腸粉 ($28) - 腸粉軟身滑溜，入面包住大大隻爽口鮮甜嘅鮮蝦，配上帶鮮味嘅豉油，甚為滋味！籠仔鳳爪排骨飯 ($39) - 大大籠足夠3二、三人享用，半肥瘦排骨及厚肉鳳爪都相當入味，飽肚又好味。家鄉鹹水角 ($19) - 熱辣辣上枱，鹹水角表面炸得香脆，咬落煙煙韌韌，外脆內軟，相當滋味。原籠蔗糖馬拉糕 ($24) - 香滑軟熟，口感綿密，香甜得嚟有蛋香味。…Read More

餐廳位於旺角歐美廣場UG層，中式格局，地方闊落。涼拌海帶絲 ($38) - 可揀辣或不辣，少辣的海帶絲帶有好香嘅麻香味，口感爽滑爽脆，相當惹味開胃。麻辣魚腩煲 ($72) - 魚腩表面有預先炸過及稍為醃鹹，而仍然保持到魚肉的肉質及魚香味，配上麻辣汁，相當香口好送飯。涼瓜炒蛋 ($55) - 以煎的方法處理，雞蛋煎得相當香口又沒有太乾身或太老，入面的涼瓜煎得僅僅熟，保持到爽口回甘而無草青味，水準之作！砂鍋雲吞雞 ($148/半隻) - 大大鍋都夠幾個人享用。雞湯味道相當鮮甜，雞肉仍然嫩滑。薄薄的雲吞入面包有豬肉餡，味道鮮美。糖不甩 ($22) - 熱辣辣上枱，糖不甩面撒滿花生碎、椰絲及沙糖，食落既解辣又香甜煙韌。…Read More

今晚同朋友仔去尖沙咀《滿樂中菜》食晚飯，餐廳位於柯士甸道的新地標《戲曲中心》一樓，人流唔太多，晚飯傾偈好地方。菜館裝修優雅，樓底夠高，座位舒適。餐前小食 味菜雲耳，食落爽口，十分健康。腰果花生炸魚子，脆卜卜，好好吃。手拍青瓜 $48青瓜相當爽脆，配上個酸酸地嘅醬汁及新鮮石榴粒，十分醒胃。是日精選燉湯 $288/4位用燉湯打開蓋聞到香香的味道，夠晒火喉。服務員再把燉湯的材料放在碟上，滿滿的材料豐富十足。燉湯味道清甜，相當鮮味，入口粘粘的，滋味養顏。招牌片皮鴨 $680/隻知道呢間菜館的片皮鴨十分出色，所以今晚一定要點。師傅先把鴨皮一塊一塊片出來，刀功精湛，每塊的大小都差不多。先來一碟淨食，味道新鮮，十分香口，不點醬汁也好好味。跟住再來另一碟，用薄薄的面皮包住青瓜、酸菜、京蔥和醬汁一起食，又是另一番風味。金牌菠蘿咕嚕肉 $128咕嚕肉表面炸得香口鬆化，咬落鮮味有肉汁。配上酸酸甜甜嘅醬汁，好食又唔油膩。辣椒蒜香炒雜菜 $98炒得香口，辣辣哋，唔油膩。滿樂蔥蒜牛肉崧煨飯 $148煨飯內加有牛肉崧、蛋及青蔥，煨飯口感濕潤得嚟仍保持到飯身的口感及粒粒分明，啖啖都有牛肉嘅香味。…Read More

天時暑熱，同朋友喺尖沙咀行街經過寶勒巷呢間《沐白小農》，就順道入去買幾杯飲品消下暑。大甲芋頭鮮奶 ($30) - 香滑嘅牛奶中有濃郁嘅芋頭味，而且飲落仲有一粒粒嘅芋頭蓉，芋頭控絕對唔可以錯過！西施柚子茶 ($28) - 香甜有柚子味，仲加有一絲絲嘅柚子皮增加口感，解渴好飲。芝士芒芒沙冰 ($39) - 頂部嘅芝士奶蓋芝士味濃郁鹹鹹地相當幼滑。芒芒沙冰除咗的濃郁芒果味外，仲帶有清新嘅綠茶香味，入面仲有粒粒香滑芒果粒。幾種味道相當調和，味道豐富又好飲。…Read More