JessicaLeung0518's Profile

今餐真係掂過碌蔗！開波先嗌 荔枝柴燒鵝皮脆到"咔嚓"聲啖肉仲滲住陣陣荔枝木煙燻香，肥膏唔膩仲有酒香，蘸埋酸梅醬真係冇得頂！跟住個海皇冬瓜盅足料到爆，瑤柱、蟹肉、鮮蝦堆到滿晒，啖湯清甜到呢～成個冬瓜挖空嚟燉，飲到底仲刮到冬瓜肉，正到痺！ 金沙涼瓜，絕對係驚喜！咸蛋黃炒到起沙，啲涼瓜薄切過炸到脆口，完全冇苦澀味，送啤酒一流！沙巴蒸斑仔，火候啱啱好，魚肉嫩過BB皮膚，鋪滿同蔥絲，淋埋熟油豉油...嘩！鮮甜到識發光㗎！ 壓軸魚香茄子煲 熱辣辣"啫啫"聲上枱，茄子煮到腍身但唔爛，仲有啲免治肉碎同鹹魚吊味，撈飯食三碗都嫌少！ 總結：五個餸全部冇雷，燒鵝同斑仔必encore！埋單人均三百幾，抵食到笑住走～ 下次約大班friend再掃過！ …Read More

係Facebook 見到朋友d 相，睇落好似幾好食，即興同男朋友黎一試點知。。。。開啟左我地人生最難食一餐，係最難食！！首先，你地食過d 牛肉係梅，加上咬唔開嗎？我地叫左牛助肉，牛肋骨肉，牛舌，仲有幾款牛類，每一款都好似人地d 下欄肉咁。。。燒完 係咬唔開的，普普通通鹽味，估唔到係奇怪味加上唔新鮮既感覺到海鮮啦，明明餐牌寫虎蝦，上台係普通海蝦，仲要唔新鮮，個殼係淋既，d 肉係梅既。。。蠔用左極大量香草去蓋過腥味，每一口都係梅。。。最好食既可以講係燒菠蘿，最起碼係甜既！！唯一可取係服務人員態度好好，如果想食燒肉千萬不要再來！除非你想食垃圾！有圖有片有收據！真人真事18/7 晚上10點35分左右入座！…Read More