wongtathing的個人專頁

三層榚係呢間傳統糕點店來講比較新穎，香甜，清新，冇得輸！依家係位於西營盤嘅老店，好多人都慕名而來去買餅，當中有白糖糕，千層糕等等，仲有傳統嘅嫁女餅同我最鍾意食雞仔餅，我每經過都會買一樣試吓，希望有一日可以食得晒😂😂…查看更多

今日返工，天口好熱所以想食野味啲嘅午餐，結果行行吓嚟到呢間西營盤嘅大頭蝦東南亞料理，諗左一陣彈左去買香茅雞扒飯。本來冇乜寄望，因為都係一個午餐飯盒姐。但係一翻公司打開個飯盒就好好香嘅香茅味同埋好靚嘅外相吸引左我，食落真係好開胃好好食。呢個飯如果去其他泰國或者東南亞鋪頭食，最少$5，60買單，呢度包埋嘢飲只係$43，超值！唔知仲有九折添，大家記得快啲嚟食呀…查看更多

睇開我食評嘅人，就知道我最愛嗰間豬扒店係喺邊度。不過呢間嘅豬扒係我心目的排名都有第二，都幾難架啦講真係幾好食，不過比較細塊而且都比較貴。一碟飯好似幅相裏邊咁樣就要$50。不過如果你好追求豬扒嘅質素嘅話，就嚟啦！冇錯架啦！😘…查看更多

經過上環YMCA紅磚頭屋嘅文物同太平山街一系列嘅文青打卡位之後，肚仔都有啲餓啦，當然就係醫肚啦！一睇之下呢間豬扒飯好出名，就過去睇睇啦😋😋 大家預咗去食記得要預15分鐘等一等，因為老闆為咗新鮮唔會將豬扒大量咁整好。我叫咗一個最簡單嘅豉油豬扒飯，咁樣先食得出豬扒嘅原味嘛！一食落去，香甜嘅豬扒味出晒嚟，而且係非常軟滑，感覺好似用蛋白包住塊豬扒去煎咁（當然應該唔係咁樣整法啦😂），如果白飯充滿着店家秘製嘅豉油汁，甜甜地，配埋杯咖啡簡直就係一絕！經過開上環嘅朋友一定要黎試啊！…查看更多

陳財記係上環皇后街熟食中心其中一間最出名嘅小炒茶檔！（當然隔離嗰間潮州茶棵都好出名呀😋）有一日返工突然落大雨，冇心機出去食就帶咗個外賣返公司。一打開個飯盒，呢個生炒牛肉飯冇得頂，飯粒分明，呈金黃色，牛肉雖然係碎狀， 但正正因為咁令到成個飯都有牛肉嘅香味，一絕！加上有老火湯又有熱飲餸，都係$42 ！呢個價位可以食到呢個質素嘅嘢，已經係超值。搞到我冇諗過一個外賣要係OpenRice度打食評，最後都係打咗。希望多啲人去幫襯啦！…查看更多

黎得新蒲崗，一定要食嘅係呢間成記粉麵！其實牛雜同牛筋都好好食，丸類都係自己製造！（如果有幾個人嚟食，不妨計劃一條掃街路線，因為新蒲崗實在太多好嘢食啦）今次要介紹嘅好簡單，就係$20 6粒同$30 10粒嘅手打牛丸！好有質感,味道好好架!好鍾意食牛丸嘅我,曾經四出不同地方去試唔同牛丸,最後都係覺得呢間嘅淨牛丸無得彈！一路食一路望住師傅係度包水餃同整丸，又有講有笑，真係無得頂！…查看更多

每隔兩至三個星期六，我就和家人來這裏飲茶！其實附在大埔的朋友都知道，附近有明*和稻*等大酒家，但說到價格來說比較，這裏真的是完勝！基本的點心一應俱全，又不用好像一般茶樓在星期六日要等整個小時才能入座！最重要的是我們四人去飲茶，吃得飽飽的，買單才是$130左右，而且食物質素也不錯（當然不可以說很好啦！）拿起一件燒賣，跟家人傾傾計，在環顧四周老街坊的舉動言行，多逍遙自在！這樣就半天了！飲完茶還可以到附近的博物館看看走走呢！…查看更多

每日食晏嘅時候，呢間燒味檔都係我頭三位嘅選擇！點解？無他嘅，因為雙拼飯大大盒，都係$37仲要有湯有紙包飲品，係上環黎講真係算便宜。而且師傅有人情味，叫佢多飯多汁都好歡迎！誠意推介佢嘅叉燒，尤其係肥义，好正！另外四寶飯都係一絕，係成隻鹹蛋唔係半隻喎！…查看更多

今次要介紹係呢間位於上環50年代就經營嘅茶餐廳，而家吸引好多人慕名而來一睹佢嘅風采😋😋我都唔例外！之前食過粒粒西多士同埋菠蘿油，真係好好食！菠蘿油嘅牛油大大塊，性價比高！粒粒西多士整得甘香鬆脆！不過今次要介紹嘅係雞翼滷水蛋撈麵茶餐，真係好好食。$48配熱飲！撈麵入面嘅滷水蛋簡直就係精華，可以媲美傳統涼茶鋪嘅滷水蛋。下次再來一定要食叉燒麵，啲叉燒十足十食神入面嘅暗然銷魂飯嘅叉燒。順帶一提整個裝修同紅枱紅桌十分好打咭啊！…查看更多

今天我和同事到了這餐廳吃午飯，發覺這裏給我們的驚喜超多！特別推介滷肉飯和黑糖埋茶！還有滷肉拼盤，都只是$58！這裏位於長沙灣的工廠區，位置卻沒有很不方便。親民的格局和平實的價錢，也帶給我們最正宗的台灣口味，因為我太愛吃台灣的美食了，這裏的確能讓我回味啊！如果多幾位朋友，記得吃它的三杯雞，紅燒牛肉麵和肉鬆蛋餅，這些都是我係Kwok的朋友極為推薦的！只可惜每次和我的同事都是二至三個人，吃的東西不多😭😭…查看更多