stabber's Profile

今晚約咗朋友去尖沙咀shopping，行過見到間粉麵舖都幾多人食，於是我哋入咗去試試！我哋分別叫咗碗五香牛雜河，豬手墨魚鬚撈麵，炸墨魚丸+兩碟油菜+兩杯野飲，埋單$200 都唔使！五香牛雜河分別有牛肚，牛肺，牛膀，朋友走左牛腸，食落有香濃五香味，而且腍度適中，超推介！豬手墨魚鬚撈麵份量超大碗，豬手好入味，香香的南乳味，滿滿骨膠原，墨魚鬚灼得剛剛好，好鮮味👍🏻炸墨魚丸炸到黃金色，超香口，食落好juicy 的，加酸辣醬食一流😃…Read More

平時經過isquare 嘅「上海婆婆」都好多人，原來佢哋嘅lunch set 同晚飯都好抵食，今晚約左朋友試下先！我哋叫左個二人套餐$398，超多野食！分別有鎮江肴肉，小籠包，酸辣湯，黑醋排骨，干貝賽螃蟹，高力豆沙！鎮江肴肉，質感恰當好處，加醋一齊食超開胃👍🏻👍🏻小籠包呢度最出色食物之一，皮夠薄而唔會穿，一咬落去超多湯汁，超水準之作酸辣湯味道不錯，不會太酸和過辣，適合香港人口味黑醋排骨份量都大碟，酸酸甜甜，肉質夠腍，送飯一流干貝賽螃蟹蛋白炒得好香，加上干貝炒更有鮮味高力豆沙有啖啖蛋香，加上中間的香甜豆沙食超完美原來依家HSBC 信用卡星期一至四晚飯滿$350 有8 折，真係超抵食👍🏻👍🏻👍🏻…Read More

最近上網見到太子開左好多新餐廳，有間潮州菜好特別，主打白滷水滷味的，而評論都唔錯，今晚同朋友行完花園街決定試下先！見到餐牌上價錢好大衆化，食物都非常吸引，店員推介餐廳首創$98原條白滷水烏頭，於是叫左個全日特色超抵食二人套餐試下先，分別有白滷水烏頭一條拼大脷，半隻海南雞，生菜一碟，兩碗白飯！套餐只係$198，好抵食👍🏻👍🏻烏頭肉質好鮮甜，配上普寧醬食，會更加突出魚嘅鮮味！海南雞份量很大，雞肉非常之嫩滑，食得出好有雞味！另外，仲加左份小食「滷水鵝肝」，食落超甘金，店長果然冇介紹錯！呢度啲白滷水有別於傳統一般滷水，不會掩蓋食物原先的味道，反而提升咗食材嘅味道😋😋😋…Read More

星期六係長沙灣睇完戲，俾呢間餐廳嘅懷舊裝修吸引住，呢間是主打上海麵嘅舖頭，都幾岩我口味，入去試吓先！炸豬扒上海麵$42份量都大碗，有多件豬扒，豬扒炸得好鬆化，食落一啲油膩感都冇，最重要脆漿不會太厚，醃得又好入味！另外，湯底都好有驚喜，係日式湯底，強烈建議加枱頭的餐廳自家製櫻花蝦油，湯底會有不同體驗，正呀👍🏻👍🏻👍🏻咖喱牛腩飯$55一黎到已經聞到濃郁咖喱香味，食落唔會太辣，牛腩質地夠腍，呢個都值得一試👍🏻👍🏻滷水拼盤$58分別有紅腸，雞腎，生腸，墨魚，豬舌，配上甜醬，芥辣醬一齊食超有街頭風味👍🏻👍🏻👍🏻總括：呢間小店出品都不錯，下次有機會再試試其他嘢食😋😋😋…Read More

今晚去尖沙咀isquare 睇戲，睇戲前食啲野先，去到isquare 6 樓都有好多餐廳選擇，見到呢間泰國菜都幾多人排隊， 相信食物應該有一定水準，所以同朋友就決定食呢間😁😁冬陰功湯唔會太辣太搶口，味道岩香港人口味，有隻大蝦，鮮甜彈牙👍🏻炸蝦餅份量多，有6 件，炸得金黃香脆，蝦肉爽口彈牙，加埋酸辣醬食超正泰式乾炒豬肉片河炒得好有鑊氣，配上正宗泰式河粉，夠闊薄煙靭👍🏻泰式肉碎生菜包味道香口，岩哂鍾意食辣嘅朋友，加生菜食味道清新椰子刨冰超級香濃椰子味道，不會太甜，鍾意椰子的朋友一定要叫呀😋😋…Read More

今日經過尖沙咀見到呢間粉麵店有好多人食，望下餐牌先，以尖沙咀黎講，價錢好平，可能係「尖沙咀最平粉麵店」‼️等我入去試下先！😋😋今日叫左碗魚皇魚麵，仲有酥炸雲吞，一碟菜心同熱檸蜜！魚皇魚麵一黎到見到好大碗👍🏻分別有兩粒魚皮餃，兩粒魚蛋，一件魚片頭同兩塊炸魚片，非常豐富，全部魚蛋魚片口感好彈牙，湯底濃厚，配魚麵食一流，魚蛋愛好者一定要試試‼️酥炸雲吞炸到非常香脆，一啖一口非常之過癮，加酸甜香辣醬食超正！ 總結💯呢間麵店人來人往，大部分都是食牛腩，牛什的，下次我會再黎黎試其他野食😋😋😋…Read More

聽同事講話長沙灣有間唔錯嘅酸菜魚，今晚放工專登黎試試！嘩！一睇餐牌，價錢非常之大衆化😋1 人份量酸菜魚都只係$58 起！不過今晚好肚餓，所以決定叫個2-4人份量，首先可以選擇邊款魚，分別有鯛魚，生魚片，鱸魚，龍脷柳，然後就再選湯底！今晚想試鱸魚，食落真係好鮮甜，最重要就係冇骨，配上老壇酸菜湯真係好正，酸度岩岩好，唔會搶口，辣度可自己選大中細辣度！另外，仲叫左款涼菜，酸辣萵荀土豆絲，酸酸辣辣令人胃口大增👍🏻👍🏻👍🏻最後，叫左個甜品，紅糖糍粑，$28 好抵食，一共有六件，即叫即炸，炸到金黃色，香脆可口，令今晚劃上完美句號🥰…Read More

今日做完野想食得豐富d, 決定落左九龍城搵食！呢間打邊爐一直想試好耐，聽同事講質素唔錯，啲野食好新鮮！另外，職員介紹下餐廳原來已是20 年嘅老店，而家九點後入座仲做緊半價優惠，超抵食👍🏻👍🏻今日叫左鴛鴦湯底，冬瓜瑤柱和皮蛋芫荽，湯底都幾足料，內有鹹鹹嘅豬骨👍🏻👍🏻西班牙黑毛豬$188 分量十足，肉質甘香三色丸$110食得出是手工之作，分別有牛丸，墨丸，豬肉丸，全部都好彈牙，口感十足莧菜帶子餃$70超多料，有大大隻帶子，勁多莧菜，抵食白鱔片$110食得出好新鮮，切到薄薄的，最緊要冇骨，易入口3 秒響鈴$68放落湯底只需3秒，響鈴掛滿湯底，超正👍🏻👍🏻…Read More

之前睇YouTube有人介紹呢一間餃子和炸醬麵好有北京的味道，於是今日專程坐地鐵來一試，一入去就出事了，見到好多隻烏蠅飛來飛去😱😱😱，衛生情況影真唔得！但既然山長水遠嚟到、照硬着頭皮，點了餃子，炸醬麵，雲吞即管試試！煎白菜餃半份$28味道都可以的，炸得香脆，但不是報道說的那麼驚天動地泣鬼神！炸醬麵$37呢個真心好食，炸醬很正宗，不太咸，好香面豉味，真的很有北京的味道！麵條軟硬適中，不會過「林」！菜肉雲吞$37呢個就普通，雲吞皮煮得太久，有些皮已經爛了，湯底就有紫菜蝦米的，都幾鮮味！總結：呢間小店衛生真的麻麻，有烏蠅之外，空氣又不流通，冇抽氣扇，又冇空氣清新機，現在疫情還是那麼嚴重，真的有待改善，希望店主睇到請留意一下！…Read More

今日假期一心黎食個豐富早餐，但點知超失望！👎🏻👎🏻首先價錢一點都不便宜，早餐又唔包餐飲，兩個人食咗成$300！😤😤😤洋風全日早餐$138首先塊照燒雞扒完全冇味，顏色霉霉地咁，又煎得唔夠金黃色，完全影響食慾，最大嘅問題係唔熱，腸仔又係唔夠熱，牛角包雖然好大個，但冇牛油香味又唔夠鬆化，係個蛋叫正常啲👎🏻👎🏻👎🏻輕怡早餐$88多士係冇配任何醬的，見隔離枱問佢有冇嘢搽的，只係俾咗牛油佢😂😂雞扒又係犯同一毛病，真心大家樂好食過佢，仲要平好多，真係冇下次！😤😤😤總結：之前見過呢間餐廳好多人食早餐，諗住應該唔會太差，點知真係超失望，食物質素唔高仲要唔夠熱，叫人點會再嚟幫襯啊😥😥😥…Read More

今日天氣咁凍，係旺角行完街，諗住食碗蛇羹暖胃，太懶嘅關係又唔想落太子食，經上網搜尋一番後，搵到呢間「蛇王弟」，叫左碗蛇羹，送到已心知不妙，完全冇蛇肉咁滯，十足十碗仔翅，勁sad ! 佢間鋪頭一啲都唔似舊式蛇羹店，似係連鎖式的，下次真係唔好懶，寧願坐多一個站去太子「蛇王兄」😢…Read More

今日放假去咗佐敦渡船街搵野食，食完野之後經過見到呢間「西關老祖」，啲嘢食非常之吸引，不過因為之前已經食咗嘢嘅關係，已經非常之飽！咁岩見到佢有自家製蘿蔔糕，即刻買咗一底返去試試！呢間小店裝修簡潔，主要做外賣為主，店舖有自助點餐機，十方方便！另外都有一個座位，可坐低品嘗小食！餐牌上有多款美食，西關瀨粉，港式腸粉，黑毛豬肉糭，蘿蔔糕，黑松露炒蛋多士，芝士薯條，燒賣等等，而大部份都係自家製食品！老祖.秘傳瑤柱蘿蔔糕 $168包裝十分精美同貼心，有個保冷袋裝住，仲要附送法式陶瓷盤！蘿蔔糕亦非常足料，有大量瑤柱絲，蝦米，臘腸同臘肉！蘿蔔質地結實，唔會過硬亦不會太鬆散，味道清甜，好有家嘅味道！總結：呢度啲食物實在太吸引，而且價錢亦唔貴，下次一定會黎試埋西關瀨粉等小食😋😋😋…Read More

一直都有留意呢間裝修充滿懷舊風嘅茶餐廳，今日終於有機會試喇👏🏻👏🏻👏🏻一入到去餐廳裝修充滿香港情懷，座位夠寬闊，環境非常舒服，有多個卡位！食物款式選擇甚多，中西式樣樣有齊，呢排秋風起仲有時令羊腩煲👍🏻👍🏻👍🏻不過今晚想食西餐，所以點了一個意粉🍝同一個燴飯！牛肝菌鴨胸燴天使麵$78份量夠哂大碟，鴨胸煎得甘香，天使麵煮得軟硬適中，意粉汁又夠香濃😋😋卡邦尼海蝦燴飯$76海蝦質地爽口彈牙，米飯🍚煮得好好，唔會太硬，忌廉汁夠滑，夠creamy，非常出色👍🏻👍🏻每個餐都會跟餐湯，想讚讚個紅湯，酸味十足，帶少少香辣，十分開胃，仲有好多蔬菜，夠晒健康！總結：金沙角坐得舒服，食物質素又唔錯，啱晒快靚正嘅朋友！…Read More

之前一直都想試「桔梗」好耐，今晚終於試到喇！位置好方便，旺角地鐵站一出行左好快就到！今晚叫咗雙人日式套餐$528，叫套餐就啱晒有選擇困難症嘅我，樣樣有齊，超豐富！涼拌毛豆及三種小菜呢幾款前菜賣相夠晒精緻，令人開胃十足，最驚喜嘅係蠔，三大隻蠔，又夠肥美，鮮味十足👍🏻炙烤鮪魚佐芥末蛋黃醬吞拿魚肉相當肥美，又夠厚身，食落有陣陣煙熏味，魚生非常新鮮，再加埋芥末蛋黃醬一齊食超match 😋熱炒魷魚配明太子醬份量非常之多，有十多塊魷魚🦑，質地夠爽口彈牙，加埋明太子醬一齊炒食出另一番風味👍🏻兩碗茶漬分別係三文魚同明太子，好有日本風味，仲有京蔥檸檬味豬腩，燒得好香口，肥瘦適中😍炸雞與酸甜五味醬雞肉鮮嫩，食得出係用啤酒漿炸，唔會太厚粉，加埋酸甜醬食可大大減低油膩感😋是日甜品-焙茶芝士蛋糕份量都幾大，足夠二人食，好香焙茶味道，甜到剛剛好，食落唔會太漏👍🏻…Read More

長沙灣街坊群組有好介紹，最近區內開咗間日本鐵板燒，平靚正超抵食，今晚放工約埋朋友去試下先！呢度嘅裝修充滿日本風，仲有吧枱可以邊食邊欣賞師傅嘅精湛廚藝，但記住要提早預訂！呢度嘅鐵板套餐都有好幾款選擇，另外仲有刺身，壽司🍣，丼飯等等，本身今晚想食龍蝦餐，但原來限量供應的！店員溫馨提示下次要提早預訂，所以最後點左大蝦餐！銀鱈魚🐟煎得金黃，肉質嫩滑，冇雪味，又冇骨，啖啖肉，超正大蝦🍤蝦頭超多膏，蝦肉質感爽口彈牙，超新鮮安格斯牛柳🥩牛味濃郁，充滿肉汁，一口一口食方便進食，又夠腍，好滿足炒飯🍚炒得粒粒分明，加埋櫻花蝦，蔥粒同蛋花一齊炒，香味十足總結：呢間小店價錢真係非常抵食，而且食物質素亦唔錯，最後仲送左兩個雪糕糯米糍，下次有機會會黎試埋個龍蝦餐😋😋😋…Read More