littlechippi's Profile

經朋友介紹嚟咗灣仔試吓阿根廷菜 。可能因為朋友一早提咗阿根廷嘅牛扒同和牛唔同，唔係入口即化嘅，係有嚼頭兼有肉味嘅 。所以心理已經早有準備 。我哋試咗沙律，帶骨牛扒，燒雞，配薯蓉，薯條同蘑菇 。餐後再加多兩款甜品。沙律出奇地配有藍芝士 。牛扒真係好有肉味，烤出嚟剛剛好 。燒雞最出色，肉質嫩滑，上面有少少蜜糖加上檸檬汁，正！ 蘑菇又係驚喜 。面脆內軟，菇身嘅水份保存係度 。兩個甜品又好食，簡直係錦上添花 。每道菜式我都好喜歡。而且每人平均只係 $300+，我覺得好抵食 。值得推薦 。…Read More

酒樓八點開舖，我7:45已經去到酒樓門口。當時門口大約聚集咗十幾個人。未夠八點職員已經開門俾大家入去坐低。行到入去以為隨便冇人坐嘅位置就可以坐低。原來呢個諗法係完全錯嘅。每次準備坐低都會有人大聲叫「呢張有人，你坐第二張」。最初我以為只係食客幫朋友霸位，但係當我嘗試到第三張枱嘅時候，我係俾個職員叫我坐第二張枱。職員同我講呢張枱要留返比個熟客。如是者我就再咁樣搬嚟搬去，總共試咗5張枱，終於成功坐低咗。坐低咗之後我再望一望四周嘅情況，差唔多有半間酒樓都係比熟客留低咗。真心覺得：一係有心做熟客每日嚟幫襯，一係我就以後都唔嚟幫襯。酒樓想留低熟客呢個我好明白。做生意一定係咁。但係可唔可以安排好少少呢？至少好似我呢啲咁嘅生客，都唔需要俾人當人球咁踢黎踢去！！你冇生客，以後又點會有熟客呢？講返食物，其實質素唔差，而且都幾抵食。如果唔介意有機會做人球，又或者諗住以後每日都嚟幫襯成為熟客，我覺得呢間嘢都值得嚟幫襯嘅。…Read More

今朝去翠園飲茶 ⋯ 1. 先不說到店沒有接待。問店員如何點餐，回應是：你沒看到 QR code 嗎？ 問題是根本就沒有同事給我QR code。2. 找店員要辣椒油，她回到後台不斷罵人，完全忘記了。待她送完膠袋給其他客人，看到我眼甘甘咁望住佢先記起。3. 埋單 ⋯ 叫了3次（同一員工）完全沒有任何反應。以為佢聽唔到。於是再叫佢 ⋯ 唔知佢發我脾氣。大聲話：唔好催我。最後都係冇幫我埋單。以上涉及嘅係三個唔同嘅同事。即係並非單一事件。而係整體服務態度就係咁。…Read More

除夕夜搵咗間隱藏係工廠區嘅私房菜試吓。老實講，環境就一般。外表就同一般工廈飯堂差不多。入面裝修就係好似舊式酒樓咁。但始終都係嚟食嘢。食物好食最緊要。今次叫咗一個二人套餐。 香芒沙律大蝦球2件東星二食，養魚（椒鹽骨，起肉炒球）什菌豆腐大蜆湯白胡椒爆炒南非鮑魚2只蒜蓉粉絲蒸蟶子皇2只士多啤梨骨經典富瑤炒飯（鮮南非鮑魚， 瑤柱 ，金華火腿，沖花，加上秘製醬汁製作而成）碧綠炒花枝另送:甜品 - 芒果布丁 全單＄9682位用，免加一 成個套餐裏面除咗士多啤梨骨比較普通，唔係太入味。其他嘅食品基本上係超額完成✅。味道非常之好食。最驚喜嘅係東星班二食。最初我都有啲擔心椒鹽骨會唔會太乾？但係出嚟嘅效果非常之好，仍然食到魚肉嘅嫩滑質感，肉汁仍然係度。 …Read More

之前睇到稻香喺度裝修都有段時間，終於等到佢裝修好。於是放假就嚟試吓。因為人少，揀咗幾款雙併嘅款式試吓：牛肉球 + 鯪魚球炸鯪魚球 + 煎蘿蔔糕 豬肚雞扎馬拉卷 + 糯米卷 鴛鴦雙潮 （鰕餃 + 潮州粉粿）⋯ 部分忘記影相 🤦🏻‍♀️ 我今次係正價時段嚟食。感覺就麻麻地。因為呢個價錢同區有更好選擇。但如果係優惠時段嚟食，即星期一至五7點至11點 / 星期六日及公眾假期7點至9點，會有6折優惠，咁就變得抵食，可以話係平價早茶之選。…Read More

諗住假期一家人去食下雞煲。訂咗四位6:15。攞位嘅時候店舖已經通知我哋8:00要還枱。我哋覺得時間都應該夠，所以都冇提出任何問題。但係點不知我哋點左嘅好幾款食物都漏單。最後一款嘅牛肉係經過多次催促之後7:40先到。跟住冇幾耐就要求我哋埋單。雖然當時我哋嘅牛肉仲未開始食，我哋都應店舖嘅要求先埋咗單。到咗8:00其中一個侍應就用好差嘅態度走埋嚟同我哋講叫我哋交枱，話出邊已經有客等緊，再比唔到張枱俾人佢哋就會走。我哋都盡量配合，開始執嘢飲埋啲飲品準備走人。到咗8:05侍應就開始幫我哋清枱。包括我哋仲有半杯準備飲埋嘅飲品。我哋當其時心諗⋯ 算啦人哋都係做生意，冇所謂啦！我哋都走人啦！點不知嗰位侍應仲不斷埋怨我哋，話我哋遲還枱，態度惡劣，仲不斷發晦氣⋯ 本來開開心心嘅一個飯局，多得呢位態度惡劣嘅侍應變得「難忘」。 當晚人均消費超過$450。相信呢個價錢係好多餐廳都可以享受到更好嘅服務同埋食物。唔值得嚟呢度受氣。…Read More

訂位時餐廳一早講咗當晚有婚宴，要坐戶外。我地都覺得冇問題。於是訂左4人檯食晚飯。點知到左之後，職員只係比左張 low table 加 3張櫈，問佢攞多張櫈，職員A 就「已讀不回」走開左，職員 B 答:「出黎食嘢係咁！」咁⋯ 究竟係乜玩法？ …Read More

行開過嚟沙角邨搵朋友，上OpenRice睇吓有冇乜嘢啱食。跟住見到有間新鋪開咗喺沙角邨嘅街市小食街入邊。於是口痕點咗兩款台式點心試食：1. 甘梅地瓜條。地瓜就係我哋叫嘅蕃薯。蕃薯甜甜地軟綿綿，外面炸完脆脆地，加上酸酸甜甜嘅甘梅粉，有層次，好味！ 2. 骰子百頁。就係炸豆腐薄片。炸完每粒脹卜卜，脆脆地，加埋蒜蓉醬，都幾好食。不過我個人口味就覺得就咁食，唔加醬汁可能會更啱我口味。食晒先發現忘記咗影相📸️！下次再試吓其他食物。…Read More

今日去食晚餐，點左一碗地獄拉麵。落單嘅時Catherine 已經建議點「小辣」。但我堅持了挑戰一下「中辣」。最後挑戰失敗，更被 Catherine 發現了。她貼心地走過來，問要不要給我換一碗湯？ 服務態度非常好，而且細心。食物質素就一如既往，保持水準。讚👍 …Read More