sze]]的個人專頁

間八薄切佐京都水菜配土佐啫喱間八薄切生魚片，出名脂肪少而且肉質細膩彈牙，淡淡鮮味且無腥味！新鮮嘅魚生，配埋脆嫩綠葉菜（京都水菜）+帶醋香嘅土佐啫喱，感覺好開胃！店員都有話個醬汁都夠咸味，唔需要再加豉油，果然大大力提升鮮味！我就中意一嚿魚生，夾住啫喱、菜一齊食，一啖過好滿足。火炙間八香草燒日本南瓜丼同樣都係間八，不過就火炙處理到外皮脆內嫩，肉質仍然彈牙。同碟配搭香草燒日本南瓜，酸甜又淋上特製醬汁，送飯一流。炙烤A5和牛伴日本南瓜天婦羅最期待就係呢個！頂級A5和牛，油花好豐富，呢個外層輕炙到有啲焦香，而肉汁好多又嫩滑，可以講係入口即融！感覺係一啖啖油脂豐富嘅牛油咁，中意食和牛嘅可以試試。而呢個日本南瓜天婦羅炸得脆口，內裡仍然軟稔。柚子雪葩無花果芭菲裡面有日本柚子雪葩，夠Fresh 又light、無花果幾新鮮，幾甜又多汁、柚子啫喱等等。整體入口幾light，柚子輕盈又夾到無花果甜味！楓糖乳酪奶蓋蘋果生薑伯爵茶楓糖乳酪奶蓋香橙伯爵茶兩款茶味幾濃，奶蓋唔膩，可以一試！蘋果生薑茶，可以平衡番岩岩食和牛膩味，覺得幾夾。…查看更多

今次去咗澳門氹仔果邊食lunch，好近倫敦人嘅瑞吉酒店裡雅舍餐廳！睇你食幾多道菜，二道菜 $268、三道菜 $298，包前菜、餐包、主菜、甜品，當日幫朋友慶生仲有送上小蛋糕🫶🏻餐包有兩款，提子包及法國麵包。提子包表皮脆香口，少少硬，內裡都好軟；歐洲麵包果款就包硬好多，得中間比較軟，酸味出少少。牛油配鹽組合，感覺比起平時齋塗牛油又有啲唔同，提升番咸味。tuna salad 慢煮過吞拿魚，保留魚生口感同時提升鮮味，沙律整體口味偏淡，有青瓜、蛋greek salad 有乳酪酸味，鮮嫩雞肉再混合軟稔藜麥，好開胃。牛扒揀咗medium，不過上枱好似係再熟啲😂但呢個熟度唔影響肉質，都係肉味濃香、口感夠嫩滑，肉汁好juicy ! 牛扒再配兩個醬，提升肉鮮味。同碟配料正常發揮，薯蓉夠creamy。鱈魚配上红椒辣椒酱，少少辣味好開胃。魚肉好嫩滑又有汁，濕潤魚肉好好食，同碟配料正常發揮，仲有埋迷小椰菜仔。peach pudding 有蘋果金寶及桃粒圍住，中間布丁質感中間位，唔係好soft 但又唔係好札實，不過有淡淡桃味，唔假。affogato表面有層咖啡朱古力薄片仲痴住粒咖啡豆朱古力，好濃咖啡味，底層仲有咖啡凍加雲呢拿雪糕，好好味！建議食完桃布丁先食呢個，唔係會食唔出桃味🙂‍↕️是日午飯仲送甜品，有瑪德蓮蛋糕，呢個焗得好好，中間有個突出位置。隔籬係creamy 狀東東，唔知咩黎，但幾好食😂…查看更多

約咗屯門frd子嘆個brunch，好似係下午一點左右時間，排隊人數都多，前後都排左半個鐘先入座！叫咗兩個主食、兩杯飲品，埋單$339。先黎 Egg Benedict 班尼迪克蛋早餐，賣相好靚，完全滿足打卡嘅心！兩塊鬆軟具厚度嘅班戟，再鋪上扭成花形嘅牛油果同煙三文魚，加埋溫泉蛋伴碟，呢個組合都唔錯。伴碟仲有燕麥脆脆，整體口感好豐富，鬆軟兼有咬口！煙三文魚或牛油果味道好fresh，幾夾班戟味道！然後再上香辣蕃咸牛肉意粉 掛汁一流，意粉好濕潤！再加埋芝士片、蕃茄同咸牛肉，成件事幾夾同埋辣味慢慢滲出黎，好開胃！我叫咗杯 Long Black，而朋友就叫咗 Handmade Caramel自家製焦糖鮮奶咖啡，淨睇樣已經岩打卡！焦糖會慢慢溶入咖啡中，口味幾特別，入口感覺苦中帶甜，整體香氣濃郁，值得一試！…查看更多

周末做野前去咗 Dalloyau 嘆個lunch，主打法國菜，而喺周末完全感受到果種放鬆Vibe，店員全程無催/趕收野。而我揀咗All-day set menu，包餐包餐湯、前菜、主菜，加咖啡另外加錢！餐包款式簡單有兩款，有牛奶軟包+小法包，建議大家食軟包好啲，正常發揮。但係小法包勁硬，做唔到外脆內軟，唔建議！餐湯干邑龍蝦湯 係人氣之選，主打法式龍蝦湯再加入干邑白蘭地，成件事好Creamy + 鮮甜味突出，飲完都有啲飽！另外，#蘑菇湯 都幾好，做到Creamy + 口感rich 標準，仲要食到尾都聞到陣陣香味！主菜揀咗 香辣鮮蝦意粉，份量夠多，係連埋蝦都多！蝦味鮮甜+彈牙，而意粉都幾濕，吸收左醬汁，但唔覺個醬香辣，可能我食得辣😂 …查看更多

前排母親節，同屋企人去咗b.o.t.h Eatery ! 最近呢間餐廳開到去屯門市廣場，平時都見多人排，所以今次預早Book 位😌 費事屋企人排隊等，店員都會預早打畀我cfm Booking，全程電話都好friendly !燒焗橙香三黃雞 半隻雞份量，都幾多肉，而且仲係啖啖肉！雞肉帶有淡淡橙香，整體都好Juicy，而烤蔬菜、焗薯角就正常發揮😌加拿大拖肥咖啡帶骨豬鞍扒 主打用加拿大天然帶骨豬鞍扒，真係食得出淡淡咖啡味，幾特別又唔覺突兀。豬鞍扒都算厚，但係食到尾都唔覺得有個位鞋！意大利辣肉腸菠蘿薄餅 正常pizza發揮，皮脆餡juicy，鹹香微辣配上菠蘿清甜，夏天食都幾啱！…查看更多

喺會展做完野去咗近軒尼詩道食lunch，今次試下潮州人Ciuzauese 雞湯米粉專門店！當日勁熱，叫左杯竹蔗茅根水消暑，正宗又好味！見佢餐牌仲有分碗麵大或小份，如果唔太肚餓叫碗細都好！叫咗完米粉跟餐有野飲+小食，小食揀左 #酒糟醉雞腎，酒糟浸製，雞腎夠爽口入味，濃郁酒香，好食！我食醉雞翼米粉，醉雞翼用花雕浸，肉滑又慢慢滲透酒香，嘆住冷氣食幾滋味！同事叫咗手打牛肉米粉，牛肉幾紮實彈牙，牛味濃郁，配埋清甜湯底，味道唔錯！睇Google 評價都多人讚，大家仲試咗其他野食，例如廣島蠔、鮑魚等等，睇黎我要快啲試埋其他😆…查看更多

又一個周末去咗尖沙咀飲啡抖抖😪 今次呢間去第二次，服務、食物水準Keep 到，而且每次去食啲味道都畀到驚喜我🥹由P2 出口見到香格里拉，向左邊一直行見到NOC coffee 再行前少少就見到！今次嗌咗Egg Benedict with salmon，賣相唔錯，即刻開動！賣點流心蛋+三文魚+麵包，麵包依然好有咬口，加埋煙燻三文魚，微濕口感好好味！三文魚都算多，食到最尾堅飽肚！呢到想分享埋上次食嘅意粉+麵包。上次食咗Lobster Bisque Shrimp Pasta ，以龍蝦湯底撈意粉，同碟蝦大隻又爽口，好少可食食到最尾仲有蝦剩！個醬汁都算creamy同濃味，食得好滋味。另外，上次食咗Roast beef sandwich ，我諗呢個包都受歡迎，今次 1點左右去到已經賣哂！呢個包牛肉好多，醬汁唔會搶咗牛肉香味，加埋煙韌麵包，好好味！同場啲咖啡都唔錯，每日飲啡嘅我，飲完夠醒神🥹 今次仲係到買杯，杯上雕刻唔同貓貓，勁Cute!…查看更多

今日 lunch 去咗 HOW to live well 試芒果系列！先叫咗烤日本豚肉配蘋果肉桂醬同薯蓉，配菜同薯蓉幾好食，個醬配埋豚肉食幾夾！主菜裡豚肉肉比例多啲，無咁多脂肪，烤到金黃色都幾吸引。但食到最厚部份就有少少鞋，而且整體都唔夠JUICY！而甜品芒果班戟同芒果梳打係幾正，同場都見到其他人叫芒果班戟！芒果梳打底部有粒粒芒果，最頂有Vanilla 雪糕，配埋梳打水好消暑；芒果班戟周圍鋪滿朱古力脆脆，每層厚而鬆化，中間仲有芒果醬、朱古力醬，頂部仲有芒果粒粒。擺盤好靚，啱哂打卡！…查看更多

去咗屯市三樓食泰菜，由於即日想食但已經冇網上訂位，所以5點幾就walkin 去咗，限時 90分鐘！上菜都快，加上有啲肚餓，所以都好快清哂😂泰式燒豬頸肉真係好好食，斜切片上再沾泰式酸辣汁（青檸汁、魚露、糖、指天椒、乾蔥），勁開胃。厚薄啱啱好、有咬口，肥瘦分明，外焦內軟！再跟一碟馬拉盞炒泰國椰菜苗，唔算辣，麻麻地辣既屋企人都食到！重點係馬拉盞蝦醬香，夠惹味，而家係椰菜苗夠爽脆夠嫩，完全冇菜渣。由於都肚餓，所以叫左兩碟飯！第一係青咖喱炒虎蝦有機糙米飯，一般屬於中辣，屋企人話只係少少辣。其實辣味來自指天椒，不過有椰奶中和左辣味，成件事幾溫和！而且糙米飯夠軟綿又吸左咖哩汁、加埋大隻虎蝦，好好味！泰式火車頭和牛炒飯係用和牛、番茄、炸乾蔥一齊炒，飯粒有鑊氣、和牛都幾嫩口。不過牛肉份量係少咗啲，好似先得4-6粒，每人得一至兩粒。而呢個火山排骨真係必食，賣相已經夠吸引，堆到似火山咁高！而排骨都算多肉，側位全部都係肉、燉得軟腍又冇豬騷味，配埋酸辣湯汁，勁開胃，配白飯一流！最後，因為用匯豐卡埋單，就可以送一個芒果糯米飯！糯米飯Q彈、椰奶香濃，芒果正常甜度，作為埋尾甜品又幾好，平衡番口腔啱啱嘅濃味配料味道！…查看更多

特純榴槤冰，成球榴槤蓉最吸晴，周圍仲鋪滿椰果、底層仲有榴槤冰，呢個天氣食就最啱！榴槤味都幾強烈，味甜口感smooth，榴槤控必試！桃膠蓮子紅豆沙，焦點一定係起沙嘅紅豆，香甜又軟綿，加埋爽滑桃膠、軟稔飽滿蓮子，成個甜品適中唔膩！當中仲加入果皮，成個紅豆沙味加乘咗！紅豆、蓮子大小適中，如果要挑剔，桃膠可以細粒啲，配對番其他配料。椰皇蛋白燉湯圓最好食，椰香蛋滑，黑芝麻湯圓煙韌又有流心。蛋白有少少散，但搭配新鮮椰子肉，口感豐富同時好消暑！榴蓮飄香主打榴槤肉，配合椰果、豆花，口感層次豐富！但如果中意夠凍、消暑，榴槤冰就適合啲！…查看更多

心郁郁想食蟹粉，就入咗夏麵館滿足下！兩個人叫咗撈麵、蟹粉小籠包、炒菜加一碟點心。#鮮蟹粉河蝦仁撈麵 係懶人必叫，蟹粉蟹膏再撈蝦仁、麵條，蟹油香氣均勻掛在麵條上，將蟹膏膩感減到最低！#蟹粉小籠包 真係要趁熱食，湯汁多而鮮甜，裡面餡料蟹粉、蟹肉同豬肉餡都算平均，濕潤口感幾Juicy! 皮都算薄，唔影響咬肉餡部份。#上海春卷 外皮金黃酥脆，餡料有肉絲、香菇、蘿蔔絲等，趁熱食再蘸少少醋好味！而蒜茸炒菜，幾鮮嫩又可以減少成餐蟹油膩感！…查看更多

為咗杜拜朱古力Pancake而黎！喺形點TERA Pancake House有杜拜朱古力Pancake，朋友話想試，某日夜晚就去咗！當日大概 7點到，都滿左 7成，唔駛點排隊就入咗！嗌左一個前菜、兩個主菜加一個甜品，埋單約$7xx。#蟹肉牛油果他他 味道清新開胃，牛油果加蟹肉組合好creamy，蟹肉帶少少鮮甜，整體口感豐富唔會太膩。牛油果比例偏多，個香味幾重！#明太子蟹肉扁意粉 上面掛左好多明太子、紫菜同蟹肉絲，整體鹹香同海鮮味幾惹味又唔會太膩。明太子係我近年最多，完全令我更加回憶日本既明太子食物！意粉掛汁一流，整體感覺微辣又開胃！#杜拜朱古力Pancake 成碟朱古力組成好豐富，有朱古力醬、朱古力碎、朱古力cream、士多啤梨同曲奇碎，當然唔少得鬆軟pancake 同杜拜朱古力，甜品控一定好滿足！梳乎厘好鬆軟，配朱古力一流，而杜拜朱古力係唔膩唔太甜，比起以往食開朱古力真係味道係唔同！#香煎美國牛板腱伴薯菜 賣相精緻，牛扒5成熟，肉質係幾嫩滑，不過部份位置有少少筋唔係咁易咬開。但整體肉香肉汁都OK，同碟配菜煮得清爽口感又可以解膩，都唔錯！…查看更多

墨西哥菜比較少食，對上一次印象係食Taco，今次就同朋友試下其他款！Chicken Burrito $148雞肉捲餅好大個，一上枱少嚇親😂餡料豐富，嫩滑雞肉、飯粒等等，調味有少少辣，好開胃。搭配酸辣莎莎醬同奶油，味道幾平衡！Lamb Ques $138一上枱已經幾香好吸引，香味由洋蔥、芝士同埋羊肉組成，聞落唔覺好羶，但食到落口就有！芝士微拉絲，羊肉肉質幾嫩，中意芝士同羊肉既話都可以一試！同碟仲有三款醬汁，酸忌廉﹑番茄醬同牛油果醬。Butter Prawns牛油蒜蓉大蝦幾期待，到底墨西哥菜會係點。原來蝦有輕輕炸過，然後再配上牛油蒜蓉調味，蝦肉幾爽口彈牙。啲醬其實幾開胃，如果有啲餐包配下都幾開胃。餐廳見到有人嗌鐵板燒、牛扒等等，仲有唔同特色酒類飲品，幾岩一大班人聚會！…查看更多

今次去咗屯門市廣場三樓火鍋揀咗 Lv4 套餐，即係澳洲穀飼黑安格斯牛+SRF 美國極黑牛放題+海鮮放題，另外仲加咗和洋祭整體環境好乾淨，尤其係醬汁同甜品區地方，唔會有污垢或油笠笠的地方。最後整棉花糖唔太識整，店員都主動過黎幫手；途中放醬汁仲倒瀉左少少，店員都衝黎幫手抺，真係唔該哂佢地！先上一輪肉、海鮮同刺身(今次係三文魚刺身)枱上有QRCODE 可以自行加單今次啲肉都幾出色，由濃味到口感彈牙都有～SRF 美國極黑牛，可以話係最濃牛味、口感比較實澳洲穀飼黑安格斯牛，滑身牛味重、少肥膏特選牛小排，最彈牙Prime美國肩胂肉眼，最香兼彈牙至於海鮮，整體黎講都幾抵因為每件都係大份又夠新鮮花膠、青口、帆立貝、海蝦、水魷都有估唔到仲有鱔片！海蝦堅係大隻又彈牙，隻隻都肥大，唔是蝦仔！特色食材或小菜都係出面火鍋比較少有，包括：麻辣雞翼尖、水蓮、紫色羽衣甘藍、自製棉花糖、豆腐花等等水蓮、蟲草花都偏新鮮同粗身，唔是細細條果啲，屋企人表示有誠意！另外，做齊指定任務仲得到牛気御守~揀Lv4以上兼海鮮放題，仲得到牛気長傘！…查看更多

-元朗朗屏日式定食-平時去開朗屏居酒屋搞埋午市今轉去試一試味道如何！定食一律包湯、開胃小菜、黑松露燉蛋、麻醬豆腐，慣常先食前菜，每款味道出色又唔會互搶味道，成件事好配合！#A4伊藤和牛壽喜燒定食數件壽喜燒和牛配埋生蛋，好濃郁蛋味同牛味壽喜燒味道唔會太甜，整體味道幾夾！和牛好軟綿又少筋，配埋滑身生蛋，幾滿足。朋友叫左烏冬減膩，不過我覺得配飯一定更加正#鹽燒牛舌芯 #自家炆牛舌呢款牛舌芯夠厚又燒得焦邊，同夜晚食既無分別中午食到好開心鹽燒令牛舌更加惹味，感覺似想叫多杯啤酒！而自家炆牛舌好軟綿，又夠厚，不過當然有牛羶味，愛牛既我係接受到既！當日係星期六下午，幾乎都滿座大家都叫唔同定食，我仲見有馬友一夜干，下次再試試佢！…查看更多