kaho.leung2005的個人專頁

Popinjays 黎過幾次食afternoon tea，都幾有水準，喺頂樓個景好靚，燈光效果座位設計都好舒服。今日第一次試吓佢個Semi brunch buffet, 食兩點三第二輪, 早咗少少到, 上一輪未完, 就叫我地去室外飲番杯 Bloody Mary, 啲番茄好fresh, 加啲chilli ，酸酸辣辣好開胃，喺頂樓望出去個中環景幾靚。等左陣先安排入座，點知喺坐喺電梯口近廁所，燈光有啲昏暗，感覺唔良好，同位外籍侍應要求好快就可以坐番喺入面，心諗裏面都唔滿都比啲位咁差...好彩心情都冇比佢影響。Semi buffet 包appetiser 同main dish，外面就有海鮮、salad、sausage、芝士同甜品。上次食tea抽到free flow Prosecco, 好正。得兩個鐘食所以都未叫main 就出去拎野食先，有生蠔，喺法國 Carantec出產，有啲厚肉啲有啲細隻啲要自己揀，都幾creamy, 唔重金屬同海水味，啱我食。凍海鮮有龍蝦、蟹腳蟹鉗、翡翠螺同mussels。龍蝦：彈牙，有鮮味，啲肉唔會死實實，同平時自助餐差好遠。上次喺the markxx 都好一般，呢到幾ok。呢到有個唔好就係好少refill 啲貴食材，龍蝦開頭夾咗一隻之後都唔見，其他食物就refill 得幾快。蟹腳蟹鉗：蟹肉好有驚喜，好鮮甜，好濃蟹味，個殼開咗一刀，啲肉好少buffet 有咁嘅質素，所以食左好多。芝士平時都少食，尤其係blue cheese，以前食過隻好似蠟腸鹹魚味，好難頂，今次試佢隻Fourme D’Ambert 又幾好食，個味唔難聞，仲有 Brie 食。佢仲有啲刺身，唔算多款式，有油甘魚，吞拿魚，正常。ham、salad 都正常唔算好特別。個buffet 包appetiser同main，叫咗牛肉tartare同scallop。main 唔想太多就要魚同雞。tartare少少酸幾開胃，肉有少少根，scallop都好食，個面唔算煎食好食，唔喺好鮮甜。雞都幾滑，魚就表面香脆裏面肉滑，都幾好。最後食甜品，有好多款，都好食，不過afternoon tea啲甜品好食啲。比較特別嘅喺千層酥，好脆好香vanilla 味。macaroon 表面脆內軟，貝殼蛋糕質感好，水果都好甜。漏咗佢有麵包selection, 試咗少少，喺新鮮，正常啦。整體用餐體驗好好，食物有質素，好唔錯。…查看更多

話明立食立鮨啲店舖唔算大，銅鑼灣呢間喺Tower 535的corner 位，都幾eye catching，好耐之前食過旺角嗰間都幾好食，見有半價book咗星期日5點左右，趕上最後一輪堂食，全店都企滿人，但都唔算好迫，鋪頭光線充足，睇落都幾乾淨，可能疫情關係餐具都用即用即棄。唔見出水位，俾店員提醒先見到喺枱面牆身，隻紙杯太軟，唔可以單手斟水。Menu 同牆身有好多壽司刺身選擇，第一輪叫左季節嘅 海膽松葉蟹壽司，海膽大片，好多蟹肉，整體配搭唔錯，不過松葉蟹肉味蓋過海膽味。鰻魚壽司唔喺燒到焦香果啲而喺好肥美厚切，加埋啲鰻魚汁好好食。三文魚籽軍艦都好正，魚籽應該醃過，甜甜地，條脷壓一壓爆啲汁出嚟好好味。帆立貝刺身都新鮮，但唔算鮮甜，一大粒切咗三刀，有啲薄唔夠咬口，赤貝好鮮好爽。嚴選火炙盛合整體都幾好，吞拿魚腩好夠油份，冇渣入口即溶，火炙帆立貝夠厚身好食過刺身，三文魚腩正常，喺好食嘅。燒左口魚裙邊啲油好香，食落口爽，唔錯。松葉蟹腳就正常，似肉質似仿蟹柳，淋身，唔喺爽甜鮮。象拔蚌壽司都幾好爽口，如果鮮甜啲就正。火炙大吞拿魚腩海苔壽司超好食，成餐最驚喜，師傅親手遞到我隻手提我唔洗點豉油、醬汁直接食，入口即溶，充滿吞拿魚油香，紫菜好脆好新鮮超好食，碎蔥吞拿魚腩手卷一澹澹吞拿魚茸都好好肥美。立鮨個感覺都幾正，好似喺日本啲壽司舖咁喺面前即整即食，成餐都喺二百幾蚊好抵食！…查看更多

近年深水埗大南街一帶由從前布料鋪到而家變咗好多人氣cafe，活化呢一個舊區，多啲年輕的味道。係OpenRice 揾左Kokoni 呢間新cafe ，食評都唔錯所以就試下。星期六下晝好好彩黎到唔多人排隊，我排第二等咗一陣就可以入去。cafe門口好靚，有寵物綁繩位，入面樓底高，唔會有壓迫感，工業風水泥加木色，好舒服。有啲不足係位同位都幾近，塊膠板淨係擋到半身。個menu 唔多款野食，仲第一次見到有寵物食品，而我哋主食係Egg drop，日式cafe fusion 韓式? egg drop有啲似韓國Issac ，但佢冇咁多汁同牛油香。而家秋冬天，蟹當造，所以叫咗個蟹肉egg drop，蟹肉mix左紫蘇葉，個味幾出，個包軟軟少少脆，加埋生菜同滑甜蛋食落唔會乾身，配合得幾好。杯cappuccino 拉左個鹿的公仔，飲落好香淳。抺茶special 好香抺茶同豆腐香味，隻杯好靚，喺富士山杯，抺茶啲綠色混豆奶好自癒。焙茶roll cake 就一般，個蛋糕喺軟熟，但個cream唔夠香滑，焙茶味唔夠，個蛋糕仲切扁咗。呢到啲碟、包裝有自家logo，幾靚，好用心。諗起韓國Osulloc 個roll cake 好正，如果香港啲cafe都可以似日韓咁大可以 chill一個下晝就好， 可惜我哋地少人多、鋪租貴都好難有。Kokoni 值得一讚嘅喺呢到冇限時，唔驚趕住食。…查看更多

好耐都冇寫食評，突然想寫番記錄下自己食過嘅美食。 今年遇上世紀疫症，出少咗街食飯，成日都外賣自取， 之前hsbc 個$90減60好抵，如果有多優惠就好， panda box 都唔錯，平堂食一大截，當然味道同熱度會唔一樣。而家多番係街食但又遇上第四波，而家冇夜晚堂食，大家都慘。講番呢間 Sensu 係OpenRice 見到有半價所以book黎試下。係Sogo 後面條街，個門口幾靚，12月頭已經有聖誕裝飾。Menu大部份都係嘢飲，飯團好似幾靚但係睇完之前啲人嘅食評好似麻麻哋，最後叫咗Snack combo 同和牛漢堡加兩杯Cocktail 見初冬有少少涼意就叫咗杯 Late Autumn 同松。佢有個special drink menu 越飲得多越抵，不過今次OpenRice有半價所以唔用得。Combo有好多款小食個蝦沙律好fresh mayonnaise 個味調得幾好，個豬肉都好入味好淋身唔錯。中間嗰個係炸糖心蛋外面包住左大阪燒嘅醬汁個味幾好，不過有啲濃，食完要飲番啖茶，炸雞幾juicy 。壽司本身望落去都幾期待但係食落去就麻麻哋，同食評一樣，個飯唔似壽司飯，個甜蛋同平時食嘅完全唔同係凍嘅仲好實。mini burger 個肉味道唔錯，個包有少少乾身。大burger好有surprise, 有兩層肉，肉味好濃，好juicy個麵包少少軟吸埋啲汁好好味，係其中食過最好幾個burger。杯late autumn 賣相幾靚少少粉紅色，有啲士多啤梨同梅嘅味，好開胃，女仔飲完都唔知醉，飲完一啖仲想飲。個松就仲吸睛，杯cocktail 紫紫地色混埋金色放喺倒三角形杯，下面隻本有啲乾冰，影相幾多，不過Vodka超濃，個味正常。間餐廳整體都唔錯，飲吓嘢吹吓水chill吓幾正！…查看更多

文華係德福不知不覺已經開業幾個月，環境衛生，好乾淨👍🏻👍🏻 不過一到食飯時間就gg,超長人龍，最少要等3個字。話雖如此，每日都有好多人黎食😂食物質素幾好，價錢係德福算平40-50😂如果早少少11點半到仲可以落平早餐，同常餐一樣的食物，但係平十幾蚊😅 如果太遲入去1150佢可能唔比落早餐🙄講番我成日食的例牌，常餐沙茶牛肉麵😋塊多士夠厚，香脆，炒蛋好滑😋仲有豬排蛋飯，都幾大（我覺得太興好食啲😂）常餐跟熱檸蜜，唔洗加錢😱好似好底😂👍🏻總括黎講商場茶記又有質素，難怪日日咁多人(仲有佢出的面包，好多人排隊買，食落都ok，不過面粉唔算好鬆軟🙈）…查看更多

復活節假期最後一日同honey 係旺角行下運動舖，添置番啲衣服，食埋餐晚飯聽日又要番工。諗起都傷心，成世人要用大半生打工又唔係可以過番啲安逸無憂的生活，其實有冇其他選擇可以感受下世界、大自然呢🤔🤔 Anyway 講番今晚餐飯先，係open rice見呢間 coffee jobs 有好多好評，個個都讚所以就去試下啦。咁多好評竟然唔多人😂間舖唔大，有啲休閒的感覺，但又唔算得上好舒服的間格，兩個人坐舖中間張超大台，如果對坐要大聲啲先傾到計🙈要去收銀落order,叫左兩個set個南瓜湯好甜，好好飲😋 個salad 係用左春天時令的桑子，以為啲dressing 係yogurt ，冇咩味，整體都fresh,ok。主菜係ribs 同carbonara😁😁Ribs 好淋，有啲番茄sauce係ribs 外面，最外層就係crispy crumble 同埋cheese,口感幾得意，味道幾好😋個dish 仲有好多薯角，似新鮮炸😋 百幾蚊份量好多，好抵食😂Carbonara 就幾creamy ,pasta就正常唔係fresh made 都ok.Drinks 除左新品同chocolate 其他都免費，睇真啲係唔多選擇😂最後叫左jasmine tea 同青蘋果soda 隻色幾令整體份量幾多，呢兩個set 三個人食都得🙈價錢ok 唔太貴。Ps honey 話同佢落單ge waiter一句都冇講過,好似係巴黎地鐵講英文買飛😂Btw, 佢隻碟都幾攪笑😂…查看更多

星期日同女友黎到荃灣食好西，早排fb定雜誌🤔介紹果呢間由外國入口的cheese toast好似好好食咁梗係要黎試下😎係成條食街的最後終於見到啦😁唔知係咪熱潮過去，唔多客，我地之前有一兩個等梗食，同隔離排長龍的豆腐花冇得比😂睇下餐牌，最後叫左gimmick 嘅彩虹吐司😂等左五至十分鐘，終於有得食，店員叫我地等一陣先打平佢分開兩份，可能要等啲cheese凍番啲😂過左陣將佢分做兩份，見到似彩虹的cheese，其實主要係紅藍色😂 一食入口toast好香牛油味，幾脆😋😋 cheese唔太咸，有香草味😋 原本4色有普通cheese, 蕃茄味，薰衣草味同綠葉味，但mix左唔覺🙈cheese似mozzarella 可以拉好長😂整體唔錯幾好味。不過少少一塊要成四十幾蚊，有啲貴，可能係因為外國cheese😂係荃灣唔算平🙈…查看更多

係open rise 揾食，見觀塘呢間餐廳唔錯 just go try😂個湯係簡單菜湯，幾好味😋Main dish 叫左 豬胺，好淋，不過咸左啲🙈And seafood pasta quite fresh and tasty😋😋呢餐二百幾三百唔算平，味道ok，冇咩特別。…查看更多

食過Goobne chicken 幾次都幾好食😋 今次叫左魚糕湯，超多魚糕、魚蛋，個湯甜，其實係好多味精，飲完好口渴🙈叫左個Korean style fried chicken。好辣🙈 不過幾好味，cheese source 可以中和啲辣😂最後叫左杯Apple cider😌 冇帶HSBC credit card冇drinks half price😩🙈兩個人食份量都多，如果可以有半份，就可以試多啲。整體唔錯，不過不失👍🏻👍🏻😂不過價錢貴啲🙈…查看更多

今次係第三次食呢間超出名的炭燒雞蛋仔，越黎越多人排隊🙈有好多都唔係本地人🙈 我記得第一次食果陣係2015年😂 排隊唔算好耐一陣就到，果個雞蛋仔係我食過最好食，睇住伯伯燒佢反佢十幾二十次，一食入口好香蛋味，甜甜地，好翠，超好食😋😋第二次舊年去，已經要排長龍，係東涌等左兩個鐘頭車😵🙈 可能太多人排隊食雞蛋仔，伯伯燒幾下就唔燒🙈好翠的感覺冇左😩蛋香仲係到😌到我早個星期去，又係好多人🙈我差唔多排到果陣話得番20底，好彩😎 但係一食入口，燒得幾下，唔翠🙈 啲蛋味淡左🙈唔會落多左水掛🤔🙈 好失望排咁耐，質素差左🙈🙈雖然都好好味，但想食番第一次的味道😋😋加油💪🏻💪🏻*近排食過幾次筲箕灣低調高手，佢好翠，有伯伯第一次咁好翠，但蛋香就唔多，近近地都可以食下嘅😌。…查看更多

星期日同阿媽兩個人又去食Plato lunch 上次食過都幾好味， lunch 唔算好貴。叫左一個salad , 一個meat。本來menu ge 唔記得係咩😂賣完所以轉左smoke salmon，啲vinegar 濃味啲媽唔太中意🙈個黑毛豬幾淋，味道幾好，份兩唔多，成份一個食差唔多。午餐仲包湯同drinks 整體唔錯…查看更多

好耐都唔食過pizza hit la😌 係新城市行行下就去左排隊食😂女友想食滋心批🙊 星期日6點幾排隊半個鐘左右先有位🙈入到去睇下芝士7重奏二人餐，有精選同普通，野食差唔多但貴成百蚊😅 唔知咩人先會叫精選😂叫左大蝦帆立貝，前菜係Parma ham salad, two soups 啲湯好一般，菜湯超咸🙈Smoke salmon pasta 好多source🙈一般般啦個餐送兩件炸雞， ok 正常。最好食都係個批，啲芝士好香，有柚子醬，都幾及😋Dessert and drinks alright😂佢mobile app member積分都幾易5蚊1分，食一餐就換到小食😂…查看更多

Lovely girlfriend booked White Day dinner at LA Creperie 😁😁 so sweet!!琴晚店內唔算好多人，有一兩將吉台，環境幾靚，我地坐在係角落，靜靜享受美味的晚餐😋 一入舖頭仲撞到同事😂 大家都咁識食😂女友買左groupon 平左百幾蚊，雖然少左選擇，但係都幾多choices。前菜叫左鵝肝，好好味😋唔油，加埋梨汁，味道幾好。Main dish 叫左 La Marin , Les Pierres Noires都唔識讀😂全舖都好似要講英文🙈La Marin 好以平時carbonara 的味道, 個 crepes 係好香麥味😋軟軟咁似pancake，太子雖然淡味啲，都有鮮味。Les Pierres Noires 啲ham with egg 幾香😋 幾freshDessert 係 Sexy Suzette 好似橙酒淋落crepe道點火 食落口好濃橙味加埋mango ice cream 好味😋仲有drinks apple cider sweet好味啲😂…查看更多

好多人排隊🙈拎左飛周圍行陣，點知過左🙈好彩阿姐好人比我入😂坐係張枱個客好快走左，之後得我同女朋友兩個唔洗同其他人對望😂兩個人叫左B仔涼粉，諗住多啲生果抵食啲，點知之前掃街食左好多，淨番少少，such a waste🙈果涼粉好大，3/4個人食都得，超多生果，都幾生鮮😋大樹菠蘿都有😋😋不過唔知係咪未當造，西瓜、蜜瓜、哈蜜瓜都唔係好甜🙈不過整體都好好食，只係兩個人的飯後甜品有啲多左🙈下次都係要b仔船好啲😂…查看更多

係元朗掃街行到呢間鋪頭，心諗咁多人🤔🤔，睇下open rice都幾多好評，就試下啦😁條隊長到打蛇餅咁，起碼一要半個鐘，所以外賣啦😌，叫左個鮮蝦腸，等左5mins就有啦，拿拿聲係門口即刻開黎食，女朋友倒豉油，成手都係🙈冇倒左落地😂一食落口，好滑，好好味，腸粉有啲厚但好滑，啲蝦好彈，有少少蝦味，當然19蚊梗係唔會好似海蝦咁😂加埋啲豉油好好味😋😋唔知係咪落左豬油😂平民食品平民的價錢，味道幾好，值得一試👍🏻…查看更多