cheungkahojason's Profile

上次黎食同師傅傾開，原來可以食廚師發板，今次特登提早同鋪頭約好黎試試👍刺身盛- 拖羅 象拔蚌 牡丹蝦新鮮👍 拖羅入口即溶，象拔蚌鮮甜有咬口，牡丹蝦鮮甜日本生蠔 - 鮮甜👍 唔算好重海水味，偏向淡味粒貝 - 一向好喜歡食粒貝，搭配廚師秘製醬汁，一試難忘南非鮑魚配鮑魚膽醬 - 鮑魚入口彈牙有咬口，又唔會韌，火候控制得好好👍甘鯛魚 - 魚肉鮮嫩，配搭炸香脆口既魚皮魚鱗，層次分明配搭醬汁，感覺好特別，側邊亦都配有龍珠果消除魚油嘅肥膩感👍值得一站法式大蜆 - 用咗類似法式焗田螺嘅方法去處理大蜆，味道特別冇諗過可以咁樣配搭👍值得一試 斑馬賴尿蝦真係有手臂咁長，師傅整好嘅時候，香氣十足，連相都唔記得影就已經放入口，賴尿蝦隻隻都有膏，食落口非常鮮甜日本大閘蟹 - 師傅話今期日本大閘蟹當做所以刻意安排咗日本大閘蟹，雖然食嘅時候有少少麻煩因為要拆蟹，但日本大閘蟹的確係好多膏而且蟹膏鮮甜鵝肝米通配無花果 - 平時都係食鵝肝多士，師傅話有客人反映鵝肝多士油膩感好重配搭多士的話，有客人會覺得塊多士好油，所以亦都有米通俾客人選擇，配米通嘅感覺就油膩感冇咁重而且脆口不過個人都係鍾意浸左鵝肝油嘅多士🤪🤪威靈頓牛柳 - 冇諗過鐵板燒都可以食到威靈頓牛柳，入面嘅牛柳聽師傅講中咗封門樓去做，牛味好香而且菌醬配搭酥皮非常香口👍總括黎講今次廚師發辦由師傅安排當時當造嘅食物，再加上師傅刻意安排唔同嘅烹調技巧同醬汁，絕對值得一試👍每位$1280，咁嘅價錢有咁多嘢食，個人認為就好抵食啦…Read More

YOHO新開左泰國菜，位於前skybar既位置一入到店舖，好獨特既裝修風格，牆身有好多藝術畫作，感覺好似置身於藝術館咁店員大部份都係外籍人士，只懂得小量廣東話辣椒膏炒蜆一上枱已聞到好香濃既辣椒膏味，好香味道亦都調較得好好，不過美中不足既係一兩隻蜆肉中夾雜住零星沙粒，整體而言都尚算好接受布吉椰奶南瓜咖喱魚+牛油naan咖哩非常香既椰奶味，唔會太辣，配埋牛油naan食好配合，之後再叫多個白飯配咖哩食非常正👍推介大家要試下飛天通菜，略嫌有啲太辣，不過仍在可接受範圍總括黎講用餐體驗幾好，下次會黎再試下其他菜式👍👍…Read More

之前經過見到呢間cafe雖不顯眼，但經常有人排隊，今次特登過黎試下大約6點半左右黎到，門口已經等緊位，大概等左40分鐘先入到去😅下次都係book定位店內環境偏暗，簡約既裝修配搭木系餐桌，略嫌張木櫈坐得唔太舒服😅😅生蝦刺身 賣相唔錯，生蝦明顯唔係新鮮既生蝦，但咁既價錢都明白既，唯有點多啲醬去除雪味，醬汁配搭唔錯黑松露芝士薯條薯條炸得好脆，黑松露味好香，配搭醬汁一流👍醬汁份量足夠，唔似得其他店鋪醬汁份量小烤雞胸雜菌意大利飯雞胸略嫌鞋身左小小，意大利飯既雜菌好足料，假若能再放多小小黑淑吊一吊味應該會更上一層樓👍奶蓋泰式奶茶配搭幾有趣，係正宗既泰式奶茶茶底，甜度方面比起正常既泰式奶茶無咁甜，感覺就變到無咁泰式，可能係餐廳因應口味刻意調較過甜度，不過我始終認為要甜返啲先似返泰式奶茶。奶蓋味道中規中矩。Iced black總括而言，食物質素唔錯，對應返價錢非常抵食，略嫌座位真係坐得唔太舒服😅…Read More

一向都好喜歡黎呢間位於雞地既打冷小店，店鋪雖小，但唔會有一般打冷店的雜亂感同衛生環境差既感覺🙇‍♂️今次一行只係兩位叫左兩個小菜，啤啤佢滷水鵝片墨魚每次黎到都必叫既滷水配搭，鵝片份量好多，入味又唔會老👍👍墨魚爽滑，無渣入味，底層有滷水豆腐同芽菜，送飯一流椒鹽豆腐外皮香脆，豆腐豆味濃，唔會有太重既油膩感，送啤酒一流👍👍總括而言好喜歡呢間打冷小店，衛生情況比起其他打冷老店好好多，不過因為小店位置座位較小，好彩我地黎得早，坐低一陣已經好多人係門口排隊埋單都只係三百幾，抵食👍…Read More

第二次過黎食，提早係預約時講定安排啲特別菜式試下頭盤風乾火腿夾住日本蕃茄配白玉粟米配柚子汁，酸酸甜甜 食落好開胃，蕃茄同粟米好甜👍👍預約時知道原來前菜已經轉左款，同行友人想再食上次食過既松葉蟹肉配海膽醬前菜，師傅都好好刻意做俾我地食👍 水準仍然係咁好食👍推介有機會一定要試開爐煮食前師傅拎左啲新鮮食材俾我地睇，刻意安排左黑金剛鮑魚，一上枱，嘩真係好黑，仲黑過墨汁，隻鮑魚仲識郁黎郁去👍👍夠哂新鮮師傅將鮑魚近中心位置同鮑魚邊肉分開兩度菜，一款配醬一款無配，入口超級彈牙👍日本帆立貝配魚子同松葉蟹肉聽師傅講係刺身級既帆立貝，入口好好食，唔會過熟，配搭非常鮮味👍銀雪魚一放入口充滿魚油香，配埋個醬又唔會話太油，恰到好處鵝肝多士配無花果師傅話今期無花果當造，配搭鵝肝平衡返個油膩感，正👍威靈頓牛柳，刻意提早預訂既食落去口感好好，鬆軟嘅酥皮配搭牛柳，層次感好豐富，上碟嘅時候因為太吸引忘記咗影相，只有切之前，賣相都100分甜品- 柚子雪芭好香柚子味👍總括黎講今次有驚喜，食得返上次想encore既野，又試到新菜式👍👍…Read More

去開YOHO睇戲，好耐無食過葡國菜，決定入去試試🤪見到seasonal menu有肉眼扒，作為牛魔王 唔理佢係咪葡國菜都要見黎試試，賣相ok，薯條放係牛扒底，肉汁令薯條淋哂😅 建議下次都係分開放好啲。切開牛扒既時候，發覺唔對路，明明叫五成熟，服務員只係膚顯地覆左一句會同廚房反映返😅 葡式牛頰肉伴薯蓉。可能餐廳都係專注葡國菜，牛頰肉好食，薯蓉好香奶味。以半價享用既加思欄，一般般，正正常常不過不失。甜品叫左葡式布丁，焦糖稍微有啲過苦，布丁口感實淨，唔錯整體黎講不過不失，葡國菜好食，處理牛扒方面一般，都係食返葡國菜會好啲😅😅…Read More

平時經常係呢到食雞飯，今天刻意嘗試其他菜式。和牛過熟，咬唔開😅😅加埋木魚絲味道唔太配合，可能個人口味問題。黃金大蝦，唔知係鹹蛋黃唔夠定係未兜得平均，得面個幾舊有鹹蛋黃，底個啲全部無😅😅開頭期望好高，但真係食唔出有黑松露味😅😅原來鹹蛋黃係自己額外加上去，唔係同飯一齊整，失望😅下次都係食返雞飯😅想叫服務員加加茶既時候，服務員多次見到我都扮睇唔到😅終於叫到服務員既時候，同佢講聲唔該加茶，得到既回覆係轉頭幫我，等多十分鐘服務員似乎無左件事，唔知係太忙定係唔夠人😅😅…Read More

一行四人去到位於K11既大都烤鴨，適逢做緊優惠，實在太過幸運了。涼菜水晶餚肉 - 入口即溶，配搭埋淅醋 好食👍黑松露素鵝 - 好香既菇味，又唔會太油👍👍小籠包一向都係好考功夫既點心，今次呢個皮薄又唔易穿，一咬落去滿口肉汁爆發出黎，記得一定要襯熱食👍菘子魚 酸酸甜甜既感覺配上炸到恰到好處既魚肉，整條魚都係無骨 👍片皮鴨雖然份量睇落去唔算太多，但都好夠食，唔會太油，肥膏刻意地處理左，令到成件事唔會太油既感覺，配搭上哈密瓜，青瓜，京蔥，紫蘿蔔等 口感豐富 出色一行4人埋單折實$900左右，抵食👍推介…Read More

魚一壽司 都算係作為元朗人經常會食既一間店舖，由細鋪開始食到如今變大鋪，依家越來越多人排隊等位，咁啱平日經過見冇咩人排隊就入咗去食。期間限定馬刀貝 新鮮唔錯，略嫌鮮味唔夠出牛油果軟殼蟹卷&鰻魚反卷炸芝士年糕&忌廉薯餅中規中矩 無咩特別焦糖鵝肝壽司個人認為魚一必食推介，無諗過呢個配搭但一試難忘，焦糖香脆配搭鵝肝嘅油膩，成件事升華左火炙左口魚壽司左口魚火炙既程度剛剛好 入口半溶配搭埋左口魚嘅油份，必食推介火炙三文魚腩壽司同火炙蟹棒壽司不過不失，正正常常燒牛舌略嫌調味有啲過重，偏鹹不過熟度剛好，口感不錯燒白鱔略嫌白鱔皮燒得唔夠脆，甚至有兩舊好林同行小朋友鍾意食燒菠蘿，所以叫咗兩份。不過是兩份燒菠蘿質素參差，一份救熟夠甜。另一份又乾又冇味一行四人埋單$1000唔使，抵食但質素唔太穩定，整體來講都算OK。建議都係壽司為主，其他為次。咁嘅價錢真係抵食，算係咁。…Read More

第二次黎小店食係咁熱既天氣下，一座低店員好貼心咁問要飲熱茶定冰茶，揀左冰茶飲左啖之後即刻涼返哂。沙律菜- 不過不失凍豆腐碗日式芝麻醬- 豆腐好香好濃蛋餅配搭幾特別，但醬汁偏咸。麵豉湯- 有一小舊雞肉係入面，唔會太齋既感覺燒帶子- 無咩特別， 略嫌帶啲凍茶碗蒸- 一直幾喜歡呢間店既茶碗蒸 味道調較得剛剛好，裏面材料好多不過今次略嫌蒸得老左小小 唔夠滑主菜- 鹽燒油甘魚魚餃 油香同肉質控制得好好，唔會太油又唔會鞋身，食落去膠質好豐富。甜品有個小奶凍，不過不失唔知係天氣定季節問題，用餐期間一直有小蚊滋飛黎飛去，希望小店可以諗方法解決下…Read More

好耐之前一次機緣巧合下去元朗食鐵板燒，認識到李師傅，再次去既時候發覺師傅已經無做。今次知道李師傅新開鐵板燒餐廳，即刻去幫襯下試下。店鋪環境以簡約風為主，不過剛入坐時冷氣好凍，到師傅開始煮食時溫度先岩岩好。估計係因為師傳煮食時溫度上升，所以店鋪長期都開大冷氣。溫室蕃茄野菜配風乾火腿蕃茄好甜，配搭風乾火腿一啖過味道非常夾！新開業預約贈送的刺身兩盛，刻意用火槍燒過既吞拿魚，味道唔錯，新鮮海膽醬配松葉蟹肉，超級驚喜！配海膽醬令到蟹肉既鮮味升華十倍！必試！師傅以鹽鋪底，再放上新鮮仲識郁既南非鮑魚再以昆布放面然後加蓋焗原隻上碟配以剛切出既鮑魚膽做醬，用刀叉食鮑魚既感覺比起切好既感覺正好多！就返自己想厚切超彈牙！師傅刻意將魚皮切出，同魚肉分開煎，魚皮煎到脆卜卜，魚肉剛剛好唔會老，滑！師傅處理龍蝦既手勢非常純熟，三兩下手勢就取出龍蝦肉同龍蝦膏，以龍蝦膏做醬汁淋上龍蝦肉，味道非常好，新鮮龍蝦就係唔同啲！同行友人成班餓鬼上身，話要額外加兩份大蝦試一試，大蝦既處理方法同龍蝦相約，但係食落去既感覺大蝦更彈牙，鮮味就都係龍蝦正啲。值得一試！封門柳真係一個好好食既部位，牛味重，香！又唔會鞋！平時食和牛既油膩感太勁，封門柳真係一絕。最後仲有炒飯，龍蝦湯，甜品。同行友人個個都叫哂救命話好飽，飲飽食醉埋單每位$1300，抵食！…Read More