Joanna H's Profile

最近喺中環新開咗一間拉麵店，食譜用心，味道正宗，環境舒適，服務友善，絕對值得一試！今次試咗慢煮雞肉雞白湯拉麵同味自慢炙燒豚肉醬油湯拉麵兩者各具特色。雞白湯拉麵以濃郁滑口嘅雞湯為主打，用好多雞煮嘅湯底，用心制作，慢煮雞肉軟嫩多汁，肉質層次分明，配上新鮮青蔥同彈牙麵條。湯底經過長時間熬製，散發天然雞香，回味無窮。味噌叉燒拉麵則以濃郁咸香嘅味噌湯底見稱。叉燒肥瘦適中，入口即化，帶微甜肉香，麵條煮得恰到好處，彈牙有嚼勁，配搭黑木耳同青蔥更添層次感。我哋加咗$20套餐，包括兩件香脆多汁嘅炸雞同一杯汽水，份量十足，性價比高，幾抵食！店內新裝，氣氛輕鬆，適合同朋友一齊享用，細味一碗暖胃拉麵！…Read More

日式美食之旅：壽喜燒、天婦羅同切刺身飯嘅完美體驗我同個同事喺附近揀咗呢一間日本餐廳食個簡單嘅晚餐，我見餐廳位置唔算多，但係呢都好寬敞，餐廳嘅餐牌選擇都不少老少咸宜，因為當日呢唔算好肚餓我哋係聚一聚，所以呢就淨係點咗三個主菜。首先介紹壽喜燒鍋物帶出傳統日式溫暖感覺。鍋內嘅薄切牛肉新鮮嫩滑，配上新鮮蔬菜同日式嘅湯底，味道層次豐富又唔失清新。特別值得一提係，呢道菜仲可以揀配飯或者烏冬，畀食客多咗選擇靈活性。配飯可以吸收湯底嘅精華，食落更飽肚；烏冬則帶出彈牙口感，兩者都係唔錯嘅搭配。整體質素出色。其次，野菜天婦羅表現更令人驚喜。天婦羅外層炸得鬆脆金黃，內裡嘅食材陣容十足，包羅秋葵、青椒、茄子、冬菇等等，豐富程度10分高。蔬菜都保留咗天然嘅鮮甜同鮮脆口感，油膩感控制得宜，配上簡單嘅沾醬，食落清爽又滿足，絕對係一味令人回味嘅菜式。最後，角切刺身飯係三者嘅焦點。刺身用料新鮮到不得了，內裏有甜蝦、油甘魚、三文魚子、三文魚、蟹柳、甜蛋同帶子等多款頂級海鮮，色彩繽紛同花卉點綴，打卡感滿分，視覺上已經贏晒。口感上，魚生滑新鮮，配搭飯粒同微甜醬汁，味道平衡得恰到好處。呢道菜唔單止質素高，仲有高級餐廳嘅格調，絕對值得一試同分享。總括嚟講，角切刺身飯以其豐富嘅海鮮選擇同出色嘅呈現方式最值得推薦，特別係想搵打卡美食嘅朋友。壽喜燒鍋物嘅靈活性同天婦羅嘅豐富食材亦各有特色，適合唔同口味嘅食客，體驗一頓難忘嘅日式晚餐！…Read More

呢間餐廳隱藏喺樓梯下嘅小巷入面，真係應咗嗰句「好嘢都喺巷仔入面」！餐廳雖然唔大，但幾張枱啱啱好適合一班人聚餐，位置易揾係大道西行入去就到。下午人唔多可以慢慢坐！我哋點咗芝士炸薯條🍟，嗰啲流心芝士簡直好似熔岩，好match 又夠芝士汁。我同朋友都點咗牛肉漢堡🍔，新鮮嘅牛肉Juicy，熱辣辣，好有肉味，加上自家特製嘅醬汁，正！ 漢堡包個包都係有質素都好好味🤤！軟熟嘅麵包焗得啱啱好，有牛油香，又帶少少的甜味，好食過不少漢堡包店。最後上枱嘅係水牛城雞翼。雞翼炸得金黃酥脆，肉質鮮嫩多汁。自製嘅辣醬，酸辣味道啱啱好，唔會蓋過雞肉嘅鮮味，刺激到你一口接一口，食到停唔到口！呢間餐廳真係隱世好味，下次一定要再嚟試吓其他嘢！…Read More

重新投入學習世界嘅我，最回味當然就係每天食好西的日子。可惜又要兼顧事業，又要兼顧學業重要諗埋學費，同埋照顧屋企。現在同朋友食飯多數都會就住就住！我相信有好多人肚餓，都會遇到呢個情況，好想食好嘢，但係荷包經不起風浪。經好朋友介紹嚟到呢一個位於觀塘工廠大廈的一間神秘日本料理。俾我呢一個渴望食廚師發辦兩年嘅朋友一個驚喜。位置不算難搵，其實就係喺APM再行過去牛頭角少少，地方呢十分之寬敞好喜歡呢一個日式雨傘牆，打食物咭一流。點解我會形容係驚喜廚師發辦啦因為佢嘅價錢係$500連加一了！！見到好多好多，一家大細嚟到食，就知道性價比高。係佢令我聯想起我已經好耐冇同爹哋媽咪出去食過一餐好野。好難講返重點，首先呢就會有前菜，跟住呢有四個壽司四個串燒，由於篇幅所限，我都唔寫晒落。前菜三點盛有好惹味嘅燒鮟鮟蓉，呢個係我第一次食覺得好友印象香口，而且覺得好有家庭嗰種風味。蝦蝦寶船 絕對適合家大細品嚐，同埋應該係自家製新鮮三色蔬菜雞肉卷，好juicy !!四款壽司呢有我好耐冇食過嘅白肉豚 配上醋汁。嘩好眼前一亮! 右口魚壽司油分充足，配上好脆的紫菜，上枱真係要3秒食啦！油分剛剛好！正！吞拿魚米通呢個絕對係說不上值回票價嘅美食首先我覺得佢呢個配搭十分之好食，香脆嘅米通配上吞拿魚腩用個人認為五點豉油已經好夠呢個就係廚師發辦帶來嘅驚喜。鵝肝壽司同樣都係好豐滿，而且入口即溶老實講呢個同吞拿魚腩米通係當日其中兩個驚喜之作？至於包括有鹹香嘅雞軟骨，先前嘅豬肉車厘茄同埋絕對係自家製作嘅白蘆筍肥牛卷。三個都好吸引而最驚艷嘅就係黑松露燒雞翼雞翼的油香，黑松露嘅味道同埋蜂蜜糖三種剛剛好嘅balance! 叫炸蝦天天婦羅會配海鮮味噌湯一齊嚟到我覺得佢哋嘅配搭十分之好海鮮湯解一解油！最後總會有一個廚師特製美食同埋粉麵同埋甜品呢幾個由於篇幅所限我就唔寫啦！我要讚嘆呢一度嘅服務質素，超級高，安排食物嘅速度係剛剛好嘅！收碟嘅速度都係好完美服務比好多$2000嘅廚師發辦更好$500 可以食到16種不同嘅日本料理，我認為已經係罕有同貼地了. …Read More

今日呢就有朋友邀請我呢嚟午餐，因為佢咁啱有一張買一送一嘅coupon，呢一度就好近我返工，而且好近我住嘅地方，我每一朝都會行過佢門口，不過一直都唔知道佢係咩餐廳。至於餐廳正式個名Bacchus, 所以呢當你搵名Hollywood / The Terrace 嘅時候呢反而會搵唔到，anyway等我依家同大家介紹吓我今日食個lunch啦其實佢嘅午餐價錢呢就$268性價比真係好高嘅加上呢一個環境，如果可以坐埋露天呢相信會更加好可惜今日落咗場大雨，露天嘅地方已經坐唔到啦。前菜呢我就叫咗呢個傳統的熱批Quiche Lorraine用咗火腿同芝士做餡料，好好食。配上新鮮蔬菜沙律，有少少surprise佢用咗日式芝麻醬。主菜我就點咗公司三文治好大份，好好食，裏邊嘅牛肉好嫩，而且配上moray sauce , 同薯仔片，呢度嘅薯仔呢做得生熟剛好嘅。好滿足，不過如果一個女仔呢真係食唔晒全份。甜品呢就係一個焦糖蛋糕，幾好食，不過甜左少少。其實我呢就鍾意食芝士多啲㗎不過可惜佢今日安排嘅呢係藍芝士，的真係食唔到喇。平時我會叫個芝士再點個白酒有時間嘅話呢可以享受多一陣。至於朋友點嘅seabass 佢話好好食，我無食到，所以介紹唔到。套餐係唔包飲品嘅，我叫咗杯flat white , 咖啡真係不錯。剛剛佢哋嘅服務呢好好好有禮貌啦，環境非常舒服同埋靚。十分之適合商務午餐聚會，希望下次再有機會嚟食吓佢其他時段嘅美食啦！…Read More

上兩個星期有時間同朋友嚟到紅磡呢一間好適合打卡好多靚位影相嘅Cafe由何文田站出去只需要5分鐘就到好易揾當日呢我哋係下午午飯時間過去嘅好好彩仲可以叫到午餐，午餐非常抵食，最貴都係$130就有交易，選擇又夠多，。😙香煎三文魚伴帶子三文魚配帶子，蘆筍蘿蔔蓉揀咗三文魚為主菜，配上蘿蔔蓉及蘆筍以及新鮮帶子。我覺得呢度嘅帶子超級好食，本身想share俾朋友，最後都比我手快快全部食晒。三文魚都係新鮮即叫即煎，做到外皮香脆肉質鮮嫩，以cafe來講，質素係十分之高，絕對唔係只適合打卡。😙北海道帶子藜麥香橙沙律朋友想健康啲叫咗個北海道帶子藜麥香橙沙律，即使係沙律嘅帶子都仲係好好食！份量又夠多又有香甜嘅香橙。😙焦糖香蕉朱古力窩夫心思思想試吓佢嘅甜品，呢個要細心等大概等20分鐘熱辣辣上枱，窩夫香脆有口感，最值得欣賞係焦糖香蕉，好耐冇食過咁趣嘅焦糖外皮啦！仲要配合很大個嘅朱古力雪糕球！雖然我一路喊飽但係我都係一路食嘅。欣賞呢度嘅食物全部即叫即做有質素，打卡位置好多，可以試吓等出邊嗰個靚靚打卡corner。有路天嘅感覺，但係其實係室內有冷氣嘅地方，呢個設計10分細心。價格比好多cafe合理，而且食物質素頗高，好適合同朋友一齊享受一個舒適嘅下午。…Read More

灣仔性價比高法國菜午市連即叫即做可麗餅只需百幾蚊餐廳位於軒尼詩道近修頓球場, 室內有超級多嘅打卡位, 光係打卡呢都可以打半個鐘以上。套餐選擇幾多，價格比附近的西餐更勝價。當日下午兩點到，絕對係食午餐最優質時間 午餐頭盤沙律及前菜二揀一叫咗蘑菇湯 香濃好味 而且份量好多仲有一舊好好味嘅麵包 好味過好多西餐廳，有口感！主菜叫咗法國油封鴨如果想知道間餐廳廚師得唔得呢個菜式係必點啊！份量很夠大，女士未必食得曬，外皮很香。薯蓉好正，夠滑！甜品 必點: 雜莓可麗餅配雲呢拿雪糕暫時係我本年度食過最好味嘅可麗餅我睇餐牌先發現即使散叫價格都很值得，下午偷懶可以過來點一個配個咖啡，扮下法國人。另外，仲散點了鵝肝前菜喺醬料配搭上花咗唔少功夫，增加了鵝肝的口感，減少油膩。地點就腳，而且室內裝修好新淨好適合打卡。適合與一班閨蜜一齊去享受下午茶或者午餐。…Read More

開業仍然深受歡迎 燒烤串燒店 位於旺角太平道附近嘅呢一間餐廳我諗冇印象都記得佢開左好多年，今次係我第一次食，未夠7:30已經開始有人等位。主打芝士撈公仔麵同不同款式嘅燒烤尤其是最多人叫嘅一定係佢哋嘅海鮮。芝士撈公仔麵第一啖呢覺得好濃啊，但係呢越食真係越好食。尤其係燶咗嘅嗰幾舊芝士嘩好正！配搭啤酒肯定一流！燒茄子每台坐低就會叫嘅燒茄子, 見到隔離兩位靚女一人叫咗條。蒜頭味十足而且好大條。燒得剛好不會過乾。燒扇貝呢個係超級抵食嘅海鮮$60有四隻, Juicy 又夠辣。見到隔離叫左聖子，我都有點想叫！燒菠蘿新鮮 份量大 如果加D 糖上去燒肯定仲正！！沙嗲燒金菇呢個係我極力推薦，平時食嘅金菇呢會好乾，冇乜汁啊！呢個鍋燒金菇如果比碗飯喎真係送飯秒殺啊！價錢就ok ~ 人均$160 左右，飲品選擇都多，而且用電話QR code 落單，快捷好多。開左咁耐都咁受歡迎，一定有原因！…Read More

有一個同事好鍾意食辣，我哋每個星期呢都會約定一日去食麻辣嘢，以佢嘅首選呢就係香鍋。我都係因為認識咗呢個朋友先愛上咗食呢一個菜式。但係呢返工附近呢嘅香鍋選擇唔多只可以選擇雞肉牛肉或者田雞。未能夠滿足我咁為食樣樣想食嘅慾望。今日返兼職後約咗朋友喺朗豪坊附近食飯，朋友推介話呢間又抵食又好食。係佢係附近舒適食物嘅首選喎。我呢啲大鄉里出城，今次大開眼界啦！原來香鍋呢唔係剩係得一款餸㗎咋。佢話原來平常呢都係可以點個香鍋然之後任選配料。呢度嘅收費就$26香鍋底，揀五個餸呢就可以炒得啦，價格呢就有二十零蚊，咁即係圍返大概百零蚊就炒得啦！我選咗酥肉，小蓮藕，粉腸，萵筍同魷魚鬚。我點咗微辣，覺得呢度嘅辣呢唔算太勁，所以如果好辣嘅朋友可以放膽叫！酥肉超超超好食。好脆，必選，如果你同我一樣會係牛肉酥肉同肥牛之間做選擇，唔好諗啦食素玉啦！小蓮藕呢我本身都諗唔到係咩嚟㗎，起初以為係細嘅蓮藕。原來口感完全唔同，質感好獨特。朋友話係川菜常見，冷盤經常出現，不過小食所以唔知。魷魚鬚分量超多又入味萵筍絕對係食川菜辣嘢必備之選佢煮得好爽脆，正！！除咗呢個咁好食嘅香鍋之外，我哋叫咗個前菜叫籐香雞！好食，雞髀為份量多講緊60幾蚊都好大碟啊！佢唔辣但係有少少麻香，適合唔太食到辣嘅朋友們！人均使費百零蚊～ 重點係呢度嘅服務都真係幾好㗎，我一餐飯裏面跌咗三次筷子。每次我未舉手，姐姐會立即比對新嘅比我，而且餐廳盡量都會安排一啲大啲嘅位置等食客食得更加舒服呢啲服務呢就真係值得讚。…Read More

落雨濕濕會令人心情變壞。好似乜都唔想做唔想理咁。木蘭沒有送我們一天假期，但帶來了幾天豪雨！做完facial 一離開美容院，又一場豪雨。本來想找間餐廳食個晚餐，都已經變得冇晒心情。想快啲返屋企。既然咁大雨，速遞都唔會送啦唯有自己嗌外賣！就嚟到厚福街，我覺得係外賣嘅天堂。唔同種類款式嘅食物都應有盡有！而且價格都幾實惠。見到有間串燒店，返去配個啤酒飲下都好喎！叫咗一個二人套餐外賣要加多$5 ，價錢都幾OK啊又有四款海鮮，有肉，最緊要係有燒茄子啊！！！燒茄子係食串燒不得不出現嘅~ 返去同爸爸一齊啤啤佢~ 大概等咗10幾分鐘呢食物就已經齊，拎得啦！覺得店員都幾好，會話你聽隻茄子係生燒，所以真係要成20分鐘。既然落雨都冇地方去咁就坐低等吓。佢哋用錫紙盒包裝，我返到港島區啲食物都仲係熱辣辣嘅！讚！呢度連兩罐飲品$380。茄子超級好食，舖上菜脯蒜蓉蔥同辣椒仲要燒完都好濕潤好好食。又大條！好食過屋企附近某某知名燒烤店！新鮮嘅燒蠔，同扇貝，扇貝上仲有好食嘅粉絲添。欣賞佢哋嘅海鮮都係可以保留到好多水份鹽唔會好乾。正！燒大蝦真係好大隻大過我隻手~ 蝦肉彈牙唔會乾！佢哋嘅外賣呢都有啲心思㗎，擺位呢有諗過度過，大家可以安心外賣返屋企慢慢食。唔會驚啲汁撈嚟撈去。太耐冇食過台灣腸覺得呢個真係好好食，雖然係普通嘅台灣腸，但冇得去旅行之後變得格外珍貴呢個份量呢二人食都有啲多，爸爸一路食一路話嘩好抵食喎！四個海鮮十串串燒仲有原條茄子，滿足滿足。下次要叫再辣啲先~ …Read More

雖然附近都好多打卡嘅餐廳，揀黎揀去都係想去有大自然感覺的餐廳，再加上成日食cafe all day breakfast 都有點厭。之前呢都嚟過但係因為要等太耐所以放棄。今個星期我的起心肝2:00過嚟排隊食下午茶，開門見山直接同餐廳講我好想去最靚嗰個位打卡啊。我想講呢度啲員工真係好好，佢好坦白咁話俾我哋聽因為最靚嗰個位呢就真係有排等啦，不如坐隔離啦。咁我哋最後都坐咗隔離，一個落地玻璃嘅地方大有冷氣都幾舒服㗎。講返食物，下午茶價錢呢有幾抵食嘅$58至到$98左右都有，同埋呢都會有主餐牌嘅食物供應。我哋兩個人叫咗三個下午茶餐再另外加多左一個小食，埋單呢就$360左右。因為係閑日嘅關係，下午茶時間呢都有啲空位，所以我哋都有機會去最靚嗰個位置打卡。十分之愉快咁樣完成咗我哋嘅打卡任務就開始起動啦。跟餐嘅椰水都幾好飲略嫌多咗啲冰，變成比較淡。個串燒豬頸肉好好食，juicy 到不得了！唔係下午茶嘅單叫蝦餅，成隻蝦喺裏面，大舊又夠熱！好食！！下午茶 柚子大蝦沙律擺盤靚到呢，食落都好有質素。驚喜 必選跟餐嘅咖啡，濃郁好香但係唔知係咪泰式係加咗糖。有啲甜。。。呢個芒果糯米飯甜度適中，樣又靚，份量都足兩位食。糯米飯用咗斑斕葉煮，雖然味道不突出，但令到整體嘅顏色靚咗好多。可惜當日嘅芒果真係偏酸，質素已好高，又影得相又食得。要多謝咁多位年輕嘅員工，首先很配合比我地有時間去靚位影相啦，呢個簡單嘅生日下午茶食得好開心。…Read More

啱啱嘅尋日呢就收到佢哋幫整嘅蝴蝶酥100件，包裝係幾靚嘅問題係係一個好細好細嘅袋，但個蝴蝶酥呢只係得手指頭咁長，放落去呢同佢網頁相片，同OR 見到嘅post 不符。好核突咁都唔係問題啦！當我睇得唔清楚啦，咁都係嘅因為佢事實冇講明個蝴蝶酥係幾大，可以做到一個手指頭咁大。就OK嘅真係味道。不過最震撼我三觀嘅呢係正當我同佢哋講話你送少咗貨啦，要求退返你冇送到嗰幾件嘅錢，同埋反映番佢嗰啲膠袋好臭。從來都冇要求過要退嗰啲手指公咁大嘅蝴蝶酥嘅錢呀！唔應機啦跟住呢隔一陣你再追佢佢就咁啦！個袋呢好大好大，蝴蝶酥個size真係細到連樓下餅店都話值一蚊？唉人哋散水餅都係為咗散個靚水啫，俾你咁樣搞成咁都不特止。仲要同你講嘅時候你咁話人。大家睇路 (最後有退到無送的十幾件錢) …Read More

相信每一位朋友都同我一樣，期待疫情過後，可以再四處走走，看看世界。疫情過後你第一個想去嘅地方喺邊度呢？我有不少嘅朋友都會話想去日本同台灣。喺好多香港人嘅心目中呢兩個地方真係好似第二個家。好慶幸嘅係，即是我哋冇辦法離開香港呢度都擁有好多高質素嘅餐廳，讓我哋可以喘息一下，來到呢啲餐廳，望梅止渴一下。可以想像自己置身於外地，品嚐一下那些美食。天吉屋，食嘅係美味的天丼，我記得自己第一次食天丼係喺日本，仲要排咗勁耐。但係入口嗰種美味係難以言喻。嗰時香港都未盛行呢個美食。現在好多地方都有供應。我哋今次姐行三日遊午餐嘅時間已經講緊要食天丼，既然係咁坐言起行啦^_^云云嘅天丼我揀朗豪坊嘅呢一間，點解？因為佢嘅魷魚真係好好食，肉厚Juicy . 厚度大概有手指頭咁多。超好食！今次嚟到發現佢哋出咗一個都幾有趣味嘅套餐天幕御膳，先食美味嘅天婦羅，再吃天丼，最後將未食晒嘅飯加上美味嘅堅魚湯，搖身一變變成泡飯強烈推薦大家食呢個餐，因為佢個堅魚湯真係好清甜。仲再以refill ，不過啲飯呢一個女仔係食唔晒㗎。所以我食唔到泡飯我已經認輸啦。但係個堅魚湯眼前一亮，熱辣辣，好適合現在嘅天氣！曾經聽過有朋友講某某餐廳嘅天丼，啲油好似有少少怪味，我就覺得天吉屋做天婦羅真係好出色，不會太油，但香脆美味。朋友點嘅係軟殼蟹天丼，軟殼蟹份量十足，半但size 好大啊！炸得恰到好處。正！而我最鍾意嘅當然就係佢嘅流心蛋同埋好大舊好Juicy 的魷魚。至於飯人面醬汁份量剛好，唔會太多唔會太少多得滯，不會蓋過天婦羅嘅香味。就咁睇相唔夠震撼唔夠吸引，三個女仔全部都飽到頂住個胃，10分滿足地品嘗呢個美味晚餐。另外佢哋嘅服務係好好，正當我哋仲喺度一頭霧水唔知點樣食嘅時候佢哋會主動過嚟教我哋點樣去整嗰個三部曲，可惜自己眼闊肚窄未去到做泡飯已經認輸嚕。我哋離開嘅時候7:00外面有人排隊，係該商場內少有有人排隊的餐廳。…Read More

已經好一段時間冇喺OpenRice裏面寫文章，最主要嘅原因因為工作繁忙學習亦都好繁忙。有啲乜嘢驅使到我今日要特登開返出嚟打一篇文。就係呢一間LN coffee ，香港人，大部份心目中會覺得咖啡室呢就係屬於休閒啦可以睇吓書啊，溫習吓或者攞吓電腦睇吓嘢嘅感覺。其實大部份中上環區嘅咖啡室，我真係講緊由上環四方街開始去到石塘咀，佢哋午市後嘅下午茶時間呢都普遍係接受客人坐喺度用電腦或者睇書溫書，形成咗港島區深受歡迎嘅咖啡室地圖，亦都因為咁樣形成左一種比較獨特嘅溫習氣氛，當然大家都要有互相合作啦，真係生意難撈，後面有人等緊位，打書釘或者用緊電腦嘅人呢都會主動同員工講可以調一調去啲角落位，或者會提早離開。當然亦都會有例外啦LN coffee 行落少少嘅一間知名網紅咖啡店呢，佢就係逢星期六日講明用餐時間係1:5小時啊因為佢哋真係好多人排隊多到轉晒彎。又或者係另外一間都係喺呢附近嘅網紅女神級咖啡店，佢會話有機會需要還枱但係呢都係睇返情況有冇人排隊。然而呢一間呢就係我喺呢附近見過最震撼難以置信，同埋真係要特登寫篇文佢講嘅一間咖啡廳，首先佢係帶有歧視嘅，如果你帶部電腦入去嘅話呢咁，員工好似覺得你唔適合入嚟㗎。其次呢就係佢會因為你帶電腦或者攞本書出嚟呢，你叫左食物，就會走嚟同你講話你得1.5小時用餐時間，又或者同你講後邊有訂枱所以你要走，然而我又特登坐係對面嘅三文治舖嗰度觀察左成晚，都係發現佢係冇再有返枱。如果你真係咁介意人哋坐唔坐喺呢一間咖啡廳裏面溫習或者攞電腦或者睇書而感到不滿，而特登趕走人呢其實你可以有幾個方法嘅咁就改咗做餐廳咁樣嘅話呢我相信就唔會有呢個問題。都係果句啦不可一不可再食物就唔會特別評論好唔好食啦！咁但係如果素食餐廳來講都還可以不過其實附近呢都有好多間呢好不錯嘅素食cafe , 餐廳。唔好來受氣啦！…Read More

JoMO really not a good place to come here if u are alone , and those staffs are pretty impolite on asking you to leave in 1 hour . And here is too noisy and they only focus on the people who come for 1 person and ask people leave . For those girls who sit next to me,they are scare to ask them leave even they sit over 1.5 hours, maybe they scare to talk by English ? Haha …Read More