bobby3987's Profile

跟呢間茶記結緣，計落可能都差不多十年前，即使冇，至少都七八年前好記得第一次幫襯老闆知我影巴士，同我都吹左幾句，而事隔一段長時間再幫襯，冇諗過老闆會認得我，而一直最深印象既裝飾既，就係個架八十年代既家庭電視機今日又去幫襯，老闆一見到我就話又係雞髀燴意粉呀，個時我仲未決定食咩，既然老闆咁問，一於就呢個喇，雖然我唔記得上次係咪食呢樣定雜扒飯冇錯，味道唔一定同出名既茶記有得比，但的確有一種昔日食既味道，而最重要係仍然有一種味，就係人情味…Read More

今日有事要出中環一趟，出到去先食早餐，正搵緊食咩，呢間餐廳就出現係面前，望望餐牌，又ok喎價錢坐低揀左吉列豬扒配羅宋湯通，加多半條司華力腸以防唔夠飽，凍啡走甜初時會認為碗通粉正常茶記湯碟咁喇，黎到有少少嚇親，竟然係咁大碗，而且碗湯都多料夠味，而塊豬扒同腸都唔迷你，同你斬埋件，食完好滿足至於裝修都唔錯，坐得舒服又有電視睇，中環計54有咁份同質素，老實講冇投訴喇…Read More

正當去完回收諗住去美利食野，神推鬼㧬下行左對面馬路，記得之前經過時有呢間餐廳，於是改變主意，試下新野點左炸雞漢堡，頭盤要左沙律，凍齋啡走甜，果然冇令我失望，尤其漢堡既炸雞，厚肉又juicy，服務態度亦非常好，值得再試…Read More

今日出開魚街，唔想又茶記咁heavy，成日行過Grove又想食意粉咪試下，叫左個豬扒意粉（唔記得係咪豬鞍）加凍伯爵茶，坐低一陣黎杯茶，至於碟意粉………………，等左差不多四個字都未黎就問下，個男士話豬扒唔知要點整，咁再等，期間個男人再主動話要等多陣，之後見出意粉同魚，遲過我既都有得食，望下廚房，煎緊兩件唔知豬定牛，於是話唔要退錢，對方仲話就快有得食，真係咪搞，放假姐，唔代表我要咁等，同埋標榜休閒都唔係代表出餐慢成咁呀…Read More

今日放假路過筲箕灣，心諗都係茶記醫肚算，點知見到呢間餐廳，睇下又好似唔錯，於是豪少少喇叫左個burger，加20蚊要埋湯同蒜蓉包，個湯睇落似南瓜湯既fd，但飲落有少少薑味，又好似甘荀湯，飲完問職員，佢load左陣先講係薑同甘荀整既，個湯唔差而蒜蓉包盒乎期望喇至於主菜個手打漢堡加太陽蛋配特製醬汁溶岩芝士加薯條，個包黎到時職員問要唔要手套，結果證明要手套係冇錯，手渣住食咇哂d蛋黃同汁，而薯條應該落左少少味粉，都幾好食餐飲凍檸茶走甜，都係大路野喇，順帶一提佢枱上邊既水有加幾片西柚，飲落又有少少似飲檸水咁至於服務方面，唔錯，店員有禮，態度親切，值得一讚…Read More

影親巴士黎呢度，食過雲吞麵，粥，炸髀同最多既北京水餃，今日路過見有一間有意粉食，諗住去完錦綉出返黎就試下入到去差不多兩點，叫左菠菜雞絲忌廉意粉，見有凱撒沙律就叫埋試下，飲野冇諗過冇檸茶，結果叫左罐zero個沙律都唔錯，菜都新鮮爽口，至於意粉都彈牙，料都足，整體唔錯，唯一要投訴冷氣唔夠，汽水都唔夠凍，今日咁酷熱天氣，對於我呢個郁一郁都爆汗既人黎講，真係爭咁d…Read More

曾經黎過幾次，因為呢間餐廳既汁真俾好正，仲要有個農夫包配咖哩雞球，擔擔麵醬既西多等等，而覺得呢間係隱世茶記，今日再黎望到門面廚房，感覺靈魂人物已非昔日之人，直頭心中暗叫，唔通市道差而易手叫既野黎左知道出事了，公主忌廉湯𣶷而無味，而且竟然有冬瓜粒同豆腐粒入饌………………，曾經食過熱辣辣脆卜卜既肉絲炒麵亦都已經失去上次既水準，至於鐵板嫩牛柳既洋蔥汁，一見已經水汪汪，絕非當日要專登叫黎點麵包既洋蔥汁，跟餐意粉亦唔再係茄汁炒過，只係求其用蒜蓉撈一撈，更遑論係炒過，只係比白烚好少少，而鐵板牛柳同中式牛柳味道近乎一樣雞髀飯既黑椒汁偏甜，感覺係一隻汁開出幾隻汁一樣………………唯一仲ok係椒鹽鮮魷，或者叫錯野，不過應該唔會再有下一次囉，自今仗之後，同朋友們又少一個飯聚地方…Read More

本身去左盈暉臺搵食，點知係沙漠黎，就走返美孚食牛車水，其實已經知係茶記一間，思前想後因為想飲餐湯同食個餐包，於是點左豬扒拼鴨胸其實冇期望應該冇失望，但黎到食完，覺得豬扒多肥膏，冇咩肉，鴨胸交來貨色煎完之後又係油，係個湯一般水準仲好多粟米，杯凍檸茶走甜都ok，但要一舊水就有少少唔抵…Read More

搬左黎白石角差不多一年，基本返工都係幫襯大學站既美心，雖然水準穩定，但成日食都會厭，加上都多人幫襯，所以都會幾逼今日早左到大學，終於可以試下呢間canteen，早餐都係基本款式，但可以轉牛角包，最驚喜係西式扒聲早餐係有碟沙律菜，呢個係早餐黎講比較少見，真係值得讚價錢其實同美心差不多，但質素同環境，呢度會比較勝一籌…Read More