X962's Profile

近年有不少翻新街市，除咗保留傳統美食，仲搵到唔少新嘢！呢間燒洒一族，除咗藍田德田、啟田街市，南昌、坑口厚德、馬鞍山恆安、顯徑、大元街市都有分店。主打西式燒味，將港式燒味變奏，平民價錢就試到西餐廳燒味。燒豬手係燒洒一族嘅招牌菜即叫即開，份量多到爆晒盒金黃色脆皮好吸引入口鬆化，肉質偏紅軟嫩，帶點肥膏，鹹鹹香香幾惹味，識嘆用嚟佐酒一流！$68原隻燒春雞真係好抵食，原隻絕無取巧打開盒陣陣香草、焦香味，啖啖肉雞髀位尤其嫩滑，點埋小包黃芥辣醬，味道再昇華。瓶裝冷盤酒醉系列，將煮好食材放入花雕雞中，再密封，易於冷藏，方便衞生。今次揀咗燻蹄，即係豬腿，有十多塊，好爽口每件都充滿酒香，用嚟伴湯粉麵都不錯。…Read More

元朗水邊圍附近，新開咗間泰菜外賣店行過見幾多人圍住，埋去見店員好落力推銷，同時廚房又keep住出爐，賣相都唔錯於是幫襯試咗幾款…米紙卷薄薄米紙包住檬粉、蘿蔔絲、青瓜絲、炸蒜等，再配蝦或蟹柳。夾埋自家製醬汁，輕辣開胃細食人仕當正餐都夠晒飽。泰式豬頸肉呢樣好食份量多，大塊厚身肉質爽口鬆軟，帶肉汁，焦濃惹味，肥膏位好正酸辣汁將味道昇華。泰式豬手大大份炆足8小時，醃得非常入味，肉質軟腍，肥瘦均稱，酸辣口味可自行調節。芒果糯米飯泰菜必食芒果新鮮香甜，椰汁味香，配白、青、黑糯米飯，口感煙韌軟糯。椰汁斑蘭千層糕手打磨成斑蘭汁製成，斑蘭味濃椰汁味道香甜，入口軟滑。椰汁西米糕上層係西米糕，好幼滑；下層有芋頭、粟米粒，傳統又好食…Read More

荃景圍荃灣中心可算係自成一角嘅屋苑，食肆餐廳以街坊小店為主。好似呢間住家福美食，雖然只係一般裝潢，但主打充滿人情味嘅住家美食。早餐都有唔少選擇，而中午過後就有招牌蛋包飯、扒飯、讚岐烏冬等。今次係朝早去，試咗全日早餐！好豐富，有煎雙蛋、香腸、煙肉等…原本嘅雞扒今朝賣晒，換上板燒豬扒，反而仲有驚喜即煎香口，大大塊、無筋、肉質鬆軟，燶邊位正，用少少黑椒調味唔錯…Read More

又新街呢間街坊小店「餃好味」，主打招牌煎餃/湯餃、冷盤涼拌、小食炸物。最近佢哋轉咗手，由90後主理，質素提高仲更貼近年輕人口味。粟米鮮肉煎餃餃子好抵食有多種餡料選！個人較喜歡煎餃，即叫即煎，邊位脆口皮不過厚。餡料唔算好飽滿，六隻份量剛剛好。炸雞軟骨炸雞軟骨同煎餃係最佳組合保證落單即炸呢樣有驚喜，賣相金黃，size比一般大粒，唔會炸過龍，外脆內軟香辣帶點鹹香。冷盤麻辣豬手/麻辣雞腳獨家麻辣配方用足12種醃料製成，麻香十足，小辣程度幾過癮豬手味軟腍，皮夠爽口，麻辣正可減肥膩。咖喱三寶魚蛋夠彈牙，豬皮蘿蔔好爽脆，咖喱汁自家調製做到先甜後辣輕輕嘅5小辣，嫌唔夠？可要求追加咖喱汁。…Read More

呢間人氣小店十三姨，每逢飯市都好快爆場，菜式選擇雖然唔多，但貴精不貴多，每樣都好吸引咁喎其中鵝肝煎蛋飯係招牌菜之一鵝肝可算係高檔嘅食材，估唔到喺呢度百元鬆啲都可以食到。香煎鵝肝份量都唔少，賣相肥美充滿油光，好邪惡！外層煎微脆，油脂加埋蛋汁，再撈埋XO醬、香蒜、蔥，辣辣的超惹味記得要加旁邊嘅秘製豉油，鹹味就可以自行調節。…Read More

觀塘工廈呢間新開外賣店Jikka，主打燒雞、熱狗、自家酥類烘焙等。唔好以為工廈就好隔涉，其實距離觀塘海濱唔遠，攞去野餐唔錯嘅選擇。店內亦設少量堂食。確保燒雞新鮮出爐，可以WhatsApp落單，自選取時間。外賣包裝唔會完全密封，咁就算拎得遠都keep到香脆！返屋企途中已不斷聞到香草味，好想快啲開餐！打開依然好靚，撕開滴晒汁，雞肉超香嫩滑，每啖都係香草味，食得出燒前做咗好多準備，好味！烤薯角有原味或者香辣選擇，大大條好飽滿，做法別一般炸薯角，雖然無咁香口，但食起來更健康。…Read More

大埔中心附近嘅昌運中心，商場地下呢檔粉果佬，由廣福邨冬菇亭搬到出市中心，以手工燒賣粉果聞名。深受街坊歡迎，繁忙時段keep住有人龍…超誇張當日都排咗25分鐘先買到。粉果人手包到似水餃咁，Size明顯比一般嘅大粒，拮起好重身飽滿，皮簿晶透，咬起唔會黏埋一嚿，餡料有菜脯、蝦米、豬肉等，好豐富！至於燒賣同樣係大粒過人，手打魚肉塞滿好足料，有魚膠質感，點少少辣醬更惹味。但畢竟手工燒賣坊間都常見，相比粉果顯得較普通。…Read More

提到芝士麵，大家會諗到尖沙咀嘅新記，如果入到天水圍，就搵到呢間新北江商場嘅街坊小店，用芝士麵做埋招牌，舖名就係叫「芝士面」。一場嚟到試咗佢哋招牌豬頸肉撈，同尖沙咀新記嘅唔同，佢哋煮麵時已經加入芝士成份，所以每條有芝士味，然後上碟時再加上秘製芝士汁，但整體味道又會剛剛好，唔會過龍。烤豬頸肉個人覺得反而先係主角，有别一般茶記嘅備用豬頸肉！據說經過長時間慢烤，盡量keep住肉汁！剛烤起好香口，咬落鬆化爽口，燶邊位好正！…Read More

最近石板燒牛扒都越開越多，呢間新開韓國過江龍福岡漢堡扒，都係玩石燒，不過就係燒和牛漢堡…店員非常友善，主動會向客人介紹食法。另外每個座位都有獨立抽氣筒，即使全場坐滿，油煙味不算厲害。漢堡都有唔同份量，分大、中、小size，落單後，廚房會將漢堡搓成球體，然後大家每次切一少份，放上圓形熱石燒約幾秒，兩面變色就可以食…漢堡扒帶肉汁、肉味香，撈飯唔錯夾埋燶邊蛋、香蒜、芝士，好香口惹味但就嫌燒過嘅漢堡太多油脂，有點誇張！不過可以邊食邊玩，都幾過癮！…Read More

話說上星期Weekend想過得慢活一點，無聊上了中半山，發現間叫娘娘嘅小食店…入到去雖然見唔到有娘娘但就俾餐牌三文治吸引咗…佢哋嘅三文治用上巨型大白兔糖紙包住，有別一般，賣相上加分…呢份係大啡菇三文治，即叫即做！好大份！配料蠻豐富，橫切面好震撼！大啡菇好厚身幾Juicy，煎蛋帶有蛋汁，再放入新鮮生菜、番茄…最後輕輕一浸嘅牛油果醬，配搭夠清新開胃。…Read More

經過新蒲崗Mikiki商場附近，無心插柳發現咗呢間新開嘅叉燒丼飯餐廳，以港式叉燒飯做招牌，作為叉燒控緊係要試下…先講賣相，擺盤好靚，兩大隻太陽蛋又夠晒吸睛！煎蛋都算得上係脆邊，但如果同銅鑼灣間「兩草」脆邊煎蛋比較，仍然差少少，未到「薯片脆」嘅感覺。至於叉燒…真心唔錯喎！餐牌寫明係「極上」其實係用咗靚梅頭肉。今次試咗肥叉，肉質夠軟腍，完全唔韌！咬落鬆化，部份更入口即熔，而且燶邊位夠脆，仲輕帶點炭火香。…Read More

呢間觀塘鴻師傅，之前食過招牌叉燒飯已經一試愛上，原來呢度午飯時間，仲有限量嘅燒腩仔飯…燒腩仔係指豬腩位五花腩部份，所以脂肪位較多，肥瘦層次更分明。而且多數去埋骨，上碟賣相仲比一般燒肉更靚仔。佢哋自家燒製嘅燒腩仔…做到層皮夠脆！肥肉好滑，脂肪位入口即溶，而瘦肉部份軟腍唔靭，調味亦唔會過鹹，整體肥而不膩。即使係外賣返屋企一樣咁好食…Read More

迎接夏天！大家對台飲嘅熱情應唔會減退，加上越開越多，好似點都有間喺附近。呢間小茶堂，開業一段時間，之前飲過唔錯，地點又就腳，直得回頭…芝士奶蓋烏龍王 (左) $27頂層好濃厚嘅奶蓋，份量差唔多半杯，入口幼滑，芝味洋溢。下層茶底味道一樣特出，叫得烏龍王飲落明顯唔同，茶味夠濃，又有茶香。小山園抹茶鮮奶 (右) $26用嘅係真正抹茶粉，唔係用綠茶呃你，飲落即時feel陣陣回甘。用上明治鮮奶，已經夠晒香滑，仲可以加$2轉做厚鮮奶。另外建議少冰，咁就唔會冰熔咗而味道變淡。…Read More

呢檔大圍名物 - 手撕雞腸粉，不敵昂貴嘅租金，做埋呢個月尾…就會講聲再見用麻辣手撕雞當小食掃街佢哋可以話係始祖，而將腸粉/撈麵擺埋一齊…原來係咁夾！麻辣level會好食食雞煲咁有7級選擇，小弟一向唔好辣，揀咗BB辣感受下！而手撕雞夠新鮮，冇雪藏味，肉質好嫩滑，雞皮夠香，落埋麻醬夠晒惹味好食！老闆娘話最近已經物色緊新嘅鋪位，相信好快會回歸，到時會再同大圍嘅街坊居民…仲有各位假期紅日入大圍踩單車嘅朋友見面。…Read More

細個喺呢區長大，新桂香當年雖然唔係經常幫襯，不過重拾舊地，見到街坊落嚟斬料加餸，與師傳們之間嘅人情味，令不禁勾起唔少回憶…講番叉燒先…睇賣相夠晒肥美，燒得色澤編紅，特別燶邊位好吸引，充滿焦香！據説燒時用上麥芽糖代替蜜汁，所以吃起來特别香甜。肉質肥瘦相間，口感軟腍中帶鬆化，相信附近嘅老友記都不難咀嚼。…Read More