lylcalvin的個人專頁

同朋友行經鍋鑼灣，諗住搵間日本料理店食，上網搵資料五花八門，最後決定食呢間三川，雖然間鋪唔算好多大，但都幾多人，應該食物都唔錯。我哋點咗個兩人前刺身，食材都幾豐富，有帶子、呑拿魚、赤貝、蝦、劍魚等等，而且每一款刺身都大大件，而且仲好新鮮，同連鎖壽司食嗰啲跟本無得比。明太子蟹肉醬焗蠔肉蘑菇批，蟹肉加蠔肉嘅配搭都有新鮮感，而且都好夾，蘑菇應該係大啡菇，並不是蘑菇。鰻魚炒飯，用日本珍珠飯炒，加上上等鰻魚肥美可口，值得推介。…查看更多

同朋友喺旺角搵嘢食，佢話有間餐廳專門食燉飯，雖然我唔知係乜，不過冇所謂啦一於試吓。佢嘅裝修有大落地玻璃，望入去空間好大好舒服。我哋點咗四個燉飯，幾個小食同埋飲品，原來燉飯有啲似意大利飯。第一個係烤章魚墨魚燉飯，個飯有墨魚汁做嘅，所以全部都係黑色。龍蝦干貝羅勒堅果燉飯，全隻龍蝦開邊，新鮮又鮮甜。干貝燻鮭翠瓜奶油燉飯，奶油味好香，而且有幾粒新鮮嘅帶子，加上三文魚係入面，值得推介。川味剁椒牛肉燉飯，辣辣地幾惹味。特製雞中翼，份量都唔少。軟殼蟹小漢堡，我覺得呢個係另一款要推介嘅食物。每日昔昔，類似奶昔嘅健康食品，用季節生果做嘅。最後點咗四杯飲品，有洛神花茶、玫瑰花茶、奶昔同埋黑糖牛奶。…查看更多

這間台灣麵有唔少分店，之前已經食過覺得唔錯，今日就同朋友試吓荃灣呢間佢哋嘅選擇認真唔錯，有唔少嘅台灣麵、飯，同小食揀，而且可以一碗揀兩款，仲可以一個麵加一飯咁樣一碗兩食，呢個係滷肉飯加紅燒牛肉麵，滷肉半肥瘦而且唔會太肥，牛肉麵肉質同湯底都唔錯。香辣牛肉麵加豆腐肉燥飯，辣到適中，怕辣嘅朋友都食得到，肉燥飯就夠香。鹵水豬耳，豬耳夠晒鹵水味，而且份量都唔少。鹵水雞翼，同豬耳一樣夠晒入味。海蜇燻蹄，我覺得呢個係必食推介！最後點咗一杯珍珠奶茶，同埋一杯荔枝玉露。…查看更多

有台灣朋友嚟香港，當然帶佢食好嘢啦，今次就揀咗深井燒鵝，我哋就去咗老字號嘅陳記。一坐低我哋就點左半隻燒鵝，講真真係燒得唔錯，熱辣辣，而且冇燒到過火，個皮仲有少少脆，再點埋啲酸梅醬，真係襯到絕呀。芥末沙拉骨，沙拉骨肥瘦適中，用芥未醬去煮，可以增加食慾。豉油王鵝腸，我呢個都係必食推介，鵝腸唔會太肥或者太瘦，而且鵝腸入晒味，認真唔錯。啫啫芥蘭煲，煮得好食都唔係容易架，當然芥蘭一定要新鮮啦。椒鹽魚扣，熱辣辣脆卜卜，送啤酒真係一流。砵酒生蠔煲，隻隻蠔都好新鮮好大隻，而且用砵酒煮，可以更加帶出生蠔嘅鮮味，呢一餐真係唔錯。…查看更多

今日同朋友諗住去食日本嘢，佢提議不如去食烏冬，仲介紹左呢間八沢，話入面啲烏冬有好多選擇，當然入去試吓啦。首先我哋點咗幾個小食，第一個係芥辣八爪魚，芥辣味唔算好重，但八爪魚就好新鮮。第二款係吉列炸蠔，生蠔唔算好大隻，但我覺得適中，而且炸得唔錯。有機芝麻醬滑豆腐，豆腐夠滑。講明烏冬專門店，當然試足佢三款啦，第一款係極上牛肉湯烏冬，食得出牛肉係頂級，湯底清甜。第二款係黑松露忌廉海鮮烏冬，除咗海鮮新鮮之外，我覺得湯底先係主角，又濃又香滑，必食推介。安格斯肉眼牛扒掛烏冬，呢個就比較特別，因為係好似沾麵咁上，掛嘅意思就係乾身咁解，跟住會比啲汁你點會，想試新口味都可以一試。…查看更多

同朋友去東涌行outlet，之後再喺附近搵嘢食，見到呢間六小館，感覺都好乾淨，同埋菜式都唔錯，於是入去試吓。我哋4個人點咗6個小菜，瓦撐豉油雞，雞肉嫩滑而且入晒味，而且熱辣辣，第一款餸已經要推介。白麵醬炒時蔬，菜可以揀白菜或者菜心，我哋揀咗菜心都幾幼嫩。鮮果咕嚕肉，咕嚕肉雖然係主角，但鮮果肉都用咗合適嘅配搭，有荔枝肉、桃肉同埋菠蘿。甘筍燴牛肋肉，牛肋肉炆得好入味同夠晒林。砵仔焗魚腸，好少地方有得食，而且好少地方煮得好食，佢係其中一間，抵讚！蝦子扣柚皮，同樣係好少地方有得食嘅菜式，抽皮人晒味，唔錯。…查看更多

朋友介紹我去呢間膠得喜餐廳，話佢哋煮嘅花膠無得頂，而且款式創新，一於試試佢。首先係螺頭淮山杞子花膠燉雞，聞落去已經好香，飲落去第一啖就嘩咗出聲，鮮甜到不得了，花膠吸晒螺肉同雞嘅味道，真材實料。花膠濃湯雞㷛，雖然無咗第一個湯嘅清甜感覺，但多咗一份濃濃嘅雞味，花膠份量絶不馬虎。膠得喜撈蝦子面，蝦子面都食得多，但係用花膠做配襯就真係未食過，感覺幾招積。首創鹽酥花膠，有咁嘅整法真係未食過，感覺都特別，而且唔會太咸。最後加多兩碗糖水。…查看更多

約朋友喺旺角食晏，佢帶咗我去煙廠街呢間OCIO試吓，話又大碟又抵食。我哋分別點咗三個餐，有餐湯，主菜同餐飲，餐湯係忌廉蘑菇湯。我哋點咗個小食，炸雞翼，佢嘅口味有啲似水牛城雞翼，小小辣，幾惹味。墨味意大利粉，意大利粉煮得唔太乾身，啱啱好，而且用咗好多海鮮去做配菜。黑松露意大利粉，香濃嘅黑松露醬汁，加上少少香葉嘅襯托，真係好難煮得唔好食，唔錯。安格斯肉眼扒，肉眼扒有15安士，適中嘅份量，嫩滑嘅肉質加上薯條同沙律，令人回味。…查看更多

朋友喺太子試過呢間叫做餃掂嘅餃子店話好好食，難得銅鑼灣見到都有分店，於是一於入去試吓。首先我地點左一啲小食，黃金原味皮蛋，佢同普通皮蛋分別就係在於佢比較香，同埋冇咗一陣普通皮蛋嘅怪味。四川涼麵，佢有三種辣度俾你選擇，夏天食認真唔錯。蜜餞雞翼，正宗蜜糖雞翼，甜甜地唔錯。元貝豬肉餃同雲耳椰菜豬肉餃，元貝餃有一種鮮味，兩款嘅湯底都非常出色。龍鳳松茸雙灼餃，呢款係招牌餃子，而且我推薦佢係必食，用松茸加入餃子，感覺好新穎而且真係好好食。香煎韭菜豬肉餃，佢每款餃子都可以選擇湯、煎同埋灼，我覺得韭菜餃最適合用煎嘅方法去烹調。粟米豬肉餃，粟米應該係用超甜粟，又大粒又甜。最後我哋試吓用湯煮嘅韭菜餃，一樣咁好食。…查看更多

同朋友行經尖沙咀，大家都想食日本野，見到呢間平成個門口設計有種日本居酒屋嘅感覺，於是就入去試吓佢嘅格局唔算好大，大約坐到五枱客，食物嘅選擇唔算太多，但就好具特色燒雞腎，火候控制得啱啱好，唔會燒得太乾香蔥牛肉卷，鍾意食蔥嘅朋友呢個一定要試三重芝士火燒大菌，三種芝士嘅口味各有特色，配埋大菇都幾好味三重芝士火燒咖喱牛肉丼，今次芝士再加埋咖喱汁，層次更加昇華左黑松露鹿兒島和牛丼，呢個係必食推介，松露配和牛淨係聽個名都吸引啦胡麻冷麵，唔好睇佢好似好普通，但真係好好味，一定要試最後叫咗四杯梳打，有百香果、巨峰提子、荔枝同埋士多啤梨味…查看更多

好耐無打過邊爐，朋友話即慶不如晏晝打番轉，仲話知道呢間渝味曉宇重慶火鍋午市鍋底免運，一於去試試。我哋揀咗個鴛鴦鍋，皮蛋香菜拼普通辣湯，雖然係普通辣，但我都覺得足辣，皮蛋湯就夠清甜，而且皮蛋都都好靚。牛肉方面我哋揀咗安格斯優質肥牛，份量雖然唔算好多，但食得出係上品。另外鵝腸同毛肚都係必食推介，新鮮得嚟又洗得好乾淨。除此之外白鱔同牛心椗都係非點不可，兩款都新鮮爽口，白鱔我哋仲番點！其實仲有好多好食嘅配菜，講真樣樣都唔錯。…查看更多

我除咗鍾意食米線之外，我最鍾意就係食拉麵，但係香港嘅拉麵店成日都會有鹼水味，所以我都唔係好敢試，但係朋友介紹呢間別天神拉麵店，話拍得住日本嘅水準，於是就一於去試吓。望個餐牌唔算太多選擇，拉麵只有兩種風味，豚骨同埋蝦，另外可以轉埋套餐。套餐有兩款小食包括小龍蝦蟹子沙律，同埋餃子，龍蝦沙律加紫菜一齊食，唔錯嘅配搭，餃子亦得出色。豚骨拉麵，湯底真係唔錯，有好濃嘅豬骨湯味，麵質適中，叉燒正常size，不得不提佢嘅半熟蛋真係煮得唔錯，每一樣配料都好出色。蝦味噌豚骨湯麵，湯底同樣出色，比起豚骨湯面嘅湯底，多咗一層鮮味。…查看更多

今日同朋友行經尖沙咀，天氣咁熱最好搵啲凍野飲，消吓暑啦，見到呢間黑金堂嘅珍珠奶茶店，都有唔少人捧場，於是我哋都試吓。佢嘅配搭都幾特別，首先佢有六款茶底可以揀，包括：紅烏龍、四季春、伯爵、紅茶、鐵觀音同埋荔枝紅茶，另外仲可以加錢配搭兩款珍珠，黑糖珍珠同埋黃金珍珠，亦可再加牛奶，最後仲有五款慕絲俾你揀，包括：香草、玫瑰鹽、芝士、荔枝同埋焦糖。我哋分別點左伯爵黑糖珍珠加芝士慕絲，令一杯荔枝紅茶黃金珍珠加荔枝慕絲，兩杯嘅口味都好清新，茶底好香，兩款珍珠都好好味，不相伯仲，下次一定會試其他口味。…查看更多

朋友帶我去呢間快樂小羊打爐爐。佢位於旺角豉油街，以前應該係一間卡拉OK，所以佢佔地都好大，總共有兩層，而且裝修都好豪華。首先我哋點咗一個鴛鴦鍋，一邊係清湯，另一邊係麻辣湯底，除咗邊爐之外，佢都有唔少嘅小食，而且好多都係羊嘅食材。小食我地點左蒙式羊棒骨、烤串、香辣雲耳同埋手拍青瓜，羊棒骨真係必食推介，燒得好香，一啲酥味都冇，而且羊肉好嫩，唔老。火鍋配料都好多選擇，有好多影咗相不過無位post唔到出嚟，不過都乙要講一講，羊肉都有分好多種，我地點左一個塔拉上的快樂卷，雖然唔知係羊嘅邊一部份，但都已經好好食，真係算唔錯。…查看更多

今日朋友話帶我試吓新派嘅馬來西亞菜，呢間食店位於大角咀，我哋去都唔算太多人，望下個餐牌除咗正宗馬來西亞菜之外，都有唔少特別嘅款式厚切牛脷小食，顧名思義牛脷就當然非常之厚啦，而且亦都煮得好入味，我覺得第一個小食就已經值得推介玻璃魷魚加通菜，就咁通菜就食得多啦，加魷魚喺面就好少食到，魷魚都幾爽口朋友唔喜好肉骨茶，於是就叫咗清燉牛展湯，味道好濃郁，好香招牌去骨海南雞飯，油飯夠晒味，海南雞亦都好嫩滑，分量亦都唔細嚟呢度梗係要試招牌嘅多蝦湯麵啦，首先講個湯底就真係非常之濃郁，而且有一種獨特嘅味道，蝦亦都食得出好新鮮…查看更多