maxinewong's Profile

一向都知道澳門逸園中心多餐廳多美食，偏偏就未食過尼間磯野水產，一於今日同朋友慶祝生日嚟食下啦😝一入到去就見到餐廳中間有張枱，係比廚師燒完海鮮方便遞比客人，職員安排左窗邊窗口位比我嘅，可以望到銅鑼灣鬧市區風景😍當日嗌左原隻北海道象拔蚌同響鏍刺身，兩樣都十分鮮甜爽口。另外磯燒方面都嗌咗燒活蜆同帆立貝，最後仲追加左一份磯煮尾長魚。整體來講尼間餐廳絕對會令你感覺好似去咗日本咁，食物質素高價錢都可接受，適合同朋友黎飲下酒傾下偈🤭…Read More

/ 小鍋霸真正無限時超高質任食台式麻辣火鍋位於堅尼地城嘅呢間台式火鍋店，經過已經覺得好光猛，裝修風格同平時嘅打邊爐店好唔同，俾人感覺好乾淨企理👍🏻呢間火鍋店主打無限時，你想食幾耐就幾耐，最適合同一班朋友聚會🤣佢無論係湯底、火鍋配料定係台式飲品都選擇多多！我就揀咗最平嘅套餐，$298/1人包任食美國牛肩胛肉同埋西班牙無激素豬肉片湯底有台式養生鍋、古早風味鍋、台式麻辣鍋、或者蕃茄濃湯鍋，總有一個啱你心水😙而火鍋配料都幾特別，除咗有一般平時港式火鍋嘅午餐肉、牛柏葉、蟹柳等等，仲有好多台式配料，例如燕餃、甜不辣、新竹米粉等等🇹🇼我最欣賞嘅係佢提供台式飲品，有香芋雪香奶茶、愛民芒果茉莉花茶等等，喺平時火鍋店冇得飲嘅飲品😙📍 小鍋霸 (西環)西環卑路乍街80號Imperial Kennedy地下6號舖…Read More

回復晚市堂食之後都未帶屋企人出去食飯，佢哋話想食燒肉，所以就嚟食呢間好出名嘅韓式燒肉👌🏻喜來稀肉除咗喺銅鑼灣有分店，尖沙咀同旺角都有，好容易book位。三間分店都係前菜半自助形式，方便客人隨便添加，唔洗勞煩侍應，另外韓式包肉食嘅生菜同埋蒜片都可以任拎😝其實肉類唔使嗌太多都好飽，因為燒盤隔離嘅蒸蛋都係任加🤣食side dishes都食到飽🤭肉類嗌左牛肋骨肉、真雪花牛肉、濟州五花肉🥩整體嚟講啲肉都幾好食，冇咩雪味，燒完再配埋佢嘅韓式燒汁同埋生菜包埋一齊食就好好味😋每人最後仲有一支Melona雪條！好完滿！！…Read More

以前讀大學嘅時候最鍾意去創興廣場覓食，呢度有林林總總唔同菜式嘅餐廳，好多時都係打邊爐，咁啱今日同朋友都想食中菜，就入去呢間盈館啦！一入到去餐廳環境乾淨光猛，大概七點就已經滿座，晚市主要做小菜，而且有小食套餐，啱晒一家人或者朋友聚會👍🏻涼伴海蜇 ($68)小食叫咗海蜇，大大份而且係好少食到嘅粗海蜇，味道少少辣幾開胃北京片皮鴨 $168呢個片皮鴨好有驚喜，幾乎每枱都會嗌，因為性價比好高，隻鴨都幾大隻片出嚟都好多肉，食完呢個已經飽飽地西蘭花帶子蚌 ($168)喺酒樓食小炒一定要嗌返個炒海鮮，幾有鑊氣，帶子同珊瑚蚌都保持彈牙同埋鮮味十足，份量都好多下，值得叫黑金流沙包 ($32)晚餐時間見到流沙包，作為流沙包愛好者，一定要叫！黑金流沙包一咬開，流沙就流晒出黎，個包亦非常鬆軟，當飯後甜品一流，非常完滿…Read More

鮨勝 🍣九龍城龍崗道31號地舖$1380有18道菜式真係好抵食！前菜、熟食、壽司、手卷、湯同甜品樣樣都有齊，而且食物質素高，師傅好用心為客人講解是日海鮮出處，服務員都好細心，會留意客人一舉一動，適當時候添茶同準備下一道菜🫶🏻比較出色同印象深刻既菜式包括以下:- 京都豆乳配小川海膽 - 清雨煮鮑魚配魚子醬- 龍蝦汁松葉蟹肉蒸蛋佢嘅手握壽司貝類同魚類既比例剛好，我個人比較鍾意食貝類嘅壽司，以佢嘅石恒貝同帆立貝都係好鮮甜爽彈，正合我心意🤭而其中一個壽司係櫻花木薰赤鯥，師傅專登喺我哋面前表演薰魚，都幾特別，而經過火炙嘅赤鯥除咗有櫻花木熏香味，食落口亦能夠帶出魚油香味🤩最後甜品用咗超級甜嘅靜岡蜜瓜同香印提子作為結尾，圓滿地結束今晚嘅廚師發板😝下次會帶埋屋企人嚟食！真係值得回頭，食物好，服務好，而且價錢合理。…Read More

花貝日本料理 (銅鑼灣)銅鑼灣開平道1號CUBUS 6樓為咗慶祝父親節，所以揀咗呢間傳統日式居酒屋同屋企人一齊食下廚師發板👍🏻 一出獵見到餐廳門口好高級，室內環境都算大有吧枱同卡位，好好彩被分到坐吧枱可以欣賞廚師處理食材😍揀咗個板前 Omakase，每位$888(前菜三點、刺身五點、壽司十貫、手卷、湯、甜品)第一道菜有沖繩水雲、甜番茄配牛油果醬、鮟鱇魚肝。食落幾開胃，鮟鱇魚肝經過火炙更加濃味第二道菜刺身有薄切左口魚、牡丹蝦、有象拔蚌、深海池魚、大拖羅。每樣刺身都好新鮮之後就開始係壽司，分別有間八、伊佐木、真鯛、白蝦、赤貝、中拖羅、小肌魚、赤鯥、海膽、鯛魚乾食完壽司仲有海膽手卷，半個手掌咁長嘅開海膽超冰凍鮮甜，簡直係大滿足然後會有個雞白湯配手打雞肉，幾特別唔係麵豉湯最後一道菜係甜品有蜜瓜、黑糖蕨餅…Read More

今日又係元朗小店特輯🤭 之前已經聽過元朗一番哩個大名好耐，聽講係性價比極強既小店，今日終於去左試一試！我地前菜要左個2人前既粟米蟹籽沙律（$38），1個是日便當（$68），1客三文魚奇趣卷（$52），1客赤龍卷（$50）同1客水牛芝士年糕捲餅（$35）個是日便當的確不錯，晚餐竟然食到70蚊內既set，炸雞有驚喜，入口外脆內軟，三文魚同油甘魚都好厚身。味噌湯有好多海帶，正👍🏻三文魚奇趣卷可以一口一啖，入面有啲脆脆赤龍卷會跟埋一個黃色既汁，原來係芒果乳酪味，本身唔點汁都ok，但點左汁感覺有兩個唔同既食法，唔腬得黎好fresh🌱水牛芝士年糕捲餅，外層年糕脆卜卜，咬落去煙韌軟糯，芝士拉絲流心👍🏻👍🏻2個人食到捧住個肚都係每人130蚊左近，值得推薦😁…Read More

同朋友忽然好想食酸菜魚，見到附近有間就入左去試試。我地涼拌嗌左海蜇（$30），主菜要左酸菜魚（$168），同埋嗌左手切肥牛（$100），魚付（$26）同響鈴（$38）打住邊爐食。海蜇既涼拌汁係好香既麻辣，有啲想問老闆啲麻辣汁有冇得賣😂 主菜酸菜魚既魚好嫩滑，仲要配埋我最鐘意果隻薯粉，煙韌彈牙又掛到湯！手切牛肉都值得推薦，牛味香濃，性價比高👍🏻*嗌完野食之後先發現枱枱都係嗌香辣烤魚，下次可以再試！…Read More

元朗不嬲有好多性價比高既小店，經朋友介紹，就入左黎試下。夜晚7點去到，都唔算好多人，鋪面乾淨舒適。我地要左個2人套餐，佢有兩個價錢，我地嗌左貴啲啲果個試下（$218），要左4串串燒，酸辣無骨鳳爪，雞肉黃咖喱，薄餅，仲有2罐汽水😳 另外經老闆介紹，試左佢地個虎蝦刺身（$88），同埋朋友推介既芒果糯米飯（$65）。酸辣無骨鳳爪，香辣醒胃，用黎做前菜一流串燒（要左2雞，2豬）黎到熱辣辣，醬汁既花生味好香濃最推介既係虎蝦刺身！虎蝦好大隻，厚肉彈牙！廚師更將蝦頭炸得鬆化脆身！老闆話虎蝦刺身唔係每日都有，如果想黎食要碰碰運氣🤭另外有驚喜既係五色芒果糯米飯，一上菜見到5隻色已經即刻試下5隻飯係咪唔同味，再自己google下5色既來源。同時間，已經聽到老闆向隔離枱講解緊，黃色原來是來自南瓜（我估唔到哩個😆），藍色來自蝶豆花，綠色來自斑蘭，紅色來自紅糯米總括而言，坐低係餐廳短短一小時，已經感受到老細同侍應對店舖既熱情同有禮，難怪幾枱都係翻頭客（仲聽到有客人原來唔知佢地星期2放假，所以上次摸門釘，仲驚佢地冇做）👍👍…Read More

前排同朋友行完花墟，就黎左呢間 cafe，佢話成日見人係呢間cafe打卡，因為佢好中意紫色。一入門口就見到成間cafe都係紫色好靚，由其係打卡位既紫色吊椅，好靚🧡如有坐window seat仲靚，個邊放左好多紫色都植物/花，影相一流。天花樣吊既紫色植物勁靚，又係點影都好靚🧡飲品兩杯都叫左紫色，好靚💜💜分別係$45 紫薯波波鮮奶 & $45香芋波波鮮奶其實依家好多cafe 或者珍珠奶茶店都好小會有香芋，得返舊式/小店先會有，所以呢到有我都有驚喜。其實佢一沖既時候，我己經聞到好香芋，而入面用左類似其他既波波代替珍珠，但唔識影響係咩黎。小食叫左份簡簡單單既薯條，都香脆熱辣。主食叫左份蟹柳蟹籽意粉share，貌相都吸引，食落口勁creamy，岩哂中意忌廉cream y既朋友。另外，意粉加左木魚，食落去多咗一種日本嘅風味，但唔會好奇怪仲好夾。…Read More

同朋友係附近做完gym，就想搵啲好野食獎勵下自己！一齊去食街搵食，見到有座位嘅立鮨覺得好新鮮，平時叫慣外賣，都覺得性價比好高，竟然有得坐，一定要入去試吓！食物質素比平時外賣更好，始終都係較新鮮，而且坐bar 枱可以睇埋師傅點樣處理食材，師傅每次上枱又會介紹，好似食緊omakase咁🤣特別要提一提幾樣印象較深刻嘅食物：特選三文魚盛合有齊多款三文魚組合嘅壽司都只係$58，三文魚新鮮而且厚切，性價比真係好高珍寶赤蝦爽口彈牙，一件唔夠就encore 咗件大中吞拿魚腩壽司，用蔥花做咗少少調味令到拖羅冇咁油膩，而且係入口即溶！我覺得大中吞拿魚腩都一定要食！仙鳳趾厚岸真蠔，自從疫情冇得去日本，好耐冇食過咁大隻嘅日本蠔，即叫即開，有海水味好新鮮！雖然本身住港島區，今次只係咁啱嚟搵朋友，但係呢間分店有得坐，性價比又高，下次去開荃灣都會再嚟食！…Read More

打完第三針，終於可以出嚟唞吓氣，放工同同事想食餐好，去銅鑼灣覓食，行行吓就行到去大坑，見到呢間餐廳門面好有日本風，感覺好似去咗日本旅行咁，吸引我地去望一望個餐牌，都幾多選擇，而且難得仲有位，決定試吓佢🤭見到佢嘅set dinner都幾抵食，前菜刺身壽司炸物咩都有，諗都唔使諗就嗌啦！睿の盛宴 $680/人(前菜、沙律、刺身、壽司、湯、燒物、揚物、甜品) 前菜比較fresh同開胃，有藍梅醬甜蝦、三文魚籽山芋水雲、柑橘醋海蜇。真係第次食藍莓配甜蝦，甜甜地又幾特別，另外兩樣都係涼食，真係幾開胃！沙律係胡麻醬鹿兒島黑豚肉沙律，黑豚肉唔會overcook，幾好味成盤刺身擺盤好靚，每件都好厚切，冰凍得嚟又有鮮味！刺身包括有吞拿魚腩(拖羅）、油甘魚、帆立貝，最估唔到仲有金箔，多加一種矜貴嘅感覺嚟到主食嘅壽司有日本海膽、蟹肉蟹羔、火炙和牛、火炙大左口魚邊、深海池魚，壽司水準唔錯，火炙帶出炭燒味好甘香👍海膽夠新鮮，平時唔太食海膽嘅我都要讚一讚湯就係木魚花紫菜大蜆湯，仲有lucky三葉草！平時都好鐘意飲紫茶湯，原來加埋大蜆可以咁甜，大蜆煮得啱啱好又冇沙，值得一讚！燒物份量都好多，有磯燒鮑魚同埋薄燒安格斯牛肉蒜片卷，要讚下個鮑魚，煮得啱啱好，完全一下就可以咬落口！又係加咗金箔，完全滿足到我地鍾意相機食先嘅人🤣天婦羅就有松葉蟹腳、鮮蝦芝士腐皮卷、日本蠔天婦羅，天婦羅唔會落好多炸粉👍而且全部都係高質嘅海鮮，真係好滿足去到甜品部分已經好飽，法式焦糖慕絲都食唔曬🤣整體嚟講，依餐飯性價比真係好高，餐廳店員服務態度都好好，下次會帶屋企人嚟試！…Read More

厚福街一向都係覓食嘅好地方，呢間韓國餐廳主打石燒和牛漢堡扒，仲要選用100%澳洲和牛，俾埋爐具客人自己煎漢堡，好食得黎又好玩，可以滿足到情侶玩下煮飯仔！！餐廳除咗一系列嘅漢堡扒外，亦有意粉和牛丼，有單點亦有唔同套餐，好多唔同選擇。一入到餐廳唔算好大浸油煙味，原來每個座位都有抽氣管，呢個設計好特別好貼心，咁細條抽氣管好趣致😍我同男朋友今次叫咗一份二人餐，有兩份芝士蛋蒜和牛漢堡扒，月見味噌牛丼飯，沙律同餐湯, 共$338。芝士．蛋．蒜，原全係我地嘅最愛！芝士蛋蒜和牛漢堡扒，上台個陣雞蛋已經半熟，漢堡扒上台嗰陣喺全生，搓成球狀，加上蒜片和芝士條係上面，將漢堡扒切成一塊塊薄片咁黎煎，輕輕將佢煎一煎，大概三至五秒可以反一反，跟著不停咁樣重複煎，其實真係幾似玩緊cooking-mama 🤣好玩又好食👍👍👍👍…Read More

搬左黎黃埔半年，一直想試下呢到既酸菜魚。今次終於約咗朋友一齊試下。佢個二人餐比想像中平 $338 有主菜+2款小菜職員話小菜除咗呢兩款，仲有豬手同口水雞咁涼菜我哋就揀咗椒麻皮蛋，中間勁多香蒜。而個皮蛋橙透橙透，中間溏心勁好味！可能佢椒麻，唔辣，岩D唔太食得辣嘅朋友小菜我哋要咗口水雞，個外貌相當吸引，而且份量係屬於正常，無話因為太餐而減少份量好香麻辣，而且雞肉超級滑嫩，可以一啖有一啖係咁食，呢個辣度算少麻辣，唔知呢個小菜有冇得再加辣呢？自從冇得返大陸都少咗食酸菜魚水煮魚，久違嘅大大碗！太耐冇見一送上枱覺得好震撼酸菜魚我哋叫咗中辣，我同朋友都算比較食得辣嘅，所以我哋就覺得下次可以叫大辣大佬酸菜魚仲有啲蘿蔔片，一開始我習慣先飲一碗酸菜湯，十分開胃，又唔會過酸！而肉質都好滑，無骨既，食得好放心。個套餐仲有兩碗飯，配口水雞勁惹味，配酸菜魚就勁開胃，兩個人食呢個套餐好夠飽最後甜品要咗紅糖糍粑，其實我係第一次食！我朋友話佢每一次食酸菜魚或者水煮魚，一定會食呢個，佢話必食！當我哋食到778嘅時候，職員主動問我哋係咪可以想得甜品，睇得出佢即叫即炸！送上台時熱辣辣，表面有少少紅糖，一咬落去勁脆口，入邊就軟軟地，煙煙韌韌！好好味。雖然口叫好飽好飽！但我同朋友每人都各食哂4條，難怪朋友話必食啦…Read More

打完第二針真係好似後活咁，狂出街食飯！今日仲要去左食放題，已經好耐無食放題啦我同朋友咁難得黎食放題，當然食極緻放題因為有大拖羅 海膽 鵝肝任食首先見到自取既炸物都好吸引，個樣金黃金黃，望落唔似放左好耐。我地都拎左小小下，的確係香脆除左一般既飲品啤酒之外，仲有梅酒同清酒！熱清酒，個杯用返清酒杯 好可愛望到都流口水啊！刺身 & 壽司平時食中拖羅大拖羅都好貴，所以比貴小小食極緻係抵食既！當然新鮮，食落口即浴呢個海膽我地翻食幾轉！佢有兩款海膽刺身，一款係澳洲海膽，好香濃帶少少甘味。而另一款係豪華組合海膽，呢款我同朋友都好中意，係超濃郁既海膽，食落口既餘香好勁！壽司既賣相都好吸引！特別係大拖羅壽司，一款係白松露，另一款明太子！兩款都好好味，個人特別鍾情白松露，入口超級香濃另外佢仲有麻辣小龍蝦，我自己本身就唔係太好，所以只係叫左2隻試試先。而我朋友本身就好鍾意食，所以佢之後再encore叫咗碟自己食。個鵝肝雖然望落好似好油，但其實佢係屬於鵝肝本身嘅油脂，所以我接受到無問題。 鵝肝又係我好鍾意食嘅嘢，好香濃！雜物串燒都唔可以缺少，佢仲有炸榴槤！不過我就冇食啦但我見我朋友食咗兩轉我好鍾意食芝士，所以嗌咗佢嘅炸芝士！鍾意芝士嘅朋友一定要試！最後嘅甜品區我哋就冇食，因為實在太飽眼見佢選擇都唔少，而且啲份量都係1口份量！總括嚟講我覺得食物質素好似比以前好咗，而且刺身係超級新鮮！個人覺得極緻放題係好值得貴少少，因為你食到嘅刺身係正好多！…Read More