yan ~~'s Profile

四點幾行街行到累，隨意係openrice找間多好評餐廳食，呢間泰國餐廳無下午茶餐，所以無人，職員就有幾個。裝修就唔覺似泰菜。得主餐牌揀，無set。款式都算多隨意揀兩個有圖片嘅食物，生蝦新鮮，辣椒好辣另一款菜等左超過二十分鐘以上，見我坐咁耐開始望，佢先俾杯水我飲，同我講話要焗比較耐咁我飲住杯飲品繼續等，熱情果梳打酸酸甜甜幾解辣。終於等到，賣相幾吸引，好香，上面有兩隻大蝦，兩隻青口。內裏有魚，有魷魚，椰肉，唔算特別汁就剩返好多，如果有飯配會好D總括下午茶時段食三百幾蚊唔太抵，因為好多泰國菜店有下午茶時段，食物水準普通未見突出，都唔明白點解咁多好評…Read More

等開始，未夠十二點無得入入到去當然係打咭先行入D睇下先，四圍都係朋友至愛紙巾都有當然係叫嘢食睇係有冇上網介紹咁靚先得豆腐好普通，得個皺摺嘅樣，味一般海膽靚，但唔算鮮被下有六件壽司，指定款無得揀，可以講好一般得個樣靚。飲品正常唔特別，飲完可以洗乾隻杯拎返屋企，有D煩要洗最好係雪糕，除靚外真係好食最後睇餐牌睇下有冇其他嘢好食意外驚喜拼盤好食好多，材料新鮮，鮮甜，原來無公仔樣嘅先好食😅我覺得唔係想呃Like同至愛LittleTwin Stars都唔推介食…Read More

放假當然要食餐好，出望到個魚缸好似食酒樓咁😂，無book檯12點就walk in試下，好彩有位。但入內感覺又完全不同，好舒服，但檯就細左D，放食物有D迫。午餐D同H都好吸引唔知揀咩，朋友見我唔知揀咩好，佢明明揀左E都就我，最後揀左D同H😊揀好左就出左去沙律吧揀住前菜先煙三文魚一般多士好脆主菜上，嘩好吸收，唔係放得太靚，但超好味，好鮮，海膽怪嘅我，食到停唔到囗呀另一個主菜又係無得輸，超吸睛，龍蝦肉爽，蟹肉鮮甜總結坐得舒服，主菜出色。如果沙律吧多款式D就更好…Read More

出後向左，門面細細但內裏環境整齊，裝修簡潔，但唔知點解有一隻蚊滋飛來飛去，座位同座位好近，隔離檯講咩都聽到。午餐唔算多款，得四個選擇是日餐湯幾香滑錯處開始來，叫D餐佢送來B餐，佢話佢聽到B囉，我屋企人唔食海鮮唔食辣，點會叫B，算數，你落錯，我都唔想你難做，我照食，麵味道唔錯，但蝦唔算鮮甜。本來德國腸意粉係我食，但屋企原本碟雞來錯變左蝦，佢唔食，只好食腸，但腸味道唔啱最後只食哂意粉，我食埋腸。影完菇都未食，用緊手機，佢就收碟，我都未食，跟住佢話你未食完放返隻碟俾我，但你已掉左紙巾係上面，我點食呀趕客咩。餐飲蘋果汁，味一般，但唔明點解我無冰，隔離檯兩杯都有冰咖啡香濃總括食物係有水準，但服務就錯漏百出，百幾蚊餐飯換來茶記服務😭走時有同另一位餐廳員工講，佢有同我講唔好意思，但我已經無信心再去。…Read More

返足十日工終於放假，出街食餐飽先得，用openrice訂檯有9折，兩點半去到，人很少，如同包場。下午茶唔係太啱口味，叫左個主菜食西班牙海鮮飯好豐富呀，蝦大隻夠鮮甜。青口煮得過久有D韌。 飯加入左三色辣椒增添香氣。還有櫻花蝦好味分量足夠兩人份量，好飽。飲品都幾多選擇荔枝特飲，清涼好解渴，最啱夏天飲。寫埋意見調查表，有焦糖迷你燉蛋送焦糖燉蛋好香，幾好味。見到甜品好吸引，但食完飯已經好飽飽，再食唔落甜品，只好下次再食。…Read More

每年這位朋友生日，我都會係openrice揀間800+日本菜請佢食，今年揀左紫，訂座第二客半價，慳返少少😂門口位置很寬敞入到餐廳內一樣無壓迫感，很有個人空間，座位同座有一定距離。朋友揀左廚師特選我就揀刺身(9)種配飯日式蒸蛋，材料足，夠鮮，但分量就少左D有機野菜沙律，菜種類多，有無花果，菇，粟米仔，很香，很好味魚生超厚切，有口感，海膽好正上菜時侍應會講解每款魚名稱，介紹由邊款魚開始食先。鐵板燒就火候差些，鮑魚滑，但唔香。牛我唔食，但朋友話ok芽菜超青味，我同朋友試左兩條完全唔想再食炒飯足料，粒粒分明，夠味甜品有幾款口味雪糕揀，梨味個面嘅粉味怪怪的，唔太啱口味，白芝麻就正常唔突出。總結，刺身出色夠新鮮，想再去。鐵板燒師傅就差些火候，價錢同質素有距離，有進步空間。…Read More

睇網上飲食推介見好大塊花膠，好吸引，專抽時間來試。地方易找，好近地鐵。餸都有幾多選擇，有平有貴，但有設最低消費25元。用筆直接圈幾環保，容易睇，又唔怕剔錯一場來當然要點招牌花膠啦，點知失望，係碎花膠，廣告就一大塊，實物就係碎，分量算多，但無用，最大個塊都得手指尾咁大，無口感。豬軟骨全部都硬，完全唔軟，煮得未夠時間，無一條係軟。日式叉燒，超肥，入口全肥油味😰，增肥咩😥總捨得溫泉蛋好食，其他就好失望…Read More

想食片皮鴨好耐，難得中午有時間又約到腳即係去試烤鴨，無book到位，餐廳十一點半開門就上去碰下運氣，超好彩還有一張檯，經理話一點要還檯，無問題一個半鐘夠哂時間食地方光線充足，環境夠整潔，座位寛敞，檯同檯中間有足夠空間唔會迫。睇下餐牌有咩揀，有花茶，簡直係意外驚喜，點個瑰麗堂煌歎下先。茶香，淡淡玫瑰荔枝香氣，好喜歡❤得兩個人食，叫住半隻北京烤填鴨試下先，嘩好香呀。師傅首先片出五片一口酥鴨胸皮，一隻大約有十片，經理建議加糖食夠香脆，還可以加自家製蜂蜜黄梅醬食又另一種口味。一口酥口感香脆，真係想食多幾片。鴨肉片得好靚，熱辣辣香噴噴，隨意拍完照即食，忍唔住囗，皮脆，肉夠嫩，又唔會有肥膏。二百蚊都唔洗有半隻，真係抵皮很薄，很軟，每塊皮下面都有一張薄紙隔住下一塊，很貼心，唔會令皮黏埋。又可拎住張紙方便包金銀炒鱔糊，鱔夠口感。經理還贈送腰果露，超開心，腰果露好香，夠濃滑，唔會稀，面層還有細粒腰果碎增添口感。見未夠鐘交檯，食埋碟餐前小碟花生，飲下茶傾下計，原來碟花生都好好食，好脆口無油味。真心覺得好食，服務又好，下次會叫多幾個朋友再去，試多幾款餸。…Read More

見新開試下先，都好近港鐵站，B出口行唔洗一分鐘就到，門口道門好重好難推，好彩職員主動幫忙開門，扺讚。店地方偏細，目測得九張櫈，一張長檯坐七個人，一張高檯坐兩個人，但眼見五個大隻男坐已經剛剛好，多兩個我諗都幾迫。兩點半來到已經無哂是日頭盤，得返飲品。叫凍柚子茶點知來左熱紅棗桂圓茶，算啦，個天都叫我唔好飲凍嘢。揀左個C餐，等大約五分鐘就有得食個蛋整得好靚好滑，咖哩汁唔辣，易入口。蛋開出來，係炒飯，炒飯底唔似即炒，似一早做好再反叮，口感欠奉，香氣唔夠。魚滑，但面層可以煎香少少更好。個蛋真係整得好好，其他食物方便就還有進步空間。…Read More

近期心情差，book間至愛海景餐廳同朋友食個飯開心傾下計。個海景真係好靚，望住心情都好D餐廳光線充足，環境優美，但梳化就舊左D。有中文餐，但全間餐廳無一個侍應生識講中文。餐包得一款無選擇，包面脆，內裏軟，暖暖地，侍應即時剪香草加入欖油中。火灸赤身同鮭魚好鮮。芹菜頭湯鱸魚配羽衣甘藍，但我平時食羽衣甘藍唔係咁嘅樣，佢似菠菜多D。吉列黑豚，炸完都肉嫩，好靚。雜菜天婦羅，炸得好好，唔會多炸粉，炸完都食到食材原味。薯蓉好多，湯碗咁多，好滑，真材實料，唔會似其他餐廳開粉。紅豆綠茶雪糕飲品就偏貴130元，但好好飲超好坐，兩點半落場，侍應生拎帳單來要埋單先，但坐到差不多四點都無人趕你走。…Read More

最鍾意上openrice睇有咩新餐廳，嘩睇到花膠女人對眼就發光，女人唔補好易老，今日得閒，一於拉同事去試，東大街唔算難找，一即行到街尾就見。一場來到當然叫個撈喜豪華餐試下。地方唔大，坐位大約二十個左右，好彩兩點半來到，唔多人。原來三點至六點休息，我見好多人同我一樣睇左花膠推介專登來試，但三點後想食都無，失望走左。原盅花膠湯，足料，飲落好香甜，有杞子，紅棗，雞腳，花膠，同豬肉，感覺好補😂生菜好大盤完全食唔哂，實在太多啦豬頸肉食落香口，但凍左就有少小肥油溢出花膠撈麵，麵普普通通，花膠夠大，但薄身左D，如果厚身D口感會好D，但諗起150元都唔洗有花膠，要求都唔好咁高，厚花膠就唔係咁嘅價位。…Read More

放假來澳門玩下，休息下，酒店個景真係好靚，游完水已經八點幾，累累地唔想四圍去，係酒店睇下有咩食先，有二百幾元任食火鍋，但侍應生話十點要關門，要食火鍋會好趕，所以無食到。散叫左兩籠蟹肉小籠包同海南雞飯兩人分來食就夠。蟹肉小籠包包得好靚，皮薄又唔會穿，一咬開，汁超多，好鮮，好熱要小心燙傷嘴，好好味所以食完一籠再叫多籠。睇到餐牌就想食海南雞飯。上檯同餐牌幅圖一樣樣好吸引，雞好鮮嫩，夠滑，無雪味，菜甜，香飯唔油。…Read More

特別的你生日，當然揀間好餐廳同你慶祝啦，明知正日生日你要同屋企人過，就同你預祝先啦。間店分兩層，下層有維港景同馬場景揀，上層就分左四間獨立房，有細有大。今日中午好少人來，得兩檯客，我坐維港呢邊，到走都係我地包左張檯職員好有禮貌問要快食定慢食，放假當然揀慢啦。慢慢上菜，廚師一路講解點煮點食。揀食物就當然揀左呢間店最出名西班牙紅蝦餐同鮑魚餐。凍海膽蒸蛋好正，海膽好鮮甜，蛋好滑和風沙律菜普通。魚生拼盤新鮮，但三文魚未算肥美。帆立貝，煎得幾好唔會過火大根鵝肝，鵝肝唔夠大同厚欠左少許，唔夠喉，大根甜，隔離個汁太稀做唔到圓點。主角上場，嘩!我手短定蝦長😂😂好大隻呀蝦肉肉質唔係爽，係偏軟身，味好香，好鮮，好好食呀，蝦腳煎到好脆。鮑魚嫩，爽，原來鮑魚有牙可以食得，我真係今日先知😂😂😂物盡其用，頭先D蝦殼拎左去煲麵豉湯，蝦膏拎去炒烏冬，平時唔飲麵鼓湯嘅我都飲哂，個烏冬食到停唔到口，超級正。豚好食，有肉汁，朋友話牛就麻麻地。炒飯魚仔偏鹹，如果轉做櫻花蝦就完美。飯後還有雪糕食，海鹽雪糕幾好味。傾下食下，食足兩個半鐘，好滿足，坐得舒服無人催你走，侍應還好貼心我話想杯茶熱D,佢換茶換埋杯，唔會係凍茶上加熱茶，茶熱係好飲D，食飽飽侍應還帶我地上上層參觀四間VIP房，服務真係一級好。我一定會再去。…Read More

話來灣仔行街，講左一年先來😩，但見你唔舒服都陪我行，又唔想你辛苦，見我望住雪糕店你就知我諗咩，我真係想收花，係咪每個女人都想收花呢，間店四圍都有鮮紅玫瑰做佈置，感覺浪漫。但重點當然係雪糕，望落雪糕口味都幾吸引。雪糕花可以揀一至三款味，但價錢都唔平78元三款味，但一場來到，我貪心點想要試三款味好靚，多謝哂，我好鍾意收到你送嘅花但食落味道就一般，玫瑰味香，但淡，桃味酸酸地都算清新，雪糕溶得快，要盡快拍照，個筒唔好食，同埋得個面有雪糕，個筒一點雪糕都無。但食一次就夠，回憶係你嘅心意…Read More

本來無訂檯無位，好好彩個個唔等走哂，等左半個鐘就有位，太開心喪叫食物。餃鴛鴦鍋188，👨揀左麻辣鍋，小辣，我要靚就揀美人鍋。發現湯底好足料，好大隻烏雞，早知唔洗叫咁多嘢食。手工丸12粒，樣樣試齊，夠爽但唔太特別餃子拼盤10粒，最好食係鮮蝦雲吞鮮炸響鈴，即炸好脆，好香。 涮鍋小黑羊肉片，唔羶，肉嫩唔韌。極上雪花肥牛，我唔食牛，但朋友喪食雜錦蔬菜盤，菜唔算太新鮮。海鮮拼盤，蝦夠大夠鮮，帶子甜餐後有免費甜品，好多口味雪糕同沙冰揀，益力多味沙冰，酸酸地，幾好味。豆腐雪糕好香濃。真係叫得太多，飽到食唔哂，最正係個湯底，其餘就好普通，得鮮炸響鈴好…Read More